大西洋海鮮火鍋

😎😎我超鍾意食火鍋🍲，特別是麻辣火鍋🍲，貪佢辣得夠過癮！今次叫鴛鴦鍋，另一個唔辣中和一下。餐廳座位夠寬方便擺食物，旁邊仲有個茶几放火鍋配料。❤️自撈新鮮海鮮：🦀🦐蟹、鮑魚、大頭蝦、蜆超新鮮，自製海鮮湯底中段起 唔辣嗰邊味道超鮮甜。最愛大頭蝦🦐🦐，超彈牙。肉類🥩、自助區火鍋配料肉類於電話QR code落單；自助區都有幾十款配料任選，雪櫃仲有煙冒出，保持適當食物存放溫度。款式應有盡有，夠晒食啦👍👍…Read More

餐廳主打食活生生嘅海鮮，但其實都可以食一般火鍋放題。$158連加一，2hrs 包括1）嘟QR code任食肥牛、魚…2）出去自己任夾蔬菜肉丸…3）熟食4）水果5）雪糕雪條職員有笑容，拎肥牛上枱嘅速度快。職員見我哋當中有一位係老人家，仲主動減咗差唔多$20，會再幫襯。…Read More

食店環境潔淨，我們去的時間是4:00了，所以餐廳不多人，坐得好舒服。海鮮款式有蝦，鮑魚，蜆，蟹，帶子。湯底款式有五款任選。我就選了花膠雞湯鍋底，湯底濃味。熟食食物地區範圍比較少，雖然食材款式不算太多，但整體上所有食物材料夠新鮮。我個人特別喜歡海鮮有帶子及大頭蝦。另外極推美國牛板腱、生蠔、蝦滑。這裏的服務員非常有禮及經常清理枱上食物。下次會再約埋其他朋友一齊去食😋值得推介👍🏻👍🏻👍🏻👍🏻👍🏻…Read More

今日出左去做野成日，身心都好疲倦，決定約埋朋友一齊去放開肚皮任食！坐低姐姐會比個QR Code我地落單，有好多款火鍋配料任君選擇，另外，出面亦有自助吧，有蔬菜水果、海鮮區、熟食區同埋甜品區，而我最鐘意嘅區域就係生猛海鮮區，有花甲、蟹蟹、鮑魚、大頭蝦，而姐姐仲要好好地幫我地刷咗啲鮑魚，服務態度好好！湯底方面，我地選擇左花膠雞湯，金黃嘅湯底唔會搶左食材嘅原味，湯底吸哂海鮮嘅精華，愈滾愈鮮甜！食材種類實在繁多，每樣食一份都食唔哂，所以我較推薦食海鮮！另叫嘅羊片、生蠔同埋竹笙都係好值得無限Refill的，最後仲有自製水果冰粉同埋kitkat脆皮雪條任食！邪惡又滿足！！…Read More

