小魚兒 (金馬大廈)

营业中

休息中

雞煲惹味 汁濃雞都算多 但都係冰鮮雞 串燒都好食 寬粉一般 掛唔到汁 軟糯qq服務都算快手 但真係貴 性格比唔高 同埋坐得較迫 同隔離貼住坐一樣 成程坐得好唔舒服 同一樣既價錢 真係去任食抵好多

上星期同朋友出尖沙咀突然想食烤魚先前試過銅鑼灣店覺得唔錯~海鱸魚賣晒店員推介江團魚 $ 348未試過過呢款魚都係大骨鮮花椒BB豆花 未試過要左小辣 BB麻 不要蔥花 不要豆芽一上枱真係嘩一聲勁大條，仲要有豆腐、蒿荀、寬粉，真係食完都飽講番條魚，幾滑唔腥，啖啖肉，非常嫰滑，無介紹錯，我呢d唔識食魚既人都無問題寬粉勁入味，口感煙韌，好滿足飲品方面叫左特飲Hoegarrden rosee x Passion fruit $88😆第一餐就飲酒，但係食烤魚唔飲酒好似爭緊d野咁，熱情果味突出，酸酸甜甜好解膩Corona Extra x Lime Soda $78呢款比教清新清爽～

{🍽️ 香港搵食 🍽️｝ 小魚兒呢間川菜餐飯主打雞煲、烤魚等等，而且仲會有串燒同燒烤tim，今次我就試下佢既烤魚🐟 先。烤魚都有三款唔同選擇：海鱸魚、江豚魚同埋寧波魚，今次就先比較多人推薦既黃金蒜香海鱸魚，大大條肉質好厚實，魚骨唔多而且都算大條，就算唔太識得食魚嘅朋友都可以試吓呢一隻魚🐟！！而且乂大量配菜：芽菜、雲耳、洋蔥、豆腐等等！！ 不得不提個豆腐超滑；另外，叫左份番薯粉，點埋啲湯超好食！！蒜蓉燒生蠔🦪，3隻都超大隻，燒到啱啱好！！連埋蒜蓉一齊食，真係👍🏻👍🏻👍🏻📍尖沙咀金馬倫道16號金馬大廈1樓

餐廳位於尖沙咀中心地帶，位置方便。如果想品嚐道地的雞煲和烤魚，呢間餐廳係個選擇➰重慶雞煲半隻 $168重慶雞煲揀左BB辣同BB麻，雞肉食落口感鮮嫩，雞煲湯底微辣濃郁，配上大量芫荽。另外，仲加配圓薯粉、唐生菜同炸魚皮，重慶雞煲湯底真係好惹味。➰燒茄子 $48燒茄子外焦內嫩，搭配特製燒烤醬汁同蒜蓉。➰流心榴連炸彈 $48推薦流心榴連炸彈作為飯後甜品。圓碌碌嘅榴連炸彈外脆內滑，流心的榴槤餡料令人感受到濃郁的榴槤味，食落甜而不膩。➰咸檸七 $26咸檸七清新爽口，一解雞煲嘅香辣味道。➰竹蓆茅根 $38 竹蓆茅根清熱解毒之選，飲落帶有淡淡的草本香氣。

今晚去尖沙咀行街，趁住天氣仲涼涼哋，把握打邊爐嘅季節，見到好耐都冇食雞煲，朋友就帶咗我去咗一間尖沙咀人氣好高嘅雞煲🐓烤魚🐟店，滿足晒我2個願望🥰店舖地點優越，位於金馬倫道，一上樓就香味撲鼻而來，雖然是閑日，但末到7點晚餐時間，舖頭已座無虛席。我哋點咗半隻麻辣雞煲，辣🔥度同麻度都可自己選擇，雞煲濃郁煮得入味且雞件嫩滑，每一口雞件都掛滿汁，配埋裏面嘅洋蔥又濃又甜，層次感十足，讓人忍不住一口接一口。食得雞煲梗係唔會放過用咁惹味嘅雞汁去打邊爐啦！我哋另外仲點左幾款嘅配菜用嚟滾：豆皮 $30土豆🥔$ 36寬粉$ 36食雞煲吸收濃湯精華配搭之選點少得🤗安格斯肥牛$168牛味香濃，稍微肥美了點炸午餐肉粒$ 68外面炸到脆卜卜，鹹鹹脆脆好滋味。最後配埋兩杯夠晒Flash嘅飲品，檸檬可樂同埋草莓荔枝梳打，又解渴，令整餐畫上完美的句號。

自費 自己俾錢㗎呢間係尖沙咀嘅去咗食烤魚，我覺得呢間都唔錯，有啲烤魚真係主打一大條勁好食，仲要係生果都覺得好飽㗎啦，佢個烤魚個味道有得比大家揀嘅佢有好多配料比大家選擇花生啦，仲有粉皮或者河粉，食完超級飽佢仲要係勁大份量肉質鮮艷仲要係唔會諧霎霎嘅跟住勁入味仲可以飲埋啲湯，不過飲完會有少少頸渴，所以我都推薦大家快啲買返去嘅凍飲佢哋仲有好多唔同嘅配菜嘅有少少似打邊爐嘅感覺，所以我都覺得幾正嘅如果鍾意食烤魚嘅朋友你哋都可以嚟食

