大茶飯 (將軍澳中心)

营业中

休息中

將軍澳商店越開越多，大商場外，其實也有不少有誠意食店，今次試這家台食台式肉燥飯 $38這個價錢竟然有這個多的份量，肉燥肥瘦肉勻等，多汁好送飯，鹵蛋入味滷水牛腱台式刀削湯麵 $68牛腱夠大片厚肉，炆得入味，非常淋身，就算老人家都輕易食到，刀削麵彈牙香炸拼盤 $58每款都炸得外層脆， 肉餅有咀口，配上甜醬，更覺滋味波濤洶湧奶茶 $25茶底濃，茶餐廳風味，珍珠軟身黑糖芋圓仙草凍1號 $43仙草凍一片片，配上香甜紅豆，爽口芋圓，清新

約左舊同學食飯，佢話想食台灣菜，之前行將軍澳中心經過<大茶飯>見到好多人食，睇過餐牌價錢都唔貴，所以就約左喺呢到食晚飯😊芝士蘑菇雞翼$48:皮香脆雞肉又夠嫩滑👍🏻除咗餡入面有芝士同蘑菇，連表皮都有淡淡嘅芝士焦香味❤香炸拼盤$58:份量好多，全部都係即炸熱辣辣👍🏻滄海遺珠(湯水餃)$38:韭菜豬肉餃，韭菜好香皮薄餡飽滿，湯底好清香😊滷水雞中翼配肉燥飯$55:雞翼好入味，肉燥份量亦都夠多👌🏻17歲的麵(中辣)$23配勁爆芝士丸(2粒)$10+鮮牛肉$15:見到係佢哋呢度嘅招牌，揀咗中辣好香但覺得淡味咗少少，牛肉好似用清水煮咁😂黑糖芋圓仙草凍2號$43:紫米份量唔多但係好香，配埋綠豆唔同口味煙煙韌韌嘅芋圓仲有珍珠同仙草，口感好豐富好滿足❤黑糖芋圓仙草凍1號$43:紫米變左紅豆同埋多咗綠茶味嘅芋圓其他材料同2號差唔多❤食到好飽連甜品都食埋都係三百幾蚊，我覺得都幾抵食😊

將軍澳中心開左好多新既食肆，今日就黎試下呢間＜大茶飯＞。呢間＜大茶飯＞聽講好似係一位藝人開設既，裏面裝修以藍色和白色為主，座位較窄。餐牌選擇頗多，呢度主打既都係台式野同埋車仔麵，最後叫左他們的招牌拌麵＜17歲的麵＞(小辣)，配料選了:黃金蝦餅、秘制豬頸肉、菠菜，飲品叫左＜熱原味豆漿＞。＜17歲的麵＞(小辣)17歲的麵用了淮山麵，加了一些肉碎、花生粒、蔥，食落有d似以前係學校食既撈麵，旁邊有一碗清湯，味道鮮甜，菠菜浸在湯裏吃，有益健康。黃金蝦餅煎至金黃色，裏面加入蔥、紅羅白、細小的蝦、還有很多蝦肉，食落爽口彈牙。但成碗野最令我唔滿意係佢既豬頸肉，豬頸肉睇落肉質偏瘦，食落凍冰冰、冇味，似食緊瘦肉。＜熱原味豆漿＞豆漿擺放了一陣已經“起皮”，需要倒了面果浸先飲得，味道一般。

睇訪開見到呢間店係美淇bb開，今日終於有機會朝聖一下!初初以為得車仔麵食，點知原來MENU都幾多選擇~左睇右睇最後決定要一個飯一個麵兩個小食加個甜品~滄海遺珠(湯水餃)個名好特別~而其實佢真身係韮菜餃黎~一客4粒，都幾大隻，水餃皮煙韌帶嚼勁，韮菜餡好多好飽滿~唔錯!大茶飯雞扒(原塊)大大塊既炸雞扒，炸得外皮好脆，平時唔敢食皮都忍唔住要食，真係好香好脆，雞肉亦夠嫩唔鞋口，而且切件上容易食!會跳舞的櫻花蛋炒飯取名取得好可愛~食落味道同樣好喎!用上櫻花蝦加蛋，蛋味香又濃，櫻花蝦細細隻都好香~份量本身睇落唔算大，但原來都分到好多碗，食完好飽~滷水牛腱麻香拌麵牛腱軟稔,麻香我以為會較辣,但原來辣度都可接受,另附一碗湯,好似平時炸醬麵既食法,湯好清甜,同麵一齊食都好夾黑糖芋圓仙草凍(2號)估唔到呢度有甜品叫~仲係我最愛既芋圓!今次叫左走奶版，呢度既芋圓仙草凍有三款，我揀2號呢款材料有紫米、紅豆同珍珠，估唔到黎到咁大碗，就算冇加奶成碗都好滑好甜，紫米同珍珠帶韌勁超好咬口，紅豆軟綿綿好甜~加埋仙草凍爽滑既口感~確係會令人感到幸福既甜品~總括黎講食物同環境都唔錯~係將軍澳中心地點又方便~值得一試~

