小蓉麵家

营业中

休息中

天氣炎熱，胃口大減！諗唔到食乜，乾脆簡簡單單去食碗麵！喺太子一帶行嚟行去，見到呢間麵店感覺比較乾淨，於是就決定入去食飯。呢度有提供各式傳統中式粉麵，我哋揀咗魚蛋麵同埋水餃撈麵。各款麵食可以加$5加紫菜，紫菜的份量一點也不吝嗇！各款魚蛋片頭都爽口彈牙，麵條相對冇咁彈。水餃撈麵有三隻大大隻好飽滿嘅水餃，皮薄餡靚，幾好味！淨係食兩碗面覺得唔係好夠，於是叫多咗兩碟小食。炸魚皮雖然唔係新鮮炸，但好薄好脆，又唔會太咸跟住見好多人都食炸雲吞，我哋又忍唔住叫咗一碟。炸雲吞都整得幾好食，唔會好乾好硬。總括來講呢間麵店味道都唔錯，不過份量就唔算太大，大食的話可能要食兩碗先飽囉