姚姚酸菜魚 (港威商場)

营业中

休息中

哩度除左酸菜魚之外，都勁中意佢既麻辣香鍋，做得又香又惹味，仲可以揀少油版本添!可以揀既餸都好多，我地揀左嫩牛肉，花菜，土豆，蓮藕片。大大盤份量十足，配料沾左麻辣香，啖啖都好好味。最中意嫩牛肉厚厚地口感好，仲有蓮藕片夠爽脆。哩個一定要叫白飯送😋另外叫多個小食麻辣豬手，哩個除左有乾鍋既惹味，仲有辣油既香，豬手多肉又有膠原感👍🏻食完咁多辣野最岩叫埋個彩虹烏龍冰粉做甜品，有黑芝麻，提子乾，紅豆，花生碎等，多層口感，撈埋冰粉涼浸浸😋

尖沙咀海港城嘅姚姚酸菜魚環境時尚簡約，以湖水藍色為主調，望上去非常斯文又好適合打卡，寬敞舒適的座位配合明亮的燈光，非常適合一家大小或朋友聚會。麻辣香鍋,可以更改麻嘅程度，至少要揀5款餸，另外配上白飯，麻辣開胃，我哋揀咗嫩牛肉、蓮藕片、炸豆皮、萵筍片、魔芋結，大大一盆呈上非常過癮！牛肉嫩口，肉質軟冧，蓮藕脆口爽滑，炸豆皮充滿豆香，萵筍清脆爽口，魔芋結健康美味充滿飽足感，Q彈有嚼勁。椒麻皮蛋賣相好正，橙紅色十分糖心，入口即化。彩虹烏龍冰粉 - 清涼又爽口，回甘不膩。用黎解辣一流，冇加椰奶都非常好味，烏龍茶味更突出，冰粉Q彈滑嫩，配上芋圓、紅豆、提子乾、黑芝麻等配料，色彩繽紛，口感豐富多變。

陪朋友去尖沙咀買包包，買咗心頭好佢立即話請我食嘢，咁就一齊去咗食姚姚酸菜魚，餐廳是內地著名酸菜魚品牌，環境舒適，主打大部分食物辣度都有得揀，由不辣至大辣，方便客人選擇自己的口味。姚姚酸菜魚二人份：酸菜魚選用國家認證刺少肉多的新鮮鱸魚起肉做成魚片，肉質鮮嫩甜美啖啖肉，秘製湯底用咗5-6個小時精心熬制，啖啖鮮香濃郁；選用經過90天醃製的水東新酸菜，味道道集麻、辣、香、酸於一身，酸爽又開胃！黃金脆炸小酥肉：小酥肉新鮮即炸，入口香酥又嫩滑十分香口。傳統擔擔伴麵：幼滑麵條在惹味小辣湯料中，伴著豬肉碎和蔥花，每吃一口，都能挑起味蕾。雪碧

落雨天最好行商場，平日揸車出海港城泊車優惠多，今日約咗朋友出去尖沙咀行街，順便食個lunch，見到有間米芝蓮酸菜魚，唔系周圍都有，所以想試吓。🐟 姚姚酸菜魚（2人份） $288可以揀辣度、酸度、油度～ 榮獲米芝蓮殊榮嘅酸菜魚，嚴選國家認證刺少肉多嘅新鮮鱸魚，選用經過90日醃制嘅水東新酸菜，秘制湯底耗時五至六個鐘熬制，加入川椒、指天椒、鮮青花椒調味，入口集「麻、辣、香、酸」於一身！ + $38寬薯粉條 ~ Q彈好吃，煙煙韌韌。 + $35 萵筍片🍹 手打檸檬茶 $38~ 新鮮檸檬手工慢磨榨汁，再加入新鮮現泡茶，滿口酸甜滋味。🍹 新鮮水果烏龍茶 $48~ 百香果、菠蘿、西瓜，再加上檸檬嘅烏龍茶，味道酸甜開胃。

