小越廚

营业中

休息中

小越廚係一間家庭式越南菜小餐館，主打越南菜＋泰菜。有二人餐，一個主菜+兩個小食$208抵食。三人餐就加多個小食$248仲抵，而且每樣都份量十足。 四個朋友叫咗兩個三人餐，食到好飽。可選：泰式蠔仔煎餅，泰式粉絲扇貝和泰式鮮蝦餅。泰式蠔仔煎餅同潮州蠔仔餅差唔多，只係調味有啲唔同，泰式呢款可能落魚露或者其他好多香料。好多隻蠔仔，加上蔥和芫茜令蠔仔蛋更爽口，芫茜亦有去腥的作用，味道也更豐富。泰式粉絲扇貝大大隻扇貝，超多粉絲，粉絲腔的朋友大愛，扇貝吸滿醬汁和扇貝汁，啖啖鮮味。泰式鮮蝦餅熱騰騰的蝦餅外脆內彈牙，加埋甜酸醬一齊食，非常開胃，好味。怕辣的朋友不建議食炒蜆，通菜有少少老，其餘也發揮正常。

所有餸菜都好大碟呀！完全超出想像！覺得佢個三人餐好抵呀！hkd 248就可以有一個主食+3個小食，仲要包飲品，再可以加錢叫埋芒果糯米飯，認真抵食！-醉貓豬頸肉炒河啲豬頸肉超級大嚿！滿足呀！-泰式鮮蝦粉絲鳳爪沙律無論係鮮蝦、粉絲定係鳳爪份量都好多！係一大碟咁樣上❤️ 泰式鮮蝦餅呢款係必要！除左有4大塊之外，蝦餅配埋芝士真係好夾！第一次食到有拉絲嘅蝦餅☺️-泰式粉絲扇貝扇貝都有四個咁多！真係好驚喜！平時就咁食扇貝已經要二百幾蚊🤣仲要加多$48就有椰汁芒果糯米飯，芒果份量超多！！💁🏼‍♀️服務：冇加一，職員好樂意為你服務🏡環境：餐廳出面有得泊車，好方便！

店內充滿東南亞風情的裝飾，掛著許多越南斗笠，客人絡繹不絕三人餐$248,可自選4款菜式泰式火山排骨超大份，約有4件大骨，澆上酸辣醬汁開胃惹味，夠3~4人吃特濃冬陰功海鮮湯河粉/檬粉非常足料，有4隻青口，3隻墨魚仔和2隻蝦，冬陰功帶獨特香料味，好吃金不換辣椒膏炒蜆必點泰菜，味道跟在泰國吃的9成相似，味道濃郁，微辣非常惹味泰式燒豬頸肉同樣是誇張的份量，整塊豬頸肉比臉大，烤得香脆，記得沾上附送的特調醬汁，會更滋味泰式奶茶/咸檸七喜 +$12加12元可配特色飲料，於是點了2杯，份量同樣超大總括來說份量超大，價錢便宜，性價比極高

今日放假約咗朋友喺荃灣小越厨餐廳晚餐，餐廳環境雖然唔大但係座位都好闊落 ，不過晚飯時最好早啲到。我同朋友就嗌咗個三人餐: 首先有兩個小食［泰式酸辣鳳爪］啲鳳爪都好爽口味道唔會太辣夾埋啲酸汁香料一齊吃， 食落就覺得特別開胃。［泰式鮮蝦餅］啲蝦餅好大塊而且份量有5大塊，蝦餅好彈牙好足料，滿有蝦味道。主菜［泰式火山排骨］泰式排骨過精髓就係啲汁，啲肉質好嫩筷子一夾就脫落 不過最緊要吃得辣先好叫 。［越式火車頭河粉］碗粉好大碗，湯底濃郁而且有好豐富配料，包括有生牛肉，豬肉，牛筋同牛丸， 啲牛肉好生鮮而牛丸好彈牙。最後飲埋兩杯特飲青檸梳打同咸檸樂真係滿足曬。

