富豪坊

营业中

休息中

📍 富豪坊 Regal Terrace🌍沙田大涌橋路34-36號麗豪酒店2樓2/F, Regal Riverside Hotel, 34-36 Tai Chung Kiu Road, Sha Tin📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⤫ 砂鍋珍菌乾燒龍躉球 ⤫ ＄２６８龍躉蘸薄粉輕炸，皮脆掛汁，厚肉大塊，汁香味濃，甜而不膩，砂鍋炆焗恰好珍菌的香氣充分釋放。⤫ 脆皮燒腩仔 ⤫ ＄１８８咬落好似食薯片咁脆，唔硬又唔痴牙；脂肪及瘦肉要層層相間，五層清晰可見，肉質柔軟，唔乾脆而且唔滲油，帶鹹香。⤫ 揚州炒飯 ⤫ ＄１９８港式經典炒飯，簡單卻美味，叉燒粒、蝦仁、雞蛋、菜心、香蔥猛火炒香，米飯保持鬆散且不油膩，超級豐盛，起碼要4個人食。

朋友生日，約咗去沙田富豪坊食飯慶祝生日。富豪坊主打係傳統地道廣東小菜及點心，選用高級及新鮮的食材，務求要做到「色、香、味」俱全，為客人帶來完美的味覺及視覺新享受。裝潢方面融入了中國荷花的美態，再配上中國色彩的擺設、金銀色調傢俱及水晶燈飾等，盡顯東方色彩。脆皮三黃雞：大廚選用肥美肉香嘅三黃雞，烤成脆皮三黃雞，雞肉鮮美嫩滑、皮薄脆口，骨細味濃、風味獨特。砂鍋真菌乾燒龍躉球，砂鍋是以陶土和沙所製成，具備受熱均勻、保溫持久、保留原味與耐長時間烹煮的特性，用來煮菜，渾厚濃郁的香氣可是金屬廠鍋做不出來的，除咗啫啫聲音還有香氣十足，鑊氣味非常濃郁，龍躉肉質嫩滑爽脆，魚味濃郁。配上芳香馥郁的菇菌，味道和質感各有特色。楊州炒飯，炒飯飯粒很乾爽，不油膩，炒飯料多份量，味道鹹鮮適宜、軟硬適中、香潤乾爽。 具有炒飯特有的米香。綠豆糖水，綠豆具清熱解毒的功效，糖水甜度適中，美味的免費飯後甜品。

呢排冇乜食中菜，有少少掛住😋喺沙田嗰邊探完朋友~就去咗沙田麗豪酒店嘅 Regal Terrace環境幾靚，我哋坐窗邊位黃昏景色影相係最靚📸一坐低就打開menu，好多選擇🙈選擇困難症嘅我睇咗好耐🤣想嗌好多嘢試但我哋得2個人咋喎.所以唯有睇吓隔離枱食緊乜再做最後決定：小食我喺就叫咗金沙脆魚皮🐟事源係因為有日好想食新加坡嗰隻鹹蛋黃魚皮零食，但去咗幾間零食店同埋超級市場都賣晒🥺喺度見到就即刻落order喇😋魚皮係即炸嘅，好脆，啲鹹蛋黃起晒沙分佈喺每一片炸魚皮，好好食😍而且份量都幾多，滿意❤️主菜方面，肉同埋海鮮各叫咗一款，因為見到茶皇燻雞係其中一款攞獎菜式我哋都叫咗半隻嚟試吓😋皮幾脆，肉幾嫩滑~另外，因為聞到隔離枱啲砂鍋餸菜好香，所以我哋就揀咗砂鍋珍菌乾燒龍躉球嚟試覺得佢都煮得好有heart，有輕輕用油炸過啲魚逼咗啲魚香味出嚟，而且啲菇類爆炒過之後引咗啲甜味出嚟，令個汁食落幾有層次❤️.整體嚟講，嘢食都幾用心製作，而且枱同枱之間都幾闊落，坐得舒服，不過下次會同多啲人一齊嚟食，可以叫多啲嘢食，會開心好多😋🥢Regal Terrace 富豪坊（沙田麗豪酒店 ）

