小魚兒 (金馬大廈)

营业中

休息中

𝟙鳯梨香辣豆花江團魚呢到主打烤魚，主要有4款魚選擇，海鱸魚、江團魚、凌波魚、鴨嘴魚🐟口味有9款，可以選擇辣唔辣，仲有得揀大中小麻，揀選自己鍾意嘅口味✨我地揀咗江團魚，一上到枱開火等4分鐘就可以食🍽️江團魚肉質嫩滑，油脂感重✨湯底愈煮愈惹味🌶️配料包青瓜、洋蔥、芫茜、豆腐同寛粉等配料，建議要額外叫風琴豆腐同油麥菜😆吸哂湯底嘅味道，仲正～𝟚避風塘澳洲龍蝦 推薦呢款🌟🌟一上枱就已經feel到爆炒嘅感覺！好香避風塘椒鹽味😋龍蝦肉扎實啖啖肉，入口彈牙，蒜頭、乾蔥月辣椒炒得好香，龍蝦充滿香蒜味，愈食愈上癮🥹🥹如果想再抵食啲，去佢地社交平台訂座，仲抵食！🤭

又到左想食烤魚既時間啦，呢間我之前同朋友黎過，味道濃真心好食，有卡位都坐得幾舒服。🦞牛油蒜蓉焗龍蝦另外仲有避風塘口味，大大隻龍蝦啖啖肉，醬料都好惹味，蝦頭d 膏都好正🤤🤤🤤🐟鮮花椒BB 豆花烤江團魚有幾款魚揀，有海鱸、江團同凌波魚，我上次食江團覺得骨少肉多，而且都算肥美，所以揀返呢款，配菜已經包埋寛粉、萵筍、雲耳同埋豆花，超入味呀👍👍👍🍄椒鹽金菇咸咸脆脆既金菇有炸衣包住，外脆內軟，飲野絕配。🍑白桃紅茶小甜既白桃紅茶，好清新解渴。🍹荔枝乳酸梳打果香甜甜的梳打，入面有粒粒乳酸爆珠，幾得意。食評總結：地點方便，味道又好食，我2次都嗌左花椒bb 豆花烤魚，下次應該會嗌下其他口味😋

小魚兒，一間主打川菜烤魚🐟、麻辣香鍋🥘。好多人一諗起食烤魚就會嚟呢度。不過今次Duck哥🦆又唔食烤魚又唔食香鍋，而係去食雞煲🐓，食海鮮，食龍蝦🦞！店內裝潢簡潔整齊，座位闊落舒適，店員服務細心，會幫忙處理雞煲🥰。雞煲 (半隻) $168選擇BB麻辣🌶，但真實幾辣😅，半隻雞份量足，雞肉🐓十分嫩滑又入味😋，麻麻辣辣加上勁多芫茜、乾蔥、薑及蒜等配料，味道又香又惹味🤤。蒜蓉燒生蠔 (3隻) $78生蠔🦪肉身肥厚飽滿，口感嫩滑多汁，有陣陣蠔味無腥味🥰，加上大量蒜蓉🧄一齊燒，令食味更鮮更香😍。椒鹽魷魚鬚 $98用上新鮮魷魚鬚🦑，加薄薄嘅一層炸漿炸過，外層香脆，魷魚鬚質感彈牙有魷魚香味🥰，混埋炸過嘅蒜蓉🧄及辣椒粒🌶，又一惹味未之選😋。燒牛舌心 $32.牛舌👅啖啖肉，質感軟腍無筋，表面燒至焦香🥰，再加上少量椒鹽及孜然調味，令味道更加惹味香口🤤。涼拌麻辣魚皮 $68魚皮非常爽脆，麻辣味突出，配埋炒得香脆的花生🥜，越食越想食☹️。 蒜蓉牛油燒澳洲龍蝦 $...冇？？！店員話午市冇得供應，晚市才有！無計啦，唯有下次再嚟食啦🥲。去小魚兒又點止淨係食烤魚，香鍋咁簡單呀！佢地嘅雞煲、串燒、海鮮都同樣非常出色，

「小魚兒」位於尖沙咀地鐵站附近，今日食咗呢度嘅烤魚🐟、龍蝦🦞、燒扇貝等等，非常滿意。🔹️爆漿鳳梨香辣豆花 - 江團魚🐟❣️ $366烤魚幾大條，足夠2至3人食，我哋第一次食就叫BB辣先🌶，真係岩岩好，唔食得辣既都接受到。條江團魚啲肉好肥美嫩滑，而且無乜細骨， 好多骨膠原。配菜包括鳳梨、豆花、芽菜、木耳、寬粉，萵筍等。🔹️蒜蓉牛油澳洲龍蝦🦞 $198呢碟澳洲大龍蝦真係非常推介，有成1斤重一，$198真係好抵食，龍蝦非常鮮甜，超厚肉，好食👍🔹️蒜香牛油燒扇貝 $38🔹️炸雙皮奶 $43

