大門橫丁串燒手打烏龍麵店 (厚福街)

营业中

休息中

今日星期五， 又到happy Friday 既日子， lunch 時間同同事行遠少少，行黎厚福街有烏冬；丼飯；咖哩飯等見呢到烏冬湯底有咁多選擇，我地2人都簡了湯烏冬辛辣番茄濃湯雞柳手打烏冬（$53）湯方面都濃番茄味， 但個人黎講就唔覺得辣😅番茄濃湯吉列豚肉手打烏冬（$56）豚肉炸得好脆， 只是個人覺得炸粉再少d就更好

昨晚同友人即興約食飯，佢話想食烏冬，就決定食呢間，佢之前都食過幾次，而我就第一次食呢間。我地差不多9點先去到，店內仍然好多人，去到都要拎飛入枱。不過因為我地兩個人，好快就到我地喇。我地兩人一人叫左一個烏冬，加一串牛舌。另叫左一隻asahi 同一罐忌廉。叫左餐後大約15分鐘上到菜，覺得都ok。而且雖然比較忙，服務員都好有禮同用心。我只影左自己有食過既食物，因友人太肚餓一來餐就食得好快趣😂😂第一個黎既係吉列蠔，係跟我既烏冬既。一份有5隻，份量覺得算多，平時跟餐都預應該有3隻左右，食晒5隻都有少少漏🤤而吉列蠔外脆內裡仍保持足夠水份，蠔肉鮮甜，覺得幾唔錯！再黎串燒牛舌，份量正常，唔un,食落都嫩同香。呢度既烏冬湯底選擇都算多，記憶中超過5種，愛辣的我就揀左辛辣魚介湯。每個湯烏冬都有半隻溏心蛋、鳴門卷同蜜糖豆做配菜。溏心蛋放左落湯，仍然好流心，少少咸味咁😃湯底方面，平時食開好辣既我覺得唔算辣，湯底味道較重，魚介味唔算出。但烏冬較粗身同係彈牙既，雖然我掛住食蠔，放左佢一陣先食，但都無浸到淋晒，唔錯。我地係完全食晒，都好飽下，整體感覺幾ok,會再食。

同男朋友經過，見到好似好好食里，但入後發現係伏黎，never come again首先係牛肉烏冬，牛肉少到不得了，而且好un 好似食緊香口膠咁😅連平日好喜歡食肉嘅男朋友都唔想食同埋個豬骨湯，好油囉我食蕃茄湯配叉燒同雞肉雞肉又係好奇怪 一啲都唔嫩唯一可取嘅係叉燒唔錯喎 呢個可以一試除左烏冬，仲有嗌左雞泡魚乾同餃子未試過餃子係淋嘅，擺到明煎左好耐，整返熱就算好難食囉未試過有餃子咁難食🤦🏻‍♀️燒魚乾呢個好少少，幾好味，總括黎講，都唔會再食🤷🏻‍♀️

蕃茄湯田園野菜手打烏冬 $66因為平時食得太多肉，所以特登叫個野菜烏冬，配菜有小棠菜，甜豆，栗米，金菇，日本魚蛋，東菇，仲有半隻溏心蛋，清清地味道唔錯，烏冬係蕃茄湯底，湯底濃郁鮮甜，個窩上枱先仲非常熱辣辣，手打烏冬好彈牙，煮得剛剛好不會太過淋身，烏冬份量女士食哂都可以。辛辣蕃茄湯吉列豚肉手打烏冬 $76朋友話我個烏冬太齋😂，佢自己就叫個吉列豬扒既烏冬都係離不開蕃茄湯，不過佢就係辛辣味，豬扒炸得幾透又夠大份，一d油膩感都無，溏心蛋幾入味，朋友話個湯再辣啲就仲正，不過我試左少少都ok既。

今日諗緊食烏冬定拉麵好？近排岩岩好返就食烏冬清D啦~呢間平時路過見到成日都好多人係門口等位，今日早黎見唔洗等位就試下先~今次叫左個set:日式叉燒手打烏冬配日本黑蒜油九州豬骨濃湯（可自選湯底）+熱柑桔蜜。服務員送到黎熱辣辣出晒煙架!!! 烏冬好滑好彈牙，但份量較少，女仔細食會剛剛夠飽。有好多叉燒，5塊甘多！！！ 肥瘦適中，用火槍灸過，令味道更佳！！！讚！湯底黑蒜油香濃，但有點蓋過了豬骨湯的味道，令豬骨湯變得不太濃郁...此外，每位服務員都十分禮貌！入到去坐底後幫我抹多次枱，烏冬送到黎提我小心熱，值得一讚！整體來說，叉燒同手打烏冬完勝，只係揀錯湯底。

前排放假去完The One影完海賊王當然係時候要搵下野食醫下肚啦大吃貨好想食日式拉麵但小吃貨又唔想食最後當然大吃貨會讓我啦但我都會選擇反啲差唔多佢想食既見到大門橫丁門面都好似唔錯餐牌都幾多款式所以就食日式烏冬啦蕃茄濃湯秘製豬軟骨手打烏冬$72湯底好正，有新鮮茄肉豬軟骨煮得好軟熟豬骨湯極上牛肉手打烏冬$76大吃貨好中意個湯底佢食完仲將成個湯飲哂牛肉冇想像中好，有啲乾雞泡魚乾$34好少食雞泡魚但原來將河豚烤成乾有點似豬肉乾燒三文魚鮨 $28呢個好味呀燒到連個鮨都脆到可以食埋除左有少少大魚骨都真係啖啖肉

