大良鴻輝記

是日專程荃灣一遊，走到老式糖水舖小店支持下！簡直中伏！味道只能講：一碗湯水，好無吸引！重點：廚房男店主 態度差！唔值得 再去幫襯！今時今日 咁嘅服務態度 影衰香港！但仍然會留港消費支持 其它小店！…查看更多

味道同波仔差不多一行五人，dinner 後想食少少甜品，當時鋪內不多人，所以叫了3個甜品5人share快食，問佢哋攞多3隻碗，頭兩隻碗俾了，第三隻時 有位較年青的男子態度囂張說“唔可以喎”，雖然我們沒有每人叫一碗,但鋪內亦沒有指明最低消費，他唔肯俾都冇問題，但你冇指明，而客人問吓，態度可以好啲嗎。…查看更多

@大良鴻輝記同兩個朋友食飯後,例牌整返碗糖水做結尾,諗起附近有一間馳名食糖水（特別出名食糊）,咁就諗住去試下#合桃糊（凍,熱各一碗）合桃味偏淡,甜(熱好食d）#芒果西米露有少少椰汁味,少甜總結:之前曾經響電視睇過介紹,懷住滿滿嘅好奇慕名而來,我本人覺得西式好食過中式…查看更多

係當代刨冰大熱嘅年代 我相信仲有我呢批「守舊人」鍾意食傳統糖水 雖然都鍾意芋圓 牛奶冰等 但有時簡單嘅燉奶 芝麻糊「單調」嘅口味都可以比人溫暖 團聚嘅感覺呢間係我個人認為超越左澳牛同義順 係全港最好食嘅一間燉奶（前面舉例嘅對我來講太濕太甜） 🥛大良燉鮮奶（冷/熱）💰22睇得美食節目多 我特別鍾意可以立定個匙羹係上面嘅順德燉奶 呢個係未有禁塑令嘅時候我成日會將個膠匙羹棟係上面 真係屹立不倒！內裡綿滑嘅口感入口即融 冇腥氣都唔會有過量嘅甜味 淨係得純正嘅奶味係舌尖 每次都encall🍳冰花燉雞蛋-熱💰20甜嘅燉蛋我係呢間先第一次食 其他坊間嘅糖水舖有燉奶但就唔會有呢個 相比燉奶有時我更想食下有味D嘅蛋 表面都係比較立身 入面反而好似燉奶咁非常滑嫩 但係成個蛋又唔會好似其他糖水舖咁有水或著太稀 對我來講就係更有蛋香味嘅燉奶口感！好少有咁純正同埋賣開呢D傳統但有足夠好味嘅糖水舖 希望呢間keep住好生意等我可以成日去幫襯！📌 大良鴻輝記 (荃灣)荃灣川龍街8號地舖…查看更多

同朋友三個人叫咗一碗芝麻糊、一碗合桃糊以及一碗兩溝芝麻合桃糊，話呢間在荃灣好多年，招牌甜品係食糊，點知招牌甜品真係好唔掂，從來都未食過咁難食既糊！個樣同平時食果啲糊差唔多，但一食就知道中曬伏，質地就好似係個D超市三合一芝麻粉，無論芝麻糊同合桃糊都係好甜，淨係得甜味，完全冇芝麻同合桃味，個feel 好似加左好多水再加左超多糖，甜到飛起，我個朋友話甜到食兩啖已經唔想食。仲要售價23元正？我自己用三合一芝麻粉溝出嚟應該仲好食過佢，仲可以溝幾碗。一碗芝麻糊係咁都算，連合桃糊都一模一樣，真係一言難盡…..！三個人都食唔落，食左一半都冇就埋單走人。真係未食過咁難食嘅糖水。…查看更多

香港中式傳統糖水鋪買少見少，呢間老字號，款式多而且🏅性價比高，大部份糖水都係賣二十零蚊👏👏經常都會大見人龍🍽招牌桑寄生蓮子蛋茶($24)-而家唔係好多地方仲有得食，🍵保留番傳統嘅滋味，將啲蛋壓爛換日糖水食，增加口感，好懷念嘅滋味🥰🍽喳喳雙拼芋圓($35)-嫲嫲煮嘅味道，非常足料，加埋台灣直送嘅芋圓，qq口感，好飽🍬店主仲推出健康糖水💪，雙圓藜麥紫米露 ($32)， 下次一定要試吓😋…查看更多

今晚食飽飯，突然之間想食甜品，咁我就去咗小時候經常去既鴻輝記甜品店，懷念一下以前嘅生活。呢間係一家老店，我都唔知幾時開。每次嚟食都要排隊，店員態度就一般般，不過甜品就非常好食非常推介椰汁紫米露，椰香足夠，甜度適中。還有芝麻糊，非常幼滑，食得出很濃的芝麻味👀。…查看更多