服務極差，呼呼喝喝。午市，個場得幾個食客，3，4張吉檯，入去冇人講過要等齊人先入得，喺門口一路冇人理，冇人問，睇住我自己入去坐都冇講過要攞位。侍應仲幫手抹枱，我自己搵緊QR code 想落單，scan 咗 code 又冇反應，咁我等啦。坐低咗10分鐘，有個短髮女人先大大聲喝我，話：‘’先生！！！！等齊人先入得喎！！！！你咁樣坐低唔得喎。‘’Ok，既然我地錯，咁我 5 個一齊走，唔阻你地做大生意。Bye Bye。

江團魚（$348）今次就嗌咗老壇酸菜豆花口味嘅大麻大辣!!烤魚應該是先有炸過嚟，肉質非常緊致，一啲都唔會鬆散😍讚👍🏻!! 味道非常不錯，又麻又辣🫰🏻鍾意食川菜嘅，你一定唔可以錯過！另外佢本身個底都包咗好多嘢～有芽菜、木耳、薯粉等等嘅配菜🤩避風塘波士頓龍蝦（$368）十分之有鑊氣嘅一道菜，唔同坊間嘅避風塘會有少少甜甜地。佢係辣味同蒜味比較重🫰🏻龍蝦預先榨過嚟都好香口🥰荔枝乳酸爆球梳打（$38）嘢飲甜度適中，加埋爆珠，解渴一流👍🏻白桃紅茶（$42）桃味香甜，勝在份量夠大👍🏻整體嚟講，餐廳位置方便，以尖沙咀物價嚟講算係合宜🫰🏻食物味道都係中上，最緊要係嗰度啲職員都好Nice，服務周到💥推薦大家去食～

呢間餐廳主打烤魚，而且川菜、冒菜、燒烤咩都有。而家仲可以用親民價錢食到澳洲龍蝦🦞。🦞避風塘澳洲龍蝦 $198可以揀避風塘/蒜蓉牛油兩種調味。龍蝦大隻厚肉，連龍蝦頭都好多肉，肉質鮮甜彈牙。價錢比起喺酒樓食平一半，估唔到會有咁高質素嘅龍蝦。🌽蒜蓉牛油粟米$38粟米味道清甜，牛油香好重。海量蒜蓉好香但係唔會太濃太嗆。調味好食到令我會想試下蒜蓉牛油龍蝦🦞。🍍脆焦糖燒菠蘿$48菠蘿酸酸甜甜啱晒解膩，焦糖夠厚夠脆。🍢燒羊肉串$25🍢燒牛肉串$23兩款望落好似🤣，不過一食落去就分到，因為羊肉好羶好香。牛肉串就多啲筋位比較有咬口。🌶️冒菜套餐C（八款配菜）揀八款配菜先$68（有啲配菜要另加錢），加粉麵$5。加一芳嘅水果茶先$18。麻辣肉碎✨金菇娃娃菜✨滑牛肉 +$3美國肥牛 +$3✨墨魚丸牛丸✨炸支竹我哋揀咗雲南酸辣湯（BB辣），加埋麻辣肉碎好有小鍋米線嘅感覺。酸辣湯微酸小辣好開胃。BB辣啱晒我呢啲想食辣又怕辣嘅人。仲以為會似出面米線鋪每樣一兩件，結果樣樣配料都咁多，成座山咁勁誇張。🌶️辣子雞$108揀咗BB辣，照舊係好溫柔嘅辣度🤣。雞肉炸得香脆又鎖住肉汁，即使放喺炸雞店嘅標準都係top。不過有唔少碎骨，

小魚兒開左咁多年，係尖沙咀想食烤魚應該第一個諗起佢，今晚訂左枱同幾個知己食下飯吹下水，收工去又方便，食飽返屋企又唔遠，地點一流。坐低第一時間叫返個Asahi tower啤啤佢，然後叫左條藤椒烤魚小辣，烤魚煎完皮脆肉嫩，無乜細骨，藤椒既麻同辣椒既辣互相呼應，食到辣一辣之後飲啖生啤真係爽。我哋再追加一碟雪花肥牛，牛肉紋路清晰，配下麻辣湯食，真係一流。咁飲得酒來，當然唔少得下酒菜，炸午餐肉真係香港名物，切到細細粒，咸咸香香，真係停唔到口！椒鹽鮮魷炸粉簿簿，又係香口到不得了，啲啤酒好似倒水咁無哂。

