容記小菜王

营业中

休息中

咁啱去開太子，突然食小菜，見到呢間容記，有幾多人入去喎，本身以為喺茶餐廳，點知上到去原來係酒樓嚟嘅一入到去已經勁熱鬧，勁有氣氛，坐低咗，侍應都好熱情咁招待我哋，仲同我哋推介紹左拔絲咕嚕肉一定要食添。我哋兩個人，叫得唔算多，除咗咕嚕肉仲叫咗個魚腐浸勝瓜，再加碟例牌叉燒😆😆燒味一睇就睇得出嗰師傅夠唔夠料到，碟叉燒一嚟到，都話咗一聲，好入味，都幾淋，好食過我樓下嗰間燒味舖🤪個拔絲咕嚕肉超級多，唔似出邊得啲配菜，每舊都炸到外脆內軟，要趁熱食😁最後啲魚腐浸勝瓜先係重點，啲魚腐一啲都唔腥，浸埋勝瓜好入味，好juicy🤤聽到隔離枱嗌海鮮，下次都要嗌多幾個人，過嚟食多次

今次約咗朋友一行四人去太子飯聚!😂 大家太耐無食中菜突然好想食下，就嚟到呢間酒樓，酒樓有圓枱又有卡位，我哋四人就安排去卡位坐，幾中意坐卡位，大家唔使隔咁遠，又可以靜靜地傾下偈~ 食物都幾大碟👍1. 海蜇燻蹄 ($58)海蜇好爽口，食落甜甜地又有啲麻油香，燻蹄有滿滿的骨膠原，肉質爽彈!2. 黃沙脆蝦球 ($128)即叫即整熱辣辣，入口鬆化，咸蛋黃好均勻咁遍佈每一粒蝦，蝦都幾大隻又爽口，好邪惡呀!😈3. 上湯焗波士頓龍蝦 配伊麵底 ($188)龍蝦都幾大隻，肉質新鮮彈牙，伊麵吸收了龍蝦上湯嘅精華，好入味，而且幾大份 大份!😙4. 海鮮濃湯雜菜煲 ($108)一上枱已經覺得好大煲!😮 每人都起碼吃了兩碗，呢個煲有珊瑚蚌、帶子、大蝦、西蘭花、生菜、冬菇、菜心及粉絲，非常豐富!😝👍

呢間容記小菜王，係太子道西近大角咀，平時行經見到大大間，見到係米芝蓮推薦餐廳，一早已經bookmark 左。今日就同男友來吃。門面超大，遠距離已經望到～屋企平時少煲湯，見一盅湯都係$48～日淮山杞子燉螺頭湯：清甜，熱辣辣，非常足料～瘦肉都比幾多下😍龍躉花甲煲$238：好嘢味，夠香，有鮮甜既花甲～價錢有呢個水準同味道，真係要比多個Good!鐘意食魚頭既我，食到停唔到口😋海鮮濃湯雜菜煲$108 ： 有小元貝、珊瑚蚌、蝦。擺左好耐都仲熱。蔬菜都好新鮮。成餐飯由叫人落單到上菜，都好順暢～ 唔需要等太耐。

今日（3/1/2022）同朋友來太子，朋友推介一間唔錯的食店食下午茶，店名好似好熟，再睇番食評，原來上月幫襯過新蒲崗分店，有過好回憶，再幫襯，好有親切感。食店在二樓，二點二下午茶時間到，有好多空枱，心感不妙。再睇下張點心紙，午餐同下午茶既點心價錢相差好少，有D還同價，哈。點了蜜汁叉燒瀨及極品燒鵝瀨，叉燒及燒鵝都好食，碗瀨粉超大碗。干蒸牛肉賣，無比喼汁，叫咗2次都拎唔到嚟。娥姐粉果叉燒腸，有好多生菜，爽口蟹籽燒賣皇，料好足鮮蝦炸雲吞，脆口，饀料既蝦好大隻埋單$185，抵食，好飽，食唔晒，燒賣及干蒸牛肉唯有拎走。最唔方便係要比現金，埋單要夠$200才可以以電子支付。