📌荃灣今時今日，老店食一間少一間今次平民食堂黎到荃灣「食糖水」，小店位於荃灣川龍街，主打傳統中式糖水，據講開業至今已有廿幾年歷史，絕對稱得上系老字號 一 大良鴻輝記🖤招牌芝麻糊 $23 + 芝麻湯丸 + $8平價得黎，芝麻糊香濃幼滑，湯丸軟糯😋👍🏻📍大良鴻輝記地址：荃灣川龍街8號地舖#荃灣 #大良鴻輝記 #湯丸 #糖水 #老字號 #糖水鋪 #鴻輝記 #撐小店 #芝麻糊 #平民食堂 #平民美食 #自費食評 #中式糖水 #芝麻湯丸 #荃灣美食 #良心小店💛 #荃灣食咩好 #星星帶你食 #星星和你食#foodie #hkfood #hkfoodie #foodiehk…查看更多

這間老字號傳統糖水舖 真係去咁多次門口都係好多人等位不過去流都好快 大概等10分鐘就可以入坐款式都算幾多 平均20幾蚊就有一碗糖水對比依家好多糖水舖真係算係咁～·合桃糊芝麻糊海帶綠豆沙腐竹蛋糖水桑寄生蓮子蛋茶芋香馬來喳咋·暫時食過嘅糖水都唔錯👍🏻…查看更多

買外賣，一踏進門口，職員立即叫唔好入嚟！你唔好講嘢住！你黎做乜嘢？之後喺門口等，5分鐘後先叫我去另一邊排隊，浪費時間落單過程中，講完食咩又話聽唔清楚，重覆3次先完成落單到俾錢，又計錯錢，半句唔好意思都冇，垃圾級…查看更多

有位新嚟嘅伙記，叫佢落單，佢「忙」到叫人等等之後就冇咗回事，後面再叫佢先幫我哋落單。明明成個場唔多單冇乜客，但伙記個樣睇落好忙，實質效率勁低，同場又冇熟手帶住佢。之後到落咗單，嗌得一碗嘢都可以計錯錢，收錢果位啊婆又話要有單先收錢，但伙記落咗單又冇俾到張單出嚟，完全唔知想點，又冇員工跟進。呢間鋪成班友懵盛盛咁，個個都唔知自己做緊乜，叫一碗外賣都可以咁混亂，第一次見👍🏻👍🏻。嘢食方面，淨係叫咗一碗芝麻糊，只可以話係一pat黑色加咗糖嘅糊仔，唔太明「招牌」個位喺邊。…查看更多

放假食完晚飯行過，口淡淡，於是就試吓入去呢間老派甜品店，地方普普通通，叫咗兩碗糖水，芝麻糊同合桃露。食落去，平平無奇，冇特別驚喜。服務態度又一般，有趕客嘅感覺。唔值得我再去幫襯。…查看更多

大良鴻輝記荃灣排場龍老牌中式甜品店！💠💠💠💠💠💠💠💠想食d懷舊甜品緊係要黎荃灣大良鴻輝記啦！晚晚都排曬長龍，無論係外賣定係堂食都係咁多人！想食好野就要比d耐性啦~💠大良燉鮮奶 $22每一口都能感受到鮮奶的純正與細膩，搭配上適量的糖，甜而不膩，讓人吃了還想再來一碗。💠冰花燉雞蛋 $20冰花燉雞蛋是一道非常受歡迎的甜品，特別適合喜歡輕盈口感的人。這道菜的特點是雞蛋的鮮嫩和滑順，配上冰花的清爽，讓人一口接一口，停不下來。餐廳環境：🩵🩵🩵🩵/5 [座位較窄]服務質素：🌸🌸🌸🌸/5食物味道：😋😋😋😋😋/5 性價比：💰💰💰💰💰/5大良鴻輝記📍荃灣川龍街8號地舖…查看更多

平時都知道藜麥係健康食品，但自己唔會買嚟整，無諗過加埋紫米兩種營養豐富的食材，口感真係唔錯，椰奶睇落似拉花，睇到個下係幾開心，想講係加上湯圓的藜麥紫米露絕對是一種幸福的升級。藜麥的細緻、紫米的嚼勁、湯圓的糯滑以及椰奶的甜美，這些食材完美融合，形成了一道既健康又美味的甜品。每一口都充滿了驚喜和滿足感。燉蛋是唔算細膩嫩滑的蛋羹。燉蛋的口感比較實，唔算如絲般柔，但都能感受到製作者的用心和藝術創造的魅力。…查看更多

离譜！叫咗七份糖水俾錯咗四份！真係离晒譜！搵佢哋幫我點糖水嘅人，跟著同我講：你自己都唔知道你自己叫咗麼嘢，哇，真係冇見過咁嘅人，唔會再點了。服務態度真係好冇話講…查看更多