尖沙嘴收工食川式料理，可以試下金馬倫道的樓上餐廳🍴———小魚兒🐠呢度主打川式風味，最多食既係烤魚同雞煲，仲有串燒，涼菜都好受歡迎👏二人晚餐想食得多樣化D, 主食就食🐔雞煲（半隻雞）$168， BB 辣吾算太辣，而且雞煲味道👅超級香，聞到都流晒口水🤤小食就係勁開胃既涼拌海蜇🪼$88（超級爽）鹽燒🔥牛胸爽 $38（鹽燒味道超滋味），已經夠曬豐富😛甘多菜當然要米飯🍚墊墊肚，呢度居然仲有鮑魚撈飯，宜家係試食價$83， 有大大顆鮑魚，同花膠，食得又補又滋潤啊。最後飲品吾想甘熱氣可以點竹蔗茅根水，我就鍾意飲呢度乳酸爆珠，幾款口味，今次飲荔枝口味的乳酸爆珠🥤邊吃邊喝超爽👍

今晚來到一間位於尖沙咀主打烤魚和雞煲的餐廳。餐廳內裝修別緻，滿佈小魚的裝飾和霓虹燈，環境舒適寬敞。📌老壇酸菜豆花海鱸魚 ($308)辣度和麻度都可以根據自己的喜好選取，我們選了BB辣及BB麻，非常適合像我這樣喜歡微辣但又不想被辣味蓋過食材原味的人。湯底酸辣開胃，海鱸魚的肉質鮮嫩少骨，搭配上酸菜的酸爽和豆腐的滑嫩，以及口感煙靭的寬粉，層次感十足，之後再咬一口青瓜，清新又解膩!📌重慶雞煲半隻 ($168)一樣是選了BB辣及BB麻。雞肉燉煮得非常入味，肉質鮮嫩多汁，辣味和麻味恰到好處，不會過於刺激。雞煲醬汁濃郁惹味，帶有微微的甜味，搭配上雞肉的鮮美，簡直是絕配。雞煲內的配料如芫荽及紫洋蔥，完全吸收了醬汁嘅精華，讓人回味無窮!整體來說，這兩道招牌菜都非常出色，份量十足，員工態度親切，絕對是尖沙咀區值得一試的美食選擇！

黎尖沙咀行街，天氣凍凍地想食熱嘢行過發現呢到有間鋪食烤魚，價錢亦合理就上黎試下啦～叫咗豆品三重奏醬香豆花（BB辣）Sea Bass $308勁大條魚😹都幾厚肉，兩個人係完全食唔曬個湯底係BB辣，只有少少辣味，主要係咸味重，適合重口味人士三重奏其實係有四種豆製品：滑豆腐、豆腐卜、一串嘅豆腐卜同豆皮😹我個人中意滑豆腐😽有豆味同埋好滑另外兩種就好吸湯另外叫咗萵筍$48基本上打邊爐都會叫🤭同埋真係用炭火烤！😻店員會夾住一盤燒著嘅炭放係鍋底下，都幾大火，所以店員都會見到少水就問需唔需要加水，咁就無痴底嘅問題！另外嘢飲叫咁檸樂！食呢啲重口味嘢最啱飲碳酸飲品🥤爽

今日同朋友去咗尖沙咀「小魚兒」食飯，真係好滿足！😍 我哋叫咗個 **一鍋極品鮑魚雞煲**（半隻雞 + 四隻鮑魚），揀咗BB辣同BB麻，辣度啱啱好，麻香十足，雞肉嫩滑到爆，鮑魚彈牙又入味，個汁濃郁到撈飯都一流！💰$272，抵食到喊，食到舔舔脷～ ✨另外加咗兩份菜：**油麥菜**同**唐生菜**，每份$38，新鮮爽脆，吸晒啲煲汁，真係無得頂！🥬 ✨飲品方面，我揀咗 **Hoegaarden Rosée x Passion Fruit**，$88，酸酸甜甜帶少少花香，同個煲好夾，解膩又清新，飲完仲想再飲！🍹