朋友剛搬進將軍澳不久， 今天特意來到將軍澳探訪他的新居入夥，但廚房還未收拾好，所以沒能煮食，只能在附近吃飯。 「大茶飯」名字可愛而且看它放在門口的餐牌，覺得不錯很合胃口。［［風浪三寶$42］］跟店名一樣非常可愛， 風浪三寶就是豬紅、魚蛋和蘿蔔，味道不錯， 很有地道風味。［［狂蜂浪蝶蚵仔酥$88］］第一次吃到這麼酥脆的蚵仔酥， 每一粒小蚵仔都包裹著酥脆的炸粉，裡面卻是多汁滑滑的蚵仔煎， 真心是我吃過最好吃的蚵仔煎。［［當花雕遇上雞$88］］醉雞改上一個可愛的名字-- 雞肉滑嫩吸收了花雕的酒香，很受歡迎的前菜。［［紅豆紫米糖水加芋圓$38］］朋友怕涼，不敢喝冷， 所以就有這個熱糖水, 據她說，很好吃，不太甜， 而且口感豐富有紅豆，紫米很養顏， 加上芋圓， 非常好吃。［［蜂蜜檸檬蘆薈愛玉$38］］我叫了一個冰凍的甜品， 蜂蜜加上冰凍的檸檬、蘆薈、愛玉冰， 好吃到不知道怎麼形容。

經過餐廳門口，餐廳裏面裝修清雅舒適，眼見餐牌有台式美食及台式拌麵，看似吸引就入去一試。台式糖醋魚塊飯（$50）酸辣貓耳朵（$16）包豆漿兩大塊糖醋魚配白飯，酸酸哋幾好食。貓耳朵好香麻辣味，又唔會太辣，非常好味，值得推介。👍🏼👍🏼滷水牛展麻香伴麵（$62）😇滷水牛展好淋，有五塊，麻香味最難忘，味道調校得非常好。唯伴麵的份量較少。健康瘦身黑豆茶（$22）🥰食完想減下肥，可以叫黑豆茶，健康又有益。

來到將軍澳中心搵食，自然想吃一些價格大眾化的特色美食，逛了一圈，選了大茶飯試試。**下午茶自選車仔麵**台式港式fusion的車仔麵， 台式牛肉湯 + 台灣麵條， 滷水金錢肚、手打牛丸、冬菇和清甜蘿蔔，加上秘制辣汁，很合口味。**皮蛋豆腐** 嫩滑豆腐 上面鋪了流心皮蛋， 再加上 餐廳的 酸辣調味汁， 開胃又好吃。**狂蜂浪蝶蚵仔煎**這個蚵仔煎真是給了我一大個驚喜， 一粒粒的小生蠔包裹的脆漿炸的酥酥脆脆的， 真是超級的好吃， 下次來也必定會叫這個 蚵仔煎。**醬爆豬肝**豬肝脆口 沒有一點異味， 跟菜心一拼醬炒，開胃又有益。**黑糖芋圓仙草凍3號**這個甜品做得非常有水準 ，冰冰涼涼， 有芋圓和仙草凍， 不太甜，非常好吃。

今天和家人去吃晚餐，將軍澳廣場有很多餐廳都沒有吃過，特地前來看看，路過這間餐廳，覺得蠻對得上口味，而且價錢實惠，於是決定吃這間。我點了一碗自選車仔麵，五分鐘過後，一碗熱氣騰騰的淮山面上桌，我被籠罩在繞縈的熱氣中。這熱氣，有著誘人的香味，夾雜著魚肉、香蔥、番茄和湯料的清香。只見大大的碗里彷彿只有配料，有紅有綠，當中有金錢肚，香菇貢丸餅，底下有滿滿的麵條和紅色的的番茄魚湯。張開嘴，深深吸氣，就能聞到湯汁的咸香，麵條的芳香，雖沒有台灣麵的韌勁，但淮山麵順滑，低脂，是健康人士的心頭好。配上魚肉的鮮香，番茄的清香，讓人滿足。配料方面有金錢肚和香菇貢丸餅，金錢肚煮得很軟腍，入口帶有滷水汁的鹹香，十分入味。香菇貢丸餅份量十足，一個就有巴掌大，把肉丸做成餅的形狀頗特別，味道有濃郁的香菇味，比一般貢丸出色。餐飲方面選了珍珠奶茶，奶茶偏向港式風味，很適合我。這樣一個餐六十有找，在將軍澳這一區少見，食得過。

