大茶飯 (將軍澳中心)

营业中

休息中

裝修新穎有格調的台灣菜小店，以藍、白色為主調，雲石面的餐桌，少女風十足🥰。Sofa坐位舒適闊落，店舖乾淨整齊👍🏼。🍗芝士蘑菇雞翼（$48）外皮炸得好香脆，芝士同蘑菇釀左係雞中翼入面，芝味十足，雞肉又嫩滑。🥤檸檬薏米水 凍（$22）Order了少甜少冰，淡淡嘅甜味加埋檸檬少少嘅酸味，再配埋薏米，口感清新又開胃，仲好健康，可以美白去水腫😁。🥢台灣香腸（$28）🥬清炒A菜（$63）雖然菜係炒，但係都唔覺得好油，蒜香味十足，食落好惹味。🍜鹵水牛腱台式刀削湯麵（$68）牛腱炆得好腍😍，牛味都好香濃。🥄黑糖芋圓仙草凍3號（$43）甜品是share的，因爲食得太飽😂，黑糖甜味比較重，芋圓同珍珠都煙韌彈牙，口感一流😋，印象特别深刻係佢既綠色芋圓，抹茶味香濃👍🏼。📌價錢便宜，餸菜份量又多，CP值都幾高。侍應服務態度好，有笑容有禮貌👍🏼。

天氣開始凍了，是時候又周圍找火鍋店吃😋將軍澳這個商場裝修後，開了很多新的食肆，這間大茶飯是一間台灣食店，在冬天的時候更推出了火鍋套餐😍😍這裏也有lunch set可以吃，今天我們來吃晚餐。冬季的火鍋推介有四款，有麻辣牛肉，豚肉以及女士最喜歡吃的養生花膠鍋🤩除此之外也有一些台灣的小食！看OpenRice啲食評，大茶飯雞扒好像很出名😚叫了兩杯飲品一杯台式紅豆冰，另一杯是黑糖珍珠豆漿， 2杯的甜度也剛剛好不會太甜。養生花膠鍋來了😄本身湯底裏面也有很豐富的材料，蘿蔔豆腐，再配上牛肉片👍小食方面叫了皮蛋豆腐只是$35，都幾抵食。第二個餐我們叫了這裏出名的大茶飯雞扒配白飯！本身會有一些肉燥在飯上，雞扒很厚身！配飯食一流， 份量也適中。兩個人叫了這麼多也$295，性價比高👏

台灣台灣嘢喺香港雖然開到成行成試市，但係要要搵到好味嘅就真係唔係到到有呢間大茶飯真係幾有驚喜，因為好肚痛既關係都叫左好多野食，個肉燥飯味道夠香濃，個汁甜甜地咁好開胃而且又唔會太油特別想提下我朋友叫既肉燥麻香伴麵，個湯係極級好飲，應該係魚湯嚟，味道好鮮甜，飲過d湯一d都唔頸項，如果想食肉燥又唔一定要食飯嘅話強烈推薦大家叫呢一道菜個鹽酥雞都做得出色，雞肉好嫩滑，椒鹽比例亦調教得好好，加上岩岩炸起，真係會食唔停口，唯一缺點係因為份量好多，未食完就已經開始凍食完炸野梗係要飲返d清熱氣既野下一下火，檸檬甘蔗汁甜甜地咁，檸檬既酸味唔會好突但又好帶出到甘蔗個種好潤喉感，好好飲

這家店價錢平，裝潢清新企理。有點台式小清新的感覺，燈光明亮，乾淨舒服。下午茶時間去到6點免加一，非常抵食。⭐️滄海遺珠$38餃子大大粒，頗飽滿。⭐️台灣香腸$28入口煙煙韌韌，半肥瘦香腸，口感很好。⭐️自選車仔麵我點了番茄魚湯，新竹米粉$12，加沙爹汁。再配滷水豬大腸$12、辣螺頭$12和秘制豬頸肉$14。入口味道夠濃郁，新竹米粉爽口，豬大腸好惹味，還有豬頸肉都很有口感。⭐️薏米水下午茶餐還會送飲品，薏米解渴健康。

