大茶飯 (將軍澳中心)

营业中

休息中

同朋友係將軍澳中心行行下街肚餓，咁啱見到呢間“大茶飯”，睇個菜單好似幾多選擇，所以就決定試下啦！菜單上面有超多選擇，可以自選車仔麵，都可以選擇其他台式食品。我同朋友最尾點左4個菜同兩杯凍豆漿既。【大茶飯雞扒配白飯】整體賣相非常唔錯，份量都非常足夠。雖然話係配白飯，但係送黎個陣飯係連埋肉燥既。肉燥味道非常不錯，用黎送飯一流。雞扒外皮酥脆，雞肉醃製入味，食完會想再叫多塊！【台式肉燥飯】同其他舖頭最唔同既係呢到啲嘢事份量都好足，唔洗驚食唔飽！呢個肉燥飯同上面提過既唔同係有多一隻鹵水蛋既。肉燥味道香濃，連埋蔥同芝麻食更添風味。我朋友係細食人士，食呢個都食左大半碗！【鳳梨蝦球】呢個菜有好多蔬菜，例如菠蘿，洋蔥，生菜等等。炸過既蝦球加埋酸甜既沙律醬，開胃黎講簡直係一流！蝦球表皮酥脆，蝦肉彈牙，加埋啲點過沙律醬蔬菜真係幾好食架！【狂蜂浪蝶蚵仔酥】一黎到嗰下我同我朋友都驚食唔曬！雖然話底有啲係菜鋪墊，但係整體黎講都好多粒蚵仔酥！蚵仔酥略嫌偏鹹，但整體仍然唔錯。總結，呢間舖嘢事唔算太貴而份量都好多，如果下次再黎將軍澳中心的話我絕對會再黎幫襯！

聽聞美棋bb的餐廳新開張，主打台灣菜，所以一點也不貴，作為粉絲我當然要去捧場。食物：芝士蘑菇釀雞翼$48這個用奶香頗濃的芝士釀入雞翼之中，加上蘑菇，甜甜的香味比釀入豬肉更好吃大大塊豬扒$45相當肥美的一塊豬扒，還預先切開，好滿足！滄海遺珠（湯水餃）$384顆湯水餃放在甜甜的湯裡，連著湯一起吃才試到其真味。清炒A菜$58好大碟油麥菜！加了蒜頭炒香，沒有多餘的菜渣～大茶飯炒河$68少有地用上牛𦟌跟牛肚加入炒河，這些部位比平日的炒河牛肉更爽口彈牙！可惜的是，沒有見到美棋bb呢！

此間位於將軍澳中心的台式小店，據聞是由女藝人美棋BB所開設。開店以來，人流不少，今次於八點半才到將軍澳中心，見到不用等位，就一嘗新店。食物大致上以台式車仔麵、便當及小食為主，晚上尚有熱食小炒。菜式名字很盞鬼，但又好像與餸菜沒有甚麼關係。眼見很多人叫車仔麵或便當，我們都選了一個便當，加兩個小炒及一個白飯。檸檬冬瓜茶飲品先到，檸檬冬瓜茶微甜，帶有淡淡冬瓜及檸檬清香，清熱解暑。大茶飯雞扒配白飯雞扒炸透後再切成一件件，外皮酥脆不硬，雞扒肉質嫩滑，頗為入味。便當原以為配上白飯，很驚喜送上的是肉燥飯。肉燥與滷肉不同，肉質偏瘦，拌上醬料同煮，入味非常。一躍龍門胡椒蝦與其說是胡椒蝦，此菜更似避風塘炒蝦，不見胡椒粒踪影，但有不少炸蒜，雖然如此，但味道亦不錯，蝦肉腍滑鮮嫩。清炒A菜A菜屬旱物，用上適量油份及鹽同炒，A菜才會顯得嫩滑入味。此菜炒得很夠火喉，入口熱辣，蒜味香濃，清甜爽脆。

將軍澳出名多嘢食，今日去完個friend屋企樓下就係將軍澳中心，見到呢間餐廳裝修幾別緻，而且之前係電視度見過宣傳，所以今日拉埋個朋友一齊食個晚飯！自選車仔麵諗返起都好耐冇食過車仔麵，麵底當然要試下17歲的麵，個名好得意，原來係撈麵，餸個方面就自由配搭，強烈推薦選擇柱候牛腩，炆得好入味，炸魚蛋都係必選，超級彈牙，冇令我失望！麻辣雞中翼望落比較似中國嘅口水雞，勝在食物唔知冰鮮雞，雞嘅肉質都好鮮嫩，值得一試！會跳舞的櫻花蝦蛋炒飯又係一個好有創意嘅菜式名，吸引左我來點，飯粒分明，食落好救獲戲，而且配上櫻花蝦，別有一番風味！