<大西洋火鍋> @daxiyanghotpot 大西洋火鍋真係打卡必去🔥門口古色古香，金碧輝煌，踏入就有宮廷feel，食飯前先有儀式感✨#mochicouple_hk北角搵食團⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚午市火鍋放題($268)鮮蕃茄湯底🍅：酸甜層次豐富，唔蓋過肉味，湯底清新開胃，配牛板腱超match！ 1️⃣🍖 肉類篇去到火鍋放題，肉控一定開心到癲🤩！大西洋火鍋肉款多到你眼花撩亂，仲有唔少驚喜款式，夠晒誠意🥩 日本和牛首先要重點講日本和牛🐂！肉汁甘甜柔和！涮幾秒就食得，口感尚算鮮嫩！🐄 美國安格斯肩胛肥牛肥瘦比例啱啱好，肉味濃郁，食落有啲嚼勁，咬落仲帶少少肉汁。搭配鮮蕃茄湯底🍅，酸酸甜甜中和咗肥牛嘅油脂，唔會膩～🐮 美國牛板腱呢款牛板腱就啱曬鍾意咬勁嘅朋友！肉質實淨有彈性，牛味純粹而濃厚，涮完湯底仲能保持彈牙口感💪。配埋蔥花同蒜蓉醬汁，真係完美組合🐷 荷蘭天然五花腩片五花腩片肥瘦分明，涮完之後脂香四溢，肉質肥美但完全唔會覺得膩。油脂融入番茄湯底，飲一啖湯再食一啖肉，滋味加倍，開胃到不得了！🐑 新西蘭小肥羊羊味清香，肉質偏瘦，食落爽口彈牙。涮熟後羊肉帶住淡淡自然肉香，唔會太膩口，啱曬唔想食太heavy嘅你。🐑💚2️⃣🦐 海鮮篇｜任撈即煮！大西洋火鍋最爆點就係「任撈生猛海鮮區」！💯 餐廳內擺咗大魚缸，入面有大頭蝦🦐、蟹🦀、鮑魚🐚、蜆同東風螺，全部生猛到識郁，仲會跳出嚟，現場氣氛超熱鬧，隔離枱仲尖叫聲不斷🤣。🦐 大頭蝦呢度嘅大頭蝦超新鮮，蝦肉爽口彈牙，蝦殼輕輕一剝就開。蝦膏勁香濃，點少少豉油已經好正！涮蕃茄湯底仲令蝦味更加突出，鮮甜得嚟帶少少海水咸香，好滿足～🐚 鮑魚鮑魚肉質緊實有彈性，入口有咬勁但完全唔硬。海水鹹香同蕃茄湯底酸甜互相襯托，咬完齒頰留香！🐚 沙白肉質嫩滑細膩，完全冇沙粒，啖啖都係鮮甜味。配上清爽蕃茄湯底，帶出自然海味，簡單淥一淥就已經夠鮮美，完全唔使多調味🦀 蟹蟹肉細膩香甜，鮮味極濃，涮完湯底後更加鮮香。蟹殼煮出嚟嘅精華，令成個蕃茄湯底味道再升級～每啖蟹肉都咁juicy！3️⃣ 🍗 熟食＋甜品篇🍢 熟食＋炸物自助區熟食選擇超多，有麻辣羊肉串、椒鹽魷魚🦑、炸雞軟骨、麥樂雞、豬手等，仲有串燒、雞翼🍗，！最特別係竟然有「烤榴槤」😳，入口香濃綿密，榴槤控一定尖叫！🥬 蔬菜＋丸類火鍋區蔬菜同丸類應有盡有：生菜、娃娃菜、白蘿蔔、各款菇類🍄，仲有蝦滑、魚皮餃、牛丸同香菇貢丸。特別要讚佢哋嘅寬粉，好少火鍋店有，但要快啲食，滾耐咗就會淋～🍦 甜品＋飲品甜品部分有雀巢雪糕🍨、mega雪條同新鮮水果🍉🍍，食咗mega椰子味雪條清爽又解膩！仲有冰粉、果汁，飲品方面竟然有汽水任飲🍺，仲提供無糖養生茶（桂花龍井、茉莉綠茶），選擇夠晒貼心⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚🌟想知道更多美食🤪記得follow@mochicouple_hk啦😍🎉📸📍北角英皇道395號僑冠大廈地下28-31號舖🚇港鐵北角站B1出口，步行約2分鐘🕒 Mon-Sun:11:00-03:00#大西洋火鍋 #火鍋放題 #任食火鍋 #即撈海鮮 #海鮮火鍋 #大頭蝦 #鮑魚 #生蠔 #蟹 #沙白 #火鍋控 #肉控必食 #和牛火鍋 #安格斯牛 #五花腩 #小肥羊 #香港火鍋 #九龍城美食 #香港美食 #香港放題 #打卡火鍋 #食好西 #食評分享 #美食打卡 #宵夜必食 #海鮮放題 #香港foodie #香港必食…Read More

