家嫂一家大小

這家店主打圍桌慢吃。入座先是小食圍盤，酸辣甜鹹一圈轉齊，花生、海蜇、海螺、炸雞翼、蝦多士、特色皮蛋各有角色。最吸睛是刺身船，三文魚、吞拿、帶子、赤貝與甜蝦排開，只上一次，但款式夠多，人人都能試到一片。之後上雞煲，可揀辣或不辣，我們要微辣。雞件啖啖肉，醬香下飯。然後上火鍋。鍋底用自家花膠老火湯，先舀一碗暖胃。海鮮盤隨後登場，也是只上一次：九節蝦、元貝、帶子、象拔蚌、花甲、鮑魚，還有魚片、墨魚，種類豐富。新鮮是亮點，輕汆即起，甜味清楚。配菜亦齊，肥牛、豚肉、手打丸、蔬菜逐樣落。店方備了三十多款醬料，從沙嗲到椒麻，各自調一碗，邊煮邊試，頗有樂趣。飲品有汽水、特調果茶、紅白酒任添，任點任吃無限時，坐到打烊不催客。整體節奏清晰：前菜暖場，刺身亮相，雞煲轉鍋，海鮮作結。若想和朋友慢慢聊天，又想吃得豐富，這裡是一席耐吃的選擇。…查看更多

同一班朋友來食晚飯，預早book仲可以選擇坐房，雖然每位價錢略高，但不限時間，任飲任食，物有所值。點心小食任叫，飲品雪櫃任拎，火鍋料任叫任食。一開始來先來一艘刺身船，真係好誇張，由於我地人多，艘船好夠氣勢，擺滿了各樣刺身，包括三文魚、鯛魚、鮮蝦、北寄貝、海膽等 。再來一個雞煲，肉質非常嫩滑，湯汁好濃郁，其實都飽了一半。之後主角海鮮併盤就開始打邊爐，食材足料，鮑魚又大隻，有花蛤，蜆，肥牛，火鍋料亦都是任食任叫，個個食到大滿足離開。…查看更多

家嫂一家大細真係無得輸的海鮮放題！ 今次第2次來了！ 上次2人來食唔到刺身船，總是有種遺憾！ 我話過下次黎一定要5人或以上黎。 今次我終於集齊6人黎食啦！ 真係無失望！ 人均：$428加一 (我見有人post $388, 我估係平日。 我地係星期日食)時間：17:00-22:00 （幾時入座都一樣價錢）無限時架！ 呢個係我其中一個鐘意佢既地方！ 一班人打邊爐如果有限時就好唔盡興啦！ 呢度你想吹幾耐都得。 ^^呢度有專lift 上黎架..一坐店員就介紹今晚點食法，好有禮。 服務好！ 店員知我要等其他家人，就話幫我先上幾碟小食，食住等。 小食可任叫的。 個人至愛皮蛋, 有少少花椒味但唔辣，炸蝦多士、炸黑糖都好好味。 但真係食唔到多。 因為仲有後面海量既野要食。 好！ 人齊啦！ 我最期待的主角出場啦！ 要2人先枱到出黎既刺身船！ 家人個個都「嘩嘩」聲！ 唔打咭又點得呢？ D 刺身又新鮮、賣相又靚！ 真係影相都有排影。 成盒海膽配埋盒紫菜俾你！ 有3隻凍蟹 、3隻鮑魚 (鮑魚煮得剛剛好)。 當然唔少得刺身啦！ 包括帆立貝、甜蝦、八爪魚、三文魚、北寄貝、仲有一碟唔知咩名既魚。 刺身船內既食物就無得加既。 這是唯一一樣野無得加既。 食完刺身咁就到雞煲啦... 雞煲可選辣度，雞可以再加！但我地係細食人，所以反而係叫店員俾4人份我地就好啦。 雞煲都幾香，雞煲內有豬皮、雞及蜆，但我地口味本身比較淡，所以覺得有點過咸。 最後四人份都食唔晒。  大家記住食完雞煲去左打邊爐就唔可以反轉頭加雞煲架。 所以食夠雞煲先好叫店員轉打邊爐。 在等打邊爐時大家就再出去自助區選飲品啦..... 真係超多野飲，佢地D 自家制茶飲、果汁真係超多又好味，又唔太甜。 如果唔鐘意茶飲, 仲可以選可樂、波子汽水、包裝烏龍茶。 鐘意熱飲既都有選擇。 其實仲有4-5款雪條，雪條都好味。 拎完飲品返到位就見到火鍋來了！ 那個煲真係好靚！ 未試過用咁靚既煲黎打邊爐。 我地今次留左個消暑冬瓜湯底。 嘩！ 無諗過咁靚既！無駛加$架... 冬瓜中間有小瑤柱、鮑魚等... D 冬瓜打邊爐到後段真係超好味！ 吸晒D 日月精華！ 講下D 食材先... 有蠔 (有鮮味、飽滿！) 、鮑魚煮3.5分鐘剛剛好、蝦 (好彈牙又鮮味)、花膠、大大貴妃蚌、蜆、大大珊瑚蚌、肥牛、魚皮、響玲、手打丸、腐竹等等.. 全部野都可任叫。 但我地細食.. 最後只加了肉蟹及蝦。 全部都好新鮮好味！最後每人都飲左碗個湯底，正！ 好鮮甜！  坐到9:30pm, 有蕃薯糖水架。 不過No Thanks 啦... 太飽了！ ^^差點漏左.... 大家會見到呢架車全場走架。 原來仲有任飲紅、白、SAKE。 0岩晒喜歡飲酒的我！ hahaha下次會再黎！ …查看更多

