大門橫丁串燒手打烏龍麵店 (厚福街)

营业中

休息中

可能尖沙咀真係租金太貴，呢度一個飯餐配飲品都＄60起跳。今日返完教會一行六人就黎咗呢度食lunch。佢本身嘅六人卡位座位都非常狹窄，最後坐了普通位先多少少位。因為唔太肚餓，所以同朋友share一個叉燒雞肉蕃茄湯烏冬配熱柑桔蜜。分量真係剛剛足夠一個人食，湯底尚可接受唔太鹹而且有番茄香味，可惜雞肉雖然大嚿又多，不過有雪藏味道，烏冬都唔係特別'煙銀'，叉燒反而幾出色，糖心蛋都唔錯。柑桔蜜好好飲，鹹甜配搭非常解渴！今日客人不多，但我朋友點了芝士烏冬配炸雞，炸雞上咗15分鐘，烏冬都未到，有點失望呢個價錢同環境應該可以有更好選擇啊！

Have visited this place for over 10+ times as I love Japanese Udon a lot!Of course, you can't expect it to be a super high quality one, given its price level is below $80 per head for dinner.I would say quality is directly proportional to price.Last time I visited there, I ordered a Satay soup, it was quite nice! Highly recommend you to try it if you love Satay.

眼見呢個舖經常座無虛席，晚市時段仲周時有人企門口等，根據肥仔奇多年獵食嘅經驗所知，一間要排隊嘅舖頭係不出三個可能：１．好食、２．好平、３．新開張。食過之後我會認為呢間舖之所以多人，純粹係因為２．好平。首先試試串燒雞翼，燒到過熟、乾哂、冇肉汁，調味亦不見得有何出色，失敗！再嚟試吓芝士蘑菇串，受惠於食材嘅新鮮原生菇味與多汁，再加啲芝士就好難整得難食。試埋汁燒日本年糕，好唔錯，個汁做得幾惹味，年糕夠煙韌，豪不吝嗇地包塊紫菜增添口感，呢個要讚！自家製蕃茄濃湯配以手打烏冬係毫無瑕疵，糖心蛋熟度剛好，蕃茄濃湯亦的確係蕃茄濃湯，若果一定要彈佢的話，就係個烏冬灼耐咗少少。真正出問題嘅係呢個和風燒鳥（燒雞就燒雞啦燒咩鳥啫），可能佢真係改錯名用咗個鳥字，鬆脆外皮之下係一陣好似雞屁股咁嘅禽鳥味，我唔知佢係冇用薑醃過定係點樣，總之如果唔去皮係根本食唔落。

lunch想食一碗熱辣辣湯麵，行行下走到厚福街，見到大門橫丁就二話不說入左去坐。見到menu都尚算多款式……好吧！我就揀左特選大門蕃茄濃湯手打烏冬試下先。woooo……小小熱鍋盛載住，好吸引丫！重點有我最愛嘅蕃茄濃湯非常鮮甜，上面有更叉燒、粟米、蜜糖豆，十分豐富。而且手打烏冬質感煙韌，一啲都唔“林”，另外更會送上飲品一杯。不過lunch時段價錢嚟講價錢有少少貴，份量適合女士們，但男士們就可能會唔夠。

這是我吃過最親民，最便宜的一家日本店拉麵了。烏冬口感好彈牙，番茄湯底濃郁而且有很多番茄，蛋的味道很特別，牛肉做得很棒，物有所值，以這個價錢來講算質素唔錯⋯⋯虎蝦等了很久才上桌看來也是很用心的等解凍了再烤的，虎蝦個子挺大，吃起來的效果就是下次再也不想試。只能說麵可以回頭！湯底最赞，因为本人很鍾意番茄

