大茶飯 (將軍澳中心)

营业中

休息中

✨#中女獨食難肥日誌 ✨#大茶飯 #將軍澳美食近來將軍澳中心大翻新，食肆終於陸續開門，這次到這間台式清新小店，試一下台灣菜🥰..#大茶飯雞扒（原塊） $48加多$10有肉燥飯，不過我們怕太飽就只點了小食。雞扒很大塊，外層炸得香脆而不油膩，肉質鮮嫩多汁，果然是招牌菜呢🤩..#必食麻辣雞中翼 $38麻辣醬很香很麻很辣，配以涼的雞中翼是很開胃的小食！..#17歲的麵 配黃金蝦餅、秘制豬頸肉 $51拌麵可自選配料，麵條很有咬口，配以秘制的拌麵醬有點微辣很香，再喝一口清湯很夾！特推加上枱旁的菜甫拌著吃，更有層次🥳..#火焰醬爆蝦 $108原煲連爐上，很夠熱，醬爆蝦很有鑊氣👍🏻不知不覺間吃完一隻又一隻🤣..#波濤洶湧奶茶 $25點了少甜，果然不太甜剛剛好，珍珠是小顆的，很有咬口很不錯👍🏻..📮地址: 大茶飯 (將軍澳)將軍澳唐德街9號將軍澳中心1樓137B號舖☎電話: +852-23501628

大茶飯 (將軍澳).作為將軍澳居民，成日都外出搵食，將軍澳中心自從大裝修後多左好多食肆(⁎⁍̴̛ᴗ⁍̴̛⁎) 而大茶飯就係其一，今日心思思都想食台灣野，所以就去試！ ⚜️菜粒蛋白蝦仁🍤炒飯⚜️$78.味道清清地，少少鹹香，飯炒得乾身，配埋較濃味嘅四季豆(˶‾᷄ ⁻̫ ‾᷅˵)好食！.⚜️大茶飯炒河⚜️$68.店鋪招牌之一，係選用幼身河粉，配上金錢肚，五香牛𦟌等，同一般港式炒河配料不同，別有一番風味(⁎⁍̴̛ᴗ⁍̴̛⁎).⚜️塔香蛤蜊⚜️$108.味道濃郁，配料有各色椒，西芹等作配料，炒得好香，再用熱爐上枱，保持溫度！⚜️滷水拼盤⚜️$62.滷水拼盤有豬耳，金錢肚，大腸，雞翼及蘿蔔，種類同份量都多！ 豬耳炆得好軟，充滿膠質，唔係爽脆質地，就要視乎大家喜歡淋嘅定係爽脆！.⚜️乾扁四季豆⚜️$58.呢個乾扁四季豆十分之出色，炒得好香，配飯一流！.⚜️當花雕遇上雞⚜️$88.同出面一般嘅花雕醉雞唔同，雞件酸味偏重，問咗店員之後原來係落咗甘草，酒味唔濃郁！如果好酸嘅朋友仔可以試吓！.⚜️紅豆紫米糖水加芋圓⚜️$38.呢度令我最驚喜嘅竟然有芋圓食！(˶‾᷄ ⁻̫ ‾᷅˵)我係一個極度喜歡食煙韌野嘅人，個人覺得個糖水非常之美味呀！下次行過可以買個外賣返屋

放工去住在將軍澳阿妹屋企拎手信，阿妹說商場大翻新後，開了不少新店，尤其是食店，她說有一間叫大茶飯的台灣菜，味道唔錯！今晚就帶我去試試！餐廳佈置清新簡潔，燈光明亮。台式炒米粉，我最喜歡台灣的米粉比較爽口，配洋蔥、豬頸肉、芽菜、蔥花，炒得乾身又入味。大茶飯雞扒配白飯，雞扒都好大塊，金黃色的外皮酥脆，肉質嫩滑，白飯面加左肉燥，伴飯食好惹味。台灣香腸：煎得香口，嫩滑帶微甜。乘風破浪鹽酥雞：即叫即做，炸得不油膩，外層酥脆，肉質鮮嫩。車仔麵係自選餸和麵底，我選了粗麵配魚片頭、滷水豬大腸、黃金蝦餅。魚片頭、蝦餅彈牙，滷豬腸入味不韌。粗麵吸收了鮮甜的湯底、十分美味。凍飲檸檬可樂和雪碧都有冰底跟上。

After all that queuing we finally got a table.Unfortunately, everything I wanted was sold out so I wanted to leave but friend want to stay.The duck blood was a bit disappointing as the sauce was too sweet.The intestines were smelly but that was expected however the tendons were nice and soft so that was the only delicious item.