難得疫情過𢓭，現在復常，Hello Hong Kong，終於可以約埋班舊同事出嚟歡聚狂食啦 👍🏻因為之前有試過家數一家大小金馬倫道舊分店，十分之欣賞，所以再試一試尖沙咀新分店，因為最出色嘅係一嚟到可以有不同的小吃選擇，然後就有一盤長長的刺身船，然後再食雞煲，最後就當然係打邊爐啦。今次我哋有六個人，所以有一盆長長的刺身船，有七種不同的刺身和一板海膽，刺身算是新鮮的，海膽算甜，我們都很滿意的。飲品種類都算多嘅，但係我比較喜歡佢嘅特飲——蜜桃梳打。之後就係叫咗BB 辣嘅雞煲，因為我哋唔食得太辣，估唔到豬皮夠味，雞好滑，仲要可以不停加雞。我哋已經食到半飽，豬牛嘅種類一定冇出面嘅火鍋店咁多嘅，肉嘅選擇就普普通通啦，但係佢有一款三色手打丸，蝦和鮑魚都好新鮮，大硯都好好食🤤 記得原來要佢招牌湯底原來要預訂….總括而言，係值得去嘅，佢性價比係高嘅，我會再幫襯的。…查看更多

一定要encore嘅海鮮火鍋放題🍲家嫂一家大小 Home Sister Family @homesister.tst.hk 家嫂一家大小係我一個朋友一直推薦嘅火鍋放題，等咗好耐終於入到去試吓啦！我哋一行七個人有一個大嘅圓枱。朋友訂咗位係要比訂金留位，因為其實成個場晚晚都係full Booking，基本上係唔會見到空枱，所以Walk in應該都好難有位😆🍽人均：$388加一🕰時間：任食無限時17:00-22:00 （幾時入座都一樣價錢）冇限時係佢其中一個最吸引嘅地方👍🏻大家一班朋友食飯都唔需要趕住走！成餐飯大概有三個步驟，1. 勁豪華環球刺身船🐙🐟🦀基本上咩刺身拿到有齊㗎喇，長腳蟹、三文魚、蝦、八爪魚、帶子等等⋯⋯帶留意海鮮船嘅刺身就冇得添加嘅，食完就冇㗎喇😊2. 冇限任食熟食小食🍤🥟嗰啲炸蝦多士、糖不甩、皮蛋等等嘅小食可以叫店員添加3. 任食唔嬲嘅雞煲🍲雞煲可以選擇辣度，雞可以再加！4. 火鍋❤️終於嚟到重點火鍋啦！火可以揀肥牛雞豬，生蠔等海鮮，菜都好多款揀，應有盡有😋5. 餐廳自助區仲有多款飲品、雪糕雪條任食任飲！6. 🍷🍸最特別嘅係有紅白酒餐車！店員成個晚市會總共行3 rounds! 每人每round可以飲一杯☺️7. 餐廳最後有限量甜品供應，如蕃薯糖水，但派完就冇㗎啦，我上次太遲食唔到🥲總括嚟講，成餐飯體驗好好，店員安排好晒啲時間，CP值勁高！👍🏻Bible rating: 9/10📍地址：家嫂一家大小 (尖沙咀)尖沙咀堪富利士道8號格蘭中心3樓…查看更多

呢間放題真係不得了，佢上菜係有次序，一開始佢上左6款前菜，分別係黑糖糍粑、紫薑皮蛋、白酒煮蜆、螺肉沙律、炸翠玉瓜同炸蝦多士，所有前菜都係任食同埋全部都好好味!食完個前菜，佢上左隻長過張枱既刺身船，上面有帶子、大蝦、凍蟹、八爪魚、北寄背、鮑魚、吞拿魚同仲有一款唔知咩魚~ 樣樣野都好新鮮。食完個刺身船佢就上雞煲，雞煲勁入味好滑，仲好多料，侍應姐姐話唔夠雞可以再加。食完雞煲就打邊爐，佢仲有幾款湯底揀，我地揀左花膠老火湯，不過打邊爐食既野都係佢set左, 係任食既, 佢會一次過上哂，然後你仲追加邊樣就叫邊樣，邊爐嗰張相入面既食物係未齊既，佢仲有手打丸、蟹、同埋好似仲有，多到我都唔記得, haha~ 個籠入面係魚皮。本來大家都嗌好飽，但因為個湯底好多海鮮好甜，我地最後叫左2份烏冬都搶哂，可惜公仔麵無哂, 如果唔係仲正! 火鍋料全部朋友一致認為蠔、魚肚同餃最好食!訂位既朋友訂位時order左4個雪燕燉椰皇，每個$32好抵。食完飯仲有蕃薯糖水~另外餐廳門口右手邊有個飲品醬料區，4大個雪櫃野飲任飲, 仲有大部分野飲都唔係盒裝/罐裝勁有heart, 除左凍飲仲有熱水/ 熱既好似紅棗茶。仲有雪櫃入面有3款雪條任食。呀佢白酒紅油都係任飲，不過係會有職員推架車埋黎問你飲咩酒，一晚會行黎3次~ 呢間餐廳真係好值得encore!…查看更多