今日去咗將軍澳中心新開嘅大茶飯食lunch佢係一間台式料理 🇹🇼 價錢都比較合理👍🏻我哋兩個人叫咗一個lunch set同兩個小菜🤪Set C大茶飯雞扒配肉燥飯 $48首先要讚一讚係呢度嘅白飯係用珍珠米🍚撈埋肉燥就更正旁邊附送一碟麻醬撈椰菜雞扒有少少香茅味🐓炸皮好薄身又夠嫩滑juicy💦重點係夠大份都只係$48🤑推介！😋（p.s. 仲要午餐冇加一收費）跟餐飲凍冬瓜茶 今次係我第一次飲冬瓜茶味道似淡淡嘅嘅焦糖味😆另外跟餐加蔥油餅（+ $ 16）雖然係跟餐小食但係都有好多塊😙煎到金黃色好靚✨質地係有啲煙韌嗰種台式蔥油餅 狂蜂浪蝶蚵仔酥$88 好重椒鹽味絕對唔會腥👍🏻蚵仔酥份量驚人🤩我諗三個人或以上先食得晒😀遍地黃金哈哈蝦$98 🦐作為一個鹹蛋黃fans😍點可以唔嗌鹹蛋黃味嘅蝦球喎！鹹蛋黃味夠哂突出蝦球爽口彈牙絕對值得一試😋✨

大茶飯自開張以來都係我既飯堂，試過幾款唔同類型既食物都幾唔錯。車仔面，最中意既面底係台灣面，份量多又好食，餸方面，牛筋真係好正！夜晚有火窩食，一食就知材料好高質，所以價錢相對其他地方既一人火窩較貴都係比較合理的。另外仲食左糖醋魚飯，魚肉好滑，好味。咖哩豬頸肉飯，呢個就比較普通，日式咖喱飯既味道。冬瓜茶係送既，幾好飲！如果去台式飲品店買都要廿蚊，所以送既真係好抵。將軍澳中心食嘢都幾貴，呢到比較平又好食，會繼續嚟！

今晚收工去屋企附近選購聖誕禮物，行到咁上下黎左food park搵野食，朋友話要食台灣野，我地就揀左呢間大茶飯，裝修光亮整潔。<蒜炒雜菜>（$68）有西蘭花、椰菜花、菇呢啲健康食物，先係飲食均衡既一餐。<沙茶牛肉> ($68)我同朋友都係菜寶寶，好慶幸呢味有咁多芥蘭配住牛肉。因為係沙茶醬煮，所以都比較油同濃味。<番茄豬軟骨配白飯> ($58)呢味比較失色，以為個汁會分開上，原來直接淋上白飯度。味道唔知點解比較鹹，無酸甜味。豬軟骨未加熱好，所以仲係有啲雪櫃既冰冷...<健康瘦身黑豆茶> ($22)、<薏米水> ($18)朋友揀左黑豆茶，味道就係比較健康既無加糖。我呢個薏米水微甜，都幾重薏米味，幾唔錯。<黑糖芋圓仙草凍3號> ($43)甜品方面都算幾足料，呢個三號就係紅豆、薏米、珍珠呢個配搭。口感豐富，唔會好甜。

