大茶飯 (將軍澳中心)

营业中

休息中

住在將軍澳中心的同事今日萬歲，請我們去佢屋企商場的食大茶飯，餐廳主打台灣菜，位於商場一樓，地方不大但雅潔。聽說是藝人開設的。大大塊巨浪豬扒配肉燥飯，炸至金黃色的豬扒的確好大塊，外層香脆，肉質細嫩。配惹肉燥飯相當惹味！台式蚵仔粥，蚵仔肥碩又鮮味，粥底綿滑，配以脆口的油炸鬼、花生、蔥花。味道鮮甜又有口感。滑蛋蝦球，蝦球爽口又大隻，蛋炒得又香又滑溜。滄海遺珠，其實是韭菜水餃，皮薄餡鮮，韭菜水餃夠大隻，餡料又多又香，湯底濃郁香甜。台式紅豆冰，除了香甜的紅豆，還有台式珍珠，增加了口感，不錯！

今日好想食炒飯，所以又再次去呢間大茶飯，水準依舊高質!炒飯粒粒分明，蛋香而且多，每啖飯都有蛋既香味，加埋櫻花蝦吊味，成個飯都好好食同埋真係冇乜邊度食到!煎蠔餅類似台灣既蚵仔煎咁，個漿煙煙韌韌而蠔仔超多，基本上是但夾起都有2-3粒，仲有辣醬係少少甜既個款，開胃又惹味!另外仲叫咗香炸拼盤，呢個真係一定要試，主要丸類為主但係超多汁，肉嫩而汁多到噴出嚟咁滯，每一款丸都好有特色唔係普通街邊貨，食完真係對丸類提高要求!最後有紅豆紫米芋圓做總結，紅豆同紫米好香同埋加埋芋圓係好重芋頭加紫薯味，好滿足!

由tvb藝人黃美棋開嘅台式料理店，全部菜式係由台灣廚師主理。「經得起風浪先食得起大茶飯」係佢嘅座右銘所以餐廳logo、牆身、碟子都印有字眼。我唔算係佢嘅粉絲不過話晒都係藝人開嘅餐廳好似幾有gimmick，價錢幾貼地午餐款式多又冇加一，所以決定一試！店舖走文青風，藍白色裝修又夠光猛非常舒服，內有三十個位置都算大間，不過中午飯市唔算好多人。💛仲要係黃店💛：收據寫有「坐埋同一條船先可以齊上齊落！香港人加油！」，請遊行人士有嘢。Lunch set：👓鹽酥雞配肉燥飯 $52鹽酥雞即叫即炸所以非常脆口，皮薄脆唔厚粉唔會油膩，不過稍為肉質乾身左少少，雞粒份量亦有好多粒。鹽酥雞粉唔算好咸，孜然粉味反而比較出；肉燥亦舖滿飯面，瘦肉較多，適合唔鍾意太油膩口感嘅人，醬油味亦唔算重唔會太鹹；米飯用咗珍珠米，粒粒分明；肉燥飯飯底又大大碗多到我都食唔晒，不過有足夠嘅肉燥同雞做餸拌飯🤣👓大大塊豬扒配肉燥飯 $53豬扒果然大大塊，炸皮薄身炸到有少少燶邊脆卜卜，面頭灑上鹽酥雞粉夠惹味；豬扒夠厚身不過同樣肉質稍為乾身咗少少，如果可以再juicy少少會更佳。👓百香果小農紅茶 +15大讚非常好飲👍🏻寒冷嘅天氣下飲杯熱辣辣嘅紅

在油塘行完魔鬼山後，步行到將軍澳只需極短的路程將軍澳的商場特色是幾個商場互通商場內台式食肆比較多，決定選擇其中一間光顧價錢定位較為便宜下單及結帳只需舉手便可以，不用走到收銀處事後發現該店是香港藝人黃美棋與台灣友人開立的台式食肆難怪菜式富有古早味道滷水牛腱台式刀削湯麵 - $68牛腱肉有四片厚切，軟硬適中，滷水很入味湯底濃郁順滑，散發出陣陣味道沒有添加味精，可以當湯直接飲用刀削麵麵身較厚實，口感彈牙有嚼勁台式牛肉炒麵 - $78份量意外的多，還有滿滿的牛肉炒得清爽不油膩乘風破浪鹽酥雞 - $45所有炸雞肉均勻的滿佈胡椒鹽肉身很瘦，卻毫不韌、不油膩炸粉非常薄及脆身炸花枝丸 - $35包著飽滿結實的塊狀花枝肉保留了花枝的原汁原味，紮實而又滿足口感彈牙又有嚼勁濃味點還配有胡椒粉百香果小農紅茶 - $25百香果肉都浮在飲品的頂端，材料十足配上淡淡紅茶，又剛巧不搶去大家的味道，清熱解渴波濤洶湧奶茶 - $25牛奶和茶的比例恰到好處，帶甜又有茶味珍珠是使用大珍珠，有嚼勁又彈牙