生日月不停食食食，今次朋友帶咗我嚟新體驗，重慶火鍋放題，竟然可以海鮮任撈，即撈即煮，真係大開眼界！地點近地鐵站，門口喺大廈入面，都要搵一搵。門口好似古代宮廷，金碧輝煌古色古香，令人未開餐已率先感受到儀式感。入座之後，會有個桶仔俾你出去自行撈海鮮，雖然桶仔細小，但係每一次都撈到好多，撈完可以再撈。有五款湯底選擇：花膠雞、菌菇、蕃茄湯、大骨湯和麻辣湯底。我哋揀咗花膠雞湯底，湯底濃郁，花膠滑嫩，養生之選。海鮮即撈，鮮味直送火鍋！餐廳內有大型水缸，可以即撈活海鮮，有鮑魚、大頭蝦、蟹和蜆，好似去咗街市現場咁，海鮮好新鮮亦都好生猛！啲蝦跳嚟跳去有啲難捕捉😂其餘可以掃QR code落單，仲有其他海鮮，鮑魚、生蠔、肥牛、安格斯牛、豚肉、雞肉、蔬菜等等，出邊仲有自助吧可以任意拎火鍋配料，譬如丸類、菇類、腸仔等。另外仲有熟食區，有炸物、燒生蠔、串燒、炒飯炒麵等等，選擇非常豐富。飲品都係任飲，好多選擇，有汽水、椰子水、樽裝茶飲、涼茶，連無糖健康養生茶都有 - 桂花龍井、茉莉綠茶等，啤酒都係任飲！最特別係有小朋友果汁飲品！另外一邊有水果和雪糕雪條，真係應有盡有！海鮮新鮮、湯底出色、配料多元化，環境又有格調，有得玩又有得食，性價比爆燈！…Read More

最近同朋友去咗位於北角一間重慶中國風主題打邊爐😛一個價$兩小時任飲任食🤪種類繁多😛 雪櫃飲品有汽水、檸茶、涼茶等等、甜品有雪糕、雪條，仲有一啲熟食炸物提供湯底我哋叫咗個鴛鴦鍋~花膠雞湯鍋底/蕃茄鍋底🥰湯底非常濃味☺️最吸引就係即撈海鮮仲要係任撈😂海鮮有鮑魚、蝦、蜆、蟹等等…自助區有蔬菜、丸類、瓜類、菇類等等..另外我哋叫左日本和牛，蝦拼盤、生蠔、鮑魚仔、蝦滑(份)、黑魚片、海螺片、精品腰花、豬黃喉、鮮鵝腸、新西蘭小肥羊、美國牛板腱、美國安格斯肩胛肥牛～Qr code落單非常方便😛餐廳環境古色古香裝修😅真係有啲似返大陸個種feel🤓交通亦好方便🤪搭地鐵在北角站落車只需行5分鐘就到😎…Read More

今日去咗北角食打邊爐放題🍲叫咗招牌湯底花膠雞湯鍋底🥘，未開始打邊爐一定要飲下啖湯先，湯底好濃郁👍，充滿膠源蛋白🤩！呢度嘅鍋都好大鍋，啱晒一次過放晒好多食材落去煮😂😂呢度賣點係即撈海鮮🦞！去到好似街市咁，有蝦🦐、蟹🦀、鮑魚、花甲、帶子，全部都可以自己撈、食幾多攞幾多🫶🏻，啲海鮮仲好生猛，撈完放落個桶度啲蝦蟹會彈出嚟🤣！啲海鮮一定係最新鮮，仲好鮮甜😍！仲有好多即叫嘅海鮮，包括有鯧魚🐟、海螺片、黑魚片、生蠔🦪、墨魚仔🐙。每碟嘅份量都好多，仲有蝦滑，入面真係啖啖蝦肉，好有口感🦐！肉類方面就有美國安格斯肩胛肥牛🥩、美國牛板腱、羊肉🐑、五花腩片🥓、日本和牛，最鐘意就係牛板腱，食咗好多碟⭐️！呢度仲好多熟食，有唔同嘅炸物，薯條🍟、麥樂雞、椒鹽魷魚🦑，仲有串燒、雞翼等等🍗。飲品同甜品都有好多選擇，雪糕係雀巢🍦，仲有好多唔同嘅新鮮水果選擇🍉！…Read More

