天寶閣

🐑化皮乳猪，整体发挥出色，好食过好多地方嘅乳猪。即叫即烧，起码等20分钟。等待系值得嘅。首先想讲讲个乳猪酱，唔知咩牌子，特别好食。乳猪皮化呢个冇质疑，咬落去啲猪油爆出嚟𠮶下感觉好难忘，就连块肉都咁好食呢个就实在难得🐑香葱牛肉角，其实用饺皮包住牛肉球炸。牛肉球内有葱、芫荽、马蹄，调味恰到好处。记得点埋旁边嘅牛肉汁一齐食，牛味100分爆发🐑黄桥烧饼，外皮酥化，芝麻香脆，香葱肉馅饱满，但调味略为重手咗少少。黄桥烧饼都系阿一鲍鱼𠮶个稍胜🐑笋尖虾饺，大只、饱满、精神，个名强调笋尖就坚系有笋尖，明虾新鲜爽口。价钱同阿一鲍鱼一样，但就冇阿一虾饺𠮶啖汁。虾饺嚟讲，暂时都仲系阿一世一🐑瑶柱萝卜糕，萝卜味甚浓甚清甜，切到咁大粒，四方八面都煎到咁香脆，睇得出厨师超用心。表面炸咗嘅瑶柱丝超脆，但可惜冇乜味😂。要比较的话，新同乐嘅萝卜糕更出色，因为更多腊味…Read More

今晚黎食生日饭，订咗7点半。去到餐厅已经9成坐满，我哋钟意坐喺大厅。先黎叫个头盘，我哋睇完一轮就叫咗个素鹅。跟住就系睇吓主菜叫咩好，商量完之后决定叫多四样嘢。四样分别系肉排，脆皮鸡，黄金虾球，炒粉丝。肉排个汁做得好出色，调味岩岩好，黄金虾球爽脆咸香。脆皮鸡皮脆肉嫩多汁，粉丝又吵得干身唔会好油腻。餐厅都系做得一轮，大概八点客人已经走咗一半。三个人食刚刚好打包了一小盒食物回家。回家之后仲会食生日蛋糕，所以五样嘢就够了。…Read More

喺香港由细到大都会同屋企人饮茶，真系不得不赞哩间喺香港真系数一数二嘅质素嘅茶楼虽然系有好多茶楼都有米芝莲，不过哩间真系特别维持到就水准。就算咁多年黎每一次去食都系咁正喺得尖沙咀中心又喺酒店入面嘅菜楼，哩个价钱嘅点心，真系好值，信我！最重点推介一定系哩个带子肠，超认真制作个带子馅真系原只咁夹喺入面，加上中间𠮶层好脆嘅脆皮，再有外层超软嘅红米皮，一定要嗌！第二必叫推介系个萝卜糕，每一糕都煎到非常外脆内软 喺我唔系咁劲嘅拍摄技巧影出黎都见到佢系煎到金黄色，证明真系超有水准！口水鸡都非常惹味，仲要今一旧啲鸡都超滑哩个萝卜丝酥个卖相系几cute嘅，仲要成个芯都系满满嘅萝卜丝同内丝，真材实料顺带一提，哩度除左新式雪山叉烧包仲有好多地方都唔会再有嘅传统中式叉烧包，一笼系三个嘅，不过一黎到热辣辣咁食，所以挂住食唔记得即刻影相拣手菜系真系有啲料到，不过上次嗌𠮶个上汤浸菜好似好味啲春卷都系一客三件嘅，又系心急食无即刻影，超脆仲要馅入面有多一层脆皮，口感劲正！…Read More

天宝阁以七道经典粤菜为本推出黑珍珠珍味套餐🤩第一道菜手撕鸡用上本地龙岗鸡配埋泰国青芒果丝同弹牙海蜇 味道酸甜清新自己最喜欢炖鸡汤 入口清甜滋润😚选用云南野生松茸同香甜嘅无花果干盅内仲有大大块东非花胶 口感Q弹 胶质满满🥰蚝皇扣南非五头鲍鱼味道浓郁鲜香 鲍鱼肉质软糯白鳝选料好 有嚼劲 亦煎得非常好味 外脆内软😋而三葱爆炒牛肉就用上日本宫崎 A4 和牛 够晒肥美_🔖 黑珍珠珍味套餐🔶凉拌青芒果海蜇手撕鸡🔶珊瑚嫩蛋乳龙虾🔶花胶松茸无花果黄耳炖鸡汤🔶蚝皇扣南非鲍鱼🔶三葱黑椒爆日本和牛🔶浓汤鱼肚大根煎白鳝🔶杨枝甘露…Read More

今日约咗个好耐冇见嘅auntie饮茶，佢建议嚟呢度，未入餐厅已经俾出面嘅布置吸引住，好中国化、劲中国𠪴史feel, 有啲以为自己去咗文化博物馆！🤣🤣我一向都觉得独享一个灌汤饺好奢侈，特别系呢个得奖点心：$128一只嘅天宝灌汤饺。今日最快上嘅点心就系呢个！一人一只😂😂👍🏼👍🏼。汤鲜甜，够哂热👍🏼，用料上乘（有相为证），真系温度、味道、速度都整哂。😂经典点心虾饺同烧卖当然唔少得，热辣辣、大大只、好好味。后面笼虾饺咁蒙，系因为啲蒸气涌上来嘅真实情况。😂唔好睇少呢笼荀尖鲜虾饺，佢都系得奖点心嚟㗎！今日呢碟柚皮鹅掌蒸排骨，卖相似小菜，味道好，鹅掌唔会太腍，排骨蒸得啱啱好，一咬离骨，最特别系碟底嘅柚皮，怀旧又好味，啲柚皮吸收哂肉嘅汁嘅精华，超好味。😋😋呢碟虽然唔系得奖食品，都好值得一试，不过$228系有啲贵嘅！😅😅。下面呢个睇落好似炸两嘅点心其实又系餐厅嘅得奖点心：五香脆牛腩肠粉，薄薄嘅肠粉包住脆脆嘅牛腩，认真特别兼好食。👍🏼👍🏼😋😋我见到好多枱人都叫咗一样黑黑圆㘣包类嘅嘢，Auntie话系竹炭焗叉烧包。睇真啲，外面原来系黑色嘅菠萝包，入面嘅叉烧，多汁、肉嫩又好味。😋😋呢个糖水系送嘅，餐单上面揾唔到！😂不过印象中好似系栗子合桃露。既滑溜又唔太甜，仲好够热𠻹！😋😋走嘅时候行到门口先至发现，原来呢度有一幅墙摆满晒奖状，其实我估佢哋仲有好多未「晒」出嚟。😂今日呢个午餐令我觉得原来点心唔系食嚟食去都系𠮶啲，呢度啲点心食材正、配搭有心思、温度够、味道好、外观靓。难怪攞咁多奖啦！P. S. 今餐冇机会睇到张单，不过根据餐牌价钱，同会员有七五折，大概计到人均消费。虽然睇落人均消费都几高，但系以咁嘅质素都值得嘅！😊…Read More