今晚食日本手打烏東。點了上級牛肉烏冬。可自選湯底。我選了沙嗲濃湯，不錯。烏冬彈牙入味。幾種串燒黑毛豬串最多油。咬下去全部油爆出來。粟米荀爽脆。魷魚鬚叫做招牌菜反而不過不失。整體不錯。

係呢頭行完街，終於知肚餓，周圍搵嘢食。我係呢頭活動咁耐，好似又真係無食過呢間，跟住朋友入去食啦。當時係星期五已經過哂10點，仍然keep住有人排隊。正常餐牌係咁嘅：佢仲有一份係10點過後先有：朋友話見到自己點嘅同普通餐牌個價錢係一樣，可能某啲會平啲，10點後入黎寫呢張就啱。有啲朋友只係飲支啤酒，有啲同我一樣點烏冬。我點嘅係叉燒沙嗲湯底，烏冬做到裡面有啲彈，出面滑，掛到湯。湯又濃，唔算好辣。叉燒都多嘅，簿簿地，小小肥，唔講有啲似牛肉。整體都不錯，80元碗都可以接受。

已經好一陣子沒有幫襯所以今日就去食番餐, 見到裝潢同埋店內都好大改變, 地方好似寬敞左食物選擇都多左好多.我地叫左呢個極上牛肉辛辣沙嗲烏冬,湯底既味道仍然都保持到過往的水準好香好濃! 配菜的豆粟米粒同埋溏心蛋都做得唔錯唯一係烏冬份量真係小得可憐. 都唔知有冇以前的一半咁多.另外呢個就係吉列蠔辛辣蕃茄烏冬, 同樣湯底既味道仍然都保持到過往的水準好香好濃! 配菜的豆粟米粒同埋溏心蛋都做得唔錯唯一係烏冬份量真係小得可憐. 不過呢個就比較好係有５粒既吉列蠔, 炸得好香脆而中間既蠔仲係嫩既.由於食完個烏冬太細的關係我地再左4串串燒黎share. 串燒味道就真係一Ｄ問題都冇仲好好味, 醬汁用得好好又唔會好咸. 燒到剛剛好又唔會乾仲好juicy. 最差的店員的操手同埋態度, 我成日都覺得如果餐廳食物好好但店員態度差而令到客人唔回頭係一件好可惜的事

都有一段時間無黎大門橫丁食野連MENU 轉埋  仲加左好多新食物但餐廳依舊好迫  特別咁凍既天氣  大家都著住厚衫 令到個環境更迫照舊叫左個雞柳番茄湯烏冬同燒鳥沙嗲湯烏冬雞柳番茄湯烏冬好快就上左枱但係D 雞柳''鞋''到我地以為佢上錯左豬肉 燒鳥沙嗲湯烏冬如menu 所說  呢個燒鳥係要等既 但係上左燒鳥 卻遲遲未上沙嗲烏冬 搞到都唔知食唔食好 仲有入面隻糖心蛋  咸到好似食緊咸蛋咁 可能係我唔好彩啦  因為雞柳烏冬入面隻蛋都係好正常既但真係好失望根住我地仲叫左個海鮮菇牛肉卷呢個算係最正常既一樣! 佢上面淋既汁也都唔錯  可以一試另外餐廳內侍應好似唔太夠  黎黎去去都只見到一,兩個人在工作整體黎講  不論食物水準定服務質素都下降左

相信<烏冬>係香港人心目中都佔好高既位置，要係香港搵到烏冬專門店一D都唔難，但要搵到高質的就不易了。今日去到尖沙咀厚福街的<大門橫丁>，標榜手打烏龍麵（烏冬為香港叫法）專門店，果然無令我失望！<小肥兔>和老公無獨有偶都點了辛辣沙嗲湯底，分別有於我點了吉列蠔，老公點了叉燒沙嗲辛辣湯底味道濃郁，質感都幾濃厚，而且隱約感覺到花椒的香味，但略嫌咸了小許。每碗都有半隻溏心蛋，夠入味而且蛋黃真係半溏心狀態，好吃主角烏冬麵，個芯好彈牙，外層未算極爽但保持到滑，可以掛到濃濃的湯汁，整體都算好高分！老公的叉燒稍為遜色，因為略肥同不夠香。但我的吉列蠔就超正！！火喉控制得好唔好煮到硬晒，而且蠔味好濃郁，正喔70幾蚊一碗，合符市價，值得回頭