富豪坊香港沙田大涌橋路34-36號麗豪酒店內 佔地非常大 空間感強烈坐得舒服 服務細心優哉游哉享用午膳潮汕紫菜虎斑球紫菜豬肉湯 加上虎斑 湯頭鮮甜虎斑魚肉鮮嫩細膩，口感柔軟 潮汕菜和海鮮的結合 加上切絲青瓜用尼做湯飯應該好正蜜椒脆薯安格斯牛柳呈現金黃色的酥脆脆薯，搭配上煎至嫩嫩多汁的安格斯牛柳，再淋上蜜椒醬汁一齊爆炒嫩滑牛柳和甜辣蜜椒醬汁 愈食愈想食蛋黃千層糕 糕點的夾層是由酥皮和香濃的蛋黃奶油組成酥皮的脆度和蛋黃奶油的滑順口感 味道濃郁而香甜甜度適中，不會過於甜膩

又來到麗豪酒店啦😎之前食過佢哋幾間餐廳，不過一直都冇試到佢哋招牌嘅富豪坊～😍砂鍋乾燒龍躉球 $268龍躉啖啖肉鮮甜多汁，非常有鑊氣！份量仲有好多添☺️不過可能足料，食落去都有啲飽🤣鮑汁雞粒炆飯 $188非常香，飯粒分明！配埋雞粒增加口感😋成個飯唔會好重味，但係材料豐富都相當唔錯～薑蔥廣島蠔煲 $288蠔鮮甜又大隻😆用薑蔥爆香佢，味道更上一層樓🥳麗豪酒店菜式一向高質希望下次再可以過嚟試😎😎

平時黎開沙田都係因為閨蜜住沙田 唔覺沙田有d好野食 今次閨蜜生日就約我早d過沙田陪佢食想食好耐既「富豪坊」lunch tea 果然係駐守麗豪酒店既餐廳 感覺不單是高大上之餘成場氣氛都好好服務都到位 唔會好嘈雜 上桌先來了開胃冷盤花生和麻辣蓮藕細品過menu後 就叫左以下幾樣 椒鹽象拔蚌片 都係我地食過最驚喜既一道菜炸衣超薄 雖然係炸物 但係格外清爽 避風塘珍珠帶子 薄薄脆脆的外衣外脆內軟 砂鍋珍菌乾燒龍躉球龍躉肉厚 乾燒香氣十足 每一口都超級滿足 松露鮮蝦鳳眼餃松露香味四溢包裹了緊實的蝦肉 口感十足最後還點了個鳳爪埋尾下次一定再黎過

最近又認識了新朋友 下班後約出來飯聚偏愛中菜的沙田友 選址在沙田麗豪酒店２樓的中菜廳「富豪坊」 貪其靚景好坐平日人不多可以靜靜食飯 招呼都幾熱心除了可以散叫小菜 也有各種價位的套餐以酒店餐廳來講價錢公道 一般人吃得起選擇困難又貪心的我 自然是試試套餐啦-◆ 精選套餐 ◆ $𝟑𝟗𝟖 /ᵖᵉʳ ᵖᵉʳˢᵒⁿ (兩位起)套餐有６道菜 一人一碟形式上菜頗企理-ღ 粤式精點 ··♢金沙金瓜條： 咸蛋苦瓜 皮脆有甘甜味♢酥脆炸魚皮： 比平常厚一點 脆身香口♢酒糟小排骨： 重手的酒糟 味道很濃呀-ღ 招牌老火湯 ··這晚的老火湯是紅蘿蔔排骨湯 正常發揮-ღ 東瀛鮮准山炒玉帶子 ··主角是兩粒帶子 份量不細質地相當嫩口配角是准山京蔥黃椒 口感清爽也很夠味-ღ 籠仔荷香蒸班球 ··班球配合冬菇雲耳紅棗來蒸 有養生感覺很適合不愛吃澱粉質的我 不會過於頂肚-ღ 上湯珍菌菜苗 ··很清甜的一道 大量纖維健康也清清腸胃-ღ 是日精選甜品 ··最後來碗綿密的紅豆沙 甜蜜地結束一餐-ღ 茗茶 ·· $𝟐𝟎 /ᵖᵉʳ ᵖᵉʳˢᵒⁿ ღ 醬料小食 ·· $𝟐𝟐

