尚品百好冰室

今日専程坐车落嚟西湾河呢间尚品百好冰室食午餐，午餐时段到店，已经有好多食客食紧午饭，幸好有空枱比我坐低，就睇下个餐牌，最后点咗呢个焗芝士黑椒汁牛脷饭套餐，跟个罗宋汤，多汤渣，好浓郁好够味，牛脷饭随后送上，份量刚好，炒饭底，捞黑椒汁食好味道，黑椒汁带点酸味，唔太辣，牛脷厚切大块有四块，软淋香滑，味道唔错。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

上次去西湾河买嘢，经过入去试咗肉燥猪扒捞米线，食𠮶时觉得几好味，睇得出全部都系街坊客，老板员工都好有人情味钟意同啲客打牙骹，不过唔知系咪因为天气太热的问题食材唔新鲜？我返嚟屙咗好多次。…查看更多

原来侄仔未食过冰室，咁就近近地带佢黎百好。第一次黎系星期日下昼。白汁猪扒焗饭份量超大，最适合青春期少年！抵赞嘅系，猪扒帮大家切开咗，食起上黎好方便。天使魔鬼炒饭呢个出现喺下午茶餐牌，睇过名唔知系咩，黎到先知系元贝炒菜饭，非常开胃。一支匙羹可以KO晒成碟饭，非常适合懒人。西多士另外单点咗件西多，会比支韩国蜜糖你自己加。侄仔话个头嘅设计唔错，可以防止一次倒太多。不过如果可以改用厚多士真更加和味喇！座位坐咗中间台，略嫌窄咗少少。两个星期之后，侄仔又话想食多次百好。今次佢叫咗肉酱焗饭，份量太多，佢竟然食唔晒！我就要咗XO酱炒公仔面，虽然个样好颓，但食落都几滋味。题外话，几乎每次黎到百好，都会见到倒泻水，原因系刀叉太重，洗时好易反杯。侄仔就教咗我正确洗餐具的方法，佢话运用咗物理学：不过侍应阿姐见到咁样就阻止咗我地喇，无奈～希望冰室员工可以都试下同后生仔女混熟，留住佢地嘅心～…查看更多

谂住黎试下呢间西湾河老字号，点知由落单个刻就受到不友善对待，某位侍应姐姐落单开始就串串贡，我做食客好心提多句走甜，佢就唔耐烦。落完单之后，佢仲小李飞刀咁车张单埋张台上面，期间仲要嘴藐藐，好似入黎帮衬系得罪你咁样。讲真呢间做开街坊生意的茶餐厅，野食正正常常都够做，但个姐姐令我食碗面都背脊骨落，成个感受就系好唔欢迎你黎，讲真咁既体验令我唔想再黎。希望餐厅见到可以帮手提下个姐姐唔好再咁样对客人、咁样赶客。…查看更多

一朝早谂住食个靓早餐，本身心情好地地，就系俾呢间咁低质素嘅餐厅搞弯晒个心情，极之失望！！！！！！！！！！！！！！！我明明真金白银俾钱要茄牛通(有单有据)，点解会变左普通汤？？？？？？？？？？？？？？？？？？？？有图有真相！！！！！！！！！哗！咁呢间餐厅年终都真系悭唔少钱㖞！系未训醒定唔识字？！！！！！！！！！！！！！！！！！！！痴线，真系好过份，咁简单都做唔好！！！！！！！！！！！！！！！！！！！！！！！！！！！！！！…查看更多