開心星期五同先生去睇戲，當然要醫咗肚先入場，搵咗荃灣廣場附近嘅呢間泰越小店，貪佢價錢親民選擇又多，我哋揀咗好抵食嘅二人餐。首先送上嘅係生菜包，加入咗好多香料，入口味道豐富，非常有驚喜，喺第二道菜未上嚟之前我哋已經輕鬆解決成碟，一致認為係必食！泰式粉絲扇貝一碟四件，用上類似泰式沙律嘅調味，入口非常清新，扇貝蒸得啱啱好唔會過老，而且大大隻啖啖肉，非常抵食。虎蝦大大隻而且數量唔吝嗇，加入泰式香料去燜粉絲，非常惹味有特色。芒果糯米飯份量唔細，配上幾乎成個芒果，果肉鮮甜，糯米飯椰味香濃。青檸茶茶底夠濃，配上青檸乾好有誠意，推薦；先生嗌嘅龍眼冰好清新，入口甜度亦適中。

荃灣廣場附近好多大大小小的食店, 想食咩菜都可選擇。其中一間小越廚, 咪睇佢舖仔細細, 內裡有泰國, 越南口味嘅菜色呀。餐廳舖面不大, 裝修富熱帶風情, 天花用了竹帽形嘅燈飾, 好有越南風情。餐牌上推介嘅二人餐, 抵食又實惠, 選擇都多, 有沙律, 小食拼盤, 主食和飲品, 更可以用優惠價錢追加小食。二人餐 - $208可以係A款(曼谷街頭虎蝦燜粉絲煲, 火山排骨, 泰式牛柳片炒河粉, 越式法包, 泰式蠔仔煎蛋, 泰式海南雞半隻) 選一, B款(各款泰式小食, 泰式粉絲扇貝, 火車頭河粉, 冬陰公海鮮河, 炒蜆, 通菜等….)選二, 心多意亂呀, 由小食到飲品到甜品都有齊, 一定食得好滿足。泰式蠔仔煎蛋呢個泰式蠔仔煎蛋真係好抵好抵食, 好大份; 佢唔似潮州蠔餅煎到乾同脆, 佢有啲似台灣嘅坷仔煎, 濕濕的; 蠔仔夠哂多, 仲要粒都脹卜卜, 好新鮮。配埋泰式辣椒醬, 好惹味呀!越式蔗蝦小食我地揀咗蔗蝦, 鮮嫩嘅蝦肉, 裹上濃郁甜膩嘅蔗糖枝, 蔗蝦有拳頭咁, 用一層輕薄嘅蔗糖麵包糠包住炸到鬆脆熱辣辣, 金黃色澤, 點埋佢個泰式甜辣醬汁, 超級有泰式風味。蝦肉口感彈牙, 外脆內彈牙, 口感層次

兩個人食左$188 非常難食 少數連將就都食唔落既餐廳…環境🥲 一入到去成間餐廳都充滿油煙味🤢食物叫左兩樣 蠔仔煎蛋 和 虎蝦粉絲煲蠔仔煎蛋🍳上菜 一睇就知唔熟 有半碟係蛋漿未凝固 但諗住只係蛋半生熟都想照食 但一食 連蠔仔都係未熟 咬都咬唔爛 😰 為有叫佢再煎熟 但就係熟左啲蠔仔都係腥🤢虎蝦粉絲煲🍤虎蝦唔錯 爽口既 但啲粉絲一言難盡 又咸又酸 擺左入口真係吞唔落 要吐返出嚟 總結俾好評呃左 第一次寫OpenRice 食評 希望幫到大家 唔好中伏🙏🏻🙏🏻🙏🏻

非常後悔嚟呢度食嘢，餓住個肚嚟，餓着個肚走！收工同朋友嚟呢度食飯，叫咗一個牛肉湯河、一個豬扒撈檬。平時去越南餐廳食撈檬，個汁都係魚露、醋、糖等整成嘅汁，就算裏面有少少辣椒，基本上都係唔辣嘅。但係呢間越南餐廳撈檬個汁係非一般嘅汁而且係辣嘅。我本身唔食辣，見到個汁個樣唔同就先係匙羹試少少，覺得辣就問店員有冇平時個款汁，店員表示佢哋只有一款，其他可以提供。其實如果你哋個汁係咁特別嘅話，係咪應該一早講明或者寫明？唔係個個食越南嘢嘅人都食辣。就係咁，我得到嘅係一個冇汁可以撈嘅撈檬。但因為肚餓，都撈咗少少落去試吓。結果真係食唔到。而且佢個撈檬係用一個好似鑊仔咁嘅兜裝住，但係個底唔平，一路食嗰碟一路喺度轉，叫人點食？真心忟。個豬扒係炸嘅，好一般。試咗一啖朋友個牛骨湯，好鹹！感覺係味精湯。結果係俾咗$75最後乜只係食咗幾啖，就算肚餓都已經唔想再喺嗰度叫嘢！過隔離食篤篤或者返屋企煮個麵都冇咁嬲。

