天毅金燕窩莊

营业中

休息中

一入門口便被滿牆的酒驚呆價值連城的名酒 隨便擺放 老闆的心大令人擔憂酒糟鮑魚$110  -浸潤在深琥珀色的糟滷中 表面泛著油潤的光澤初聞時，濃郁的酒糟香氣撲鼻而來帶著米麴的甜香與微微的酒酸鮑魚肉質厚實，邊緣微微捲曲帶有鮑魚特有的 溏心感咀嚼時釋放出濃郁的鮮味與淡淡的酒香富豪鮑魚帶子濃湯裙翅$388  -金湯玉餚的極致呈現初嗅是濃郁的火腿老雞高湯香氣隨之而來的是乾鮑特有的陳年醇香帶子則貢獻了一縷清新的海潮氣息最精妙的是湯底中隱約飄散的陳年花雕酒香翅針粗如牙籤，入口先是爽脆隨後膠質感逐漸包裹整個口腔紅燒極品鮑參翅肚煲$198  -一鍋盡藏山海珍南非溏心鮑魚橫切面透出蜜糖色的溏心光澤  遼參表面棘刺分明吸附著琥珀色湯汁  金山勾翅 翅針挺拔如梳，在熱湯中舒展如海底珊瑚  廣肚公 厚達三指的鯊魚肚，呈現半透明的虎紋色澤  四重奏的極致演繹原隻龍蝦燴伊麵  -蝦殼呈現鮮豔的橙紅色 上湯與龍蝦腦慢煮出的濃郁鮮味夾雜著紹興酒的醇香手工伊麵麵條吸附了龍蝦精華的湯汁無論是視覺、香氣、口感還是味覺都達到極致平衡龍蝦的鮮甜、伊麵的彈滑、醬汁的濃郁每一口都是奢華與滿足的體驗

今個星期日下午一點去到，仲落緊半閘。佢入邊有個阿姐，問咗佢，佢話要一點半先開，到咗一點九，仲未開，拍閘又冇人應，電話又唔通。有性格，但係如果咁唔想做，大可以執咗佢。

睇到佢個話梅蕃茄就好想試，一試不能回頭，搞到唔中意食蕃茄嘅人都愛上食蕃茄，佢係冰鎮嘅，兩樣配搭簡直係絕配，佢蕃茄仔咬落去喺個口度爆汁，口感已經好得意，酸酸鹹鹹甜甜咁，我之後一經過應該會例點，另外佢個酒醉鮑魚，酒同鮑魚味嘅配搭令你唔識飽，啲味整得好有層次，口感爽靭又滑，然後就係佢個瑤柱雞湯翅，百幾蚊嚟講都算合理，佢本身加$10有埋白飯，不過我唔食飯，所以冇加，味道就係翅湯嘅味，魚翅料係原條一舊仔掉落去，都有4-5滿匙仔嘅量，最後就係佢個木瓜雪蛤膏，雪蛤膏放到個木瓜中間滿晒，有凍熱揀，不過雪蛤膏嘅味單食就比較淡，一定要連埋木瓜啲肉一齊食就甜少少，食落就係原汁原味嘅感覺，清清甜甜，十分推介。不過佢夜晚比較多人，我見到坐滿晒，晏晝反而唔使點等，一入去就有位，因為佢位唔多，所以大家請自行抽時間去試。

