尚品百好冰室

諗住黎試下呢間西灣河老字號，點知由落單個刻就受到不友善對待，某位侍應姐姐落單開始就串串貢，我做食客好心提多句走甜，佢就唔耐煩。落完單之後，佢仲小李飛刀咁車張單埋張台上面，期間仲要嘴藐藐，好似入黎幫襯係得罪你咁樣。

講真呢間做開街坊生意的茶餐廳，野食正正常常都夠做，但個姐姐令我食碗麵都背脊骨落，成個感受就係好唔歡迎你黎，講真咁既體驗令我唔想再黎。希望餐廳見到可以幫手提下個姐姐唔好再咁樣對客人、咁樣趕客。