Tea time經過，見冇乜人，叫少少野食試試依間新開無耐既餐廳先！大茶飯炒河炒牛河味道濃淡適中，牛肉口感嫩滑，但有少許偏油膩。芝士蘑菇雞翼濃濃芝士蘑菇餡料釀在酥炸雞翼裏面，熱辣辣香脆好味！檸檬冬瓜茶檸檬冬瓜茶味道不錯，甜度剛剛好！生津解渴，最適合這個炎炎夏日😋大推啊🤘🏻🤘🏻🤘🏻蜂蜜檸檬蘆薈愛玉蘆薈、愛玉、珍珠加上大片檸檬，酸酸甜甜，清涼消暑，是甜品中的健康之選！是台灣的味道啊～食完攪到我又想去台灣了🥺

途經將軍澳中心見有一列新開的餐廳，看見這間叫大茶飯的台式料理，看到餐牌選擇也不少，便決定入內一試！會跳舞的櫻花蝦蛋炒飯（$73）這款炒飯炒得乾身，每一啖都滲着蛋香，配上櫻花蝦的香味，實在不錯！台式炒米粉（$58）豬頸肉米粉炒得爽口入味，可惜份量少了一點！狂蜂浪蝶蚵仔酥（$88）狂風浪蝶蚵仔酥有別於一般蚵仔煎蛋，椒鹽煮法惹味可口，而且蚵仔份量十足！黑糖芋圓仙草凍（$43）去台灣每次都會食芋圓，今次又叫個試下先！芋圓有幾款口味咖，個人最愛綠茶～味道幾出！這款甜品配料豐富，除了芋圓、仙草外，還有紅豆綠豆和珍珠, 加上黑糖和椰奶，不太甜很好吃！

今日帶媽咪黎食大茶飯今日帶媽咪黎食大茶飯係媽咪最鐘意既台灣野原來哩間係美琪BB開架喎，哩度所有野都好靚呀，好新淨好光猛呀，枱係用雲石既枱，好有ins 小清新風呀🥰由於我同媽咪都冇食Lunch，所以勁肚餓，雖然黎到下午茶時段，我地都一於少理，填飽嗰肚先「番茄豬軟骨配白飯」係下午茶既，配豆漿一杯「自選車仔麵」嗌左「花膠」牛筋 芝士丸 米粉「麻辣牛腱」「皮蛋豆腐」「沙茶醬牛肉」野食好快就送上，媽咪好鐘意碗「番茄豬軟骨配白飯」，佢話味道好好呀，酸酸味味，而且豬軟骨份量好多，撈飯食一流呀😘😘「自選車仔麵」既材料有「花膠」牛筋 芝士丸 米粉，花膠有好多塊呀，好養眼，牛筋炆得好入面，好煙UN 呀，芝士丸就正常啦😋「麻辣牛腱」同平時食開嗰啲有啲唔同，呢度係超級薄切，配上特製既麻辣醬，唔會好似平時咁，太大舊咬唔到，而且呢度嘅麻辣醬調得好好，辣得好過癮沙茶醬牛肉又有驚喜喎，沙得好有鍋氣，菜心炒脆口，唔會過淋皮蛋豆腐係媽咪話嗌架，估唔到普通既一碟餸都好好味，在於碟醬汁發揮到作用，睇嚟呢度嘅調味都調得幾好，好啱我同媽咪既口味最後仲有杯杯豆漿，好好飲呀，而且可以揀無糖，唔係間間鋪頭都可以咁貼心，抵讚

去開將軍澳食飯見到一間餐廳嘅名好得意,叫做大茶飯，一於去食呀！我哋兩個人叫咗幾樣餸黎食。1️⃣滄海遺珠(湯水餃）🥟$38呢個餃子不過不失，餃子都幾鮮味，如果有多兩隻嘅話我會食得更滋味😋2️⃣大大塊豬扒$45係原塊嘅豬扒，份量有好多，炸得香脆可口，🤤🤤3️⃣會跳舞的櫻花🌸蝦蛋炒飯$73呢個飯係最好味嘅嘢食，餐牌名有趣，食到我舔舔脷👍👍4️⃣熱辣辣三杯雞$88同樣地份量都係好多嘅，啦啦嘅嘢食我就最中意🤩5️⃣百香果小濃紅茶$25最後叫多杯嘢飲，晚餐食得滿足：）呢間餐廳係幾抵食，我哋嗌咗咁多樣嘢食都唔使$300買單👍簡簡單單，都算係一個唔錯嘅選擇。其他相片：