今日外出工作，終於唔使stay係觀塘食lunch啦👏🏻👏🏻👏🏻~辛辛苦苦做完野，再去sogo買野，於是好他調甘步行到尖咀呢度食烏冬~👾呢間鋪其實好耐世紀前食過，不過係去通菜街果間分店，而間店已經汁左好幾年了＂👀-----------------------特選大門蕃茄濃湯手打烏冬🍅（$68）今次再黎到呢度食烏冬🍲，個感覺必須講係大不如前😿。可能細個好少去食好西，對食既要求唔高，所以某些唔錯嘅餐廳就會比我一個好深刻同好食既印象。尚記得當時烏冬款式唔算多，小食更只有寥寥幾樣，蕃茄湯卻係堅濃同入味，味道更係令人食完有介紹朋友黎食既衝動🤤🤤。多年後再遊舊地，surprise見到宜家既Menu七彩繽紛，但野食黎到時不禁有少少嘆息😞。 鍋底堅用原隻蕃茄，但可能湯煮得唔夠時間，又係得個顏色，淡而無味😫。手打烏冬個口感軟滑，係中意食滑滑烏冬朋友’s cup of tea🍵；配料算多，除左有日本叉燒之外仲有雞扒🐥，叉燒唔韌，雞扒竟然有去雞皮，呢樣係岩晒香港人對健康飲食的要求～所以整體雖然係有點失望但仍可以接受既😅不過杯餐飲桂花蜜就出事喇😖，純淨白開水的顏色，最多加少少桂花碎，飲落只似甜糖水，或者熱飲會好

佢鋪頭話收兩點，我地十二點半入去啲侍應黑口黑面，叫佢攞杯水都要兩三次。落單嗰個又唔用紙寫低，我地四個人叫左四個烏冬加一些小食，有個烏冬等左勁耐同佢講，然後侍應話漏左單但廚房收左爐，完全冇諗住煮番比我，搞到有一個人冇得食要餓住肚皮返屋企！以後唔會再去！

Happy Friday ！行完 K11 見肚餓，諗住食翻個沾麵同埋糖水開心吓。睇咗下 OpenRice 見有間「元祖沾麵」喺附近嘅厚福街喎，must try！去到店員告知已經過咗 last order 啦，不過無有怕，成條厚福街梗有一間啱我嘅：） 見哩間「大門橫丁」係食烏冬嘅又幾乎爆棚咁，夷咦，可以試下啵。 - 蟹肉蕃茄湯手打烏冬（$79）哇.... 好正咁啵！面頭有啲粉絲同蟹肉碎啦，試咗下啖湯，勁濃郁嘅蕃茄味；荷蘭豆好爽脆啊，裡面又吸收咗啲蕃茄湯；溏心蛋都幾正，同啲拉麵店嘅溏心蛋有得 Hi 喎；粉絲啱啱好，蟹肉又幾鮮；烏冬好明顯真係手打，係比較粗身嘅，硬度適中啦，冇酸味啦。 - 青蘋果乳酸梳打（$19）杯梳打勁耐未上，可能係店員唔記得咗？味道普普通通，好似 Seven 賣嘅乳酸梳打咁，而且完全冇蘋果味咯。 - 蕃茄湯牛肉手打烏冬（$74）我覺得哩個牛肉烏冬仲正咯！其實個湯底同配料同個蟹肉烏冬係一樣嘅，就係個主角唔同。可能係蕃茄湯底嘅關係，覺得蕃茄同牛肉個味會夾啲，仲有彈牙嘅烏冬，真心推介～ Must Try～值得一提嘅係，要加收 10% ，而且要食夠 $250 先至可以碌卡咯，嬲！

My boyfriend like this restaurant a lot tho I toke him to other Udon shop but finally he always ask me back to this one. He liked the deep fired shrimp with Curry Udon. The deep fired Shrimp used small shrimp, with the taste of seafood would be stronger. The outer part was crispy,not oil. The curry soup was too strong for me, but it suit my boyfriend taste.

一個喜歡吃芝士的人，幾乎每種食物加點芝士都會覺得特別美味。之前在某電視的飲食節目介紹這食店的芝士烏冬，看完已很想來嚐試一下。適逢今日是聖誕假期，於是到此食店品嚐美食。我們於中午12:00已到達食店門口，門口除了寫上店名“大門橫丁”四字之外，更以紅色字寫上串燒 手打烏龍麵店，可能這兩樣都是其招牌菜啦！真的要試一下。店内裝修以啡色為主，淺啡色的牆壁配以深啡色皮座椅及木色餐枱，燈光略為昏暗，很有情調，我們拍環境照時，侍應生以怒視我們，所以我亦不敢多拍環境照片。看完食譜之後，決定點選串燒八爪鬚、鹽燒牛肋骨、吉列南瓜餅、吉列炸蠔、清酒煑花甲、串燒北海道元貝、芝士撈烏冬配吉列炸蝦。燒物通常是比較快上枱的菜餚，第一碟上枱就是鹽燒牛肋骨($38)份量不小，每人都有3件，盬的份量剛好不會過鹹，肉質軟腍不會過韌，燒得帶點微焦且口感香脆，加點檸檬汁以減油膩感。串燒北海道元貝($40)- 元貝面加了一塊芝士且芝士溶入元貝裡，鹹鹹的味道加上元貝的鮮甜真是絕配，對我這個芝士迷簡直是愛不惜手。第二碟上枱亦是燒物，串燒八爪鬚($24)，每人各分3條，這個比較經濟一點，肉質比較硬了一點，但醬汁味道一流。之後送上的是炸

