尚品百好冰室

今日専程坐車落嚟西灣河呢間尚品百好冰室食午餐，午餐時段到店，已經有好多食客食緊午飯，幸好有空枱比我坐低，就睇下個餐牌，最後點咗呢個焗芝士黑椒汁牛脷飯套餐，跟個羅宋湯，多湯渣，好濃郁好夠味，牛脷飯隨後送上，份量剛好，炒飯底，撈黑椒汁食好味道，黑椒汁帶點酸味，唔太辣，牛脷厚切大塊有四塊，軟淋香滑，味道唔錯。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

上次去西灣河買嘢，經過入去試咗肉燥豬扒撈米線，食嗰時覺得幾好味，睇得出全部都係街坊客，老闆員工都好有人情味鍾意同啲客打牙骹，不過唔知係咪因為天氣太熱的問題食材唔新鮮？我返嚟屙咗好多次。…查看更多

原來侄仔未食過冰室，咁就近近地帶佢黎百好。第一次黎係星期日下晝。白汁豬扒焗飯份量超大，最適合青春期少年！抵讚嘅係，豬扒幫大家切開咗，食起上黎好方便。天使魔鬼炒飯呢個出現喺下午茶餐牌，睇過名唔知係咩，黎到先知係元貝炒菜飯，非常開胃。一支匙羹可以KO晒成碟飯，非常適合懶人。西多士另外單點咗件西多，會比支韓國蜜糖你自己加。侄仔話個頭嘅設計唔錯，可以防止一次倒太多。不過如果可以改用厚多士真更加和味喇！座位坐咗中間檯，略嫌窄咗少少。兩個星期之後，侄仔又話想食多次百好。今次佢叫咗肉醬焗飯，份量太多，佢竟然食唔晒！我就要咗XO醬炒公仔麵，雖然個樣好頹，但食落都幾滋味。題外話，幾乎每次黎到百好，都會見到倒瀉水，原因係刀叉太重，洗時好易反杯。侄仔就教咗我正確洗餐具的方法，佢話運用咗物理學：不過侍應阿姐見到咁樣就阻止咗我地喇，無奈～希望冰室員工可以都試下同後生仔女混熟，留住佢地嘅心～…查看更多

諗住黎試下呢間西灣河老字號，點知由落單個刻就受到不友善對待，某位侍應姐姐落單開始就串串貢，我做食客好心提多句走甜，佢就唔耐煩。落完單之後，佢仲小李飛刀咁車張單埋張台上面，期間仲要嘴藐藐，好似入黎幫襯係得罪你咁樣。講真呢間做開街坊生意的茶餐廳，野食正正常常都夠做，但個姐姐令我食碗麵都背脊骨落，成個感受就係好唔歡迎你黎，講真咁既體驗令我唔想再黎。希望餐廳見到可以幫手提下個姐姐唔好再咁樣對客人、咁樣趕客。…查看更多

一朝早諗住食個靚早餐，本身心情好地地，就係俾呢間咁低質素嘅餐廳搞彎晒個心情，極之失望！！！！！！！！！！！！！！！我明明真金白銀俾錢要茄牛通(有單有據)，點解會變左普通湯？？？？？？？？？？？？？？？？？？？？有圖有真相！！！！！！！！！嘩！咁呢間餐廳年終都真係慳唔少錢喎！係未訓醒定唔識字？！！！！！！！！！！！！！！！！！！！痴線，真係好過份，咁簡單都做唔好！！！！！！！！！！！！！！！！！！！！！！！！！！！！！！…查看更多

Food was good. Affordable price. Waitress middle age woman got an attitude. Speaking in chinese like we dont understand what theyre saying. Couldnt enjoy the meal because theyre talking behind our backs rushing us to eat and go while the other table started before us, eating while talking on the phone. Wanted to come back but the service was just disappointing. How we wished we dont understand what theyre saying.…查看更多