位置係金馬倫道，算幾方便，上一層樓梯就到，主打烤魚雞煲，見有上大眾點評必食榜。雞煲（半隻）（$168）雞煲㨂左bb麻同唔辣。原煲雞件蓋上芫茜山，放在Gas爐上加熱。雞的份量不少，雞件肉質鮮嫩，沾滿了醬汁，味道惹味濃郁，些外仲有不少既配料，如洋蔥、黃薑及花椒八角等。食完雞煲後可以叫店員幫手加湯，之後可以打邊爐，食烤魚或雞煲都可以加配料打邊爐。滑牛肉（$88）底下有冰塊保持冰鮮，每片厚度均勻，牛味濃厚，咬落一啲唔韌，而且價錢算抵食炸魚皮（$38）份量唔少，有適量調過味，十分脆口，浸落湯底半軟半脆過足口癮。寬粉（$36）寬粉好快就煮熟，薄薄一片，有一定厚度，非常煙韌，整體好有咬口，食落會掛左好多湯汁，建議可以最後先落。圓薯粉（$28）煙韌彈牙，有淡淡薯香味。炸雙皮奶（$43）叫左個甜品試一試，炸雙皮奶跟配沙律醬，表皮脆口，但內裹雙皮奶相當滑潤，奶味香濃，外脆內軟。燒茄子（$48）原條茄子燒烤配上蒜蓉及香葱，帶點孜然香味，味道濃郁，特別惹味。蒜蓉牛油燒澳洲龍蝦（$198）有蒜蓉牛油燒同避風塘風味兩種口味，揀左蒜蓉牛油燒，龍蝦肉質爽口彈牙，相當厚肉，蒜蓉牛油香濃可口，食落大滿足。

小魚兒主打川菜烤魚，備有有多款口味，辣度同麻度都可以選擇，怕辣嘅都可以放心食，同時有各款冷盤，串燒，小食等選擇😋😋😆😚😚🦞牛油燒波士頓龍蝦🦞 $198足稱一斤嘅波士頓龍蝦一定係新鮮嘅， 食得出嘅爽口彈牙，龍蝦肉本身自帶鮮甜，而牛油蒜蓉醬為其錦上添花，令鮮美龍蝦更有層次，另外有避風塘口味選擇，估唔到烤魚專門店食龍蝦都咁出色，依家仲可以享用優惠價，原價要3百幾呢🐟老壇酸菜豆花烤海鱸魚🐟 $308海鱸魚特點係少骨，肉厚實甜美，適合鐘意啖啖魚肉嘅朋友， 烤魚外皮烤得香脆，平時唔食魚皮都忍唔住要同魚肉一齊食，酸菜豆腐等配料畀咗好多，一鍋就包括晒，好抵食🥬娃娃菜🥬 $38必備吸湯嘅菜🍜圓薯粉🍜 $28同樣吸湯嘅薯粉，吸盡酸湯精華，好正🐮鹽燒牛肉串🐮$48一串都有好多粒，加上牧然味粉十分香口惹味越夜會越多人， 好彩有預先book 位，晚飯時間有可能要等下先有得入座🥳🥳😊😊😁小魚兒地址：尖沙咀金馬倫道16號金馬大廈1樓#小魚兒#香港烤魚#香港川菜#四川菜#川味#雞煲#烤魚#海鱸魚#尖沙咀#尖沙咀食#尖沙咀餐廳#波士頓龍蝦#蒜蓉牛油龍蝦#新鮮龍蝦#燒龍蝦#老壇酸菜#酸菜烤魚#烤鱸魚#豆花烤魚#薯粉#牛肉

