已经系第二次嚟家嫂一家大小嘅尖沙咀分店食嘢啦，一早打咗电话book枱，因为次次去都好爆满，加上佢系无限时，个个都食到收工，最好book定枱，去食之前，餐厅会whatsapp定menu过嚟，讲埋安排暖几多号枱，如果想要家嫂花胶老火汤底嘅话，就要同餐厅讲定要留，不过我哋就冇要。时间可以由5:30食到10:30pm，我哋系6点几去到，未齐人都入得，可以喺出面攞住饮品先，亦都可以叫住小食食住先，等齐人再上菜。有超多饮品，唔止罐装，仲有好多冷泡茶、滋润饮品，桂园杞子之类，另一边仲有热的泡茶，酱汁又系好多。未齐人我哋已经食住小食先，有15款，而且味道唔错，蚬螺冇沙，虾多士好脆。不过小心，唔好叫咁多，每样试一次就好，唔系就中咗餐厅圈套，挂住食小食食唔到其他啦。齐人就可以上菜啦，第一样系食刺身船，我哋4个人所以唔算好壮观，多人食嘅话，个刺身船要两个店员一齐搬先得。刺身人头计每人每款一块，好好食，新鲜冇腥味，又好厚切，如果任食就太好啦。三文鱼好厚切，带子好鲜甜，虾都完全冇腥味。之后就食鸡煲，我哋叫咗微辣，不过唔辣，甜甜地几好食，食咗一次我哋就转火锅啦。火锅都有七款汤底拣，家嫂花胶老火汤锅就系要先预订的，当时就有六款可以拣，只可以拣一个汤底，我哋就拣咗清香椰子汤锅，好香。火锅一开始会上盘海鲜，海鲜系任食的，不过冇写喺火锅任点menu度，因为海鲜系每晚不同的，要睇返当晚系咩海鲜，呢个海鲜盘有嘅海鲜都系可以任食，叫店员过嚟落单就得。我哋主要一直点鲍鱼、蚝、鱼，鱼系慒仔鱼同鳝，都好食，蚝完全唔腥，鲍鱼好弹牙。火锅任点menu仲有好多野，肉只有两款有肥牛、豚肉，仲有丸、菜、锅肴，全部都唔错，牛肉系美国肥牛，但都唔错，唔会好鞋或者劲肥，豚肉系黑豚肉，都完全唔鞋，好嫩，都有再叫。每人400几虽然唔系平，但有刺身鸡煲海鲜火锅食，仲可以食足5个钟，就好抵食。…查看更多