今朝咁啱要陪朋友喺西灣河買嘢，唔係成日嚟呢頭。買完嘢，朋友同我想搵個地方坐低傾傾偈，途經呢一間冰室就入去試吓。通常去冰室，我都會叫我最喜歡嘅奶醬多。喺冇乜期望底下，嚟到嘅奶醬多啲奶醬醬爆咁樣湧出嚟，好驚喜好開心！食落去鬆鬆軟軟熱熱咁。但杯熱朱古力奶就一啲都唔好味，好似水咁。朋友就叫咗鹹牛肉三文治，但朋友嘅評語就咸牛肉冇乜味。冰室環境乾淨舒適，星期六早上唔係話太多人。所以，同朋友傾吓偈、三五知己聚埋一齊，都係一個幾好嘅環境。…查看更多

今日因為成日都會好忙,所以特登早d起身,去食返個滿足既早餐~芝士薑絲牛肉炒蛋三文冶叫佢係因為上次見人食時有芝士拉絲,所以吸引到我到我食個陣時唔覺有心諗可能我上次睇錯左,點知食到最尾個幾啖,芝士拉絲終於出現啦!!~茶走好味阿!!…查看更多

今日要一早上堂，所以預早咗時間去食返個靚早餐先醒神早餐👍~鮮蕃茄濃湯牛肉通粉大大件蕃茄，仲有洋蔥薯仔，湯底好味~黑松露油炒滑蛋配香烤蒜條蛋好滑，多士都烘得好香…查看更多

我最近去了一家餐廳，他們提供了一個非常抵食的午餐選擇：特式石板燒牛扒配芝士龍蝦，價格只有百幾蚊，並且還包括了湯和沙拉。首先，讓我談談他們的特式石板燒牛扒。這道菜以優質的牛肉為主角，使用石板燒烤方式來保持肉質的鮮嫩和口感。牛肉經過適當的熟成和調味，每一口都帶來濃郁的肉汁和美味。石板烤出的牛扒有著迷人的炭燒香氣，讓人食指大動。而搭配牛扒的芝士龍蝦更是一大亮點。新鮮的龍蝦肉質鮮美，搭配著濃郁的芝士醬，為整道菜增添了豐富的口感和風味。龍蝦的鮮甜與牛肉的濃郁相互融合，帶來了令人難以抗拒的美味享受。除了主菜外，這個午餐還包括了湯和沙拉。湯品和沙拉都非常精心製作，提供了一份清爽和營養均衡的配搭。湯的口感濃郁，沙拉的新鮮蔬菜和醬汁的搭配也很出色，為整個午餐增添了多樣化的風味。總的來說，這家餐廳提供的特式石板燒牛扒配芝士龍蝦午餐是非常抵食的選擇。價格相對較為合理，卻能品嚐到高質量的牛肉和龍蝦，還有湯和沙拉的搭配。如果你喜歡牛肉和龍蝦的組合，這道菜絕對值得一試。Lunch 可以食到牛扒同龍蝦，仲要百幾蚊，又有湯、沙律，非常抵食，特式石板燒牛扒同芝士龍蝦…查看更多

朋友，話你知，西灣河有間尚品百好冰室，足足有那家傳味道！今次過去食飯，啲食物質素真係一流！食咗餸的燒牛肩扒，大塊啲，叉落去嘅刻感覺到肉汁「噴射」出嚟，個味道鮮美而且肉質幾嫩，真係食得出師傅下功夫。配上個粟米火腿湯，簡直係滿滿的家庭feel，啖啖粟米，睇得出賣相，飲落去又清又暖笠笠。跟住試咗個麵包紅酒燴牛尾，勁有創意🤹‍♂️！籠包脆卜卜，裏頭個牛尾燴得好軟熟，同埋隱隱約約帶咗點紅酒香，真係個perfect match，泡汁食，味道真係一絕。啲胡蘿蔔同薯仔又煮到啱啱好，口感一流👌。店面嗰邊靚仔淨靚，好有心機，無論阿伯定係青年人，都會鍾意。（最後，記得要留個胃，因為真係食完之後，肚皮都愉快！）下次食火焰燒春雞，期待緊！🍗🔥…查看更多