自從將中裝修 好耐都冇行過將中喇 依家將中裝修得8899哦舖頭都愈開愈多 多返啲人流 咁就塊睇下佢裝修成點 貼有啲咩好西食喇依間舖頭勁多人排隊 好似唔錯咁 搞到我都排埋一份塊試下係咪真係咁正先佢有車仔麵同埋台式菜 感覺上都幾多元化 睇左一陣我都係簡左自選車仔麵🤤淨係車仔麵嘅麵款麵好多種類喇 台灣麵+豬頸肉+麻辣鴨血+豬耳+蘿蔔+豆卜+芝心包 （小辣）叫左勁多餸好滿足呀🙈台灣麵麵質麵唔錯都幾爽口 豬頸肉好爽口啲邊位仲有啲脆 麻辣鴨血麻辣味就唔係好食到 但食落都幾滑 唔會張住啲牙 唔錯豬耳都幾大舊 仲要有啲豬耳係連埋啲肉 比較有口感 蘿蔔都幾清甜 豆卜索湯汁一流 最正係個芝心包我勁鐘意呀 一咬落去勁濃郁嘅芝士係我個到爆開 正到飛起 另外仲叫左杯百香果綠茶好香百香果味 清清地 仲有百香果肉係入面 夏天飲依啲就最好不過

識我嘅朋友都知我好鍾意食台灣菜，瑜伽邊度開咗新嘅台灣餐廳有機會我一定要去試，最近喺網上都見到呢間有美祺BB開嘅台式餐廳不斷做宣傳，見到佢啲滷肉飯同埋煎雞扒令我口水都流埋，嗰日放工即刻約埋朋友去試吓啦！佢位於將軍澳餐廳林立的商場內，係半開放式，雖然係夜晚八點幾，但依然全場爆滿需要等位，我哋響門口都排咗一陣先入得去，生意都幾好！大概等左15分鐘我哋就入得，服務人員嘅態度都親切友善，Menu嘅嘢食都幾多選擇，我哋覺得第一次就揀咗一啲佢嘅招牌例如滷肉飯，大雞扒飯，同埋一啲台式嘅小食😋我最期待的是佢的招牌雞扒飯（$58），因為網上嘅人個個都話好食，見佢菜單上面話配白飯，我又好想食佢嘅滷肉飯我就 另外點咗一份滷肉飯（$38），點知嚟到嘅時候原來已經係雞扒配滷飯😵搞到我地又要食多一份滷肉飯😖不過另外叫嘅嗰份滷肉飯係大啲嘅。佢嘅雞扒煎得非常香口，完全可以稱得上外脆內嫩，朋友淨係食咗一啖即刻話：好得！我都急不及待咬咗一啖真係好juicy!!正到喊，果然雞扒係佢哋嘅招牌！不過我哋就覺得個滷肉飯有少少失望，始終比起台灣地道嘅滷肉飯爭啲，無論係顏色定係味道上。我哋仲叫咗小菜三杯雞($88)，呢個三杯雞係做得唔

將軍澳中心最近翻新工程後，新店舖陸續開張， 筆小新食店進駐， 非常熱鬧。由 pop corn 行过去較為入嘅地方有一間叫《大茶飯》 台灣料理餐廳。 裝修雅緻，風格清新， 光猛舒適。餐牌主要分 自選項目嘅台式車仔麵， 小食類， 日式料理。自由配搭嘅車仔麵非常吸引， 逐個step揀。先揀麵底：台灣麵＋ 柱侯牛筋＋麻辣鴨血＋ 秘製辣螺肉＋白蘿蔔＋黃金蝦餅＋台式牛肉湯深竭嘅 湯底， 一睇覺得味道豐富，濃郁惹味。先試湯底， 並冇藥材味，反而帶清甜， 越多種材料淆製，有蕃茄蘿蔔同牛腩嘅味道。 卻沒有蓋過每種材料嘅味道。 麻辣鴨血，夠入味帶小小麻辣。螺肉超入味又夠脆， 牛筋有三四件，足料夠腍。台灣麵底煑得偏腍， 不過好索湯。黃金蝦餅彈牙但味道似魚餅， 裏面好似有啲芝士粒， 炸得非常惹味。飯嘅款式只有幾款。 《大茶飯雞扒配白飯》$58。 大大塊雞扒切開一段段， 煎得乾身 唔算話太乾， 雞皮好香脆， 味道就似香茅豬扒嘅醃料。白饭上面嘅肉燥夠乾身入味，表面灑上芝麻增添香味。冬瓜茶$18茶味夠，唔會太甜。檸檬薏米水$22有三分一杯薏米，材料太多， 味道唔太酸，清清哋飲咗好舒服。蛤蜊絲瓜 $88用咗九層塔去煮