今日同朋友仔經過由藝人開設嘅台式餐廳。喺好奇心驅使底下+文青如我，當然要試吓佢味道如何。一試之下，果然冇令我哋失望啊！一坐低朋友即刻叫咗呢個大雞扒飯。本身冇諗到係配肉燥飯，好多肉啊！岩哂食肉獸！主角雞扒大份又juicy，肉燥肥膏唔太多，食落岩岩好，醬汁甜甜地我就點左嫩雞麻香拌麵，成日出街食麻辣麵都係齋辣唔麻，貨不對辦！但係呢個拌麵麻而不嗆，又麻又香。配上又嫩又滑嘅花雕醉雞真係好夾，俾個like佢鹽酥雞系台式菜嘅靈魂，所以又脆又嫩嘅雞肉相信係基本門檻！但係呢到嘅鹽酥雞唔單止份量夠多，而且調料十分出色！多人嚟食叫呢個開心share都十分之抵食食台灣菜緊係要配一杯珍珠奶茶！見佢有豆漿就一齊叫埋試下分別。黑糖珍珠唔洗驚太過甜膩，珍珠都好彈牙。如果鍾意飲甜野嘅話，強烈推介黑糖珍珠豆漿！又滑又甜又彈牙另外，呢到芋圓糖水好出色，芋圓QQ彈牙，食到唔停口。而且店員好體貼，知道係兩位share，送上嚟已經俾多個碗仔我地，貼心服務加分近月社會事件影響，大家嘅心情較為低落，一句齊上齊落，香港加油！真係令人覺得好warm

呢期都坑口揾食多今日Tea time朋友約我食大茶飯我開頭以為講笑 不停問餐廳名佢地話呢個就係餐廳名位置有d偏入 花左d時間去揾下午茶時間 唔太多人而且選擇都好多叫左幾樣野食+2杯飲品裝潢都好舒服 lighting都足夠佢地出菜都好快 番茄豬軟骨飯d軟骨好入味 又夠淋番茄味好出 份量因為下午茶sizefor我就剛剛好 咁就可以食下其他野又唔會太飽跟冬瓜茶味道偏淡 唔會好似台式飲品店咁濃滷水拼盤有蛋 有雞翼 有大腸 肚絲好足料仲好入味朋友同我講 呢個係平時佢食開台式紅豆冰原來特別地方 就係多左珍珠香煎餃子一放入口 立即拿返出來剛剛炸清炒A菜都係$175/位

見將軍澳中心開左好多新餐廳都未食，就試一試呢間大茶飯，12點幾去唔洗等位就有得入。我同朋友叫左一個鹽酥雞肉燥飯，同埋一個車仔麵，要17歲的麵小辣，麻辣鴨血，秘製豬頸肉同埋菠菜。個鹽酥雞都好多舊，而且啱啱炸起，熱辣辣好好食。車仔麵方面，個小辣比想像中更辣，好彩有叫到杯凍豆漿解到辣，而佢個湯係分開上，對於維持麵嘅質感相當好。另外，我地叫左一個遍地黃金哈哈蝦，好濃嘅蛋黃味，而且d蝦好爽口，我自己就用埋黎送飯食添。另外追加嘅糖心蛋有兩隻，每人一隻可以，再加埋醬汁都幾特別。

同媽媽二人世界，來到了大茶飯試試台式料理。餐廳環境光鮮明亮，是文青小清新風格，感覺很舒服。自選車仔麵當然要試試店家主打，17歲的麵（拌麵小辣），麵非常幼身有咬勁，加上特調醬汁十分惹味，小辣也算是bb級別，不錯吃。餸料方面，揀選了勁爆芝士丸和秘製辣魷魚。前者賣相極吸引，外表經過炙燒，內裡有大量濃郁芝士，味道偏甜，值得一試。而辣魷魚煮得軟淋入味，份量十足，與拌麵很搭配。台式炒米粉米粉屬於幼身，加上紅蘿蔔，蛋，蔥和豬頸肉等豐富配料，吃得很滿。值得一讚是米粉炒得很出色，每一口也吃到米粉和配料，加上面頭的蔥花和蒜，很台味。香炸拼盤貪吃的我，當然想一次試不同口味，拼盤有甜不辣，牛丸，豬肉餅等等，每一樣也有水準，沾上台灣獨有的醬油膏，香口惹味。芝士蘑菇雞翼雞翼包著滿滿的蘑菇和芝士，味道也是偏甜，個人覺得蠻搭配亦不油膩，而且啖啖肉很滿足。檸檬薏米水吃了炸物，再喝一啖薏米水，即時感覺很清新。而且內裡有滿滿的薏米，真材實料，是健康寶寶必點飲品喔！

