女人街食飯公司

一大班朋友聚會，揀左食呢間女人街食飯公司，食中餐就係可以大圓枱方便傾計💬網上話服務麻麻，我哋又唔覺喎，6:50pm入座，8:30pm準時交枱，大家有共識，每人食左$216，可能我地人多。食大排檔小菜，落單哥哥提醒話我地全部叫曬炸野😅….成班友唔怕熱氣死🤣XO醬海鮮小炒王豉椒炒蜆黑椒蜜餞薯仔牛柳粒避風塘炒鮮魷肥美燒叉燒脆皮炸牛腩酥炸小棠菜蝦餅酥炸蠔餅黑松露鮮蝦多士🔅野食大大碟，份量夠多，但某幾碟味道偏重，廚房落多左鹽。✅每枱都必叫黑松露鮮蝦多士，按人頭份量，一人一件，炸得幾香，好大舊蝦肉，黑松露聞落去好香，但食落去又冇咩松露味。✅黑椒蜜餞薯仔牛柳粒，薯仔好食甜甜地有蜜糖味，牛柳粒就偏咸。✅酥炸小棠菜蝦餅炸得酥脆！落左好多蝦肉！🔆其他野食海鮮類，我因為大肚就冇食到，其他人都食到津津有味，最後我地係食清曬冇浪費做大side鬼架～😊👍🏼🍻仲叫左兩支藍妹啤啤佢！用戰鬥碗黎飲！🤪同埋可樂忌廉汽水！🥜不得不提場內裝修都幾特別好適合打卡，走懷舊大排檔風格，但就嘈d, 講野要好大聲先聽到👂🏼…查看更多

🔸環境氛圍店內裝潢充滿90年代街坊風味，紅底黃字招牌、鐵閘、懷舊燈箱，彷彿回到老香港。位置寬敞，適合朋友聚餐。🔸推介菜式• 黑松露蝦多士：外脆內鮮，蝦肉飽滿，松露香氣突出• 白切走地雞：雞皮爽彈，肉質嫩滑，有家常味• 原盅杏汁豬肺湯：杏香濃郁，湯底清甜，豬肺處理乾淨• 蒜茸粉蒸大元貝：元貝厚身，蒜香入味，配飯一流• 女人街粉絲蝦煲：粉絲吸汁一流，蝦大隻，鑊氣十足🔸服務體驗店員主動換碟、添湯，態度親切，有街坊食堂的感覺。💬總結懷舊裝潢＋鑊氣小炒，適合想搵返港式飯堂味的朋友。價錢合理，份量足，值得一試。…查看更多

- 第一次食女人街食飯有限公司之前一直都見到大排長龍今次6點15入席就唔洗等 聽講夜晚full booking- 黑松露蝦多士真係非常之好食佢係第一道菜上嚟嗰陣熱辣辣 麵包新鮮炸起蝦又新鮮彈牙大粒唔記得影相 因為一分鐘就清盤- 馬拉盞炒牛肉有鑊氣不過有小小辣 就食唔到芥菜嘅苦牛肉好大粒好入味- 蒜蓉蒸扇貝屋企人話食得出好鮮甜同埋好新鮮粉絲啱啱好，唔會好油個人就覺得有啲貴不過整體真係幾好- 薯仔牛柳粒 食到一粒都唔淨連甜椒都係非常之甜炒得脆波波之餘 又有味 好神奇薯仔完全唔淋 有焦糖脆脆嘅感覺…查看更多

門口清玻璃只貼上餐廳名字，簡而有力的招牌。地下兩側滿是港式懷舊裝潢，霓虹燈、鐵閘等佈置都充斥着經典復古的氣息。(1) 秘製蔥油走地雞原隻雞蒸製原汁原味。但蔥絲炸蒜純鋪上，沒有醬油、麻油等激發鮮香。色澤鮮艷，然係缺少既鹹香又微甜的層次感。(2) 黑松露鮮蝦多士蘸上沙拉醬，鬆脆滋味。一貫黑松露醬味道，沒有太大驚喜。(3) 金銀蒜蒸大元貝萬能金銀蒜，可抵禦一切。但有點油膩，亦蓋過天然鮮味。(4) 一口臭豆腐骰子般外形，金黃脆皮而內裏軟滑。香而不臭，佐酒一絕。(5) 豉汁蒸鱔(6) 古法乾炒牛肉河粉無粒米落肚既兇手—估你唔到就係乾炒牛河。佢係OK之中(ok ge, ok la, ok des, ok gwa, ok wor, ok jai)既ok gwa……查看更多

