大頭蝦

营业中

休息中

無諗過喺茶記都食到生牛肉河 叫咗下午茶嘅雙拼越南湯河 揀咗生牛肉拼牛腩 河粉冇咩特別 就係正常嘅河粉 牛腩同生牛肉份量好足 應該每樣各有4 5片 但牛腩有啲難咬但都ok 生牛肉就冇咩特別味道 都係主要食佢個湯個味 重點要講下個湯 個湯係好好飲 但都飲耐咗會覺得得有少少咸 但個味道正宗好飲 45蚊食到呢個質素嘅生牛肉河 真心抵食 會有下次 講埋佢個環境 舖面大嘅 卡位坐到6個 下午茶時段冇咩人 我哋兩個人坐咦張6人卡位 整體上環境算舒服 衛生情況都冇咩問題 係人手有啲少 有時要叫多幾次先有人理你

係葵涌做完野有d肚餓，想去食d野，但係葵涌得d工廠大廈，夜晚周圍又無咩餐廳好食喎，見到大頭蝦有喇沙食，我又想食下東南亞野d濃味野喎，就同fd入去食下，入面地方好闊落，不過就無咩客其實d野都几抵食，大大份價錢又唔貴，味道都ok！我叫左個無骨海南雞喇沙檬粉，雞几滑都有好多舊，湯底夠濃味，有隻蛋、魚片，檬粉浸下d喇沙湯味夠濃味！朋友叫左個香茅豬扒飯，豬扒炸得香脆，d肉都几嫩口入味，新鮮熱辣炸出黎夠曬香口！

lunch 時間入座有位求其坐低，人手嚴重不足，等好耐先等到人落單，到落單佢又叫人坐第二張枱😑12:35入座，12:42落單，3吹4請等到13:08先黎碗喇沙河都唔緊要，黎到豬扒未煮熟，比機會叫佢換過豬扒比我，點知換過都係唔熟！！！係 唔 係 做 生 意 架…🙄

原本沒有什麼期望，怎料飯菜端上來，賣相似乎不錯。咬下去，皮是脆的，肉也嫩滑，但就沒有雞味。以50多塊的價錢，也大概是此等貨色。不算什麼美味佳餚，但尚還可以吧。至於服務就麻麻地啦。

呢舖平時就係人多，諗住去食個午餐，見到有位咪坐二人細檯囉！人多理解，突然有10個人黎食，咁有個女服務員就見到我隔離有四人檯，我又啱啱好坐係四人檯隔離嘅二人檯，佢就諗住將食緊一半嘅我移去第二檯食，個個都望住佢，佢就自把自為係度催我過隔離坐，係人都感到不快，又唔係未食，食緊一半喔！我瞬間無語😓，咁10個人咪畀4個人坐住先囉，我費事同佢爭拗呢D事，瞬間冇曬胃口食淨低嘅一半，直接畀錢走人，佢地全程講唔好意思😅講唔好意思有咩用！倒胃口！下次真係唔好再黎食，好好反省啦！

餐牌有多款越式、星馬、泰式東南亞真系冇得外遊都可以頂一頂住先星洲肉骨茶 （一字排骨）可配飯/米粉 $60原個砂煲熱辣辣送上，先試試湯底有齊紅早、杞子，黨歸味較淡 ，腐竹非常入味，排骨有六，七左右，條條都啖啖肉，好食。胡椒豬肚雞飯沒有胡椒味換來是南乳味，怪怪的泰式無骨豬脾飯 配例湯、白飯好入味好好食*下午茶仲抵食，午市餐牌減$10餐廳只收取現金

平日番工已經好攰慣左夜晚都會叫外賣 今日想食泰國菜·-蝦頭膏大蝦炒粉絲（$101）份量巨多 係超多粉絲佢座粉絲山咁除左蝦之外裡面仲有冬菇/西芹做配料粉絲炒得唔夠乾似炆煮粉絲多d而且粉絲調味未足個座無味粉絲山咁而大蝦只係普通蝦size蝦有輕輕炸過蝦肉仲彈呀 無奈成碗野夠份量但唔夠味 -泰式燒豬頸肉（$71）份量好多豬頸肉燒到焦香油脂迫哂出離食落爽嫩呢個豬頸肉反而好有驚喜但個沾醬係泰式辣醬而唔係泰式沾醬有d少失望整體黎講外賣自取有85折折後$131唔算平而且個粉絲真係好麻麻

