居食屋「和民」 (皇室堡)

营业中

休息中

今日男朋友簽到project，近近地去佢返工附近慶祝，由於我都幾鍾意食日本野，可以直接去咗皇室堡和民，記得以前中學都成日去和民食lunchset haha 我就叫咗個鰻魚飯，$109係一般鰻魚飯一般牛肉飯，估不到佢啲飯幾好食因為飯粒都好煙銀，鰻魚唔算話太厚肉，不過勝在唔係太多骨，咬落去都幾滿足。牛肉都唔錯啦用嚟撈飯幾正。另外我哋都叫咗個三文魚牛油果壽司，呢個壽司嘅飯粒就整得唔太好不過牛油果味同三文魚好食。另外叫咗個椰菜大阪燒，椰菜大阪燒整得唔厚粉，推介。另外都叫咗個Pizza$49，叫咗個照燒雞肉pizza餅底薄薄地不錯。

和民 今日去銅鑼灣見客，皇室堡超級多人，想簡簡單單搵個安靜小小嘅地方一齊食飯，所以上到去4樓見到和民，又唔使排隊排好耐，就入去食。我哋叫咗個和民沙律，呢個沙律都幾唔錯，我幾鍾意佢嘅醬汁，酸酸甜甜，沙律入邊仲有幾塊牛肉呢個配搭都唔錯。另外我哋都叫咗個燒牛小排，牛小排嘅質素都唔錯，好似係$120左右， 不過呢由於唔係職員幫我地燒所以我哋燒得太窿浪費左幾舊，但係如果笑得好嘅話佢嘅牛味好香油脂分布都OK。另外我哋都叫咗個牛肉壽喜燒，我最鍾意入邊有一舊類似麻薯嘅嘢，考落去好似年糕仲嗦啲湯汁。最後都叫咗六隻餃子$35兩個人即刻飽晒。人均大概150

星期六夜晚 同朋友兩個人食飯周圍都好難搵位 去咗皇室堡搵食 食咗燒牛肉 三色飯卷 日式甜品 仲有塊超好食嘅雞扒 雞扒十分加分 食完之後仲叫咗杯珍珠奶茶同綠茶甜品 三色飯卷芒果味有驚喜芒果好甜 三文魚牛油果配搭好好 燒牛肉略嫌份量有啲小 不過都唔錯自己燒有時玩玩下會搞到好大煙 餐廳環境都唔錯兩個人可以坐到四人為好闊落珍珠奶茶略嫌有啲甜 如果大家叫一定要叫佢少甜 甜品唔錯都有驚喜鍾意底嘅脆脆 兩個人叫咗四樣食物加一杯飲品同甜品都已經好滿足好夠飽整體都好滿意 下次要試吓其他嘢食先

睇完戲同朋友係銅鑼灣食和民，叫左3樣野，鐵板椰菜燒，牛肉鍋加25%份糧同烏冬，我地叫左壽喜燒湯底，同埋日式餃子，鐵板椰菜燒入面有芝士同雞蛋，面頭有啲燒汁漿，賣相十分吸引，好重芝士味，朋友覺得有啲漏，我覺得岩岩好，好好味。牛肉鍋料好多，不過黎到啲料已經係哂個鍋入面，煲左好耐都唔滾，啲牛黐埋一舊，好彩味道唔錯，啲料都新鮮。餃子好味，有啲汁，點左醋食，配合得好好。餐廳服務唔錯，兩個人食都係二百幾蚊，價錢適中。

係銅鑼灣唔知食乜好，就同朋友隨便嚟到呢間餐廳😅。🐟石鍋鮭魚&帶子蒜蓉牛油飯（$78）上菜嗰陣時啲三文魚同埋帶子係未熟嘅，所以要撈埋啲飯，一齊煮熟佢。反而覺得呢個抵食過天婦羅，起碼有四片薄嘅三文魚同埋三粒薄嘅帶子。個人覺得加得太多燒汁，蒜蓉比較重口味，所以我拎走咗個舊蒜蓉牛油調味料。拎走左之後仲有好大陣蒜蓉牛油味。🍤盛滿天婦羅盒子飯（$108）都有兩隻大蝦，但係其他全部都係蔬菜😓皮太厚同埋炸得好油膩，食到好滯。侍應嘅服務態度唔錯，環境都👌🏻。係一間晚餐比較唔貴嘅日本餐廳，我就唔會特登嚟啦。

