孵化生活

荔枝角美食選擇不少，芸集了各色各樣的餐廳，趁着週末與朋友去覓食探店。Set Lunch包含蕃茄麵包和前菜。招牌慢煮西班牙豬鞍架豬鞍架肉質柔軟且帶點爽，肉味濃，充滿肉汁，不會乾柴。芝士蘆筍黑松露雜菌意大利飯入口全是松露幽香，加入清爽的蘆筍和洋蔥，提升口感和味道。Tiramisu甜度適中，手指餅濕潤，咖啡味香濃而不苦。Affogato 將熱騰騰的Espresso淋在雪糕上，加上面層灑滿棉花糖，增添口感和風味層次。Latte口感柔和滑順，啡味香濃。…查看更多

最近多咗去荔枝角嗰邊發現孵化生活呢間餐廳🍴氛圍令人有種溫暖嘅感覺Lunch set都可以食得咁精緻✨ꕥ 前菜松露磨菇湯面頭有一層泡沫creamy濃郁 入口有滿滿菇菌香🍄‍🟫冬陰公海鮮湯 微微酸辣入面有魷魚/蝦仁/蜆 相當足料餐包亦有心思🍞竹炭黑色嘅蒜蓉包配以蕃茄為基調嘅醬汁開胃又好味ꕥ 主菜麵豉醬烤春雞🐤雞脾/雞翼/雞胸 接近半隻雞份量皮烤至微脆 肉質仍滑嫩配麵豉醬有特式而且很香而比目魚柳配辣椒蕃茄沙沙 三大件嘅滑溜魚肉🐟令人相當滿足沙沙同醬汁 加起嚟甜/酸/辣並存好有層次配菜仲有薯蓉同烤南瓜🎃ꕥ 椒鹽日本菇加點咗一份小食份量不少 share食就最好椒鹽味道好香口脆脆外層下係多汁嘅菇🍄有想追食嘅感覺…查看更多

近年工廈活化，多咗好多初創、餐廳，甚至連鎖商店加盟，每次都會令你有意外驚喜。今次嘅驚喜嚟到荔枝角嘅卵化生活。就咁聽「卵化生活」呢個名，確實連繫唔到我哋會食得咁chill！由黑松露到法國青口同油封鴨，讓我在工廈遇見了充滿驚喜嘅法國大餐。黑松露泡沫蘑菇湯呢碗湯嘅賣相非常特別，有好多泡泡，好得意呢！而湯頭係將不同種類嘅蘑菇打成，令菇香味更多層次，而且特別濃郁。另外，加上黑松露更令蘑菇湯提升至另一層次。法國青口青口每日由法國新鮮運到，加上廚師用上香濃的忌廉湯底烹調，令青口更鮮甜。另外，加入蘑菇及蘆筍作點綴，簡單的烹調已經能突出青口自身嘅鮮味。法式油封鴨飯天氣涼涼哋又點少得煲仔飯呢！孵化生活嘅煲仔飯用上微微煎香嘅法式油封鴨髀，煮嘅過程令飯底㐬滿鴨油嘅香味，加上脆口嘅菜甫，係一個非常特別嘅法式煲仔飯！…查看更多

又再黎同朋友lunch，發現轉了menu，多了湯種類選擇。🔹️set lunch 香濃磨菇湯，今次有點咸，有點失望。另我朋友加了30元 龍蝦湯，咸到一個點，似落了一噸鹽🤣🤣，要求取消及更換磨菇湯啦。職員都很有禮貌地都問，要重做或更換其他湯嗎？🔹️龍蝦牛肩配田園菜 $338，十分好味。龍蝦味濃，出色。牛肩三成，有輕微過火，但都可接受。🔹️芝士吞拿魚沙律pizza $178，薄底做得唔錯，少少厚但很脆，正。🔹️set lunch 餐飲， 熱檸水，正常。以前有配薄荷葉，現在都改了，慳成本。全餐消費 $568。…查看更多

朋友推介呢間荔枝角隱世Cafe，原來大廈裡面別有洞天！🍗【水牛城雞翼】一上枱就聞到陣陣香辣味，個醬汁調得啱啱好，酸酸辣辣好開胃！雞翼炸到金黃色，外皮脆卜卜，裡面肉汁爆出嚟！🍕【麻辣手撕雞薄餅】餅底薄脆似餅乾，上面鋪滿手撕雞同拉絲芝士，麻辣醬唔會死鹹，反而有陣花椒香氣，食完成個嘴都痺痺哂！最抵讚係雞肉一絲絲好入味，同埋餅邊焗到脆卜卜!🦐【蟹肉蝦意粉】睇落清淡但食落鮮味爆燈！意粉煮得每條都掛滿忌廉汁，蟹肉絲同蝦仔份量絕唔孤寒，蝦肉爽彈，蟹肉鮮甜，加埋少少蒜片同香草，簡單但好食到停唔到口！…查看更多