近排市道低迷，好少見到餐廳態度咁「好」，食物一般，同好多做主打港式小炒相比，唔覺得特別出色。叫咗薯仔牛柳，份量較想像少，薯仔細粒，又叫咗芥末蝦球，呢個可以。之後又叫咗臭豆腐，略為乾身。臘味豬油飯亦可以接受四個人食差唔多$1000價錢唔算太貴，但係食完冇幾耐已經肚餓，去咗食甜品。樓面座位鋪排頗舒服，冇狹窄感覺。訂位時已通知進食時間有限，膠袋前15分鐘依然催促客人離開，感覺非常之差。反映不滿是店員態度十分囂張。…查看更多

炸蠔餅外皮光澤✨，用筷子夾起時仲會「沙沙」聲。內裡飽滿鮮嫩的蠔肉即刻在口中爆發出濃郁的海洋鮮香🌊；點少少特調酸甜醬，酸咪咪帶住少少甜，與蠔的鮮、外皮的脆完美融合，滋味層次豐富到停唔到口！蔥油走地雞未揭蓋就聞到陣陣蔥香同油香飄出🍗。雞皮微微起酥、色澤金黃，淋上熱辣辣的蔥油醬後，鹹香氣息更加逼人眼尖發現兩道「豉椒」系列，即刻決定試晒佢哋🌶️！經典的豉椒炒花甲，每隻花甲都洗得乾乾淨淨，顆顆飽滿，豆豉辣椒醬濃稠到完美包裹住殼身，鹹香帶辣，連汁都想撈飯；豉椒炒埋子皇，口感爽脆的埋子皇吸盡晒豆豉同辣椒的精髓，比平時的小炒多咗份特別的嚼勁，兩道菜都夠晒惹味，簡直係送酒送飯神器🍚！…查看更多

book左6點半，坐定已經6點40分。 一路食到7點幾已經開始催你埋單，講明8點3交枱。 全程唔夠2個鐘。 埋單時枱仲有餸未食曬，唔理，照叫你走。 走時發現半個場都係空嘅，出面等位唔夠10個人。 咁點解要咁趕呢？3，5知己坐底食嘢，傾下計，飲下啤酒，1小時45分鐘真係無可能咁。 咁趕不如轉做茶餐廳。 其實如果好多人等緊，我地唔介意讓位，但無乜人等都咁做真係好趕客。 嘢食幾好食都唔會再黎。 雞係好食嘅，其他一般般，唔會話食完覺得好想再返轉頭。 …查看更多

親戚在這家店食過三、四次，佢強力推介下 約齊家人在星期日到訪。 我哋被安排在角落房間內食頭輪，八點十五分前需要還枱，到埋單時先知原來預訂菜式價錢超過五千就可以包房，我哋十二人食咗五千幾，早知包房，唔使食得咁趕啦！當晚預訂了不少餸菜，而印象最深刻嘅係條蒸東星班、豉椒蟶子、陳腎菜乾湯同埋單尾個炒麵，反而侍應大力推介嘅水晶雞就平平無奇，另外個鐵板鱔上枱時搶喉都人人都咳。大家都幾欣賞餐廳內嘅懐舊裝修，好有童年回憶感。 內室冷氣足夠，坐得幾舒服。 值得再嚟試吓佢其他菜式。…查看更多