位於海港城港威商場嘅🌟姚姚酸菜魚🌟，粉藍色做主調嘅裝修，都幾時尚美觀✨！🐟姚姚酸菜魚（2人份）$288餐廳主打嘅菜式，二人份已經好大盤！跟埋底座keep住個溫度，抵讚！採用有身份認證嘅鱸魚，鮮美肉嫩！湯底以雞隻同豬骨熬煮6小時而成，加埋海量嘅水東新酸菜，做出風味獨特嘅酸菜魚！餐廳建議加購泰國絲苗白飯同吃，自製酸菜魚湯飯！亦可自由加購配料，例如金菇、豆腐、萵筍、寬粉等，連鱸魚片、肥牛、午餐肉都可以加！🧡椒麻皮蛋 $68流心嘅黃金皮辣，醬汁麻辣美味！🥜麻醬雞絲粉皮 $68滿滿嘅花生醬香，mix少少椒麻皮蛋嘅汁仲正！🍺藍妹啤酒 $28姚姚酸菜魚嘅酒水價錢公道，另有生啤可供選擇，仲有買2送1優惠！

本人是酸菜魚愛好者，在內地和香港都有光顧了姚姚酸菜魚好幾次了，味道算是不過不失，也沒有特別驚艷到我，也可能是我先入為主，個人還是更喜歡太二酸菜魚多一點😂😂不過…..這一次我要強推的反而是它的午市套餐“麻麻辣辣口水雞”有小吃有配菜有肉有飲料$108 算是超超超值套餐了，而且它好吃的程度一度讓我一星期裏面吃了三次，真的毫不誇張。它家的雞肉很嫩滑，雞皮也很爽口，調料入味也夠麻夠辣，所以說真的非常好下飯。有一次餐廳職員都認出我了，怕我不夠飽，還免費為我添飯，姐姐們也真的夠熱情的 非常感謝🙏又一次讓我感悟，一家餐廳不能每次只吃它的主打菜，要多嘗試餐廳上的其他菜品，也許會發現不一樣的美味，因為工作原因，一個人午餐也叫不了太多，但下次我要約上朋友試試它家的麻辣乾鍋，聽說也不錯。

好耐無食辣，lunch行過海港城，見到暫時未有人排隊，就去咗姚姚酸菜魚試試，除咗主打酸菜魚之外，其他麻辣菜式都好高質，真係要分享吓，原來佢哋酸菜魚仲係🐟米芝蓮認證！👍🏻環境:⭐️⭐️⭐️⭐️一般川菜餐廳都係一般中式裝修風格，第一次嚟到呢度真係眼前一亮，整個裝修好清新，全是 #TiffanyBlue ，仲有好多熊仔同埋魚魚裝飾，好適合打卡，而且有種清新悠閑的感覺。除咗QR code 落單之外，亦都有大大本Menu，方便唔同人士，值得一讚！座位好闊落，大部份都係四人座位，繁忙時間坐滿人都唔會覺得逼夾，另外佢哋有熱茶供應，沒有茶位收費，抵讚👍🏻！食辣嘢實要飲好多水，有杯茶飲吓好緊要！🌟未食過麻辣香鍋嘅朋友，好推薦大家試一試👍🏻！就如炒出來的火鍋，將不同的食材與秘製香料炒制一鍋，麻辣而不燥，鮮而不膩，香氣撲鼻，吃完會上癮。食物: ⭐️⭐️⭐️⭐️🥘麻辣香鍋 （鍋底$48） - 需自選5款以上配料蓮藕片 $38脆皮肥腸 $40鮮蝦 $55牛柏葉 $40寬薯粉條 $40配料有好多選擇！一上枱已經聞到味道非常濃郁，加上秘製香料炒得乾身，香氣撲鼻，雖然望落全是辣椒，但配料份量亦好多，足夠四個人食，仲會撈到兩碗飯🍚！正