台式料理大茶飯，有傳統肉燥飯、台式熱炒及小食，仲有自選台式車仔麵！可以撈牛肉麵或車仔麵的菜脯：台式肉燥飯（$38）飯粒分明，都幾大碗；肉燥偏濃味，所以一定要撈飯呢！秘制辣孖寶（$45）辣孖寶即是辣魷魚及辣螺肉，辣味唔算好犀利，可以當食下前菜止口癮。台灣香腸（$28）香腸有微微烤過，一啖香腸、一啖蒜片，超好食！惹味口水雞翼（$38）雞翼上面的口水辣汁是精華所在，辣得來會令人越食越想食。大大塊巨浪豬扒配豬油撈飯（$62+5）豬油撈飯比白飯更香！豬扒炸得夠入味，面層有椒鹽粉更香。冬瓜茶（$18）淡淡微甜，唔錯。

✨Tai Cha Fan✨ Do you know what it means❓ Do you know this Cantonese❓👻..有住將軍澳既朋友嗎❓自從將軍澳中心經過長久既翻新工程後，裝修格局折然不同💫 亦帶來更多新餐廳`新力量`新氣象。美食種類帶來更多元化呢，今晚既正菜推介係台灣菜🇹🇼，相信冇人不愛吧。llSignature Stirred Seventeen Year Old Noodles(Beef Tenden`Stewed Pork Tripe`Chitterlings)淮山麵底：柱侯牛筋`滷水金錢肚`滷水豬大腸自選配料，鐘意食咩隨自己口味添加/減。✨名字好特別的17歲的麵✨作為一款健康既淮山麵質🍜 較爽口而有口感，確是另類麵食好選擇。而配料款款都質素不錯呢，原來車仔麵都可以做得出色 也令我對車仔麵改觀。llFried Oyster Omelet作為一款熱炒♨️，名字確係有氣勢，而味道亦確係唔錯喔。蠔粒🐚份量得宜，餅漿味道調配混合得也剛剛好呢。頓時令我想起小時候，婆婆的味道。llChicken Wings with Chilli Sauce風浪小食🌊 真的要食得辣

蒜辣雞翼尖份量都幾多，又有泡椒，又有芝麻同炸蒜，最後仲有青蔥食落唔辣，帶微酸凍冰冰好惹味，酸酸辣辣好開胃我呢碗靚靚車仔麵入面全部都係我鐘意嘅嘢有唐生菜，滷水豬大腸同金錢肚，仲有超正嘅養顏花膠扒唐生菜食落爽口，豬大腸同金錢肚滷得好入面又咁淋，花膠扒滑捋捋又有膠質，索埋牛肉湯出奇地夾水餃用魚湯浸住，入面嘅韭菜豬肉餡係好樸實嘅味道呢個蚵仔酥超級驚喜，因為每粒蚵仔都包住超薄嘅一層粉，炸得又香又酥雖然價錢係出面食大牌檔小菜嘅價，但係又真係份量多又高質就咁食已經好香，加上啲炸蒜配菜，又可以醮甜酸醬一齊食檸檬冬瓜茶唔會太甜，飲落清熱解暑又養生桂圓紅棗茶好啱女仔飲，溫暖又滋補