星期日因為很趕時間，所以就打算食一頓快嘅午餐，其他很多餐廳都已經排長龍，或者還未開門😅 以前試過大茶飯覺得是好味的，所以今次就去試試呢間，而且又有位。舖面不大，坐位都算舒服坐低就有個午餐menu，另外一個係大Menu啦。不過其實佢個午餐只係用大Menu +$1x當有杯飲品，感覺有啲搵笨我哋就叫咗三個餐一個係大大塊雞扒配滷肉飯再加一罐可樂加冰老公不嬲都鍾意食呢個大大塊雞扒嘅，佢話好好食👍🏼平時就食豬油飯，今次食滷肉飯（太鹹）另一個係蠔仔粥，阿仔問我點解蠔仔粥咁稀嘅😅再加一杯凍嘅菊花茶 （好飲）雖然啲粥好稀，但係入邊都有啲蠔仔嘅，感覺似白粥加啲蠔仔落去煲就算。呢個係令我哋有啲失望，不過就好貼心跟一碟油炸鬼👍🏼我因為唔啱食又唔想食車仔麵就叫左呢個滷肉飯，由於我唔係套餐所以冇飲品。呢個滷肉飯個味道我覺得難食好鹹，我食咗兩啖就無食啦

朋友非常想來吃一個台式晚宴，這個名字可愛的台式店，想必是由年青人所開喔，有想法。滄海遺珠一碗上湯水餃，就是一頓美味輕便餐。～湯水餃，一顆顆飽滿的餃子包着豐富的餡料，象徵着招財進寶。名字也改得不錯，很有意思，有４隻便可跟同行朋友好好分享，實在很好呢。燙青菜配肉燥肉燥是台食店的主角，當然要吃，青菜的那一匙肉燥，正是全個菜的靈魂呢。配上正宗台灣米的甘香、肉燥不油膩也不濃，很好喔～滿室香噴噴，一匙肉燥，滿足感十足。 拌飯及淋川燙青菜也很適合，肉燥是一種將絞碎豬肉滷製，肉和汁，熱騰騰、香噴噴。台妹愛也*台式牛肉來的時侯亦吃了一驚，有點中式的感覺喔＊不太像台式的牛肉，但味道不錯～惹味香濃很棒呢，惹味喔～檸檬薏米水薏米水又可以祛濕又可以消除水腫，是美女們的恩物。朋友飲了也說很有效。檸檬冬瓜茶冰涼透心冬瓜茶是夏天的寵兒，去火又解渴。新鮮檸檬亦降低甜膩感，清新酸甜的滋味更消暑～ 總的來說，這店的食物質素不錯，要吃新潮台式食物，一定要來喔

最近將軍澳有唔少藝人開新餐廳，先有美棋BB既大茶飯，後有小儀既麵食店。今次黎食lunch，無揀到set lunch，反而想試下呢度既自選車仔麵，餐廳裝修設計既簡約又不失風格，而且餐單好多花款，睇得出擺左唔少心機！自選車仔麵先選好麵底>配料>湯底>醬汁，再可另配飲品或小吃。我要左招牌伴麵 - 十七歲的麵，配料有鮮支竹、柱候牛筋，沙爹汁，額外加左杯波濤洶湧奶茶同台灣香腸。首先想講配料真係好好味!!!鮮支竹、柱候牛筋炆得好淋好入味，而台灣香腸亦煎得好香脆，質感軟熟，唔會太油/太肥膩，超級好味而珍珠奶茶選用左細珍珠，味道不過不失~招牌伴麵十七歲的麵感覺似gimmick野多d，麵既口感係唔差，但唔算好特別。

好耐無黎將中啦，難得黎探完朋友，又裝修完後第1 次黎，完來有咁多新野食！ 揀左呢間大茶飯，見佢幾多唔同野食，有台式又有自選車仔麵。皮蛋豆腐 - 皮蛋跟豆腐都大大舊！ 滄海遺珠 - 個名幾得意，其實係餃子，做得幾好，餡料足好味👍🏻炒米粉 - 呢個真係要推介下，米粉應該係用左新竹米粉，炒得幾好，唔會乾真真！ 好好味😋滷水雞翼肉燥飯 - 飯好足夠肉汁，肉燥味道good👍🏻 雞翼都入哂滷水味，連肉燥一齊食！ 飲左呢個薏米水， 我覺得好足料， 好多薏米， 好似飲紅豆冰咁！ 正！ 食埋個紅豆芋圓糖水 - 芋圓有台灣風味， 一樣咁QQ, 加上紅豆糖水，好開心🥰 好好味！ 食左好多野都唔係好貴，性價比高👍🏻