將軍澳中心差不多三年前暫停營業，以配合翻新裝修工程，從那時候起，屋企附近可以選擇開餐的地方就更少 ⋯⋯ 話說回頭，以前的將軍澳中心其實只是一個很街坊的商場，雖然面積唔算特別細小，但好味道的餐廳就一間都沒有，印象較為深刻就是一個普普通通的美食廣場及兩間大型中式酒樓。醞釀一年半，其中半個商場在2017年底重開，多了不少特色餐廳食肆。再過多一年半左右，早陣子其餘半個將軍澳中心終於重新營業。整個商場的餐廳食肆數量較裝修前比較，最少多了一半！明顯就是為了配合將軍澳南的多個新晋屋苑入伙後，居民們的實際生活需求。今晚就揀在「大茶飯」。「大茶飯」位處商場盡頭的一個綜合美食區，內裏共有三間小規模餐廳，佈局上有一點似高級版美食廣場：三間餐廳雖然都有矮身牆分隔，但全部都是半開放式設計。「大茶飯」主打台灣風味小食及麵點，但又不是坊間開到成行成市的台灣牛肉麵，竟然係自選「台式 + 港式」配料的車仔麵！據聞還是某明星開設？餐廳標誌既可說是風浪、也可說成是麵條，下面還要寫明「#經得起風浪先食得起大茶飯」，有點霸氣之餘、又有點唏噓、但亦是現實。一張 poster 介紹了主打的「17歲的麵（拌麵底）」。那句「我們吃的都

美琪BB開既新店,所以就去試下原來係食台式車仔面同台式食品17歲的麵呢個係撈麵，揀左中辣，辣度十足，辣味久久不散麵質都算有咬口揀左啲特別小小既配料例如花膠扒 ，豬頸肉 ，麻辣鴨血 花膠扒的確係大塊既，鴨血有質感夠麻辣不過咁樣加下加下就60幾蚊，對於車仔麵黎講有啲貴呀留意番車仔麵最低消費$42，抵唔抵食就見仁見智啦自選車仔麵麵底揀左烏冬,烏冬比較短,單用筷子較難夾起配料揀左豬皮,辣魷魚,豬大腸呢幾樣都係啲好吸味既配料同樣揀左中辣麻辣湯底但相對地撈麵更辣惹味口水雞口水雞有台式既感覺自食完17歲的麵既辣味仲味散到所以食啲咩都好似唔夠佢咁辣,連口水雞既辣度都比下去

父親節晚飯，中晒伏三杯中卷：魷魚白烚，配菜仲多過魷魚，得辣味，無炒過，辣醬撈白烚魷魚，好難食，68蚊完全唔值，仲要凍既！塔香蛤蜊，同三杯中卷一樣配料，一樣味道，唔明個名有咩意思，量又少得十幾粒，108蚊買難受，餐牌仲要打粒星推薦🤷🏻‍♀️櫻花蝦炒飯，白飯一碟！仲要又凍又濕又無味！完全無炒過既感覺！大佬呀！食涼拌炒飯咩？珍珠奶茶，無味既奶茶，叫少糖仲得了，飲水咩，珍珠又唔好食！中伏！唔會有下次！

好耐無去將軍澳中心行街，原來宜家裝修左唔同曬，仲多左好多餐廳，好有新鮮感。最後選擇左呢間台式餐廳大茶飯同女女食tea，餐廳幾寬敞，坐得好舒服。下午茶時間黎到，試下車仔麵，可以選3餸，選了小朋友愛吃的牛丸、滷水雞翼，再加個自己喜歡的花膠，皆大歡喜。花膠有驚喜啊，好足料，碗內足足有5塊，每塊都有一定厚度，充滿骨膠原，女士最愛。麵底選了烏冬，湯底則是番茄魚湯，番茄同魚的味清甜，更嚐到濃郁的花膠味，不禁飲多幾口。另外，叫了皮蛋豆腐同豉汁蠔仔。蠔仔鑊氣夠，熱辣辣好好食。最後品嚐台式甜品必選芋圓仙草，大家都食得滿足。另外，這裡的服務亦幾好，可以再來。