荃灣廣場附近一帶，食肆林立，很多特色菜可選擇。其中的「小越廚」，就提供泰國、越南口味的菜色。餐廳舖面不大，裝修富熱帶風情，天花用了竹帽形的燈飾，甚為別緻。餐牌上推介的二人餐，豐富又實惠：有沙律、小食拼盤、主食和飲品，更可以用優惠價錢追加小食。「泰式青木瓜沙律」口感青新，爽脆的青木瓜絲、甘筍絲，還有沙律菜及菠蘿，辣辣的，非常開胃。「小食拼盤」（蒜香雞翼、泰式香辣魚餅、河內芋頭海鮮春卷）三款都是新鮮即製，香脆可口，加上泰式辣醬，更加惹味。「泰式海南雞飯」份量不少，去骨海南雞，啖啖肉，鮮味十足，嫩滑口感。雞油飯更是滋味無窮。「香茅豬扒撈檬」大大塊豬扒，炸得酥脆，香噴噴。檬粉配上特色醬汁，酸甜可口，撈檬特別爽滑。飲品：豆漿、泰式奶茶追加小食：「泰式燒豬頸肉」豬頸肉半肥瘦，外皮燒香，肉質多汁彈牙，味道甘香，配合泰式辣醬，份外滋味。「咖央多士」厚切牛油咖央多士，雖然有點“邪惡”，但好味難抗拒。這裏的菜式既有特色，又美味，而價錢相當吸引，值得推薦。

荃灣小越廚地址：荃灣享和街49號都城大廈地下D號舖呢間小店經營既越南餐廳，外表裝潢一定無而家啲餐廳咁fancy。但品質同味道就一定唔會令人失望！😍😍😍😍1. 米紙鮮蝦卷 $64 （必食！）⭐️⭐️⭐️⭐️⭐️大大碌又好足料入面有粉絲、肉鬆、大蝦、紅蘿蔔、生菜、芫荽、豬頸肉個粉皮煙韌得嚟又唔會硬梆梆🤭🤭材料新鮮配埋佢地自製醬汁，酸酸甜甜成個口感勁fresh又開胃2星洲叻沙豬頸肉湯河 $62⭐️⭐️⭐️⭐️材料勁足！有彈牙蝦丸、蛋做配料豬勁肉肥瘦適中，夠juicy 湯底好濃郁既花生味，唔太辣但食到最後會有啲漏3. 火車頭牛骨湯濛 $62 （必食！）⭐️⭐️⭐️⭐️⭐️湯頭濃郁牛骨味，而且有枸杞香料好充足，勁香但唔會漏飲湯頭仲會有陣淡淡既藥膳味但係好好飲既湯唔係涼茶/藥膳鳳爪咁濃🤣🤣🤣火車頭依舊足料有大量牛筋、肥牛肉、牛丸牛丸彈牙肉汁Juicy 肥牛肉嫩口唔乾牛筋炆得好冧、好入味必食啊！！！

撈幪都要+$10早幾日叫兩碗撈幪 加野飲 埋單都$150 up平均一碗都$70 左右 後邊街 人地先5x 左右味道唔見好人幾多 以後唔會再來食了 環境又污糟 以前都唔係咁 $70-80 呢區好多選擇了

今日同朋友到荃灣食飯，去到餐廳不需要等位就可以入座 。我們叫了二人餐，包括泰式青木瓜沙律、蟹膏湯河粉、蕃茄香茅豬扒湯檬粉、二人餐小食拼盤、追加兩個小食：包括椰汁芒果糯米飯和越式法包，另外叫了兩杯飲品：熱泰式奶茶和牛油果奶昔 。柔軟的泰式青木瓜沙拉讓人回味無窮，清爽的口感中帶著微微的辣味，讓整頓飯食更加開胃。蟹膏湯河粉的湯汁鮮美濃郁，搭配的河粉Q彈可口 。番茄香茅豬扒湯湯檬粉的香味濃烈，番茄和香茅味與豬扒的香氣相互交織，嚐起來別有風味。二人餐小食拼盤豐富多樣，有春卷、蝦餅和雞翼，每一款小食都有獨特的味道，嚐遍越南美食的精髓。再追加的椰汁芒果糯米飯甜而不膩，搭配濃濃的椰汁和香甜的芒果，口感軟糯香甜。越式法包外酥內軟，搭配各色配料，每一口都是滿滿的驚喜。熱泰式奶茶和牛油果奶昔清甜可口，為整頓飯食畫上完美的句號。