係一座新式的工廈中隱藏了這間孵化生活，是這個特別的店名令我想黎探個店，文青風的裝修令人感覺舒服，座位亦很闊落。星期日都有午市套餐供應，有前菜，主菜及餐飲。前菜點了手打泡沫松露磨菇湯，賣相精緻。有香濃的松露味道，食到一粒粒的蘑菇粒，湯打成泡沫，令湯更加滑身。冬陰公海鮮湯則微辣開胃。配上香脆麵包及開胃車里茄。主菜有招牌慢煮西班牙豬鞍架及芝士露筍黑松露雜菌意大利飯。前者大件厚切，慢煮令豬肉保持濕潤多汁，口感嫩滑，切開肉質仍然粉嫩。配上蘋果蓉，令味道更香甜。滑滑薯蓉令人更夠飽肚。後者的意大利飯口感煙韌，黑松露獨特嘅香氣加上雜菌及芝士的香，味道不會太膩。最後配返杯咖啡就更完滿了。…查看更多

今日去咗荔枝角一間樓上文青氣息嘅cafe——「孵化生活」到晚餐，一參餐廳已經feel到有種悠閒慢活嘅氛圍。最好係呢度冇用餐時限，可以同朋友慢慢傾偈，而且餐廳主打少糖少鹽，啱晒追求健康嘅食客。我哋叫咗兩個主食一個意粉及一份豬手。先講吓個蟹肉蝦意粉，一上枱就聞到蒜香！四隻大蝦球爽口彈牙；蟹肉份量都絕唔吝嗇，同蘆筍、蘑菇同蕃茄仔炒埋一齊，意粉掛滿蒜香味之餘又唔會太膩。至於個德國豬手，絕對係誠意之作！外皮烤得金黃香脆，切開時仲聽到「咔嚓」聲，但裡面嘅肉質依然保持嫩滑多汁。配埋黑醋沙律正好中和油膩感，另外仲有配埋幼薯條好香脆，呢個豬手嘅份量夠幾個人share。餐廳環境舒服，店員服務唔錯，食物味道中上，都值得一試。…查看更多

孵化生活是一間隱世文青樓上 cafe，以灰色為主調，簡約木材傢俬， 擺放綠色嘅植物， 環境舒適寧靜， 與朋友聚餐一個好地方。午市套餐 /兩個蕃茄麵包松露蘑菇湯田園沙律濃稠順滑的松露蘑菇湯，散發陣陣 松露香氣， 爽脆的沙律菜， 帶來清新滋味的開端。蒜香薯球 $48剛剛炸起的薯球 ，外皮香脆， 每口都充滿惹味嘅蒜香，讓人喜歡。招牌慢煮西班牙豬安格 $183經過慢煮的西班牙豬鞍架，肉質特別鮮嫩多汁，搭配焦糖蘋果醬，增添了酸甜的味道， 滋味搭配。比目魚柳配辣椒蕃茄莎莎 $168雪白的比目魚柳， 鮮嫩滑溜 ， 搭配的蕃茄沙沙， 酸酸甜甜， 十分清爽開胃。窩夫開心果雪糕 $48窩夫烤到香脆可口 ， 伴了一球我喜歡的開心果雪糕， 啖啖開心果濃厚堅果味道， 香甜滑溜， 甜而不膩。 …查看更多

這間人氣樓上咖啡店位於荔枝角誠信中心，主打精緻的西式融合菜，提供種類繁多的咖啡及酒品。店內環境寬敞舒適，採用灰色為主調，以簡約的木材傢俱為主，擺放不少綠色植物，氛圍工業風帶點靜謐。水牛城雞翼 - $88五隻肥美飽滿的雞中翼好酥脆，香辣的Buffalo醬汁好惹味，咬開嫩滑多汁而不乾柴。香蒜蟹肉意粉 - $188香甜多汁的蟹肉緊實飽滿有彈性，意粉煙韌彈牙，有陣陣蒜油香。芝士吞拿魚沙律薄餅 - $168薄餅邊緣酥脆，而中間鬆軟，半溶化的芝士富奶香，吞拿魚滑順濃郁，撒上香濃的巴馬臣芝士粉，還有新鮮翠綠的沙律菜。…查看更多