原來裝修左好幾年嘅將軍澳中心喺盡頭位置開左間格局小清新嘅”大茶飯”, 據說係美棋bb有份開架❤️. Lunch時間好多人等外賣, 見佢午餐有好多款選擇, 我地梗係坐低慢慢食. > 自選車仔麵- menu上面分別有麵底, 配料, 湯底, 醬汁4個step, 齋睇配料就分為精選, 肉, 丸, 餃, 蔬菜類咁多款, 從中揀三款真係難倒選擇恐懼症嘅us.>午餐-自選車仔麵 (柱侯牛腩, 滷水金錢肚, 鮮枝竹) (HKD55)首先估唔到份量多到就黎滿碗, 勁多牛腩, 枝竹, 金錢肚, 牛腩同金錢肚都驚喜好入味口感軟腍, 並無因為浸左湯而淡味. 枝竹雖然無三Gor嘅薄薄絲滑口感, 但係咬落口感不錯, 好索湯. 特別推介淮山麵做麵底, 健康又好味, 湯底嘅鮮熬豬骨湯+沙嗲汁夠香濃. Li個價錢lunch送menu寫左幾款飲品, 巧抵食呢.>無糖豆漿好大杯, 豆味香濃! >午餐-自選車仔麵 (柱侯牛筋, 柱侯牛腩, 滷水雞中翼) (HKD66)我fd揀左台式牛肉湯配台灣麵, 配料揀柱侯牛筋, 柱侯牛腩, 滷水雞中翼, 湯底味濃, 台灣麵唔做拌麵放湯一樣好味.>清炒

個蕃茄豬軟骨飯冇乜蕃茄味，溫度都只係微暖，賣相 and 味道仲差過茶仔，色香味完全零分！但呢個勁快上因為好明顯係整好成煲即刻盛上碟芝士蘑菇雞翼完全食唔出芝士味，每隻雞翼好似只得一粒蘑菇仔咁大把，有油‘益’味，整體口感勁差牛肉炒麵最離譜，等咗差唔多40分鐘催咗成三次要威脅cancel 埋單先到，勁油，我最憎！牛肉冇味，仲竟然用粗麵，我真係未食過用粗麵嚟炒麵，基本上似雜碎炒麵，成碟野求其到不得了咁就跌咗兩舊水！

周圍搵好嘢食的我，新界九龍香港區經常去，唯獨是將軍澳區真係好小去，今日殺出香港入將軍澳搵美食😬原來呢區有好大型商場，而且仲好多嘢食，中西日餐廳經常食，近排潮流又興食台灣嘢，一於就食台式，商場好大，踏破鐵鞋無覓處 ，得來全不費工夫，搵到間食台式車仔面既食肆（大茶飯）門口望見佈置，招牌同牆上的餐牌都好特式，所以見到甘可愛就入去食😛睇睇餐牌有乜食先😋台式車仔拌撈面（17歲的麵）台灣湯面狂風浪蝶柯仔酥乘風破浪鹽酥雞淮山面，夠嫩又爽口麻辣鴨血（做到台式的做法又合香港人口味）😋秘制辣魷魚（又焾又入味）同香港人做既魷魚係完全唔同味道👍台灣面（做到台灣的味道又合香港人口味）秘制牛腩（夠腍又入味）墨魚餅入面又有蝦肉同蔬菜配制，口感一流柯仔酥：好有口感，夾多幾隻一齊食咬落口感似食更一隻大蠔的感覺😋鹽蘇雞：脆口肉嫩😋食甘多嘢埋單都係甘平，抵食😊環境衛生，地方寛闊，裝飾設計就好似去左台灣，而家唔使去台灣都可以感受到置身在台灣的食嘢感覺👏👏👏👏👏

車仔麵有最低消費$42, 湯底，麵，餸味道比一般街邊車仔麵更比下去。雞排肉躁飯 : 雞排做法非台式雞排，薄炸，魯肉乾欠汁，肉質硬。蠔仔煎餅味道還好但份量小。糖水十分離譜 : 稀巴巴，只是紅豆跟水＋幾粒芋圓