晚上去荃灣行街，荃灣廣場附近有間充滿越南風餐廳，決定入去試下😊 二人餐很吸引! 208元二人餐價錢已包括2個主食，1份小食拼盤，1份沙律，2杯飲品，如果不夠想食其他還可以加錢選多幾款小食🤩👍我加了份咖央多士和升級飲品做牛油果奶昔😁 ⭐️泰式青木瓜沙律青木瓜沙律清新開胃，有少少辣，味道清新😆 ⭐️火車頭湯檬火車頭湯檬非常足料!😊有牛肉，牛筋，牛丸，牛筋軟綿綿入味，牛肉很大塊，牛丸彈牙，最中意湯底有淡淡的香草和濃郁的牛骨湯底，配上檬粉食十分好👍 ⭐️香矛豬扒撈檬豬扒有驚喜🤩有香濃的香矛味，超入味!豬扒即炸起，口感酥脆😁 ⭐️小食拼盤小食拼盤有3款小食：泰式魚餅，河內春卷，蒜香雞翼😋魚餅少少辣，點醬食酸酸甜甜又辣辣地，口感好豐富 ⭐️咖央多士咖央多有大片牛油，好香椰味🤩 ⭐️牛油果奶昔充滿牛油果香，口感幼滑清新，一定要選😁👍 ⭐️咸檸檬梳打好欣賞餐廳將梳打原罐上👍👍飲一口清新解渴😋😋

黃昏天黑，又到晚飯時間。天氣太熱，無食慾，想要重味一點的，醒胃一點的，結果就去了食越南菜。小越廚價錢實惠，份量多，好抵食。蟹膏湯檬粉$68 蟹膏味道濃烈，每啖湯汁都有豐富蟹膏味，愛蟹人士必試。蕃茄的清甜微酸口感，增加蟹膏湯檬粉的味蕾層次。當中有一塊厚身的蟹膏蟹肉制成的肉餅，略帶少許碎蟹骨，但鮮甜惹味，濃厚的蟹膏令人咬完一口又一口。咖喱香茅豬扒湯河粉$64咖哩香而不辣，晴晴食了一大半。有蕃茄等配料。河粉軟韌有彈性，口感好。另外豬扒十分大塊，一隻碟都裝到盤滿缽滿似的，一碗咖喱香茅豬扒湯河粉附帶兩大塊豬扒，實在覺得好抵食。$88小食-蒜香雞翼-泰式酸辣鳳爪鳳爪已去骨，食起來又方便又醒胃。酸辣風味，彈性口感，越食越好食。雞翼亦炸得香脆可口，蒜香味濃，惹味小食。凍檸檬水$9凍檸檬茶$9熱檸檬水$9

小越廚位於荃灣廣場附近，門外已經感到小店風味內裡越式風格佈置，座位數目不少平日晚市都入座過半，有種地道、街坊餐廳的感覺❤️二人套餐值得推荐，份量豐富十分抵食仲可以特價加配小食🦐泰式生蝦刺身 $30生蝦刺身開邊躺臥於冰鎮之上，肉質緊緻细嫩🌶️伴有蒜蓉與辣椒，食落蒜香辛辣，刺激美味🧄正宗泰式風味🐓泰式酸辣鳳爪 $30去骨鳳爪，食落爽口，味道酸甜配上伴碟的紅蘿蔔絲一齊食，口感清爽滿分🍘二人餐小食拼盤泰式魚餅 咬落彈牙，有濃厚香茅味，味道不辣蒜香雞翼 表面炸得焦脆，蒜香濃烈惹味河內炸春卷炸得香脆，入口有油炸香味內裡有層芋泥，滲出陣陣香芋味道，十分不錯🍜越式三寶湯檬粉越式三寶分別是香茅豬排、越式扎肉、河內炸春卷分開另上唔怕俾湯浸淋炸物湯底係牛骨清湯，食落帶有淡淡牛肉味加上九層塔、炸蒜等香料，帶出獨特的越式風味🍜冬蔭公香茅豬扒湯河粉冬蔭公湯味道唔算辣充滿椰香以及鮮蕃甜味香茅豬排有酥炸口感湯河粉吸收冬蔭公湯，食得滋味🥗泰式青木瓜沙律一絲絲青木瓜等爽口食材作頭盤，清新開胃