年廿八與家人黎食晚餐，安排了很適合家人聚餐的位置。叫了一個4人及2人套餐，再加點壽司，食物全部都很美味。那天很多人在外面排隊，但大家都很耐心地等待安排入座。員工做到無停手，見到都覺得佢地做得辛苦，但服務員在咁大工作量的情況下，依然全部都很有禮貌，甚至面帶笑容，我和家人都一至認同員工的工作能力和質素。很開心的晚餐，家人也很滿意，物超所值。推薦食物:5式壽司 (共10件)薄片三文魚壽喜燒和豚肉火鍋鰻魚飯

舊同事在日本旅行完，順便帶了些手信感覺很久也沒有和他們食過飯了想近近地又經濟，便揀了這裡GATHERING帆立貝刺身 $ 68新鮮而且頗清甜，不錯赤蝦刺身 $58蝦刺身而言，未算很鮮甜不過不失三文魚牛油果卷 $78每次來到都必點的壽司牛油果口感幼滑，三文魚沒有腥味不錯芝士凱撤沙律 $58芝士很多，麵包粒很脆沙律菜新鮮，蛋流心度高份量其實也不少，但四人分始終不夠下次應該叫兩份有機蕃薯南瓜天婦羅 $58天婦羅炸得很脆，炸衣厚度可以南瓜和蕃薯但未算很甜，合格厚燒玉子 $38皮有點硬，玉子入口不算鬆軟是頗失色的玉子燒鐵板餃子(5PC) $35雖然沒有日式氤子面的薄脆有點失望但餃子皮勝在夠薄，驚喜的有ENCORE的衝動豚骨湯擔擔鍋(免費追加野菜盛一份 ) $138天氣凍當然是要食鍋物湯底帶微微辣，不錯娃娃菜令整個湯底都很甜豚肉片半肥瘦適中美中不足是豆腐量很少，不夠分檸檬梳打酒 $38沒有酒味，像飲檸檬梳打水感覺寧願收貴點加多少少酒會較好對於酒鬼的本人而言，表現很差總括而言，味道方面就不過不失畢竟這個價位也不可奢望太多晚上滿座，不夠人手的感覺，服務不過不失以價錢而言和民是很經濟實惠點了一大堆野食最

下午茶食小食， 真係好難食首先叫咗一個三文魚牛油卷， 賣相肉酸又乾又細，件件唔同size。唔好食，好失望。叫咗個日式pizza， 唔脆，唔夠熱。串燒冇香味好乾身， 醃得唔好食。天婦羅真係食到一口油。好過份。和民一次比一次差。

好耐無食過和民 所以係openrice 到訂位見佢地換左新menu 所以就叫左d 新野香炸北海道產水牛芝士 $48睇佢menu個圖好吸引 但係黎到就有d失望😔芝士無味 一定要沾ketchup先得剛上枱時仲熱 所以都有拉絲 但係放左大概10分鐘就咩拉絲都無曬 可能真係希望越大失望越大啦😟南瓜&日本有機蕃薯天婦羅 $58 蕃薯同南瓜都好甜 cp值係當日最高金槍魚刺身$58就係普通嘅tuna sashimi 無咩特別串燒盛合(5串) $68以前嘅串燒無分雞腿同雞胸肉食起上黎雞腿肉真係滑好多 所有串燒都有淡淡鹽味 好味😋😋 連個樣最麻麻地免治雞肉都好味👍🏻和民石鍋泡菜飯 $78又係一個睇圖好靚黎到失望嘅食物 😔個飯黎到上面d 料亂曬 d肉碎又鹹 😵拌飯真係要去韓國餐廳食先得🥺