女職員態度超差超兇，我們進入餐廳見到好多空枱，但要客人共坐大枱，而家疫情咁差，我們提出了意願，仲反駡我們客人有問題，話之後會阻礙其他食客的生意，眼觀當時空寥寥才提出可否坐二人枱（可惜遭泠待拒絕），都唔理解點解唔早d擺枱係我們客人問題？加上當時咁多空枱！！前言不對後語....百思不得其解除非係家族生意？就唔憂做同唔尊重客人！寧願眼光光要客人自己離開轉去其他餐廳，見到下面好多post 都係投訴職員態度，真希望他們老闆可以回應同觀察一下該職員的態度問題，那麼我們便有機會可再試試這餐廳，現在真的怕了！

🍙等待時間：平日晚上八點到，兩個人直入唔洗等🍔室內環境：完全有擺心思落設計上， 風格簡約，色調淺色為主，舒服清新🍰服務質素：侍應好貼心，服務到位，上菜速度都好快👍🔺用餐簡評：意外地，叫既野全部都好岩我阿，all yummy!咁我就叫咗佢嘅必食推介麻辣雞翼，真心無得輸！第一唔少餐廳嘅麻辣食物都為咗遷就香港人既口味啦，就將辣度調低。但呢一間嘅麻辣雞翼真心夠辣！而且惹味開胃。另外我哋仲點咗肉燥麻辣拌麵，佢嘅面底本身已經好有心思咁加咗我諗應該係蛋黃醬，其實就咁食已經超好食再加埋佢嘅香濃肉醬，絕對有不一樣嘅台式美味拌麵體驗，另外就係佢嘅麻辣火鍋，配料絕對份量足，絕對美味😚🔹總括來講：可以放入我嘅台食首選之一🧡

美琪bb開咗餐廳，要去試下先😛😛個餃子好吸引，個名都好特別，叫滄海遺珠 ($38) 餃子好大隻好新鮮，菜同肉嘅比例做得好好，個皮食落都有少少咬口，唔會覺得太厚或者太薄，最緊要係新鮮同埋個湯底都唔錯。乘風破浪鹽酥雞 ($45)小食揀咗鹽酥雞，炸得好香，但係炸粉比例有少少多，另外如果雞肉可以整得嫩少少就更加好鳳梨蝦球 ($88) 呢個係招牌菜，的確做得好出色😆👌🏻 蝦好大隻食落好彈牙！然後個醬係類似沙律醬，同炸蝦一齊食係完美配搭！旁邊仲有少少炒菠蘿，酸酸甜甜十分開胃🤪最後都係決定叫返一樣澱粉類食物😛花雕嫩雞麻香拌麵 ($62) 呢個雞肉就做到好嫩，酒味唔會太重。反而最鍾意係佢個拌麵，好重麻油味得來亦都好麻辣，係越食越辣，夠晒惹味！

🔸大茶飯雞扒飯($58) - 雞扒好滑，炸粉薄，雞脆溫度控制得剛剛好，仲有一碗大肉燥飯，瘦肉較多，對於我不太喜歡滿口油膩感的人來說剛剛好。另外，有三粒小蕃茄解炸物和肉燥的膩，不錯！🔸台式麻辣火鍋($118) - 配菜好多，有烏冬、肥牛、生菜、冬菇、豬紅、千頁豆腐和魷魚，一人份量好夠好飽，湯底一打開蓋會聞到麻香味，但食落其實不是太辣太麻。店員還很貼心拿了個調味盤，有生蒜粒、辣椒和炸蒜粒。整體而言很不錯！🔸百香果小農紅茶($25) - 有點酸，茶味可以更重。🔸蜂蜜檸檬愛玉($38) - 好抵食的甜品，愛玉凍很滑，蘆薈爽口，加上蜂蜜檸檬，很清新，正好把剛才吃的油膩感一掃而空，但可惜的是珍珠有點硬，但這個價錢來說真的很值！