🌻蛋治🐱講樣野俾大家知，我係一個好鐘意食蛋嘅人，真係無蛋不歡，出到餐廳食廿幾蚊個蛋治有時會俾媽媽話得唔識慳錢，不過呢個蛋治真係令人無法抗拒，真係無法理解點解師父會炒得咁好食，入面我估3隻蛋都有呀! 其實22蚊有埋杯熱奶茶，香港仲有邊度食得到丫。📍 百好咖啡餅店Pak Ho Cafe & Cake Shop西灣河筲箕灣道160號⚡️為食貓：😻😻😻😻⚡️氣氛貓：😹😹😹⚡️翻食貓：😸😸😸😸…查看更多

間唔中諗唔到食乜就會去百好，不過星期六日真係比較難搵位，所以入到去食都係撞彩。。環境冰室黎講算係咁，一般港女都應該接受到。。食物我通常都食特餐S2，牛肋條通粉餐，次次食都好熱辣辣全部食晒，但今次就唔夠熱喇，牛肋條又「銀」，最後食淨一條。轉多士要加兩蚊，同個黑松露炒蛋一樣好普通，食完冇乜感覺。我次次都飲奶茶少奶，次次都真係比杯少奶我，開心～夠晒熱。鍾意飲咖啡的人都會好開心，因為係即磨咖啡。。服務繁忙時間大家都趕頭趕命就預左，但留意到收銀姐姐次次都好有禮貌。題外話，見過有客人放太多餐具落杯水到洗，搞到反杯，所以侍應阿姨會好心提你小心點～大家都留意下，就唔駛麻煩人幫手抹，搭檯又唔會騷擾到人。。價錢$50幾蚊應該算合理。…查看更多

突然想鋸扒 同區好似無其他選擇 六點去到無乜人 menu寫住龍蝦無貨 轉左大虎蝦 嗌左個虎蝦拼牛肩扒.落左單唔夠30秒 侍應已經將預先準備好嘅沙律，粟米忌廉湯同醬汁上枱 配菜真係不過不失 唔算好食亦唔難食 但個醬汁有奇怪 三種汁分別係黑椒汁 黃芥末 西檸汁 頭兩隻配牛扒好正常 但西檸汁（個味exactly係食西檸雞個汁嘅味） 配牛扒完全唔夾 唔明點解會出現 我寧願要多格黑椒汁 因為唔係好夠 食到最尾幾舊唔夠汁點.跟住到主菜 虎蝦 牛扒 同蕃茄意粉都好快 大概等左5分鐘就上枱 先講個意粉 本身以為係肉醬嗰種 點知係意粉加少少蕃茄水 好慳皮 然後到隻大蝦 蝦身ok嘅 熟度啱啱好 但唔知係咪唔預人食蝦頭 居然係生 啲肉係透明嘅 搞到平時鐘意啜蝦頭嘅我都卻步 雖然彈左咁多 塊牛扒係真係超出色 勁淋 火侯啱啱好 5成熟 配埋個黑椒汁超好食.總括來講 份量好足夠 一個男仔食都好飽 牛扒真係超出色 但其他方面如果可以再加強就完美…查看更多

食物幾好，奶茶唔錯，但有個阿姐，成日鬧客，話啲客落單講得唔清楚，我朋友俾佢鬧過，亦目擊佢鬧過其他客人，例如：「你講得清楚啲吖嘛，唔係我點同你落單呀，講啲唔講啲。」佢仲要係喺個唔知店長定老勢既男人面前鬧客，鬧得好高興，希望佢收斂啲，如果再係咁我可能都唔會再去。…查看更多