容記小菜王

大只仔今次觅食嘅店舖就系💥 容记小菜王 💥大只仔今次介绍一间米芝莲推介餐厅，旧店喺深水埗已经大排长龙，而家搬迁太子新店更加干净企理服务高级，其中获奖菜式「脆皮烧腩仔」系大只仔喺中式酒楼食过最好食嘅烧腩仔，另外，蒜香骨、第一咀、沙拉骨都系必须推介。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服务 ⭐️⭐️⭐️⭐️⭐️环境 ⭐️⭐️⭐️⭐️加一服务费 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 得奖脆皮烧腩仔 $138烧腩仔采用五花腩，层次分明，肥瘦适中，每食一啖都充满油香，而外皮烧到金黄色，脆卜卜，咬一啖外皮香脆得夸张，惊为天人，非常之好食。🔥 咕噜肉 $108选用新鲜无骨猪肉，食落口同冰鲜肉肉质分别好大，新鲜猪肉肉质更加鲜嫩松软，咕噜肉外皮薄脆，酸汁唔会太酸甜甜地啱啱好，选用新鲜菠萝，十分开胃。🔥 招牌沙拉骨 $108一样选用新鲜猪肉，啖啖肉，肉质好松软，入口即化，配上沙律酱极之开胃。🔥 麻辣口水鸡 $68口水鸡肉质比较结实，强劲辣味十分之刺激味蕾，会越食越想食，洒上白芝麻更加惹味。温馨提示：餐厅需要收茶位 $15 ，酸菜 $15…查看更多

🧮熊妹成日都食西式下午茶，今日想食返中式味道。食中式下午茶就梗系要食返中式点心啦，要食经典嘅味道当然就揾返间酒楼就最原汁原味。熊妹行过太子，成日见到《容记小菜王》大大个招牌，估计都系最原始风味的小菜茶馆。📌一撘䢂上一楼，沿途都见到好多优惠海报。下午茶优惠，大中小点一律$18.8一款，假期就款再加$3。📌另外，仲有好多精选小菜，晚上8:30后宵夜时段仲有8折，可以晚餐大伙儿来聚餐。容记虾饺皇，$14.8虾饺王大大只，又真系皮薄馅靓，够哂弹牙，最主要系茶巿优惠价真系抵到烂，平日$9.8，假日加多$5，都仲系好抵。点心孖宝，$36.8点心孖宝入边嘅点心多数都系中点及大点，就拣咗鲜竹牛肉球同埋豉汁蒸凤爪。鲜竹牛肉球牛肉球size超大粒，主要加入咗马蹄爽口啲，点喼汁系典型食法。豉汁蒸凤爪一笼凤爪都有四至五只，香浓嘅酱汁够入味，真系会撰埋啲骨。姜葱牛柏叶，$38牛柏叶嘅酱汁调味都好唔错，有少少辣又够浓味，索哂啲味食一流口感。蟹籽烧卖皇，$21.8烧卖王加入咗冬菇粒调味，肥猪肉又软淋，点豉油辣椒油食系熊妹认为最佳食法。四宝滑鸡扎，$34.8豆腐皮包裹住或鸡肉、厚切火腿条及猪皮去蒸，一口食晒四款材料，滋味无穷。素翅灌汤饺，$21.8真系有一条条素翅，好有咬口，一啖啖灌汤饺肉连汤一齐食，够哂湿润。韭黄鲜虾肠，$34三大条虾肠好滑溜，𠽌一声入口，滑嘟嘟的米浆配合弹牙虾肉，荷香珍珠鸡，$21.8两只珍珠鸡蒸到啱啱好，内里有叉烧肥肉紧饀料，酱汁浓味渗入糯米饭食。潮州蒸粉果，$21.8一笼粉果有四只，粉果皮唔算好厚，饀料亦唔算好多，细细地一件易啪入口。虎皮尖椒，$51厨房小菜虎皮尖椒竹得好干身，尖椒本身好够辣，加点豆豉同蒜蓉去炒够哂惹味。大师干炒牛河，$61树熊最爱的干炒牛河，下午茶价都份量大足大大碟，获气够重，河粉干身，好多片嫩滑牛肉，果然系大师级水准。莲蓉蒸布甸，$21.8最后，甜品点了招牌莲蓉整布甸，西米布甸调味唔系好甜，笔到底部绵绵嘅白莲蓉捞埋一齐食，口感滑溜，每一啖的幸福真系滋味在心头。茶位，$12📌《容记小菜王》环境场地好大，典型的酒楼格局，有卡位，有好多张多人圆枱，墙身又挂上电视机，好多老友记就系钟意去酒楼饮茶🫖睇下电视📺打下牙较。📌《容记小菜王》推出的下午茶优惠真系抵到烂，难怪吸引咁多街坊街里下午茶时段过嚟饮啖茶食个包，都平过茶餐厅，希望呢个优惠可以持续长久，相信大家都会继续支持🦾。…查看更多