28/1我和一位朋友原想試一試該餐廳的午餐，入到餐廳服務員安排我們坐中間一張大枱(是很多人可以圍坐的枱），我們怕一班食客圍坐很容易感染疾病，而且當時店內還有數張空置的枱，全都都是那一種可以分開嘅枱，於是我們要求坐其他空置的枱，但服務員堅持我們只可坐那張圍坐的大枱或bar枱。現在香港正處於非常時期，每個香港人和企業都有責任盡一分力防止病毒在社區爆發，食肆是很容易讓人感染病毒的地方，食肆在安排座位時應該要注意這一點，而不是只顧獲得最大利潤，而沒有把顧客的健康放在首位。

是日唔煮飯唯有出街食 行行吓將軍澳中心見到轉角位有唔少餐廳其中一間以灰白色為主的台式餐廳就是大茶飯餐牌真係好多選擇 前邊以一啲套餐為主後面就是自選車仔麵今次就決定食一啲小食同便當今次我就叫咗兩個小食分別係邊隻辣魷魚同埋芝士磨菇雞翼魷魚很入味唔會煮得太熟太淋有口感 偏硬一點 食車仔麵應該要必點份量又唔少 愈食愈帶辣原來係無骨雞翼入邊包住一口芝士同蘑菇外脆內軟仲十分香 食得方便又啖啖肉飲品叫了檸檬甘蔗水 及桂圓紅棗茶甘蔗水唔會太甜是濃味蔗汁加上檸檬帶點清新而紅棗茶一嚟嘅時候已經聞到茶香紅棗較甜 飲落潤喉 好保身暖胃雞扒飯分量多雞扒是即炸的皮脆肉燥較似台式的肉燥會較為濕潤 多點油同時肥豬肉多 飯偏軟身 食落味道濃濃的拌飯好適合刀削麵是的麵條又長又滑 份量多牛腱就鮮嫩 味道口感都幾好只是咀嚼起來有點硬在將軍澳中心中想找間台式野食大茶飯真是適合不過

之前都無留意到呢間甘岩想食台灣野 又見到呢間好似唔錯佢係將軍澳中心廣場1樓好多食肆果邊盡頭都好易搵裝修清新 感覺好乾淨好舒服經得起風浪 先食得起大茶飯由於望到太多好吸引既野食同埋上菜之後先發現 佢地既分量比想像中仲要多上圖 下方花雕雞乾拌麵已經好夠食 有少少麻辣 但係香口為主仲有好滑既雞鳳梨蝦球 上面淋上沙律醬 有少少似沙拉骨乘風破浪鹽酥雞 食落同係台灣食到既真係一樣 口感QQ 淮鹽岩岩好 唔會太多 又唔會太多味道剛剛好櫻花蝦粥好足料 好鮮 櫻花蝦味好突出 仲有大蝦蝦係入面個粥仲要大大碗！炒A菜 夠味 檸檬冬瓜茶 清甜 古早味眼寬肚窄之下 梗係唔好浪費食物啦點知外賣盒居然同台灣一樣係用紙盒架起碼比用膠盒環保一點真係好正宗既台式餐廳仲有一點 佢係黃架

✨中女獨食難肥日誌 ✨大茶飯 將軍澳美食這天早了放工，見這家店環保清新舒適，便與朋友坐下來吃個簡單台式晚餐，見餐牌選擇好多，樣樣心思思想吃，爭扎了一番才點好菜，再等待美食到來。大大塊豬扒配白飯 $62真的很大一塊的豬扒，比我的臉還要大😂還細心切好，不用自己狼狽下手切。點菜時店員提醒配的是肉燥飯，份量也不少，兩個人share多吃一點其他食物還好，小鳥胃的我大概自己會吃不完..當花雕遇上雞 $88本以為是冷盤，一摸上碟，熱的？命名為上湯浸雞會比較貼切，是帶微微酒味的雞，與一般冷盤醉雞不同啊芝士蘑菇雞翼 $48這個我與朋友都一致大讚！必點！我一個人也想吃一碟😂雞中翼去骨釀入香濃芝士及蘑菇，真的超好味！17歲的麵$23 配牛柏葉$14、秘制豬頸肉$14、滷水豬大腸$12 共$63拌麵可自選配料，麵條很有咬口，特推加上枱旁的菜甫拌著吃辣辣的好有胃口，味道更有層次！三種配料我們最喜歡滷水豬大腸，滷得超入味！檸檬薏米水 $22朋友點的薏米水，清甜祛濕。#波濤洶湧奶茶 $25建議要點少甜啊，黑糖味濃，好多珍珠，當作甜品作結很不錯👍🏻📮地址: 大茶飯 (將軍澳)將軍澳唐德街9號將軍澳中心1樓137B號舖