黎到尖沙咀, 雖然餐廳頗多但有時諗食野真係有點無從入手🙈 今日來到厚福街簡左呢間一直有食開既大門橫丁, 連鎖店關係所以野食上同其他分店都一樣吉到豚肉手打烏冬 配 自家製沙嗲湯自家製沙嗲湯好濃郁好沙嗲, 配上日式手打烏冬好正! 濃濃既沙嗲湯底濃郁得黎但唔算太咸, 另外因爲有花生配製湯底關係仲會帶點傑身😀👍🏻 正手打烏冬軟身得黎帶點煙un, 口感一流👍🏻👍🏻👍🏻吉到豚肉唔算好特別, 只可以話岩岩炸起好熱辣辣同好脆身, 不過相當熱氣😂除左叫左正餐外仲叫左一大堆串燒, 放到成枱都係😂正常野唔介紹了! 不過每次黎都會order 由魚筒, 燒得好香好好食濕度恰度好處, 食落唔會好硬身, 好軟熟, 仲有一路燒果時加左燒汁, 味道一流👍🏻👍🏻👍🏻芝士雞都好香好惹味, 芝士唔會太過火, 唔會蓋過雞既味, 配埋一齊幾好食! 牛舌都好好味, 有水份而且有口感😋不過食完之後有點後悔, 因為個湯底應該落左好多好多味精, 回家中途口渴到就快死亡😅😅😅 最後要去7-11買咗一支飲品, 飲晒成支都唔係咁解到渴🙄 其他分店食完都冇一個情況出現, 如果個湯底唔係落咁多味精黎煮的話相信會更好

服務態度一般，上錯烏冬要反覆三個人核對才知道錯，明明叫了地獄烏冬，第一次送了兩個沙嗲鳥冬黎！ 好啦搞了一會兒，終於換了，但過了一會兒又送回原來兩碗，我再問什麼一會事，他們竟然面對沙嗲烏冬對我說是地獄，地獄不是紅色嗎，最後給了95折我們及道歉，想要95折的朋友不妨去試試

自從厚福街個間由細舖轉大舖之後，d服務差左好多我今次一去到舖就有位內雖然比較多人，得番3-4張枱未有客坐，但睇得出一d都唔忙諗好食乜舉手落單，揮左幾下都完全冇人理，到我嗌左幾次「唔該」先有人叫我等陣同落左2個烏冬，之後再分開落左兩個串燒等左陣就嚟左第一碗，之後見第二碗咁耐未到就叫佢吹單，完全係hea我既感覺到串燒到啦，碗烏冬都未到前後足足等超過半個鐘到個烏冬送到黎個刻，我枱面有既烏冬同串燒都已經食完其他遲過我入嚟既客人，佢地個烏冬都就食完中途加埋埋單時個阿姐個樣黑面加唔好態度到極點

同家姐行完街就去食野，來到厚福街好多選擇。最後揀左大門橫丁。除左有烏冬食仲有好多串燒，唔夠飽可以嗌黑蒜湯底既牛肉烏冬。黑蒜味重同油左小小，但都接受到。D牛肉好香口，牛味好重而且唔老。糖心蛋好甜，食日本麵係必有既食材烏冬唔太林遲下要再來食其他野

大半年都冇來食喇，今日再反來幫襯，d野食仍然係咁好食今日食反個雞排蕃茄湯烏冬個湯應真係用新鮮蕃茄煲架，有d酸酸地。烏冬"in in un un"好好食，我唔鐘意好林既麵質。個雞排醃得好入味，而且煮到d肉唔會老。過左咁耐都keep到好準，係好食既