太子容記真係有返咁上下名氣，貴為米芝蓮推介餐廳，難得價錢又幾親民，今次係朋友推介去食，話呢度食物分量足又有鑊氣同埋少鹽少糖夠晒家常，當日2個人食，order左幾款食物：叉燒（例）因為晚市優惠69蚊而叫😂叉燒肉質鬆軟，醬汁清香入晒味，不錯！海皇撈粉絲呢個好大分量，個人覺得夠四個人食！粉絲炒到好有鑊氣，仲有蝦同魷魚配搭，味道層次豐富濃湯手打魚腐浸勝瓜個人最鐘意呢個，個湯應該冇咩味精，清清甜甜，食完唔口渴，估唔到出街食到住家味道❤️魚腐入味索晒湯汁好好食，仲有蝦米乾同勝瓜，perfect match!容記第一咀我地因為個菜名而叫😂咀係墨魚咀，好爽口彈牙，由於我地都好鐘意食香口野，所以好快KO晒總括呢度性價比高，食物健康但味道又交到功課，唔怪之得閒日晚市黎到全場爆滿啦

多年前食過，今次回訪，水準依然👍🏻**********容記第一嘴🦑（$88）🌟推介🌟第一嘴即係墨魚嘴，之前食嘅墨魚嘴都係細細粒，容記呢度就大大粒，都幾巨型😂食落幾爽，送啤酒一流🍻**********蜜汁叉燒皇🐷（$68例）🌟推介🌟叉燒啖啖肉，去食小菜必叫當晚叉燒唔會太瘦又有小小肥，啱啱好蜜汁唔會太甜，又燒到小小濃邊**********燒肉（細）🐷（$98）🌟推介🌟細嘅有3排燒腩仔，塊皮燒到脆卜卜而且鬆化鹹味均勻，因為試過其他地方食，底部嘅肉係會超鹹，但係容記燒肉味道平均，不愧為米芝蓮得獎燒肉**********濃湯手打魚腐浸勝瓜🐟🥒（$88）勝瓜爽脆配魚腐腍腍地，口感相當唔同湯底清甜魚腐最少有5-6舊，仲有雲耳做配菜，大大碟非常抵食**********蠔皇原隻南非孔雀鮮鮑魚鵝掌（$68）🌟推介🌟抵食之選👍🏻鮑魚同鵝掌都炆到好入味，唔會過鹹蓋過鮮味鮑魚食落小小煙韌，鮮甜

天氣寒冷想食返啲暖胃野見到地鐵站出口附近有間米芝蓮推介餐廳順路就試試佢啦😆太子站A2出口 大約3/4分鐘左右樓面光潔亮麗我哋六點幾去到唔使一陣就已經爆場穩陣啲都係book定位先啦。唔使諗一定要試試佢個燒肉話哂米芝蓮推介有大有細可以㨂兩個人 就叫份細啦肥瘦比例啱啱好仲要燒到脆卜卜香脆可口 唔膩口😋紅燒乳鴿嫩滑可口， 皮薄脆脆地平時只㨂選部分位置食既我竟然都食左半隻，可想而知，係有幾好食！😋唔想食咁飽最後都係㨂選左個濃湯海鮮雜菜煲足料香濃😋整體來講 價錢適中人均消費大約$150左右係旺角 呢個價錢 抵食喎😋😋😋

細細個嗰陣已經聽過容記小菜王 仲成日同屋企人一齊去食 今次嚟到太子嘅分店 喺遠處已經見到好大嘅招牌 寫住容記小菜王 而且係米芝蓮推介餐廳 決定入去食晚飯入到去安排咗坐卡位 座位好舒服 感覺就好似喺酒樓食飯😁因為呢排生飛滋 所以唔敢叫咁多熱氣嘢食 睇一睇個餐牌 主要係煎炸野 但都搵到少量唔熱氣嘅餸菜😆1️⃣前菜雲耳 $15酸酸地有少少辣味非常之開胃2️⃣豉汁蒸白鱔 $128豉汁調配味道啱啱好 惹味又爽口3️⃣濃湯什菜海鮮煲 $108 份量非常之多 兩個人食到超級飽 濃湯味道夠鮮甜 海鮮有蝦帶子魷魚 又有大量唔同種類嘅菇菜 好健康😌