係，真係好後悔。。。行過見都多人食所以就以為真係幾好，點知伏左。同女朋友總共叫左兩個烏冬三個小食，佢叫左個黑蒜油牛肉烏冬，幾好食既而我就叫自家制蕃茄湯大蜆烏冬，啲湯夠濃但唔係幾夠熱。重點尼喇，啲小食真係超失望，個芝士明太子玉子燒，醬汁好咸，成舊嘢完全食唔到玉子個味，又係唔熱 ; 燒三文魚鰭一般 ; 不過個軟殻蟹沙津諗起都嬲啲軟殻蟹好明顯係炸完唔知放左幾耐，面嗰層炸粉硬到我以為自己食緊硬殻蟹，仲有沙津啲菜唔新鮮，啲粟米係淋既，連啲汁都係有陣雪味，似整定放係雪櫃好耐，其實本來坐低個陣見到隔離對情侶食淨左一半沙津唔係幾對路，但最後諗住個沙津成60蚊應該唔會差到去邊食到落口先明，最後唔想浪費食物都係清左碟嘢傳說中既 硬殻蟹沙津

一是記錄，上個月跟男朋友吃晚餐的經驗。通常不是太好吃的，我都會忘記。所以差點忘記寫食評。晚上的尖沙咀，有點難搵位。行咗一陣，入咗一間有好多人食，但依然有空位的餐廳。裝修不是太差，而且都有客源，可能因為繁忙時段吧。叫咗軟殼蟹沙律、芝士大菌燒、以及吉列流心豬。燒蘑菇、以及吉列豬，其實整體沒有什麼特別，所以本來沒有打算寫食評的。其實芝士燒蘑菇，是不錯的。可是軟殼蟹沙律，實在太過參差，所以記錄下來了。蟹沒有什麼味道，可是這個我沒有太大埋怨。賣相一般，這個也沒有什麼所謂。可是，我感受到番茄、青瓜絲、以及醬汁並不是太新鮮。有可能保存的時候，沒有好好蓋上，或者暴露空氣太久了？我本人，吃了一點之後，已經沒有繼續吃。可是男朋友慳家缺點出現了…不想浪費食物，竟然把大部份都吃光了。這碟菜，味道確實不是太好。因為日後能有改良吧

同朋友睇完戲10點幾,之前又無食飯,但呢個時候食又好似太heavy,最後決定去食串燒~~因為得2個人 所以可以食的數量都唔多,但點都好,沙律,一定要叫~~佢個蟹籽沙律都幾過癮,人地青瓜會切絲或者切半,佢直接切片~不過D青瓜又幾爽,成舊食仲正,加上份量唔少.打底剛剛好之後就係炸物登場Gei時候.紫芋甘栗餅其實無o羊芋頭味,不過裡面D栗子粒粒還不錯~都幾足料我鐘意炸豆腐係一口size,裡面依然好嫩滑好香豆腐味,外面真係非常脆,不過就算佢一口size,都係太熱要等一陣先食到咁多菇邊款最好食?我推薦串燒杏鮑菇,一來你可以自己選擇醬汁,而來杏鮑菇有足夠厚度,咬落去D汁標曬出來,混合埋選擇gei照燒汁,味道真係無敵~~朋友鐘意食芝士我鐘意食玉子,所以我地一致決定叫芝士明太子玉子燒,視覺上佢有成塊芝士真係幾吸睛,不過味道上我覺得還可以,唔係好feel到芝士味(雖然有成塊),同埋佢話有D辣,我覺得唔算~不過玉子本身,係ok的,底部還有燒焦少少的煙燻味我地仲叫了雞軟骨,不過我覺得佢太油,但調味做得幾好,有椒鹽味又唔會太濃.至於串燒煙肉蘆筍普普通通.蘆筍係爽脆,但都係o個句,油分太多,令我食菜都感受唔到清

十點半，剛剛充當完兼職裝修工人為大少姐於尖沙咀的小店做了些小裝修…其實就是換換電燈泡這種小事……離開鋪頭後，大少姐還沒有晚餐，而我肚子的晚餐早就消化得空空如也！大少姐說附近有一間烏冬店很不錯，想起我也好像好久沒有吃烏冬，這也是個不錯的提議。就走到厚福街附近的這間大門橫丁！門外人也不少，排了十多分鐘左右就有位置，還可以吧...這裡烏冬的款式本來就不算少，而且湯底都可以隨意轉換的，選擇之多令人難以下手。既然如此難選擇的話，我就點了這個放於 Menu 第一頁就可以看到的清酒湯大蜆手打烏冬，大少姐是衝著蕃茄湯而來的，就要一個蕃茄湯叉燒手打烏冬，另外還有些串燒小吃！清酒湯大蜆手打烏冬清酒湯的酒香不算太濃，賣相感覺很清，但絕對喝得出酒味！市面上好像有這種湯底的烏冬店沒有很多，要試的話這裡是一個不錯的選擇。寶物沉歸底，用湯匙羹翻開一看，蜆大大隻，而且份量一點都不少！味道來說不錯，蜆有蜆味，沒有沙、沒有異味、"痴" 殼的(應該是新鮮的…) ，烏冬也彈牙！最重要的是…看看這個溏心的蛋，是真的很溏心！水汪汪的會不會太可愛？一口剛剛好 <3蕃茄湯叉燒手打烏冬大小姐的蕃茄叉燒手打烏冬，蕃茄湯算是很濃，