將軍澳中心，近期翻新後，店鋪變得多元化，餐廳也變得多元化！　從前這角落是很冒險的樂園和大集團的酒樓，現在則變為書局和小型餐廳了！今天打書釘後，在隔離餐飲區晚餐。　看到店門這播放中的J2節目，有人有聲有片，讓人容易了解當中的美食。所以我倆選擇在此晚餐。　      十七歲的麵　配豬大腸，柱侯牛筋，鮮牛肉　　店門播放的節目有介紹，所以點這個麵。十七歲的麵早已跟醬料調配好，無需再加湯底。其實就是撈麵！　麵條軟硬度，似車仔麵的幼麵，而醬汁微微的辣，少少的鹹，仍嚐到麵條原味。整體較清新，不油膩。反而覺得柱候牛筋和豬腸很入味。      長江後浪煎蠔餅　　　　影片中也有介紹煎蠔餅。不是潮州勁熱氣炸蠔餅，也非台灣軟身又煙韌又杰撻撻的蚵仔煎。反而偏向似母親大人小時候製作的自家蠔餅！　母親大人的煮法：蛋漿，蠔仔，漿粉拌勻，在圓形易潔鑊煎好。易潔鑊的好處，只需使用很少量的油，中小火慢慢煎熟蠔餅，保證唔熱氣，易入口。這個平底鑊呎寸，估計是20CM規格。幸好這個醬汁並非那台灣那個橙色醬汁，感覺還ＯＫ。    大茶飯炒河　　　很正常的炒河，有牛展，金錢肚，芽菜，彩椒，唐芹，洋蔥，花生碎和大量澱粉質。  蒜香韮菜

將軍澳中心商場自從裝修之後，食肆真多，在哪裏逛街不愁找不到地方招呼肚子。我們今晚要吃「大茶飯」，這餐廳屬於半開放式設計，簡潔明亮，舒服時尚。餐廳主打台式料理，菜式名稱都很特別，餐牌選擇也不少，價錢也合理。我們叫了大茶飯雞扒配滷肉飯$ 58，雞扒炸得金黃香脆，雞肉仍然夠嫩，不鞋口，味道剛剛好。雞扒大大件已切好小件，方便食用。 他們的滷肉飯很健康，不會用太肥的豬肉，而且份量非常多，可以吃得很飽很滿足，好啱我們。這個雞扒滷肉飯，我們給予很高評價，好味又抵吃，一定要試呀!炸花之丸，吃到粒粒的墨魚粒，口感特別豐富，煙韌彈牙，不錯的小吃。夏日炎炎，飲杯冬瓜檸檬茶$20，清熱消暑味道好，一流。我鍾意食炒河，當了試一試他的大茶飯炒河$68，份量不算很多，但是夠鑊氣又不會太油，味道也不會太鹹太濃味，而且有切細件的金錢肚一起炒，吃的時候有咬口又夠味，不錯。乘風破浪鹽酥雞$45，名字很特別，炸得恰到好處，外皮脆脆的裏面雞肉嫩嫩的，吃起來啖啖肉，真是好味!滄海遺珠(手工湯水餃)$38，皮薄而內饀豐滿，吃起來水餃滑滑味道鮮，我們很喜歡。以後來將軍澳吃飯，又多一個好選擇了。

將軍澳中心裝修完後，儼然成為了一座美食廣場，的確這裏真正需要的是海量餐廳，哈哈！這家餐廳裝潢走小清新風格，以米藍色、白色和杏色為主調，感覺很舒服。這裡可以自選車仔麵，麵底可以選擇新竹米粉、台灣麵、淮山麵等有特色的麵。⭐️滄海遺珠（手工湯水餃）$38豬肉菜餃子，菜肉比例均勻，餃子皮又薄又滑，味道不俗。⭐️乘風破浪鹽酥雞$45炸得酥脆，聞起來一陣鹽酥雞特有的香氣，入口雞肉嫩滑。⭐️檸檬薏米水$22原來已經加了糖，味道稍甜，自己加糖更好。⭐️健康瘦身黑豆茶$22無糖黑豆茶，喝起來順口，很健康。⭐️自選車仔麵點了番茄魚湯底，配上沙嗲汁，入口味道比較清淡。麵底是新竹米粉，吃起來不錯，很爽口。配料有滷水豬大腸、滷水金錢肚和紫菜，吃起來很惹味。另外養顏花膠扒煮得很軟嫩，幾乎融化在湯裡。黃金蝦餅雖然吃不到蝦的味道，但口感不錯，軟軟糯糯的。⭐️紅豆紫米糖水加芋圓$38最後來一碗煙煙韌韌的糖水，芋圓QQ軟軟的，不錯。▫️味道不過不失，如果想吃台式糖水、新竹米粉之類的，這家餐廳可以滿足你。

食完晚餐，就想食甜品！經過呢間餐廳門口，見到佢係食台式野嘅，而且佢有芋圓食，所以就入去試吓啦！我叫咗碗紅豆紫米糖水加芋圓！糖水好有紅豆味，不過好稀，而且好甜！啲芋圓好淋，唔煙韌！我覺得整體嚟講，味道一般！