小蓉麵家

营业中

休息中

第二次來食，環境好舒服，乾淨，雲吞麵非常正宗，超好食，麵好彈牙，冇簡水味，湯底、雲吞好出色，加腩汁一流，只是三十蚊only，另外加菜比較貴一點，要17元，但好食

今日同朋友食晚餐，門外古老裝潢吸引咗我入去入面的裝修都係古色古香風味...我地叫咗牛筋撈麵、雲吞米粉、同埋炸魚角、凍檸樂...牛筋撈麵好好味！上面嘅xo醬好惹味...有蝦乾仲有粒粒芝麻...好香口...牛筋夠入味又淋...本身撈麵都已經夠味道...可以唔洗沾湯都得...雲吞米粉好大碗...粒粒雲吞都好大粒...份量足...食完好飽～炸魚角其實係炸魚片...煎香了的外層加上薄薄一片魚片...記得點泰式甜辣醬...會減少油膩感。

小蓉麵家 見到呢間裝潢帶著一點古式古香既小蓉麵家, 午餐時間當然要搵食啦，食雲吞麵黎講，呢度個環境算係好好，選擇唔算好多，主要係雲吞、水餃、豬手、牛腩等，都係一啲傳統既選擇。由於身體敏感無得試出名既牛腩好可惜水餃魚角面雙拼價錢有比較貴, 但魚角和水餃份量不俗, 用上薄薄的皮來包著, 又不會穿, 每口咬下去, 都是豐富餡料的味道, 配上幼身的麵條, 和有大地魚鮮蝦味的湯底, 是簡單的美味。豬手麵南乳豬手麵，南乳味岩岩好，一d都唔會死咸，兩大件豬手，外皮富光澤，有彈性，感覺很新鮮，咬一口已覺得口腔內充滿骨膠原，南乳豬手燜得很腍，很入味有咬口，幼麵麵質夠爽夠彈牙通菜$17一碟，唔算貴，如果要上湯上既就要加 $5，我當然係選了經濟之選啦。碟菜都好大碟，幾好。也頗嫩頗新鮮豆漿豆漿係必飲的，味道濃而且唔甜好好滑，味道岩岩推介⭐️⭐⭐️⭐⭐

「細蓉」是廣東人對「雲吞麵」的別稱，這麵家自稱小蓉，想必對其出品的雲吞麵極有信心。不過這天飢腸轆轆，在這間環境雅致，古色古香的店舖裡用餐的我就沒有吃它的雲吞麵，而是吃了較為飽肚的「冬菇牛腩飯」（$42）。雖然我沒有吃這店的手工鮮蝦雲吞，但這店還有家傳牛腩，先試試它，也不壞。這天店內客人不多，等不多時，我的「冬菇牛腩飯」已經送上。這飯另上的牛腩與冬菇雖然看來不是太多，其實都有三大隻冬菇和不少牛腩，牛腩冬菇都軟腍度適中，濃味腩汁更是當中亮點，無論牛腩還是冬菇索了腩汁之後，都變得特別惹味。在白飯上澆點腩汁，也不錯呢！不過這兒的第一主角始終是「細蓉」，下次到來，還是應該試試這兒的手工鮮蝦雲吞麵吧！

係隔離食左碗 唔滿意既餃子 上網搵野食見到呢間細蓉記咁多好評 就黎試下叫左三樣野 牛腩麵 炸雲吞 豬潤牛腩麵 好食。湯頭夠濃 有清清大地魚味 飲左好多都唔覺口渴 。 麵質彈牙 好咬口 夠爽牛腩 炆得岩岩好 鬆晒 唔痴牙 ，有幾舊牛腩痴住少少肥高 好好食☺️本人極鐘意食豬潤 配薑絲蔥花 當然好食 豬潤大大片 師傅煮得剛剛好。爽口 岩岩好無血水 ，平時食豬潤好驚食到成口粉 呢度豬潤 爽口 好食！加老抽 另外一種風味炸雲吞 豬肉同蝦好飽滿 皮脆 加埋甜酸醬 好惹味明白點解咁笑面

都係以亂入的方式去試門面都靚既 一睇就知「貴格」裝修 價錢都自由貴價啦爬文睇就話食牛腩 咁就試啦咁叫小蓉 都叫碗細蓉啦再叫個炸墨丸本來滿心期待... 之後你知我想講咩架啦完