這間餐廳係兩年榮獲「中國酸菜魚十大品牌」過江龍嘅香港分店，除此之外，佢更加是米芝蓮認證酸菜魚專門店！而今日介紹嘅唔係佢地嘅招牌菜 - 酸菜魚！原因就是今次餐廳同“美極”crossover咗一款全新菜式，而我就去試下，到底好唔好食？環境方面：跟其他香港及內地分店一樣，清一色以Tiffany Blue色調作為品牌顏色的姚姚酸菜魚，店內裝修全部統一採用小清新Tiffany Blue風格，加上主打「酸、辣、麻、酸」兼備，令人垂延三尺的菜式，讓其在內地酸菜魚佔了一個較高地位，就算來到香港，也可以保持一定水準食物方面：“美極”相信這個品牌大家一定不會陌生，今次聯成餐廳，出了這款麻辣香鍋美極®️鮮辣汁麻辣香鍋(麻辣鍋底$48 ，配菜 $38起）（牛百葉/豬腩肉/土豆/千葉豆腐/黑木耳）麻辣香鍋選用了美極®️鮮辣汁，辣味不會嗆口，令辣不只是乾辣，層次更豐富！而整個香鍋可以自由搭配，豐儉由人！可以選擇嘅配料多達30多款，有肉，有葷菜亦有素菜！而香鍋的精髓，就在於菜品新鮮多變，麻辣油鮮香麻辣。人多還可以叫多幾款配料，很適合喜歡吃辣的朋友們！酸菜雞蛋炒飯 $88炒飯乾身粒粒分明，加上酸菜，酸爽可口紅糖糯米茲粑

聽同事講姚姚酸菜魚有一個好抵食嘅lunch set，睇到之後發現之前嗰個set已經冇咗。唯有食呢個類似麻辣燙，自己揀咗四樣菜。好大一盤，我揀咗藤椒湯底，湯底都幾唔錯，但係唔抵食。味道就普通啦。

尖沙咀「姚姚酸菜魚」主打酸菜魚、近期居然同「美極®鮮辣汁」聯乘合作，推出麻辣香鍋，配菜選擇多多、其他菜品有辣有不辣！推介大家前往⚪️⚪️⚪️⚪️⚪️⚪️⚪️⚪️⚪️⚪️⚪️⚪️⚪️⚪️⚪️🧡麻辣香鍋（麻辣鍋底）$297.00少麻/少辣/鮮蝦/魷魚鬚/掌肥牛/蓮藕片/四季豆辣度適中,既能刺激味蕾,又不會過於辣到無法接受。鮮蝦肉質彈牙,、魷魚鬚口感脆爽,增添nv的層次感。肥牛肉質鮮嫩,沒有任何老柴感,搭配蓮藕片和四季豆,清脆爽口！🧡傳統擔擔拌麵$68.00傳統擔擔拌麵。醬汁濃郁順滑，帶有濃濃的花生香氣,醬汁與麵條完美融合。麵條Q彈有嚼勁,不會過於軟爛！🧡紅糖糯米茲粑 $68.00紅糖糯米芝粑有軟糯綿密的口感，加上紅糖的香甜，讓人回味無窮！🧡彩虹烏龍冰粉$68.00冰冰涼涼的,清爽解膩。色彩繽紛,口感冰爽滑順,非常適合夏日品嘗！

多數人去海港城食飯 集中喺海洋中心嗰邊 其實喺港威中心揾食更好 坐得舒服 食物有水準 重點係唔使慢慢排隊等枱😉-🍲酸菜魚拼水煮牛肉嚟「姚姚」食酸菜魚係必然 不過人總有貪心嘅時候 雙拼鍋有魚又有肉 一個辣一個唔辣 咁就更圓滿😘 🐟唔辣嘅係魚 湯底清清地 我哋可以食真啲魚鮮同酸菜甘鹹 白芝麻好香口🥹🐂水煮牛嘅招牌紅噹噹顏色 超刺激食慾 牛肉肉質細嫩 湯底小麻小辣 食到成咀油最正係油而不膩 下飯🍚一流🧾呢個鴛鴦鍋我相當滿意 下次再嚟 打算同屋企人幫襯佢嘅四人餐 菜式選擇多咗 一樣咁抵食😌-🌱乾煸四季豆四季豆翠綠爽口 油潤有光澤 肉碎吸收醬汁 香濃惹味-🧊紅豆烏龍冰粉最後嚟一碗冰粉做甜品 清一清味蕾 烏龍茶味唔係好明顯 冰粉勝在滑嘟嘟入口清涼 紅豆🫘清甜-📍姚姚酸菜魚尖沙咀廣東道3-27號 海港城港威商場二樓2307號舖