最近同朋友黎左e間上過米芝蓮嘅小菜館，餐廳有大圓枱同普通2-4人枱，適合聚會。餐牌有唔少特色小菜，當中燒味同小炒最為吸引🤤容記小炒皇，口感好爽口，入面有魷魚同蝦干仲有腰果，同韮菜一齊食，味道唔錯。海鮮濃湯雜菜煲，煲仔熱辣辣，海鮮鮮味，入面有大蝦同珊瑚蚌，口感爽口，仲有唔同嘅菜同粉絲。濃湯真係吸收左海鮮嘅鮮味，好鮮甜🥰叉燒（例牌）味道有炭火味，香香甜甜。又唔太肥😆👍🏻清蒸沙巴龍躉，魚嘅肉質結實，味道鮮味🤓👍🏻

琴晚同屋企人黎左e間米芝蓮嘅小菜館，地方都幾闊落😍有唔少特色小菜☺️睇下餐牌，有燒味，同鑊氣小炒，煲仔菜都幾吸引🤤我地叫左以下：叉燒（例牌）叉燒係米芝蓮推介，肥瘦適中😍味道都有少少炭火味☺️海鮮濃湯雜菜煲☺️海鮮好新鮮，珊瑚蚌好大隻，爽口，濃湯煮嘅菜同粉絲吸收哂海鮮味🤤容記小炒皇😋味道勁野味🥰韮菜同魷魚，蝦干炒得勁香，仲配埋脆脆腰果，令口感更上一層☺️清蒸沙巴龍躉🤩清蒸可以保持到魚嘅原汁原味😍配埋靚豉油，引到魚嘅鮮味😋

🔥🔥《容記小菜王》 同朋友仔提起，已經很久沒有食鑊氣小炒🔥了！突然記掛那股攻鼻的熱騰騰氣味😆！朋友知道後第一個提議就係太子容記😆。好！今日就去會一會佢先😋！🌱🌿🌱🌿☘️🍀🍃🍃🍀🍀☘️🌱🌿 🍄 揚名國際燒肉 /小 HK$98🔻🔻🔻🔻🔻🔻🔻🔻🔻🔻🔻🔻🔻見到個頭銜唔order都唔得啦😂🤣！燒肉脆皮到一個點😍！嗦嗦聲💥！鹽味🧂也醃得剛剛好😙，不會死鹹或淡pet pet🥳。肉的肥、花、腩、瘦，每層都分明！仲要份量比坊間一般小菜館大碟得多🥳！果然係揚名國際呀吓🤩！🍄 容記第一嘴 HK$88🔻🔻🔻🔻🔻🔻🔻🔻🔻🔻🔻朋友知道我哋將會去容記時，就提我哋要必食墨魚咀💋！咁勁😂？咁要試啦！墨魚🦑咀用脆漿包住，炸到圓咕碌🔘！份量不少的！炸漿本身已帶鹹味😙，令墨魚咀不用調味，也可以食到墨魚鮮味和炸物香😆！🍄 濃湯海鮮雜菜煲 HK$108🔻🔻🔻🔻🔻🔻🔻🔻🔻🔻🔻🔻呢煲嘢不得之了咁大煲🤣！粉絲、冬菇、蝦🦐、珊瑚蚌、西蘭花🥦、帶子仔、小白菜🥬、黃芽白、蘑菇🍄！一口氣數唔完😆！全部都係索湯之選！湯底又夠曬濃香！能帶動海鮮和雜菜粉絲清中帶甜！🍄 酸菜 HK$15🍄 晚茶 HK$20🔻🔻🔻🔻🔻🔻🔻🔻🔻🔻🔻🌱🌿🌱🌿☘️🍀🍃🍃🍀🍀☘️🌱🌿