晚餐想不到吃什麼去將軍澳中心逛一圈也有不少食肆選擇，這次選了帶點文青風的大茶飯吃台灣料理，環境光亮坐得舒適小食點了麻辣牛腱，不吃辣的可以選滷水口味。牛腱厚度剛好，口感軟腍又帶點實在，辣勁十足呢點了一份滄海遺珠，即韭菜豬肉水餃。餃子渾圓飽滿，餃皮很薄透，內餡的韭菜很嫩，味道不錯主菜點了台式牛肉飯，米飯上澆上很香的醬汁，拌著牛肉、洋蔥和菇菌等，超好下飯蒜香雜菜加了蒜粒煮得很惹味令人期待的甜點時間，天氣涼涼的就點了碗熱的紅豆紫米糖水加芋圓，芋圓粉糯Q彈，紅豆紫米補血養顏，清甜養生又好吃呢

由藝人黃美棋開嘅台式餐廳已經大半年，雖然我唔係佢Fans，但係都想試吓藝人開設價錢又貼地嘅餐廳。餐廳設計簡潔，座位排得較密，大概下午點半左右，客人唔多，好多座位，但單客多數係安排坐中間大枱。午巿套餐有飯同車仔麵選擇，食物有啲唔錯，有啲好一般口，份量正常，而服務就普通。鹽酥雞配肉燥飯，雞有啲乾，係預早炸定，微暖，唔脆，肉燥味道亦麻麻，雲耳幾辣。台式糖醋魚塊配白飯，魚肉幾厚幾大件，新鮮炸好，外脆內嫩，個汁酸甜度適中，配新鮮菠蘿，送飯一流，好味。台式糖醋豬扒配白飯，豬扒唔乾亦無醃得太勁，但無咩汁，配飯好乾。自選車仔麵：柱侯牛筋，柱侯牛腩，滷水雞翼，滷水豬大腸，准山麵配鮮熬豬骨湯。豬大腸，牛筋又軟滑又入味，牛腩偏肥啱晒我，雞翼都可以，可能揀嘅餸偏濃味，湯底唔使加汁都夠晒味，准山麵淋得嚟唔會散同漿住，全部都好唔錯。滋味加配$16：鹽酥豆腐，豆腐鞋，唔係滑嗰種。爆漿糖心蛋，差唔多全熟，無糖心，上面加啲漿，好求其。薏米水，好淡無甜味，太健康冬瓜茶。豆漿幾好飲。+$15珍珠奶茶亦唔錯。

呢晚冇特別諗頭，隨便係商場揾D野食埋先搭車走。Park Central裡面選擇多，價位親民。見到呢間台式料理，既有台式自選小火鍋，又有單點小食、主菜及台式特飲甜品。裝修雪白簡潔，有位唔駛等咁就入去試下。點了一客遍地黃金哈哈蝦，單係個名就已經俾佢吸引左，香口食物尤其開胃，配埋個香熱白飯簡直無得頂。一碟足有八只大蝦球，底部用上肉色大蝦片將蝦球堆成塔狀般叠起，端起最頂一只靠口，外面薄薄一層既金黃外裳披上均勻既咸蛋黃汁及油炸封乾後，咬開脆薄之中餘熱更爆出豐厚既咸香感，蝦肉同樣爽彈兼鮮味足，一口緊接一口停不了的誘惑，食完真係笑哈蝦!花雕嫩雞麻香拌麵，原來是用木盆以套餐型式分開上，起始吃麵條時麻香味相對濃，但發覺麵條掛入不少碎椒，讓人有不經意越食越辣既感覺，在麻過後既辣之中，浸透著花雕味既雞件，頓時酒體又會營造出另一番強烈味覺反差，又嘆到鮮嫩幼滑既雞肉。若然感到咀巴輕痺的話，附上的清甜雞湯可助舒緩清新一下繃緊既味蕾！ 滷水牛腱，帶住餘溫的薄切牛腱肌軟滑，雖有一點柔韌組織但咬起上來唔會有起渣既感，而且吸收左濃厚既滷水汁後，依然不會有口乾。點了一杯女生恩物：桂圓紅棗茶寒冷既天氣底下手握一杯暖笠笠既黑糖