<女人街食飯公司>📍尖沙咀/旺角🔹好壞參半，人頭$2-300食餐飯黎講算係咁🔸會為咗隻秘製蔥油雞再幫襯係Gimmick？定堅係大排檔風味？～ 一半一半啦。 尖沙咀嘅裝修比較有特色，好適合打卡 📸 門口嘅關二哥好有氣勢，震啲牛鬼蛇神 😎⚔️試過晒兩間分店，結論係隻雞真係好正！夠晒滑！個豉油送飯一流！簡直係白飯小偷。🥷🏻👍🏼 秘製蔥油雞、椒鹽鮮魷、豉椒炒蟶、啫啫芥蘭煲，掂！掂！掂！🫸🏼蜜餞薯仔牛柳粒、菠蘿咕嚕肉啲肉冇味，得個醬汁有味，不了。小炒黎講直程係唔合格 😅 希望下次再去會有改善。 五個人去食六個餸，飲埋啤酒埋單都係$300有找，個人覺得OK ～ 下次再幫襯！…查看更多

尖沙咀地库藏烟火 | 二人份的怀旧港味 **黑松露蝦多士** 多士炸得**鬆脆不油**，蝦膠彈牙飽滿。点睛是那勺**黑松露沙律醬**——香气沉穩不抢戏，衬出虾的鲜甜。 #### **白切走地胡鷄（半只）** 鸡皮爽滑，肉質緊实却**嫩得透光**。蘸传统薑蔥油，是广东人最爱的「鸡有鸡味」。 #### **原盅杏汁嫩豬肺** 奶白汤色飘着杏仁香，猪肺炖出**啖啖软糯**。杏汁微甘解腻，润喉暖心，是老火汤才有的温柔。 #### **蒜茸粉蒸大元贝（2只）** 元贝肥厚如掌心，铺满**金银蒜茸**。蒸时锁住贝肉汁水，鲜甜中迸发蒜香，粉丝吸尽精华，一勺捞起最过瘾！ #### **女人街粉丝蝦煲** 大虾开背爆炒，虾膏融进汤底。粉丝**吸饱海鲜咸香**，夹起黏连不断，镬气十足，是连本地人都肯回购的招牌。 …查看更多

香港地道美食🥢🍚【 香港人愛吃女人街食飯公司！！】女人街食飯公司:店內主打70年代香港情懷裡裡外外都有霓虹燈、懷舊招牌、鐵閘等等一定要用「戰鬥碗」喝啤酒，是香港大排檔獨特飲食文化必點美食😋⭐️屋村三鮮(豬生腸鴨腎墨魚)⭐️黑松露蝦多士⭐️白切走地雞⭐️地道咖喱水魷魚📌豉椒炒花甲📌 XO醬馬拉芥蘭煲📌客家煎釀豆腐📌鮮魚湯杞子浸時菜其實每一道菜嘅質素都好好食，而且人均飲埋酒都唔使$400😆😆👍🏻👍🏻👍🏻仲要食足五粒鐘🍻🍺可以慢慢傾偈，服務質素又好，下次一定再介紹朋友一齊食🙋🏻‍♀️…查看更多

想試呢間餐廳好耐，今晚終於有機會試，原本好期待，但結果係非常失望。一入座，聽員就同我地講要一個鐘內交枱。叫完野食，大約15分鐘後，最後一碟餸先黎到，咁樣我只有45分鐘時間食。這種安排簡直令人難以接受，因為食飯應該是享受，而不是被催促的感覺。係咁短的時間內，職員不停地急急忙忙咁收碟，甚至在我地啲餸菜仲未吃完嘅時候就打斷我地，想收走隻碟。這樣的行為實在讓人感到極討厭，完全沒有顧及客人的感受。餐廳的氣氛應該輕鬆愉快，但這裡的服務態度卻令人不快。而且仲要收加一，性價比極低，根本不值得。食物質素亦未必符合價格，令我更加失望。總之，因為呢次既用餐體驗，之後真係唔會再黎，絕對唔推薦呢間垃圾餐廳。希望其他客人能夠考慮清楚，選擇其他更值得的餐廳享受美食。…查看更多