荔枝角工廈呢間西式fusion咖啡廳，無論係餐廳外內都彌漫住一股靜態嘅氛圍感，整體會覺得好舒服。餐廳以泰式同西餐混合，套餐多樣化，感覺好特別。前菜: 小蕃茄配竹炭麵包 / 田園沙律 / 三文魚子溫泉蛋竹炭麵包好脆，個小蕃茄加埋D橄欖油幾好食主菜: 野生大虎蝦配意大利麵 $218兩大隻虎蝦好大隻厚肉，中間開邊煎得好香。醬汁加左蕃茄同蘑菇一齊煮，酸酸地幾開胃。意粉口感OK，整體都好滿意主菜: 泰式紅咖喱雞飯 $168紅咖喱有少少辛辣感，即使食唔到辣嘅朋友都可以試下。醬汁都算比較濃稠，撈飯一流。雞肉球份量都多，入晒咖喱味。另外仲有半隻熟蛋同荔枝果肉，食起上黎解一解油膩感甜品: Tiramisu $48份量正常，味道正常，幾滑身，價錢唔貴都OK飲品: 紅柚果茶 / 凍檸檬茶…查看更多

放假跟朋友去荔枝角shopping, 仲帶我食好西。誠信中心樓上一間小小café, 環境清淨, 人流唔多, 非常適合同閨蜜邊食邊閒聊。【小食拼盤】HK$128包含四款小食, 分別有肉味香濃又keep到肉汁嘅串燒牛肉粒、硬脆炸蝦片、四件肉嫩嘅荷葉包雞同埋兩條炸春卷, 配上泰式甜酸汁同埋沙爹醬, 非常惹味。【煙熏牛舌粒】HK$128牛舌粒切成細細粒, 加咗少少鹽調味, 口感偏林, keep到肉汁, 細味有d煙熏香氣。【麻辣手撕雞薄餅】HK$168薄餅有手掌般大, 手撕雞麻辣惹味, 帶點點羶香, 沙律菜有助平衡麻辣香口味, 幾特別。…查看更多

喺荔枝角商廈入面，呢間小店真係隱藏版！一入去，西式浪漫工業風即刻包圍我：鐵架吊燈、暖黃燈，仲有細細張木枱，約會氣氛即刻 full！今次試咗三款：水牛城雞翼辣醬酸得嚟帶少少甜，creamy 口感包住雞翼，咬落多醬，辣度中等，食多兩隻開始出汗，青瓜片解辣剛好~😍麻辣手撕雞薄餅薄餅烤得香脆，手撕雞麻辣帶煙韌，入口先辣後香，生菜清爽中和油膩，麻辣醬越食越上癮～香蒜花甲意粉蒜香濃但唔嗆，油汁掛意粉，花甲鮮甜彈牙，車厘茄爆汁帶酸，蘆筍脆口，少少辣椒碎提味，整體清新唔油👍🏻環境適合約會，人均 $230 左右，服務員幾好傾，影相都幫手😆…查看更多

As someone from Canada who is visiting Hong Kong, I am glad that I had the opportunity to enjoy a wide variety of dishes (several with a subtle fusion twist). Not only I, but my family was also blown away by the fantastic taste and presentation! I highly recommend visiting this restaurant, not only for the quality and uniqueness of the food, but also for the excellent service!…查看更多

當天沒有訂位、幸好我們時間尚早、二人walk in 尚可、眼見大部分都有booking, 午餐時間座無虛席。位置與位置之間空間也不會太迫！跟餐面包好吃。主食分量也足夠！其中一個女店員好似嬲爆爆咁、唔敢找她招呼、要留意下…查看更多

話說上openrice揾下食乜，見一致好評就上去我哋2個人，叫咗牛油果粟米片，蒜香大蜆意粉，吞拿魚pizza, 烤時蔬同埋大既荔枝梳打。牛油果粟米片正常既，冇驚亦冇喜。落單時問過待應大同細既荔枝梳打有咩分別，佢就答杯裝同瓶裝，咁我哋就叫一瓶黎share，黎到先知係一瓶梳打水，然後比2個杯，每杯裝有一粒荔枝，然後成晚飲住既就係嗰粒荔枝浸既荔枝梳打喇。。。。。再黎烤蔬菜，係原味道呀…. 鹽都應該冇落。。。pizza 應該係5吋大，厚既包底，吞拿魚都算多既，但唔係我口味。最後蜆意粉算正常水準。（但巳經唔想影相）埋單$780，個人黎講唔會推介比朋友亦唔會再幫襯。…查看更多