由朋友的朋友介紹因為是家專賣海味的舖頭門店比較細小只有四張枱 而且很多菜式都要提前和店家預訂所以最好預約「原隻椰皇燉翅」一盤個椰皇裏面都是群翅椰水的清甜加上金華火腿的咸香味 頂級的享受「鮑汁蘿蔔」作為前菜 蘿蔔腌得很入味冰冰凉凉入口軟爛「鮑汁花膠燴鴨掌吉品包」鴨掌入口即脫骨 鮑汁味濃花膠爽口彈牙 吉品鮑魚 略嫌有點難咬口「陽澄湖大閘蟹」本來預訂的是八両但出來之後只有六両 店家說因為供應商欺詐但也是隻隻爆膏「一品蝦籽爆蒜子海參」微微的香辣很爽口嫩滑「清蒸東星斑」師傅掌握的火侯10分好 超級滑嫩 魚味香濃「八珍湯」對女士非常之友好的藥材湯當歸味10分清甜「瑤柱扒豆苗」日本瑤柱配上當造的豆杯 一個字嫩「蟹黃蟹粉會魚翅配伊麵底」點了半份 足夠6人吃每一口都是滿滿的蟹黃蟹粉加魚翅的鮮味在口中大爆發 伊麵掛滿蟹醬 是超級的享受「陳皮壽眉」很特別的一種味道功效降三高防癌消脂止肥，降糖尿 預防痛風等茶色清澈順滑好飲「川貝雪梨蜜」潤喉補肺養顏

意想不到的小店，各式各樣嘅美食超級推薦，推介$388鮑魚帶子濃湯翅，🥢加個白飯，$168鮑汁海參鵝掌帶子，$110酒醉鮑魚,最後食個甜品冰糖燉燕窩，燕窩很多，今次大滿足

今日三個女仔去咗旺角行街行到去油麻地睇吓有咩好食經過一間小店見到好多花膠入去睇原來可以坐低食叫左三碗翅加白飯因為太餓食完嗰翅加白飯再食埋嗰個甜品唔使去澳門都食到咁正既翅

星期日，同閨密喺油麻地食完個輕盈午餐，佢話要帶我去食埋滋補養顏嘅甜品，先可以彌補平日返工嘅辛勞閨密帶我嚟到專賣烘焙及煮食用具的上海街，唔通去食cake?! 原來，佢帶我嚟天毅金燕窩莊。如果唔係閨密帶我嚟，我估計自己唔敢貿貿然入嚟食嘢，因為金毅係食燕窩、鮑魚、花膠嘅專門店，啲食材咁矜貴，一定好高消費啦！點知入到店內，老闆好友善咁招呼我哋，打開餐牌一睇，價錢相當大眾化，而糖水嘅價錢更加可以講係平民價。我哋叫左一碗「杏汁燉花膠」同一客「木瓜燉桃膠」。「杏汁燉花膠」嘅杏汁清香甜美，配合花膠的軟糯，非常美味；而「木瓜燉桃膠」的木瓜香甜醇厚，桃膠糖水煙韌滋潤，無得輸！以貼地的價錢食到又美味、又滋陰養顏嘅糖水，真係好驚喜

黎到一間隱世鋪頭 入到黎坐低左眼球卻好忙咁周圍好奇探索新事物入面賣既名貴食材 鮑參翅肚一應俱存有乾貨亦有即食享用💯•鮑魚帶子撈伊麵賣相不錯 個汁亦做得好好伊麵唔會太林 配埋鮑魚加帶子食完會想再添多碗•上湯雲腿娃娃菜簡簡單單既娃娃菜 湯浸著都好甜•瑤柱雞湯裙翅呢個係我最鍾意亦係最讚既一款熱辣辣既裙翅夠爽口 加埋勁香濃既清雞湯 自己一大碗都清哂💓•油香手撕雞有麻香加芝麻手撕雞滑嫩不錯•川貝雪梨蜜呢個都係必叫滋補飲品雪梨味重 甜而滋潤