🥣 原味老火煲湯（碼另上） $280飲落超濃郁，飲得出佢好足料，其實幾好飲😋 但係佢一開始問我哋要唔要湯個時，我哋以為係普通例湯所以就話要，點知原來佢嘅收費係$280，大約裝到七碗滿嘅，所以建議大家可以喺開頭嘅時候問清楚價錢🥔黑椒蜜餞薯仔牛柳粒 $168牛柳粒好大粒，唔韌，食落唔錯👍🏻 但薯仔就好普通，好似蒸完就炒埋一碟，冇出面炸過好香口嘅感覺，呢碟比起出面嘅唔太甜，冇咁惹味🦐女人街粉絲蝦煲 $208蝦好新鮮，粉絲索曬啲味，好惹味，送飯一流💯🐷鐵板黑椒原隻豬手 $168店員會幫手切開做3大舊，我仲以為佢會切到細細舊，一口size😂 食嘅第一啖好滑，講完食埋淨低個啖又開始有啲韌🦑椒鹽脆鮮魷 $108食落幾香口，炸粉唔算好厚，但如果數量多啲就抵食啲🥚金銀蛋肉碎浸時蔬（娃娃菜） $88大路嘢👌🏻🐔秘製蔥油雞（半隻） $168超推薦！！💯 本身我冇特別鍾意食雞，但呢隻真係好滑好滑！同埋好香蔥油味🦪美國桶蠔（薑蔥焗） $228食落有啲酒味，一煲有7-8隻蠔，又係一半好滑，一半好韌🍚飯（一碗） $15🍺真露燒酒 $42氣泡酒甜甜地幾好飲，但食水有啲深DaiC的話💭：整體價錢貴過出面嘅大排檔，推薦蔥油雞同埋粉絲蝦煲👍🏻（小心叫錯另一個蝦+菜煲），其他就自己判斷Btw見到openrice話服務唔好，但我哋book 8:30pm時段，冇趕客情況出現，而且我哋8個人提早book，有自己一個小area去食。食蛋糕個陣啲姐姐都好有耐性幫忙上蛋糕、派碟同埋影相，整體而言個服務係不錯👌🏻🍽️：女人街食飯公司 (尖沙咀)📍：尖沙咀棉登徑8號凱譽大廈地庫A號舖…查看更多

首先嚟個冷盤先有魷魚、雞腎同生腸～樣樣都幾爽甜鮑魚夠淋身易入口酒味唔太濃剛剛好呢個係每次必點嘅！炸得剛剛好！多士好鬆脆，加上黑松露同埋沙律醬都唔會太油膩蝦都夠新鮮！蟶子炒得入味煎米夠脆，加埋一齊食好搭馬友夠鹹香～夠曬鮮味～蝦夠大隻～撈埋粉絲一齊食勁惹味！送飯一流蜜餞薯仔牛柳粒好好食！牛柳夠嫩，薯仔有甜甜的焦香味！不過略嫌牛柳粒份量少隻雞啖啖肉！夠嫩滑唔嚡口…查看更多

以現今香港食肆來講，可以做兩輪生意係好勁。之前我去旺角食，係好多中國客，嗰間既環境衞生感覺不太好，地下是黏黏的，但不停有客人來。今次尖沙咀則環境衞生好很多，外國客、本地客、中國客人數持平。訂位時已講明6:30入座、8:15交枱，呢個係大家既共識，但。。。佢地7:30已同我地清晒枱面，我地話仲有甜品未到，執枱男員工話“咁點呀”，哈。。。咪就係未食完咁簡單囉！食完甜品，已 feel 到無形壓力逼我們埋單，我明白你要做生意，但之前既共識又係乜。。。。我地6條友，叫咗6餸1湯：1. 淮山杞子螺頭湯：嗰湯幾清甜，但就5夠入味2. 炸蠔餅：5掂，太多太多炸粉3. 咕嚕肉：好味，走油無搞到嚿肉硬實，恰到好處4. 鍋貼小棠菜：還可以5. XO醬馬拉盞生菜煲：好香，但XO醬同馬拉盞5夠味，只可以話係啫啫生菜煲6. 尖椒醬爆鵝腸：呢個掂，入味，份量都算足7. 脆麻花：呃錢之作，超5抵，又5係平時食既麻花，又扁又實小炒最重要講鍋氣和熱度。。。呢度d 餸菜係溫熱5㷫口…查看更多