餐廳裝修好靚，檯都係以雲石系做主調，但張枱比較細。 食物種類都比較多，有火鍋，羊腩煲，車仔麵，各類台式小食主食等等。17歲的麵呢個係乾伴麵黎，小辣都會覺得辣辣地，唔太食得辣叫小辣ＯＫ了。呢個麵都可以加食送。我地叫左花膠，蝦餅，滷水雞翼。三款食送我都覺幾好，花膠係真係有平時食花膠既味道口感，蝦餅味道ＯＫ但口感係淋唔係彈牙，滷水雞翼好入味好嫩滑。麵底一般。7/10大茶飯雞扒一開始覺得雞扒好似細舊唔夠厚肉，但食落口有驚喜。一食已經覺得好香好惹味，係香矛椒鹽味，味道好好食，但肉唔夠厚同唔夠嫩。6/10乾煸四季豆同外邊食唔同，呢個係唔辣冇辣椒，反而多左分新清味道，因為除左肉碎外仲加左椰菜西芹蘿蔔絲等，我覺我幾特別幾鍾意呢個煮法。8/10

大茶飯人人都想食大茶飯，行過將軍澳中心，真係有一間叫做大茶飯，一於入去試吓😄兩個人叫了很多東西 ：台式車仔麵，柱候牛筋，炆得唔會太冧，又唔太韌，啱啱好，非常有彈性，風浪三波，牛筋丸魚蛋芝士丸，粒粒都好食，加埋新鮮菠菜，配合麻辣湯底，簡直天衣無縫！台式牛肉麵，湯底夠正宗😋另外叫了三個小食，鹽酥雞，炸得啱啱好，又唔會太乾👍椒鹽豆腐，有六大件，外面脆博博，內裏軟綿綿，感覺一流！韭菜餅，外皮煙煙銀銀，咬落去充滿韭菜香味！食咗咁多，飲番啖檸檬薏米水，真係很滿足😄

週末除了是親子時間，亦是與朋友聚一聚的時光。小火子最近愛上了踏單車，將軍澳亦成了我們經常出沒的地方。剛好朋友說要在將軍澳聚一聚，更要帶我們去食大茶飯。大茶飯其實是位於將軍澳中心的台式餐廳，現在更有一人一鍋的打邊爐，打邊爐是小火子最愛呢！我們點了台式和蕃茄湯底各一，每個火鍋的份量也不少，而且價格十分親民，每個鍋都只是大概$100，配料料可再追加，連鴨血也可以點呢。喜歡香口食物的我，就十分欣賞鹽酥雞與酥炸蠔，小火子超愛這個鹽酥雞，不停吃了很多塊！酥炸蠔用的是製作蠔餅的小蠔，十分鮮味。惹味的小吃是一班朋友邊聊天邊吃的最佳拍檔。雖然已吃得很飽，但吃甜品仲有多一個胃，火箭爸的檸檬愛玉十分fresh! 而我點的芋圓仙草配紅豆除了賣相讚之外，也十分真材實料，不會太甜好吃！吃埋甜品就讓這個飯聚完美了。如果大家帶完小朋友去將軍澳玩，推薦大家去試試囉。幸福的話，可能有機會會遇上老闆娘美棋BB啊。

決定入黎呢度試下, 然後叫左：~~~~~~~~~~~~~~~~~~【花雕嫩雞麻香拌麵 ($62)】雞肉嫩滑, 份量都多, 雖然入味但唔夠熟(出血太多)P.S:希望能改善下, 不要靠快。~~~~~~~~~~~~~~~~~~【黑糖芋圓仙草3號 ($43)】食完覺得不錯, 有機會下次會再黎食~~~~~~~~~~~~~~~~