喺沙田河畔經歷咗黄昏到夜晚的景色，喺呢間中餐麼廳享用了唔少美食。美食之一係“砂鍋珍菌乾燒龍躉球”，龍躉勁厚肉，但又好入味喎，而且數量唔少，生劏龍躉肉配以野生珍菌用大火爆炒收乾汁液後入口香濃，啲菌吸收了魚的美味，實在係超級睇得又食得，好值得推介。“羊肚菌荀尖乾燒粉絲”係另一道美食，查實佢係一道素菜，表哥話唔鍾意食素菜嘅，但食完呢道餸之後完全冇投訴，仲話好食啱胃口，所以呢，一道好的素菜，係可以慢慢浸入你的味蕾嘅。“避風塘珍珠帶子”以量取勝，話明珍珠當然唔會大粒，但薄薄的粉令你可以吃到帶子的味道；“麻辣脆鱔片” 亦係好味之選，話係小食但份量不小。

沙田節當晚特意找了一家可觀賞城門河無人機、煙火及光影匯演的食府晚膳位處城門河畔的麗豪酒店中菜廳裝潢散發傳統中國情懷設有私人廂房，適合舉辦婚宴、私人聚餐等不同形式的宴會餐廳大片玻璃窗眺望沙田河 ，整體氛圍高貴優雅主打地道廣東佳饌，部分菜式注入川菜元素，亦提供一系列巧手精緻點心及中式甜品週末及假日茗茶、芥及小食分別為每位$22榮獲香港旅遊發展局主辦美食至最大賞至高榮譽金獎名饌茶皇燻雞半隻以龍井茶葉薰染雞肉，入口味道清香不膩小食避風塘珍珠帶子外脆內軟，椒鹽味恰到好處精選菜式清湯銀蘿牛坑腩煲新鮮熱辣，牛腩綿軟可口

前牌聽朋友講😌沙田麗豪酒店有間酒樓啲點心唔錯，難得老公放假，就帶埋個仔試吓先，果然係冇失望嘅，環境唔錯，完全冇壓迫感，安排坐近窗邊位，望住城門河感覺好開陽🤭我哋叫咗個午膳自選套餐，每位$188，另外再叫多個川燒羊肚菌海參煲⭐️川燒羊肚菌海參煲正常嘅海參煲就食得多，今次試個川味，辣辣地又幾入味喎，羊肚菌索晒啲汁，yummy😋😋⭐️蒜片燒汁牛脷粒牛脷粒好淋，配上香濃嘅燒汁會，加埋蒜片一齊食😋正👍⭐️瑤柱蒸燒賣燒賣大大粒，食到啖啖豬肉同蝦嘅味道，面頭仲有瑤柱絲，好食😋⭐️潮州蒸粉果呢個同出邊嘅，冇乜分別⭐️XO醬安蝦鹹水角脆卜卜嘅鹹水角，外脆內軟，食到淡淡XO醬嘅味道唔錯👍⭐️蜜餞叉燒包呢個簡直係我個仔嘅至愛，無可奉告😂😂我一啖都食唔到⭐️西湖黃耳燴素羹雖然係一個素羹，但係口感都好豐富，味道香濃，唔止飲緊素羹⭐️蒜香海皇炒飯個飯炒得好靚，粒粒分明味道啱啱好，又唔會太鹹，兩公婆食到舔晒咀，連我最偏食嘅仔都食咗兩碗呢度環境同食物都唔錯，最重要係唔係咁嘈，下次可以約埋朋友一齊嚟食過#沙田 #沙田麗豪酒店 #富豪坊 #中菜 #飲茶 #香港美食 #相機食先 #美食推介 #比卡仔與比卡媽 #hkfoodies #foo