星期日既下午想食得放鬆d，可以揀食車仔麵，呢間車仔麵都係唔錯既選擇。.蕃茄魚湯底雖然無咩蕃茄味但好甜，搭夠，台灣麵好有口感，麵唔算好闊好硬。令一個麵叫17歲的麵，似上海麵既粗幼，湯分上都係有原因，因為d麵好索湯，會浸到淋曬。唔鍾意淋麵記得唔好淋d湯落去。.講完湯同麵就到d餸啦。炸魚蛋十分推介，同平時唔同，彈牙又好味。貢丸餅好有口感，唔似食緊貢丸，如果鍾意食丸既人一定要試。而豆卜，大腸同鴨血都整得好入味，鍾意食內臟既都可以試下。但佢既鮮牛肉有d令人失望，肉太淋，有d梅既感覺。.另外叫左兩款推介小食，炸豬扒同雞翼， 豬扒雖然有d薄，但係好味既，唔會食到成口炸粉，又唔會炸到乾爭爭，唔錯。而雞翼係冷盤，浸熟左再係面加麻辣醬 ，而且佢切到單骨，好方便食。但有個缺點係，佢要有好多醬先有味，但麻辣就食到成口油，令佢既口感麻麻地。.總括黎講，可以返兜試埋其他餸👍🏻👍🏻

餐廳位於將軍澳中心1樓food court 既左邊，環境坐得舒適，看落乾乾淨淨的。.由藝人黃美琪開設，主打台式料理。店員態度好好，忙個陣都照顧到不同的客人需要❤️-1️⃣黑糖芋圓仙草凍2號 $43(紫米、綠豆、珍珠)⭐️⭐️⭐️⭐️好足料，左右兩邊都放滿紫米和綠豆，珍珠就冇哂，所以冇食到，芋圓就有抹茶、紫薯、番薯味，好煙韌👍🏻👍🏻/2️⃣花膠素菜台式刀削麵 $62⭐️⭐️⭐️⭐️湯底用清湯，花膠有3大舊，滑脫脫🤤素菜係西蘭花同椰菜花🥦，刀削麵就咁食會淡，加埋湯底就岩岩好🤣/3️⃣雞扒配白飯(+$5轉左豬油撈飯)$58+$5⭐️⭐️⭐️⭐️雞扒一大塊，扒仲多過飯🤣雞扒皮似乳豬皮咁，內裡就似用左鬆肉粉既質感。豬油撈飯就唔係好油，都係偏淡味。4️⃣蠔餅 $78⭐️⭐️⭐️⭐️其他餸的是偏淡，反而蠔餅是偏鹹的，可能是落鹽落重手了一點。通常街外食到既蠔仔是細細粒但多，它是中size，而且都多🤤-環境：8/10服務：7/10好味指數：7/10回頭率：7/10

今天和朋友相約在將軍澳，將軍澳廣場裝修好以來都比較少來。沒想到裡面開了很多餐廳食肆。行到商場的最裡面發現這間價錢最合理。午餐在$40-60上下，難怪在座也有很多學生哥幫襯。看餐牌似乎車仔麵系主角，配料都睇到眼花繚亂。但最重要系師傅的精心烹飪，真材實食料！麵底選了一般車仔麵不常見的<台灣麵>，麵條質感爽口，配上香辣鹹口的牛肉湯底，分量和味道都是充滿誠意。其中配料有金錢肚、牛百葉、鴨血、豬大腸。全部都煮的夠軟腍入味，好味！加配溏心蛋，沒想到居然有整整兩隻！那金黃的流心蛋黃讓人垂涎欲滴！味道是偏向台式風味！而我點了一份大茶飯雞扒配迷你肉燥飯。雞扒碧油煎出嫩黃深，味道很有台灣夜市雞扒的味道，夠鹹香酥脆，肉燥飯甜味為主，味道剛剛好不會太重。加配的酸辣貓耳朵很夠開胃，好正。飲料是珍珠奶茶和無糖豆漿，珍珠奶茶偏向港式奶茶，跟珍珠搭配起來很有口感，下次一定會再來幫襯！