油尖旺揾好餐厅，想揾间适合多人聚餐，粤菜小炒酒楼，人多气氛环境佳的，推荐试试榕记小菜王😛位于太子的驰名中菜酒楼，镬气小炒，粤菜都系呢度出名的菜式。今晚二人饭局，人少少点三个菜：榕记小炒王 $138 料多火候够，送饭送酒就岩晒新鲜菠萝🍍咕噜肉 $108 咕噜肉色泽吸引，外脆内香，超级开胃🤤经典大马站煲 $118 呢个大马站煲不得了，热辣辣超足料，有少少似豆腐火腩煲，但佢用煲仔形式焖得超级入味😋平日来食晚餐都差不多满座，好多街坊帮衬又真心水准不错另外有计茶位$15/位，前菜$15，价钱都算正常。…查看更多

嚟过几次容记饮茶，今晚第一次试下小菜❤️ 原来容记曾经荣获米芝莲推介，菜式出名镬气十足、价钱亲民，唔怪之得平日夜晚都咁旺场👍🏻🪿红烧乳鸽烧鹅卖晒，改试乳鸽🤣 乳鸽皮脆肉嫩，火喉掌握得宜。🐮芥末牛仔粒芥末酸酸甜甜，牛仔粒唔韧。🥗浓汤手打鱼腐浸胜瓜汤底鲜甜唔油腻，胜瓜吸汤入味。🌶️七味脆豆腐外层酥脆，内里滑嫩，微辣香口，送酒一流！🥭杨枝甘露Follow 餐厅社交平台会赠送杨枝甘露🩷估唔到赠品都咁足料，入面劲多芒果😍…查看更多

呢间位于太子嘅小菜餐厅，每次经过见到佢大大个招牌，都会好想试下，今次终于同屋企人黎食左个靓饭!餐厅共有两层，客人主要都会在1楼用餐，有卡位亦有圆枱，当天晚上食饭黎到全场爆满!餐牌上有多款菜式可以选择，而且亦有一些优惠菜式可以选择!另外餐厅8点半后入座仲有8折优惠添!淮杞炖螺头汤，成家人都中意饮汤，所以叫左个例牌饮下，大概可以分到4碗。材料有淮山、鸡件、鸡脚、螺头等。汤非常鲜甜，而且鸡脚仲煲得好腍，入口有种即溶嘅感觉，热辣辣饮非常正!龙虾孖宝，呢个优惠分别有上汤龙虾伊面及烧味，我地烧味就拣左烧鸡半只!烧鸡鸡皮烧到脆卜卜，鸡肉嫩滑入味，非常正!而龙虾伊面用上澳洲龙虾，大概一斤重，龙虾肉鲜甜弹牙，配上上汤伊面，伊面味道唔会太咸，吸收了龙虾嘅鲜味，味道唔错!西兰花花姿珊瑚蚌，西兰花脆口，用上鱿鱼、珊瑚蚌、红椒、黄椒、木耳一齐炒，颜色非常靓!珊瑚蚌同鱿鱼爽口弹牙，非常惹味!…查看更多