星期六我們參加咗在深水埗崇真會舉行" 未完故事嘅音樂劇"。 由於時間比較緊迫， 從屋企搭車出來只有不的於一小時食飯時間, 所以匆匆忙忙在附近揀了一間麵檔。我朋友見自己唔係太餓，所以叫了一碗牛筋麵。我自己肚餓，所以叫咗一個牛腩撈麵， 再加埋一碟蠔油菜心一齊食。 我朋友食咗牛筋覺得唔韌好食， 麵都幾幼。 我碟牛腩撈麵， 麵嘅份量都啱啱好，牛腩都算好入味， 加少少辣椒油就覺得好好食。 蠔油菜心都唔錯, 食落都好好味。下次經過太子附近, 如果趕時間嘅話 都係一個幾好嘅選擇。

天氣炎熱，胃口大減！諗唔到食乜，乾脆簡簡單單去食碗麵！喺太子一帶行嚟行去，見到呢間麵店感覺比較乾淨，於是就決定入去食飯。呢度有提供各式傳統中式粉麵，我哋揀咗魚蛋麵同埋水餃撈麵。各款麵食可以加$5加紫菜，紫菜的份量一點也不吝嗇！各款魚蛋片頭都爽口彈牙，麵條相對冇咁彈。水餃撈麵有三隻大大隻好飽滿嘅水餃，皮薄餡靚，幾好味！淨係食兩碗面覺得唔係好夠，於是叫多咗兩碟小食。炸魚皮雖然唔係新鮮炸，但好薄好脆，又唔會太咸跟住見好多人都食炸雲吞，我哋又忍唔住叫咗一碟。炸雲吞都整得幾好食，唔會好乾好硬。總括來講呢間麵店味道都唔錯，不過份量就唔算太大，大食的話可能要食兩碗先飽囉

有日經過此雲吞麵舖，眼見舖內光鮮企理，座位寬敞，再望一望門外餐牌，價錢合理，剛好又有點肚餓，便推門內進。餐牌上都係一貫雲吞麵舖有既湯麵、撈麵；單併、雙併、淨食、油菜等等，另外仲有飯類套餐，真係照顧到不同胃納人士。通常到雲吞麵店，我多數會試一試試該店的雲吞麵先再衡量下一次應否再來，不過今次見對面檯一位客人碟豬手撈麵又好吸引，但我又唔想食撈麵，故此叫了一客豬手湯麵加紫菜。湯麵上了兩大件豬手，外皮富光澤，有彈性，感覺很新鮮，咬一口已覺得口腔內充滿骨膠原，南乳豬手燜得很腍，很入味有咬口 ；喝一口湯，蝦味十足，亦有魚的甜味，韭黃的清香，麵條煙韌彈牙，無鹼水味桌上有一大瓶醃蘿蔔，印象中很少見雲吞麵舖有供應。蘿蔔切成薄片浸於白醋中，新鮮爽脆，讓客人當小吃，開開胃，飯後亦可清清味蕾。

今晚同紋青食個清淡晚餐，經開太子就去咗小蓉麵家，一入到去其實都見到佢嘅裝修係好舒服，都好清雅，係坐得舒服嘅地方👍🏻原來兩個都想叫雲呑魚角麵，諗起細個 a level econ教過叫雙拼無單拼咁抵，再加上我哋兩個都唔使食咁多，所以就帶咗一碗雲吞麵同一碗魚角麵，自己再分返開，自製雙拼😂😂😂 突然喺度計婆乸數😅😅上到枱先試湯底，湯底冇鹼水味，都幾正，都冇乜味精，麵質夠彈牙，最正係冇乜鹼水味！雲吞嘅餡料，豬肉同埋蝦嘅比例啱啱好，餡料又唔會包到好實，個人黎講好欣賞！薑蔥豬膶上枱時唔記得影相，食咗一半先記得，呢幅相影出嚟就唔夠睇到有幾厚切，但事實真係大塊同夠厚切，煮得啱啱好，都好有咬感，大讚！🙌🏻大家喜愛雲吞麵，去開太子都可以一試！

整體評分好似試得過，點知伏到不能，好彩只係幫襯左一碗雲吞麵，損失未算太大。由落單、上菜、到埋單，都係一位長頭髮馬尾女職員處理。冇表情、冇笑容、冇講過嘢，基本「食咩呀？」「多謝」「(收錢時) xx錢」全部冇講過。麵 - 唔香，肯肯定定唔係彈牙嗰隻，雖然亦唔mashy雲吞 - 餡是半豬肉半蝦。豬肉嗰舊餡的質感有D「梅」、但唔係壞咗，調味亦怪，個人意見是難食。蝦是小小原隻的，冇特別。皮係偏向爛的，可能煮過龍。湯 - 鹼水味重，一定冇大地魚香味。唔駛旨意飲兩羹......最正常係面頭D韮黃.....$30一碗，「性價比高」、「經典」、「用心製作」等等 - sorry我實在不能同意。我都係零願食返麥X記，雖然已比以前退步，但一定好食過呢間N倍。