自己撈海鮮的火鍋店！新鮮大頭蝦/蟹/蜆 湯底清甜今次同小朋友食左一間可以自己撈海鮮的火鍋店，由揀海鮮到煮食都充滿樂趣，十足十番左大陸，連裝修都古色古香。一入店就見到海鮮池，有大頭蝦、蟹、蜆同螺，小朋友可以自己用網撈，玩得開心之餘亦都保證海鮮生猛。我哋叫咗個鮮菇湯底，味道清甜自然，唔會過濃，適合小朋友飲。淨係食海鮮都已經好飽。大頭蝦肉質爽彈，蟹腳鮮甜，蜆同螺都乾淨無沙。除咗海鮮，其他火鍋配料選擇都多，全部幾新鮮：· 手打丸類彈牙· 蔬菜拼盤乾淨新鮮· 即炸響鈴香脆· 肥牛片油花均勻人均消費大約2-300，建議預早訂位。整體來說係個幾適合家庭聚餐的地方，小朋友有得玩，大人食得滿足。…Read More

大西洋海鮮火鍋（北角） 地址: 香港北角英皇道395號僑冠大廈地下28-31號舖電話: 而家去任食打邊爐，通常都係為左唔洗煩，同一般都會有2小時時間慢慢食，有時去d 餐廳食飯，限時45-60mins 真係食完就走，想同朋友慢慢傾下又要搵下場飲野食糖水咁！鴛鴦鍋湯花膠同蕃茄呢度仲有得自助撈海鮮，活生生撈上來好玩又鮮！有鮑魚蝦蜆等等！而丸菜等就放在自助區自己夾啦！仲有小食炸物，當中仲有椰青飲呀！下下火$298 一位好抵食@daxiyanghotpot #大西洋火鍋 #火鍋放題 #海鮮火鍋 #重慶火鍋 #北角美食…Read More

北角開左一間古風feel的海鮮火鍋餐廳主打正宗重慶火鍋放題古色古香的裝修 真係好似返咗大陸一樣主打兩小時任食 除咗火鍋仲有熟食區飲品區一個價錢幾種選擇 性價比高揀湯底選了鴛鴦鍋 菌菇鍋底+麻辣湯底菌菇內有十餘種野菌湯底熬足六小時 先飲一碗 入口清鮮回甘海鮮區有大大隻鮑魚 、大頭蝦、花蟹同花甲 即撈即涮即食唔夠飽仲可以QR Code order 美國安格斯肩胛肥牛、日本和牛同新西蘭小肥羊 同埋其他火鍋配菜 仲有超爽口嘅海參 同菇菌湯超夾除咗order之外 食火鍋當然唔少得蔬菜自助蔬菜區 自由挑選鍾意嘅菜品金針菇、雞髀菇、生菜、菜心 想食幾多就拎幾多超爽…Read More

🔥北角隱世重慶火鍋 $298任撈活海鮮最近同朋友發現咗北角呢間宮廷風火鍋店 $298免加一任食2小時 竟然可以自己撈生猛海鮮！ 自助區配料有數十款... 菜類 丸類 少麵食仲有椰子水、生果... 任食任飲超正🦀 必試亮點： 即撈三點蟹、鮑魚、活蝦、活沙白好過癮 d蝦撈上嚟仲紮紮跳！煮熟後都仲幾鮮甜 奄仔蟹最回本~我地叫左鴛鴦鍋花膠雞湯底+超濃郁 🥩 QR Code配料： 肥牛切得薄又嫩 雞子大大粒～黑魚片爽滑無骨 生蠔粒粒飽滿爆汁 環境古色古香好似穿越古代 🌶️🍲🔥坐得舒服又夠寬敞～ 海鮮控一定會愛上💦記得預早book位AHH…Read More