又是一個懶洋洋的星期天。看完兩個小時的早場電影已經下午一點，開始肚餓。於是到附近看看有什麼好吃醫肚。 富豪坊位於沙田大涌橋路。從沙田圍地鐵站一出不用10分鐘便到，十分方便。 這裏的裝修簡單，而且寬敞，枱與枱之間有足夠距離，坐得舒服。 我們一行二人叫了幾樣小菜一起分享。 椒鹽脆皮廣島蠔(⭐⭐⭐⭐⭐) 廣島蠔炸得香口鬆脆，但不會太乾身，能夠吃得出蠔的鮮味。一份六至七件，令人停不了口。松露鮮蝦鳳眼餃(⭐⭐⭐⭐⭐) 一份三件，鮮蝦吃起來彈牙，配上松露醬，味道豐富。蟲草花魚湯鮮竹卷(⭐⭐⭐⭐⭐) 鮮竹卷吃得出很香的豆味，蟲草魚湯煮得入味，連平日不愛吃魚的朋友也停不了口。黑松露帶子腸粉(⭐⭐⭐⭐⭐) 腸粉皮薄餡靚，加上一粒粒鮮帶子，簡單的配上甜豉油已經很好吃。瑤柱滾帶子粥(⭐⭐⭐⭐⭐) 生滾粥即叫即煲，吃起來軟綿綿，鮮味十足。一份大約三四碗，兩個人分享剛剛好。砂鍋珍菌乾燒龍躉球(⭐⭐⭐⭐⭐) 龍躉球即叫即製，上枱契還是熱辣辣，冒著煙​。龍躉球大件，而且吃起來肉質結實，配上薑蔥，蒜頭等等不同香料，吃起來十分惹味。總括而言，這間餐廳食物質素高，下次有機會經過也必定會再來。 ~~~~~~~~~~~~~~

打風前一日同媽媽撐枱腳，朋友介紹話麗豪酒店入面呢間富豪坊啲嘢幾好食，好岩同長輩黎試下。地點都算方便，對面就有巴士站，食完行去格離就有好多巴士走，如果想去沙田行下商場都唔洗行好耐，估唔到食物質素真係幾好。沙律軟殼蟹 $128我同媽媽都超中意食軟殼蟹，見到有就一定要試下啦！如果大家食過元氣同壽司郎嘅軟殼蟹都知佢炸皮都有啲厚嘅，呢到嘅軟殼蟹有驚喜，個炸皮好薄，好新鮮又啖啖肉，食完差啲想叫多一份。黑魚籽鮑汁煎蠔 $288呢一味係餐廳嘅招牌菜，標榜日本蠔，真係好大隻蠔，我同媽媽一人三粒食完都好飽，黑魚籽鹹鹹地，帶起左蠔嘅鮮味。北菇棉花雞 $55棉花雞係好易整，但要整得好食就唔容易，呢到雞件唔會細舊有雞味，啲棉花又整得好爽，唔會淋晒成啖油咁，勁出色！重點係黎到熱辣辣睇得出係即蒸，唔似出面啲酒樓蒸完擺左係到好耐遊埋花園黎到都凍晒。大澳碎炸雞 $98我以為呢道菜會好似炸子雞咁，點知黎到有啲似韓國果啲炸雞件，但食落好香南乳味，食完一舊又接一舊，最正係無骨又香脆，真係勁正。香麻煎堆仔 $45以前細個父母成日帶我去美心飲茶，好懷念佢地煎堆仔嘅味道，估唔到呢間酒樓做到！既香脆又夠芝麻味，食到我同媽媽不斷回味以