🐱呢間川菜餐廳主打烤魚、香鍋、雞煲等，另外仲有燒烤🍖今次就試左比較多人推薦嘅烤魚🤓老壇酸菜豆花海爐魚：$308🌕🌕🌕🌕/5 烤魚種類有三款：海鱸魚、江團魚、及凌波魚🐟揀左最平既海鱸魚🤭肉質偏厚實而且細嫩😆有少量魚骨，食既時候要小心啲‼️條魚好大條，而且有配菜：芫荽（大量😍）、芽菜、豆腐、青瓜、寬薯粉等，所以幾抵食😚個豆腐真心好滑，而且酸辣湯都遮蓋唔到佢嘅豆香👍🏻推薦酸菜湯😍啲酸菜唔會太鹹，食完都唔覺好油膩😝炸支竹：$48🌕🌕🌕🌕/5 呢個必點🤭配酸菜烤魚💯黑毛豬腩片：$108🌕🌕🌕🌕/5 份量都唔少🤓呢個豬腩片好嚡果啲豬肉，而且係好香豬肉味🐷原來🐷同酸菜湯都好夾備注：有加一💰

好友約我去位於尖沙咀金馬倫道16號金馬大廈1樓的《小魚兒》食烤魚，環境舒適寬敞，坐得舒服。我地點左：🍴海鱸魚配黃金蒜香（不辣）$308🍴燒牛舌芯（孜然）2串$64🍴鹽燒牛仔骨 $78🍴白飯 $12海鱸魚配黃金蒜香上檯時，我地見到條鱸魚開左邊，佔據著整個長形火煱，配菜豐富（蒜頭、芫茜、豆腐.... 等），鱸魚明顯係烤過，香氣撲鼻。待整個煱滾好後，我地就起動啦，嘩！魚肉好鮮甜嫩滑，湯汁清甜，口感豐富好味。燒牛舌芯及鹽燒牛仔骨都外脆肉嫩，好味又好食。

而家一放假，好多時都係返到大陸搵好野食，不過有時搭車都用左好多時間，所以都會喺香港搵下有冇啲好味既烤魚，今次就聽一位朋友介紹，尖沙咀都有好有風味既烤魚，仲有好多野食值得推介。香檳葡萄乳酸爆珠梳打加左爆珠既梳打，飲落更有咬口，大大杯好抵飲。麻辣涼拌魚皮魚皮厚薄適中，麻辣味道有得選擇大中小辣，椒鹽豆腐切到一口Size，炸得好酥脆，加上椒鹽非常開胃。香蒜牛油燒粟米燒粟米加上香蒜牛油，鍾意食蒜蓉必點之選。香蒜燒生蠔鮮甜厚肉，蠔味濃郁，燒到熱辣辣，加上香蒜令人愛不措手。老壇酸菜魚豆花配江團魚主角出場，江團魚啖啖肉，做酸菜魚就最好不過，配料有酸菜、豆腐、寛粉，味道好好味，連湯連魚食就至夾。

我最鐘意辣野🌶，朋友介紹尖沙咀有間食烤🐟魚雞🐔煲既“小魚兒”好正，就決定試下先。尖沙咀地鐵站🚄出5分鐘路程，位置都很好找，大大個招牌指示，行上一層就到，避開人流6點就到，食完可以趕返去陪檸茶。晏就食得太多野，所以揀左‘’活火山泡椒剁椒豆花海鱸魚‘’無揀雞煲，諗住小小地食算，點知條魚黎到勁大條啖啖肉，配菜有芫茜，青瓜🥒，豆腐，芽菜，木耳，我地再叫左手切牛肉，薯粉同炸魚皮。手切牛肉牛味香濃非常嫩滑👍，魚皮脆卜卜分量勁多，薯粉吸晒辣汁既精華，我既至愛🤩。我將所有，花椒、青花椒、乾辣椒砵晒落側邊，食到尾爸爸已經頂吾順，要搵魚皮黎解辣，笑鬼死我，🌈好彩我地早黎，走果時已經滿座，下次試雞煲要訂定枱先。📍小魚兒 (金馬大廈)📌尖沙咀金馬倫道16號金馬大廈1樓#烤魚 #雞煲 #火鍋 #尖沙咀 #香港食好嘢 #尖沙咀餐廳 #尖沙咀食好嘢 #尖沙咀必食 #尖沙咀好去處 #尖沙咀美食地圖 #餐廳推介#假日好去處 #ilovefood #hkfood #美食推介 #美食日記 #hkkol #blogger #親子好去處 #kol #親子日常 #萌娃 #親子 #全職媽媽 #育兒日記 #寶寶日記 #成長記

朋友話好想食雞煲上網搵到尼間雞煲好多人推薦 我地就去試下夜晚要開會 5點半左右就去食晚餐可能因為早 唔洗排隊 等位🤓朋友唔食得太辣我地叫左bb辣 辣度剛剛好有好多芫荽 （我最愛😍😍😍）雞好嫩滑 調味都岩岩好 😋燒牛舌心串必點必食推薦😋😋😋蒜香牛油燒金菇估唔到咁重料 D 蒜蓉多到好似唔使錢咁覆蓋晒D金菇 好重手😋唔算叫咗好多嘢食不過每樣都好大份 我哋兩個人都食唔晒，最尾要打包攞走😋 分兩餐食 抵食會再訪👍🏻💕-上野食速度快 叫完好快有得食