位於北角地鐵站附近工廈嘅火鍋放題店，地點確實方便，一出地鐵行幾步就到。餐廳以中國宮廷風格設計，紅木傢俬、仿古燈籠同雕花屏風營造出古色古香嘅氛圍，坐位寬敞，環境舒適，仲帶點四川風情。任撈生猛海鮮區最吸引絕對係120分鐘任食即撈海鮮！餐廳設有一個魚缸，入面有生猛大頭蝦、蟹、鮑魚、蜆同東風螺，全部識郁兼活躍。尤其大頭蝦隨時會跳彈逃走，隔離枱嘅客人就嚇到尖叫。大頭蝦肉質彈牙，鮑魚爽口有嚼勁，蜆同蟹都鮮甜冇沙，簡單淥一淥就已經足夠鮮味。招牌湯底花膠雞鍋湯底選擇唔算太多，不過有齊經典麻辣、番茄、大骨湯同菌菇鍋等。今次試咗招牌花膠雞鍋，湯色金黃，雞肉的鮮味與花膠的滑潤完全融入湯中，仲加咗蟲草花同紅棗，飲落滋補順喉。極力推薦加份竹笙，吸滿湯汁之後超級正！多款肉類+罕見內臟任點掃碼點餐有大量選擇，除咗自助區海鮮，仲有原條紅衫魚、鯧魚、生蠔同海參等，呢啲喺其他火鍋店較少見。生蠔肥美鮮甜，海參爽滑。肉類方面有美國安格斯肩胛肥牛、新西蘭小肥羊同荷蘭五花腩片等，切得薄身，油花均勻，涮幾秒就食得。仲有鮮鵝腸、豬黃喉、豬腦、雞子等內臟款式，適合鍾意試特別配料嘅朋友。熟食+蔬菜丸類應有盡有自助區有熟食如麻辣羊肉串、豬手、辣魚肉同炸物，甚至烤榴槤都有！蔬菜區提供多款新鮮蔬菜如生菜、娃娃菜、白蘿蔔，仲有丸類、烏冬、響鈴等，選擇豐富。菌類同海藻類款式也多，健康又清爽。甜品飲品任食任飲飲品櫃有汽水、涼茶、冷泡茶同啤酒，最驚喜係椰青水任飲！甜品方面有少量選擇，但以火鍋放題來說已經合格。免加一兼有時段折扣中小學生同長者有9折，5歲以下小童免費。生日訂餐可享88折，晚上10點後入座同樣有88折，營業至凌晨3點，最重要係免加一，確實抵食。…Read More

今次喺北角發現一間重慶火鍋，店內古色古香，有種做大戲嘅氛圍，牆上面具打卡感滿滿；店員亦相當友善，服務貼心👏晚市有$238／$298任食，我哋揀$298，款式明顯多啲，除咗更多海鮮任點，仲有日本和牛加持🥩。溫馨提示～我哋發現每樣order都幾大碟，建議一次叫一碟，食晒再加！我哋差啲食唔晒….最過癮係派個桶比你自助撈海鮮，蝦、蜆、鮑魚、蟹任拎，隻隻新鮮，仲係遊來遊去～煮熟後都仲幾鮮甜～外面仲有熟食區：烤蠔、香腸、水煮牛、水煮魚、炸物樣樣齊，連烤榴槤都有！烤到半透明、煙煙韌韌，幾有趣又過癮😆我哋加$48開鴛鴦鍋：經典麻辣鍋底椒香馥郁、辣勁利落，涮肉特別惹味；菌菇鍋底清甜鮮香、菇味濃郁，煮海鮮蔬菜更突出原味🍲。以呢個價位加埋即撈嘅自助海鮮，約朋友開鍋真心抵！下次有幾會可以再嚟👉🏻…Read More

位於北角英皇道有間正宗重慶火鍋主打即撈海鮮有鮑魚,沙白,海蝦,奄仔蟹等..午市120分鐘任飲任食,仲有數十款火鍋配料,熟食午市有3個級別我揀咗午市C $268（無加一服務費）🔸湯底湯底有5款, 始終重慶火鍋,但我唔想食辣,如果唔係揀麻辣湯底🌶️🔸即撈海鮮都有唔少選擇,鮑魚,沙白,海蝦,奄仔蟹,花螺羅氏蝦好生猛,奄仔蟹最回本,鮑魚都幾大隻.夾完仲可以俾職員清洗海鮮🔸肉類叫咗C餐緊係要食和牛🥩油脂分泌均勻🔸自助區配料有數十款,包括蔬菜,丸類,麵食。。等仲有幾款熟食,腸仔勁啱小朋友飲品方面有啤酒,汽水,椰青水…等甜品有雪糕雪條…Read More