同姊妹一樣鐘意食中菜，正當苦惱揀邊間中菜廳相聚時，同事介紹左間常去既中菜廳，話氣氛、環境、服務都相當唔錯👍🏻預早左book定靚位，來感受一下「富豪」式聚會職員帶位後，主動上茶芥，小食系醃菜+蓮藕，涼盤尼，小小辣味幾爽口開胃，Menu選擇都算多種類，見到唔少菜色都有加辣/四川風味/水煮/椒麻/XO，睇得出由小食到餐牌設計都幾有滿足辣感愛好想法-💋黃金豆腐磚💋超級外脆內軟，表層有椒鹽咸香味道，唔會太厚做到鬆脆口感，筷子夾得起唔會散，而內裡系軟滑既豆腐，豆腐系較易出水食品，要做到大大件擺左一陣，相機享用左先，依然保持到外脆內軟，堅讚-💋玫瑰香焗鱈魚球💋呢味系酒店力推招牌菜之一，銀鱈魚先用自家醬汁炮製，做到魚肉入口香滑，細爵可食出淡玫瑰🌹味道，再配合蛋黃菜、菜絲、少許辣粉調味刺激味蕾，多重享受😎值得推薦獨有菜色-💋脆皮三黃雞💋平時較易食到吊燒雞多數土雞個類，而三黃獨特在雞皮更薄、油脂感相對高，肉身味更濃雞香，皮一咬即「嚓」聲，就算唔點淮鹽喼汁，雞肉本身夠最鹹味，想更食出雞味唔沾醬料更建議，或少許喼汁增添開胃感都唔錯，食到一啖接一啖停唔到-💋鮑汁鱆魚雞粒炆飯💋酒店中菜廳都算常見既炆飯，砂煲上飯經

同屋企人去食中餐，我地想食下d比較有特色既菜點咗攞過獎既金湯珍珠香茜魚蓉羹（＄138）每位、富貴櫻花蝦蛋白炒飯（$228 ）同玫瑰香焗鱈魚球（$298）。首先食金湯珍珠香茜魚蓉羹金黃色既湯羹上面鋪上香茜碎，加埋珍珠白既魚蓉，賣相精美華麗。玫瑰香焗鱈魚球上碟既時候仲冒緊煙，夠哂新鮮熱辣。鱈魚肉質爽彈，咬落散發淡淡玫瑰香氣，好高貴優雅既一道菜式，令人回味無窮。富貴櫻花蝦蛋白炒飯份量非常大方，欣賞佢既炒飯粒粒分明，用料豐富，加咗臘腸粒同好多乾瑤柱絲。d飯同其他食材充分混合，每一啖都食到所有材料，味道又唔會太鹹，我地兩個人食，每人食咗成三大碗😂我地揀咗菊花茶，本身好鍾意菊花既清香，加上菊花清熱解毒，好啱而家夏天飲。餐廳環境舒適，餐具亦好乾淨~

臨近大假，工作繁多，食好D，決定同友人去麗豪酒店富豪坊品中菜。選了靠窗坐，座位之間寬敞，空間感十足，窗外風景優美，感恩放工可以望到夕陽餘暉。 選了招牌乳鴿，砂鍋珍菌韓燒龍躉球和另外兩道菜。避風塘珍珠帶子帶子被薄薄外衣包圍住，外脆內軟，椒鹽味恰好。砂鍋珍菌韓燒龍躉球熱烘烘，一打開鍋蓋，珍菌香撲鼻而來，龍躉球肉質嫩滑，燒得剛剛好。珍菌百合扒鮮腐竹賣相靚，雖然是素菜，珍菌香撲鼻，百合鮮甜，腐竹香滑。沙田乳鴿烤得脆香，色澤亮麗，咬下去，外脆內嫩滑，乳鴿肉汁即出，juicy 同 yummy!整體而言，窗外風景優美，環境貴麗時尚，空間十足，服務殷勤體貼，食物令人食得津津有味！