大良鴻輝記

营业中

休息中

這間糖水店給我的感覺是傳統。賣的是中式糖水，我們分別試了杏仁糊和西米露。我食的是西米露，西米不多，糖水過甜，始終不合我口味。男友本有幾聲咳，但食了杏仁糊之後竟然不咳了。平時食慣了有大量水果的西米露，轉轉口味也無妨。只是不是我杯茶而已。還有一點，感覺價錢偏貴。

先說明，一向對大良八記沒甚好感，所以一般是避免幫襯，誰不知是日是神推鬼迷的又遇上了。吃後感覺，同樣差。又，如果一早看過Openrice的食評，就好好多了。跟幾位朋友吃完山西刀削麵，還想找甜品吃。查實大家都已飽得九九十十，可以只是找個地方繼續傾計而已。之前經過川龍街，看到這裡比較多人，見又順路，就來試一下。甫入店，專兄已指出「這裡裝修這般似大良八記的？」，T兄又說「連餐牌也是一樣喎！」，三叔也來參一腿「那位阿姐在軒尼斯道八記分店見過呢！」。我信資料，指著兩間店的地址說「都不是大良八記。」心裡稍為安慰，才叫吃的。餐牌上最貴的一款糖水叫欖仁糊，還說有降膽固醇的功效，十七蚊，就一試。天時暑熱又要了碗熱的，純粹因為落單阿叔話「熱d就滑d」。糖水味道有點怪，沒有什麼香味，亦甜了一點。同意Oli的食後感，是有一點「老火湯」的味道，究竟搞咩？唯有在T兄再三叮囑其神奇功效下，解決碗糖水，早知如baby般要碗凍紅豆沙還穩陣一點。當然要數更差的，有三叔的什果凍西米。冷氣不夠，還吃了熱又不太美味的糖水，當然是「興興地」。最後食友還認真的證實﹝是少有的認真！﹞，這裡是真的大良八記，阿姐還怕我不信，指著商業登記，

大良鴻輝記, 分明是大良八記, 箇中關係是非如何, 就不得而知了.八記的糊好吃, 人人共知, 鴻輝記也不遑多讓. 八記只在港島九龍設分店, 鴻輝記在荃灣坐陣, 乃新界人之福. 石磨坊以撈糊聞名起家, 其概念之創新不得不讚, 可其糊之質素始終遜於八記鴻輝記一類老鋪. 在鴻輝記, 與家人朋友一人一糊, 一舀來一舀去, 撈之, 美味而賞心. (鴻輝記也待客撈糊, 落單吩咐便行, 與石磨坊道理相同.)

正月十五元宵節來梗係食個湯圓啦, 門口有幾個人企係度, 以為無位, 點知入到去仲有一張檯, 即刻坐低先!!見到幾個老伙計行來行去, 好似好忙咁, 又話落單要等等, 又話整緊外賣(唔通整外賣就唔駛理現場客?)..奇怪成班伙計用口叫來叫去, 又唔寫單, 又落錯野, 又送錯檯!!唉...搞到全場亂晒大龍, 怨聲載道, 民怨四起...搞左幾分鐘, 終於搵到個亞姐落單, 我要合桃糊($13), 女友要湯圓($13), 合桃糊一般, 唔太甜但點解一d都唔糊狀?? 湯圓有5粒, 但女友話湯圓質素好參差, 有幾粒ok, 有幾粒唔掂.....下次都係咪搞啦!!!!!!

我次次都食凍燉奶，又夠滑、不太甜，真係好正呀！但紅豆沙和綠豆沙又比較一般。

同意shapeshifer 所講, 荃灣的鴻輝記的確是間有水準的中式湯水舖. 往往吃完飯沒事做又未想散時, 總會過來鴻輝記吃碗湯水, 傾幾句~ 夜媽媽, 吃碗芝麻糊, 合桃糊, 的確是人生一大樂事~

初時以為係八記,因為裝修一模一樣.但睇清楚d個名又唔係八記,唔知兩者有乜關係(呢間同八記一樣星期日都有椰子糊).於是試下.第一次係食芝麻糊,d口感同石磨坊既都幾似(有八成似),但就冇乜芝麻香味.我比75分.第二次食蓮子糖水,幾鬆化,雖然冇合成咁好但都唔錯,我比80分.總結來講算係一間有水準既糖水鋪.