真心推介食左咁多年盆菜，未試過好似今年呢個咁足料😅果然一分錢一分貨有2款鮑魚，魚肚，海參，瑤柱，冬菇，蝦唔似出面咁用豬皮連雞，鴨都好好味🤣食到個個都好開心🥰🥰

天毅金燕窩莊🍲📍 油麻地上海街210號地舖ɷɷɷɷɷɷɷɷɷɷɷɷɷɷɷɷɷɷɷɷɷɷɷɷɷɷɷɷ話說無啦啦係社交平台睇到澳門既魚翅撈飯，突然間超想去澳門🇲🇴😮‍💨，但無奈地而家未去到住，就立即搜尋一下🔍香港邊度有得食，無意之中比我發現原來香港係有間賣魚翅燕窩既鋪頭，𥚃面好特別既， 一半係賣貨，一半係餐廳，而且性價比 比較高👏🤩，真心覺得食材用料貴，但賣既價錢算係平😍。🌟瑤柱雞湯裙翅 $138重雞湯味😆， 味道唔錯既， 不過如果對比澳門既味道，當然冇咁濃啦🤭。 但我覺得呢個味道都算係唔錯。🌟紅燒花膠海參魚翅煲 $108湯底有魚翅、花膠 同埋海參，對比雞湯翅，呢個會濃味少少🤏， 但整體味道都唔錯， 用料都算多。🌟酒糟鮑魚 $110 / 7隻呢個鮑魚要推介😋，好重酒味， 仲要成隻鮑魚都好入味👏，唔錯呀。🌟上湯雲腿娃娃菜 $30雖然呢個菜周圍都有😂，但呢度賣$30，確實係平既，同埋都幾好食😋。🌟川貝雪梨蜜🍐 $25好足料既一支野飲🤪。整體推介指數：❤️❤️❤️❤️🤍之後再㩒下右上角個🔔, 小編定期會為你送上最新資訊☺️謝謝支持。ɷɷɷɷɷɷɷɷɷɷɷɷɷɷɷɷɷɷɷɷɷɷɷɷɷɷɷɷ

見耐冇得過澳門，朋友帶我去食翅，雖然地方細細，只有四、五張檯，但係價錢同澳門差唔多，味道都ok，又可以添飯，可釣住癮先啦，過關先去澳門食過，依度仲可以食埋甜品添澳門好似冇架瑤柱雞湯裙翅 - 夠清，不過淡左少少，翅既份量都夠紅燒極品鮑參翅肚煲 - 夠味、足料，有啲似澳門味瑞士汁牛舌 - 超淋，又入味，好食鮑汁蘿蔔（冷盤）- 清甜、凍剛好，超好食，可追加甜品 - 燕窩豆腐花 用盒裝豆腐花，不過都有加工既（切片），重點係燕窩，豆腐花係咩都唔重要

無無聊聊地逛街，細心留意每段路及每間路邊小店，定會發現心頭所好、美味食物、隱世廚神和特色品味等。《 天毅金燕窩莊 》門口旁邊放置着載滿名貴食材的凍櫃，櫃內有鮑魚和魚翅等等。只要買回家中，不加細想的凍食，可以略為加熱即食，可以再煮十多分鐘表演廚藝，真的方便和開心 😆兩款甜點內的燕窩條索分明，口感清爽，咀嚼時有原粒實在感。原隻木瓜燉燕窩 ( 凍食 ) : 燕窩份量可觀，性價比頗為高，但木瓜稍為結實，下次要嘗試熱食。冰糖燕窩豆腐花 : 燕窩獨特的蛋白味勝過豆腐香，豆腐花入口不見了呵😝溫馨提示 : 舊版洋酒集中地，發掘自己心頭好，品嘗從前的味道，知道今日的區別。

呢間店已經係我第N次幫襯，由以前廿蚊一支大支嘅燕窩水，到而家加到$50一支嘅細支燕窩水，飲落甜甜d 而且有好多料，清甜潤喉，好懷念之前同朋友黎食飯嘅日子，希望疫情快過可以黎堂食晚市啦

想不到這裡有出色盆菜，今年冬至家人叫了一個<富豪珍品盆菜>，有魚肚，長州大魚旦，蘿白好入味，南乳豬腩仔，但最特別係個瑤柱鮑魚汁，簡直係靈魂，仲要係一大支，我地仲加個米粉煮，一配，12個人食剛剛好。

瑞士雞翼沒有色澤， 不入味。鮑汁山瑞裙， 用辣椒醬蓋不到腥味 ，沒有鮑汁味 鮑汁山瑞裙煮得又不夠乾身。雞煲翅好稀。 前一段時間食味道都好好食， 依家可能做得耐出名咗所以食物質素下降咗，失望