今日和朋友來花墟買花, 行得累了, 便看看附近有什麼吃, 找到了這間吃麵的餐廳, 看似坐得幾舒服, 便來休息一下補充體力, 也填填肚子。發現了有酸蘿蔔免費吃, 我們也來試一些, 醃得剛剛好, 作為前菜很美妙, 不過我們也沒吃得太多, 留肚吃麵嘛。叫了一個菜, 比較健康, 蠔油放在旁邊, 不怕太鹹。炸雲吞是新鮮炸起的, 吃起來脆卜卜, 讚!牛腩麵, 有較肥的部分也有較瘦的部分, 無論喜歡吃哪個部分也找到喜歡的, 有著傳統的味道。看似普通的麵食, 似乎藏著不少心意在其中, 要煮一碗好麵, 不簡單呢。

一個月, 總有幾日會吃雲吞麵, 快, 靚, 正, 很符合香港人急速的生活節奏, 忙碌的工作過後, 有時會想快點吃完晚餐, 回家休息。在太子的這間麵店, 售賣港式麵食, 無論香港人或遊客也同樣喜愛。雲吞水餃$37雙拼價錢有比較貴, 但雲吞和水餃份量不俗, 兩者都用上薄薄的皮來包著, 又不會穿, 每口咬下去, 都是豐富餡料的味道, 配上幼身的麵條, 和有大地魚鮮蝦味的湯底, 是簡單的美味。豆漿$11自家製的豆漿, 甜度剛好適中, 有豆香, 份量也足夠。菜心$17這價錢來說, 菜心份量有點少, 不過也頗嫩頗新鮮。炸墨魚丸$29炸過後有酥脆的外皮, 內裡有墨魚的香味, 彈牙, 配上酸甜醬汁很惹味。

小蓉係我近年最鐘意食的一間雲吞麵店，喜歡佢用料夠足，食物質素高快食來說呢度一定係我首選，方便番屋企，另外，食雲吞麵黎講，呢度個環境算係好好，唔會成地紙巾又濕LUP LUP黎過咁多次，基本上都知自己想食咩，其實差唔多每次都食同幾款食品喔豆漿 ($11)豆漿係必飲的，味道濃而且唔甜，味道岩岩好上湯水餃 ($33)自家製水餃有4隻，每隻都超過半隻手掌咁大，正宗皮薄餡靚，入面有蝦、木耳絲、豬肉，一咬開就睇到呢D新鮮完整食材，如果一個人食曬成碗相信都會飽左一半XO醬櫻花蝦撈麵配牛筋($39+$10)加$10就可以配五香牛筋、黃金魚角或柱侯牛腩，牛筋炆到淋曬，補充骨膠原之選，櫻花蝦鼓油王好有鼓油香，幼麵一點鹼水味都無喔

難我放假，就落佐旺角花墟行一行，睇下有冇D靚既盤裁，粉飾一下家居。行到有點累，當然要搵個地方醫下個五臟六腑啦，就比我見到呢間裝潢帶著一點古式古香既小蓉麵家。感覺夠哂傳統，決定入內一試。餐廳走 Open Kitchen 式設計，就有「廚房」既外面將貼佐唔同既食材，應該給唔同既份量，例如單拼雲吞有4粒，淨食就有5粒，絕對明碼實價。細看餐牌，除了麵食外，原來都仲有其他飯食，價錢都唔貴，我今日有D肚餓，就決定order 飯啦。冬菇牛腩飯 $42餐牌上既牛腩飯可以揀冬菇或者蘿蔔，我自己就揀佐冬菇既，但來到既時候原來冬菇蘿蔔 2 樣都有，夠哂驚喜。牛腩既份量都幾多，絕對唔係一般牛腩麵既份量，令我心裡暗喜，而且炆得好腍好入口，連埋D牛腩汁撈飯食真係好正。油菜 (菜心) $17菜心 $17一碟，唔算貴，如果要上湯上既就要加 $5，我當然係選了經濟之選啦。碟菜都好大碟，幾好。豆漿 $6牛腩飯跟餐加 $4 有熱飲， 加 $6有凍飲，我自己就揀佐凍豆漿。唔甜得黎豆味都好濃，正。埋單唔駛加一。