🙋🏻‍♀️小編妹妹最近帶咗小編品嘗一間位於太子，曾經獲得米芝蓮推介嘅粵菜餐廳「容記小菜王」。一行四人嗌咗五款菜式，尤其小炒，送飯一流。🦑小炒王（$98）：有鑊氣！小炒王包含：韭菜、腰果、蝦乾、白飯魚乾，以及魷魚。腰果脆香可口，魷魚新鮮彈牙。爆炒鑊氣無得輸！叫得小炒王就記得要叫多個「靚仔」白飯。🥩（細）燒肉（$98）：正名為「揚名國際燒肉」，榮獲米芝蓮推介名菜。特選半肥瘦相間嘅位置，皮脆肉香。輕沾芥末，中和油脂感，食落更加香口。🍚薑米蛋白雞粒炒飯（$88）：鹹淡適中，菜心細嫰，雞粒肉質彈牙。但最值得賺嘅係大廚嘅油溫控制得好好，飯粒粒粒分明，食到最底都保持到飯粒清爽（有啲餐廳嘅炒飯食到最底會勁多油）🫕（細）家鄉扣肉煲（$168）：又來一個送飯神器。腐乳味完全融入，扣肉啲肥膏位真係好正，入口隨即油化。冬天食真係好幸福⋯底下嘅梅菜偏向軟淋，用匙羹輕輕一抆即被壓散，拌飯良品。（私心：如果有芋頭係底就更加好了）🍲濃湯海鮮什菜煲（$108）：用料十足，海鮮包括：珊瑚蚌、蝦仁、元貝；蔬菜都有幾款，包括：津白、小棠菜、香菇、菜心，以及小白菜。整個粉絲煲味鮮甜，又有足夠嘅纖維，健康得來食完成個人暖笠笠。冬日

同屋企人好耐無一齊出街食飯，難得大家都就到時間，家姐就帶左我哋去呢間曾經獲得米芝連推介嘅酒樓試下🤤〰️揚名國際燒肉 （細）$98個名聽落都夠哂勁！食落皮超脆！肉層次分明，油脂比例剛剛好，唔會太肥或太瘦。可以講係必食😆〰️薑白雞粒炒飯 $98雞肉粒夠嫩滑，飯粒炒得乾身😎〰️小炒王 $98鑊氣十足。材料好豐富，有腰果、蝦乾、蝦、魷魚、燈籠椒、魚乾仔等等！〰️家鄉秘製扣肉 $168扣肉夠入味，食落無太油膩嘅感覺，底下嘅梅菜用嚟送飯一流😆〰️海鮮濃湯雜菜煲 $108有珊瑚蚌、白菜仔、黃芽白、菜心、西蘭花、菇、蝦、帶子粒等等。粉絲吸收晒湯底鮮甜味道🤤〰️〰️📍 容記小菜王 (太子)太子太子道西123號地舖

早幾日同屋企人想出街食飯，所以就帶咗佢地去呢一間小炒王試吓，話晒都係米芝蓮食肆😝今次我哋就叫咗佢哋出名嘅燒肉，另外仲叫咗個叉燒，佢哋而家做緊特價，所以就叫咗兩個燒味試吓😂，可以比較一下🤭，最後就叫咗個海皇炒粉絲👍🏻燒肉個皮好脆，而且肥瘦分明一層層，再配上wasabi🤭，咁嘅食法，都係第一次，平時都係點黃芥辣雖然叉燒係做緊優惠，質量都唔差，食得出佢係梅頭肉👍🏻，完全冇柴皮嘅感覺，叉燒真係好正！最後海皇炒粉絲，份量都好大煲，可以當飯食，有啲蝦乾，聖子，椰菜絲同啲粉絲煲埋一齊，味道都唔錯😛

今晚我們來到位於太子的容記小菜王。從太子站C2出口步行不用3分鐘就到了，位置十分方便。 燒腩仔來的第一道菜，外皮燒得十分香，肉質爽口加上醬汁令味道更上一層樓，果然名不虛傳。 炸蝦球金黃的炸蝦加上旁邊一朵紫花作襯托，賣相十分吸引。一口咬下，炸得可口鬆脆的外皮還有陣陣的蝦香和蛋香味，主角蝦本身更好味得令人想一吃再吃。薯仔牛柳粒薯仔和牛柳真的是絕配，每次吃小菜都會點這款菜，容記的我覺得煮得特別入味，薯仔入味得像真是在吃牛柳一樣的。 海鮮濃湯雜菜煲吃肉太多也需要吃點蔬菜平衡一下，本身自己又十分喜歡吃海鮮和飲湯，所以就點了這個海鮮雜菜煲。結果果然沒有令人失望！不同的蔬菜香菇和海鮮混合，再加上令人喜出望外的鮮甜濃湯，這個雜菜煲真是一次滿足我三個願望！