連續兩年榮獲「中國酸菜魚十大品牌」嘅🐠姚姚酸菜魚🐠🇭🇰香港都有得食啦！早兩日終於有時間去試吓佢究竟係咪真係咁好味？😋👍🏼果然冇失望！不愧為米芝蓮認證酸菜魚專門店！ 餐廳以藍色為主題，感覺好時尚好清涼，環境整潔，枱與枱之間有適當距離，就算坐滿人都唔會有壓迫感！餐廳係用手機自行下單，每個餸菜都可以自己選擇走蔥、走辣、走花生，想走乜嘢都可以👍🏼👍🏼👍🏼另外，餐廳好貼心每一枱都設有一瓶凍茶，供客人享用。食物方面，我哋叫咗⬇️1️⃣ 姚姚酸菜魚二人份2️⃣ 酸菜雞蛋炒飯3️⃣ 彩虹烏龍冰粉酸菜魚我哋叫咗小辣，剛剛好食到佢嘅惹味之餘又食到個魚香味，魚肉非常滑，酸菜送飯一流，鍾意食魚嘅朋友，千祈唔好錯過，真心好食😋包你食過返尋味👍🏼👍🏼👍🏼酸菜雞蛋炒飯，炒得好香，米飯粒粒分明都炒得幾好味！彩虹烏龍冰粉，食落去透心涼又唔會好甜，個椰汁帶起成個甜品嘅香味，非常消暑解渴！另外，我見到佢推出四人套餐都幾抵食，不過今日人少食唔到咁多，下次多人啲可以試吓！人多係抵食啲😂

久唔久都再去幫襯一次姚姚酸菜魚，自從上次試過佢個香鍋之後返唔到轉頭，所以今次帶埋老友去試下，希望可以令到佢入坑！之前去咗順德，所以頭盤揀咗炸牛奶，外層好脆好鬆化，口感好特別，初頭睇賣相以為會好油好漏，但入口一啲都唔覺得漏，當咬完之後就就好似溶化左咁，值得一試。香鍋配料揀左豬頸肉、魚片頭、豬腩肉、蝦等等，呢個鍋辣味適中，食材都夠香，其中最正最驚喜係蝦，超級香口，蝦殼都脆卜卜，超級邪惡。臨走嗰陣見到Menu上邊原來有多人套餐，下次都可以帶埋屋企人嚟食，就咁睇落都好抵，值得下次再黎食！@yaoyaohongkong

姚姚酸菜魚🐠📍香港尖沙咀廣東道3-27號海港城港威商場2樓2307號舖（港鐵尖沙咀/尖東站A1 出口，步行約7分鐘）♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎最近，相信好多人都會去尖沙咀睇多拉a夢😂，去到唔知食咩好？不如去呢間位於海港城既人氣粉藍色調既酸菜魚店試下啦🤩，順便可以配合返多拉a夢藍色既主題🤭，影相都靚d。🌟姚姚酸菜魚（2人份）$288好大盆既酸菜魚呀😯，個盆係粉藍色，襯返間餐廳個主題。另外，魚肉亦都好嫩滑。🌟酸辣土豆絲 $58呢個菜式梗係用嚟送飯啦🙈，岩晒鐘意食飯人仕。🌟藤椒無骨鳳爪 $68無骨既鳳爪係特別吸引既🤤，懶人岩晒。🌟姚姚脆奶 $58呢個必試，外脆內軟，好好味😋。🌟特級米飯 （1碗） $18整體推介指數：❤️❤️❤️❤️❤️♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎

我和朋友最近造訪了位於尖沙咀港威商場的姚姚酸菜魚。整體來說,這家餐廳在菜品質量和口味方面表現出色。首先,他們的招牌菜式——酸菜魚十分出色湯底酸香適中,不會過於刺激,反而帶有一種醇厚的回甘味。魚肉本身鮮嫩多汁,口感讓人難忘。搭配上飽滿爽脆的酸菜,口感層次感豐富。這道菜展現了廚師的功夫。此外,我也嘗試了他們的麻辣乾鍋。這道菜的麻辣程度恰到好處,不會讓人感到過於刺激。鍋中的食材新鮮可口,與濃郁的湯汁相得益彰。值得一提的是,他們採用了美極®️鮮辣汁作為調料,為這道菜增添了獨特的風味。分量也十分豐富。總的來說,姚姚酸菜魚在菜品質量和口味方面都表現出色。無論是招牌酸菜魚還是麻辣乾鍋,都讓人難忘。