Food was surprisingly tasty. The place we wanted to go was shut so we ventured up to the plaza and found this place. The mall is a little run down and nothing much else there to see so we didn’t expect much.Restaurant is clean although cutlery could be a bit cleaner.We ordered hai nan chicken rice and pork bone soup with side dishes chicken wings, veg and chickens feet.All were delicious, especially the side dishes, only 13hkd each.We also had the longan ice we ordered less sweet, tasted really

凍凍地唔想出門碌到呢間小店見佢係價錢唔算貴又有外賣85折加加埋埋都唔洗$100湯同粉麵分開裝已經默默加左分連辣椒青檸都細分裝好細心度100分✿香茅雞扒湯麵轉河粉（原價$58）一打開香茅味幾香· 雞扒量都算幾多雞皮個皮仲脆身 · 食落香茅味都幾重雞肉好重身·仲幾嫩滑河粉唔會一夾就斷而且麵量麵幾多個湯底就咁飲幾鮮甜加埋落個雞之後個湯意外地多左陣香茅味河粉唔會一夾就斷✿無骨海南雞湯粉轉金邊粉（$69）雞肉差唔多cover哂個麵雞肉真係完全無骨而且好滑身海南雞會附配3個醬黑醬油/蔥油/甜酸香茅醬前者好濃醬香但唔咸蔥油無咩特別後者個甜酸味幾意外整體而言兩者比較我喜歡香茅雞多一點個香矛味好surprise 因為真係好濃但有點失望係食完會好口渴🥲

今日食晏去咗葵興試咗間食泰國嘢嘅餐廳, 叫咗個午餐咖哩雞扒飯, 咖哩雞扒同飯係分開上, 咖哩無咩咖哩味, 仲要係凍嘅添, 雞肉可能雪藏嘅緣故所以係完全冇鮮雞嘅味道, 可以話係完全失望 ,我諗下次都應該唔會再幫襯㗎啦。

夜晚9點幾先食飯，求其衝去一間餐廳食飯，同朋友一齊食一個二人餐醫肚。九層塔泰式雞煲，賣相還好，但是比較重口味，有點濃味。馬拉盞炒通菜。有點油，但是入味的，熱上，不錯～泰式豬頸肉，可能自己鍾意食香口野，我覺得呢個燒得好好食，超級入味，好爽口，泰國野黎講我自己必叫的。蟹肉炒飯，都可以的，茶餐廳質素，不高要求但又可以食得飽的選擇。

自開業至今幫襯過唔少次，一開頭嘅食物質素幾好，不過食完今日呢次，之後都唔想再幫襯了我最鍾意嗌豬頸肉撈檬，之前嘅豬頸肉燒得好香口，又脆又薄，食落每一啖都好正。今日再試，豬頸肉完全咬唔開，好似有條筋喺度咁，同埋啲肉好肥，一咬落去啲油咇出哂嚟

中午時段入坐，雖然知道食飯時間一定忙，但啲侍應態度衰到爆艇。走廊位有一排凳全部畀冷氣不停吹住。四張枱有三張都叫個侍應教細風啲或者熄左佢。全部侍應都當聽唔到，基本上係趕客！去到嘢食部分，叫咗個青咖哩雞飯，食物質素完全唔得！！！仲衰過大排檔，個咖哩汁好似鼻涕咁樣，基本上係生粉水！有圖有真相！食完去畀錢嗰陣時同個侍應講，叫佢不如考慮下啲客人所講教細啲冷氣，跟住佢話呢度啲客全部都覺得熱，真係吹脹食物質素同服務都完全唔合格，真係冇下次～

好少去果邊搵野食，因為選擇唔多。 落緊雨為有試試，第一日叫左個肉燥香茅豬扒飯，肉燥就唔出色，但份豬扒好掂，好香炭燒香茅味又大件，$56仲可以飲椰汁涼粉特飲，正。 第二日再覆叫，試左撈檬，比起肉燥飯出色好多，下次要試試咖哩😂

第一次嚟葵興廣場 入咗呢間餐廳 嗌左個香茅牛肉撈檬~香茅牛肉超好味 牛肉偏厚身 食落有啲似沙嗲牛肉🤣撈檬都整得好好 我落咗好多魚露😝環境乾淨企理 下次去葵興會幫襯多次xdd