大門橫丁串燒手打烏龍麵店 (厚福街)

闻起嚟有香味，但食落去系冇味㗎，话系手打乌冬个乌冬软pat pat散到淋到，𠮶阵香，根本系个汤底最后嘅尊严，系佢全碗唯一合格嘅部分。啲乌冬一放入口，个感觉就好似咬落一旧……软pat pat、散修修、淋哂哂嘅物体度。完全冇咬口，冇弹牙感，冇乌冬应有嘅韧性同米香。用筷子轻轻一夹，佢就自动解体，散到开花咁款，瘫软喺汤入面，惨不忍睹。佢话超市最cheap嘅乌冬我都信！真系冇夸张！超市冰格入面，十几蚊一包、四四方方、硬掘掘𠮶啲急冻乌冬，拎出嚟煮完，个质感都至少系「一旧完整嘅乌冬」。而眼前呢碗「手打」杰作，简直系对「手打」呢两个字嘅侮辱。口感淋到呢……同浸到发胀嘅厕纸筒有得挥，仲要系冇味版！真系中伏中到应一应…查看更多

系尖沙咀行街突然好想食沙嗲乌冬就立即谂到厚福街呢间大门横丁，哗，仍然好好味，咁多年都无退步过咁，沙嗲汤底够香浓，忍唔住饮咗个汤底几啖🤣，牛肉片又唔会过熟，乌冬又弹牙，真系好正啊😊…查看更多

朋友介绍呢一间嘅串烧丼饭好抵又大串又好食😋今日就带埋个friend出嚟食lunch😍结果真系超好食，一定会推介俾大家。🔹串烧丼饭 $69起盐烧鸡翼盐烧翠玉瓜汁烧厚切牛舌串汁烧茄子串丼饭上面有饭素，而且饭嘅份量唔少，绝对足够一个成年男仔嘅份量，如果食唔晒可以少饭。重头戏嚟啦 - 串烧🍢真系串串都好大串😍完全唔孤寒！鸡翼虽然烧过，但系都仲系好多汁，唔会烧到好干身😋翠肉瓜同茄子都好多汁，大赞🤩最重点系佢个厚切牛舌，真系超厚，啖啖肉，而且唔骚，超好食😋🔹串烧丼饭 $69起盐烧鸡翼盐烧猪腩串汁烧厚切牛舌串辛辣烧护心肉串另外朋友都叫咗串烧丼饭，猪腩肉同护心肉都好好食，唔会烧到好柴，而且好多汁😋有机会试真系要试串烧丼饭，虽然我都知道佢嘅乌冬好出色，下次会试埋🤓…查看更多

小编今日来到尖沙咀一间日式串烧店「大门横丁串烧手打乌龙面店」，位于厚福街地舖，主打地道日式烧鸟、串烧丼、自家制乌冬及一品料理，亦提供多款日本进口清酒与啤酒🍻 乌冬自家制汤底选择，辣蕃茄汤、沙嗲浓汤、黑蒜油九洲猪骨浓汤、九洲猪骨浓汤、鲣鱼鱼介汤等🍜 装修营造出居酒屋氛围，成为下班小酌或三五知己聚会的好去处🍢🍺「辛辣蕃茄浓汤手打乌冬（和风烧鸟）」辛辣蕃茄浓汤酸中带辣，石窝汤中加入原个蕃茄、粟米及香葱调味🌽手打乌冬弹牙，和风烧鸟外皮微焦，鸡肉多汁，搭配日式特制酱汁，整体简单却滋味十足🍅🌶️🍜「秋葵北海道豚五花卷(盐烧)」秋葵保持爽脆，豚五花油脂分布均匀，盐烧带出肉香，卷起后一口咬下，中和油腻感🐷「烧日本A5黑毛（特上）和牛片」和牛油脂四溢，烧至表面微焦，入口即化，搭配日本生鸡蛋的滑顺，让肉质更显细腻，肉食控不可错过的极上享受🐮「岩盐烧鸡翼」鸡翼烧得皮脆肉嫩，岩盐轻洒增添风味，不会过咸，送酒绝佳选择🐔「日本A5 黑毛和牛小串（2串）」和牛小串以秘制辣味噌酱烧制，牛肉味浓郁，辣味与味噌的甜咸交融🐮🍽 ：辛辣蕃茄浓汤手打乌冬（和风烧鸟）；秋葵北海道豚五花卷(盐烧)；烧日本A5黑毛（特上）和牛片；岩盐烧鸡翼；日本A5 黑毛和牛小串（2串）👅好味指数：8.25/10；8.0/10；8.0/10；8.0/10；7.75/10💰消费：HK$92；HK$26；HK$51；HK$33；HK$44📍 地址：大门横丁串烧手打乌龙面店 (尖沙咀) 尖沙咀厚福街9号豪华阁地舖…查看更多

我好少出街会食蕃茄汤底，因为觉得好多都系假假的蕃茄味。好耐冇嚟过大门横町，突然经过好想食蕃茄汤乌冬。每次嚟都必定会嗌烧鸟配蕃茄汤乌冬，钟意食辣嘅话仲可以选择加辣，真系好推介。烧鸟烧得好香，外皮少少脆好香口。沙律作为前菜不过不失，份量都唔少，柚子醋好开胃。另外仲嗌咗啲串烧同鱿鱼须，不过鸡皮烧得比较硬，鱿鱼须都系。…查看更多