終於和朋友一聚沒甚麽想法於是選了和民左揀右揀，揀咗個二人餐，再加個玉子從前和民嘅印象係唔抵食唔好味經過今日，有少少改觀咁啦玉子麻麻地，好似蒸熱咁，味道少少甜個pizza好求其🙈蜆肉湯烏冬蜆味香，烏冬煮得剛剛好，湯好甜好欣賞個沙律煙三文魚撈咗沙律油沙律菜算新鮮麵包粒脆卜卜番茄牛肉鍋都番茄新鮮煮嘅牛肉都好好味煮埋啲菜，連小朋友都鍾意食

同朋友食飯，本身諗住食火鍋但最後都係決定散叫，我地嗌咗啲壽司嘅石頭鍋飯同埋大阪燒。壽司就普通麻麻，放題嘅質素。石頭鍋飯和大阪燒就不錯，大阪燒大大份，又熱辣辣的，幾好味。

唔打唔撞入左黎😅😅😅本身係想去甘味🤔🤔🤔🤗🤗以前呢個鋪位係甘味一上到4樓就直接入左呢間坐低左睇餐牌😅😅先知原來係和民😅😅😅😅甘味搬左過隔離😑😑😑😇😇緣份。。。。。😇😇😀😀咁就照食啦😀😀清清地蜆肉烏冬🍜🍜味道唔錯😙😙蜆無沙👍🏼👍🏼送沙律🥗同飲品🥤6x算唔錯啦👍🏼👍🏼👍🏼🎉🎉🎉🎉🎉🎉🎉🎉🎉🎉🎉🎉🎉

已經好耐冇食過和民，以前和民既質素都ok，今次係附近經過就去食個lunch啦點知味道差左好多，份量又細，真係唔太抵食唯獨滑蛋吉烈豬排飯味道唔錯，但厚燒玉子真係好差，平時既玉子燒應該黃黃地色，呢到顏色偏淡，食落咩味都冇，真係冇下次😫不過服務員態度好好，值得一讚

好耐好耐都無光顧過和民一嚟覺得唔抵食，二嚟菜式唔吸引😅今日會入去，係因為朋友話要食有菜有蛋日本野好配合，而且唔想去壽司店，接觸太多生嘅食物我地嗌個2人餐，再加咗燒玉子三個大人，一個bb仔，啱啱好食完呢餐，加咗分，下次可以再去番茄牛肉鍋，應該係肥牛，唔會太多肥肉份量都可以，每人食咗兩三片香草醬加番茄煮開咗好香，忍唔住飲咗兩啖呢個pizza就有點求其🙈🙈但加咗芝士乜都好味真係好多蜆肉嘅烏冬(唔會得個殼😂)烏冬湯都有少少蜆味煙三文魚幾厚切下，加咗沙律油沙律菜都算幾新鮮，最鍾意麵包粒，脆卜卜燒玉子，望落中規中矩因為成碟都俾咗bb仔食

和民喺00年代係好有名氣，其中以服務質素仿效日本文化見稱。我記得第一次食和民嘅時候，一入門口就受到禮賓式對待，侍應落單會用半跪方式，直至落完單，當時嘅我覺得賓至如歸。喺我嘅年代，和民係一個代表黎。近年和民走現代同fusion格調，以前嘅落單模式已經被取代。餐牌上面亦都見到有混入少少韓式元素或西式嘅食物。近年太多日本餐廳嘅出現，好多人都開始忽略和民。面我今日同友人去銅鑼灣，唔知食咩好嘅時候，竟然揀左和民。我地一入到去，睇哂成個餐牌之後就揀左2人套餐，因為2人套餐包好多野食。點完餐唔洗3分鐘，上齊前菜，沙律同飲品。凱撒沙律，啲菜好新鮮，賣相都唔錯。飲品個柚子梳打很不錯。薄切意式三文魚味道似煙三文魚，都幾好食。牛肉壽喜燒用明火燒住，啲料好豐富，個湯底都好好味，都唔會太甜黑椒糖脆雞翼真係好脆，入面好多汁，同埋醬汁好味石鍋黑椒牛肉飯牛油味好香，牛肉係生放上面，靠鍋嘅熱力整熟啲牛，所以好嫩滑。整體嘅用餐經驗好好，食物水準以呢個價錢黎講算係幾好。