好耐冇食過雞煲，今次同老公食一間出名炭火烤魚嘅小魚兒🐠。由於老公唔食魚我地揀食雞煲，小魚兒除咗烤魚好食，雞🐓煲都唔錯，大家又可以多個選擇啦。📍尖沙咀 小魚兒我哋食咗：🌟蟲草花膠雞煲（半隻）💰248我哋揀左唔辣唔麻，雞煲好足料有4隻大花膠，蟲草花，紫洋蔥🧅，雞肉都幾多下，雞肉肉質結實，唔鞋。咁多料先二百幾好抵食。🌟蒜蓉焗澳洲龍蝦🦞💰198澳龍好大隻，肉質爽口彈牙，面頭有厚厚嘅蒜蓉好惹味。平時係街市買都百幾二百蚊，依家食都係💰198包埋料同人工，真心抵食。🌟蒜香牛油燒扇貝（2隻）💰38蒜香牛油燒扇貝好新鮮，牛油同蒜蓉好夾，但是又唔會搶味。平時💰38係食一隻，依家有2隻，唔食真係對唔住自己😂😂😂。🌟蒜香牛油燒金菇💰38金菇都幾大兜，蒜香牛油金菇係絕配。口感鮮嫩多汁，令人欲罷不能。🌟燒牛油粟米🌽💰38我第一次見一間餐廳用咁厚嘅蒜蓉去燒嘢，超惹味，粟米個邊輕輕燒燶小小令成件事更加惹味，燒粟米係我最愛，我好滿意。🌟黃金組合💰88包括金菇，薯仔，蓮藕，海帶，海帶擺入去打邊爐超正好索味。總結：小魚兒好食又抵食，下次同朋友試吓烤魚先。2人總數💰712.8人均💰356.4 （已計加一）10分滿分味道：8/

忽然心血來潮想食烤魚，見到呢間喺尖沙咀烤魚好似幾吸引，朋友仔都話之前食過幾好食。我哋叫咗老壇酸菜豆花海鱸魚🐟條魚好大條，而且冇咩骨又好滑，我同朋友仔都唔係好食得辣，所以叫Bb辣就岩岩好。烤魚入面除咗條魚。仲有豆腐，酸菜，翠玉瓜同好吸湯既薯粉😋份量好足👍🏽另外仲叫咗兩款小食。烤茄子我哋走咗蔥，所以係蒜蓉烤茄子🍆好濃郁嘅蒜蓉味，燒到金黃色，茄子質地好軟滑。麻辣涼拌魚皮涼拌魚皮爽脆，配有好多薑蔥花生😊想食重口味可以叫辣點😁小魚兒 (金馬大廈) (尖沙咀)尖沙咀金馬倫道16號金馬大廈1樓

川味濃濃撲鼻醬香風貌香、麻、辣徹底發揮吃起來啖啖刺激無論主菜或配料火鍋追加，食客可根據個人口味配上多款豐富配料與三五知己呈現正宗川味滿足一餐 !招牌雞煲即叫即炒賣相十分吸引，自選一隻份量絕對食到飽很是滋味，炒入秘制麻辣醬料，吸入湯汁由內暖到外，每一口雞件均匀入味，肉質圓潤比例嫩滑肉軟腍，雞油肥美混和香料醬汁惹味十分，性價比唔錯，加選寬粉、風琴豆腐、炸生蠔、魚春趁熱煮淋掛汁令整頓飽滿美食特別之餘更顯無得輸

🌟位於尖沙咀「小魚兒」想試好耐，午市時段可以座無虛席，因為呢度真係口啤好。***** ***** ***** ***** *****🐠 海鱸魚～配黃金蒜香豆花湯底海鱸魚肉質肥美、油份重、而且含膠原蛋白、肉質鮮嫩，魚皮煎得好香，大啖大啖地吃；湯底我哋揀咗不辣「蒜香豆花湯底」超級香口惹味，湯底本身有豆腐、洋蔥、寬粉、青瓜非常豐富。另外order咗「圓薯粉」煙煙韌韌好咬口，仲有白桃紅茶味道好清甜。金湯花膠雞絲翅撈飯🍚睇見餐牌形容新菜式，足料花膠雞絲翅，超順滑亦彈牙。

今日難得出街，同屋企人食左一次美味既烤魚。平時食小魚兒既午餐，主要都係價錢平宜。但食物質素相當唔錯。所以就同爸媽來吃這一間小魚兒。因為訂位有75折，所以第一次用了openrice的訂座功能，介面和操作都很友善易用。同待應說有訂枱後，服務生就立即給我們進入了，完全不用等待。三人吃了不太多，只叫了凌波魚-蒜香豆花，另再加萵荀，寬粉和娃娃菜。先說魚的方面，由於已處理過，所以肉起的非常容易，對我呢種不多吃魚的人也容易處理。魚非常新鮮，對於時常去釣魚的爸來說，也是沒有說一句壞話。炸蒜也是一種驚喜，很久沒吃過這麼香口的炸蒜了。至於娃娃菜和萵旬，吃下去也是非常爽口。唯一令人遺憾的，是我們吃到一半才落寬粉。如果一開始就落，應該會更有口感。埋單不用270。能吃的好味還飽肚。性價比一流。