大榕樹下

這裡不是傳統酒樓，而是順德菜邁向全球的第一步！作為香港首店，大榕樹下以「鮮做」為名，不少人慕名而來，希望一嚐順德菜的「頭啖湯」。與一般中菜餐廳不同，大榕樹下的裝潢非常有心，讓食客置身於「大榕樹下」，舌尖未動先墜入嶺南風情。既然餐廳主打順德菜，第一次食一定要點一些最熱門的菜式，品嚐一下。🦢 1. 順德豉味碌鵝（上莊）順德古法生碌方法，將鵝身浸透，豉香如鎧甲鍍滿鵝皮。鵝肉上莊肉質纖維分明，入口卻嫩似豆腐，精粹之處在於餐廳調製的醬汁，將鵝肉帶出更甜香。🍚 2. 老廣臘味煲仔飯陶煲上桌時白煙蒸騰，侍應淋醬剎那「炸炸聲」炸響！揭蓋瞬間，臘味香味非常香濃，鍋底夠熱烤香飯焦。臘味脂香配上金黃飯焦。蘸流心蛋黃同食，脆硬與綿滑在齒間廝殺。彩蛋：鍋底暗藏番薯塊，吸飽肉汁甜如蜜餞！🐟 3. 順德拌魚皮師傅以冰鎮拌魚皮的方式來激活膠原蛋白，再拌入椒絲、秘製醬汁等，非常開胃。🌿 4. 上湯桑葉苗香港極少見的桑芽嫩葉，桑葉苗嚼感似嫩菠菜混紫蘇香，微苦回甘，絕對推薦。🥛 5. 大良雙皮奶最後，順德最出名的甜品-大良雙皮奶。青衣城的大榕樹下作為香港第一分店，眼見真的吸引了不少其他地區的人特意過來，看來在香港開展其他分店是指日可待。…查看更多

今次專登走入青衣城同朋友試嘅順德菜，呢間餐廳叫「大榕樹下」個名都幾親切。古色古香既氛圍，未食已經加分。順德豉味碌鵝上莊｜鵝油香勾魂奪魄一上枱就俾佢個陣勢嚇親——原煲用蠟燭仔熱住，滾住啲濃稠豉汁，鵝皮燉到半透明咁，筷子一篤就感受到嗰種鬆化。揀咗上莊部位，肉質特別嫩滑，鵝油同豉汁癡纏埋一齊，撈飯真係可以連吞三碗！最正係燭火一路保溫，呢份細心抵讚。古法鳳梨咕嚕肉｜酸甜平衡似返舊時而家好多酒樓嘅咕嚕肉都求其炸粉漿，但呢度真係跟足老派做法！外層脆漿薄到透光，咬落「咔嚓」聲，鬆化唔黐牙。酸甜汁仲有鮮鳳梨肉吊味口感非常好！乾炒牛河｜鑊氣衝破玻璃幕牆睇色水就知功力——河粉炒到均勻啡色，零油漬喺碟底。牛肉大片又醃得鬆軟，最緊要係嗰陣焦香！食到尾仲有銀芽同蔥段嘅爽脆，如果喺大排檔食到呢個水準唔出奇，但商場店keep到咁猛火候，真心難得。順德撈雞半隻｜撈起食出儀式感上枱成個拼盤咁，雞件、炸芋絲、花生、酸薑、蔥絲分開擺，自己撈勻個過程好治癒。雞肉應該係用咗龍江雞，皮爽肉滑，雞味濃到似返鄉下食到嘅走地雞。撈埋啲脆料一齊食，口感極之豐富！甜品雙重奏｜老派糖水畫完美句號大良雙皮奶面頭層奶皮皺得靚仔，舀開見到似布甸咁duang duang震，奶香醇厚唔會得個甜字。古法馬拉糕仲厲害，氣孔幼細到似蜂巢，入口有種蔗糖天然甜味，鬆軟到好似食緊雲朵，絕對係師傅手對好！菜式：1.順德豉味碌鵝* 上莊2.古法鳳梨咕嚕肉3.乾炒牛河4.順德撈雞-半隻甜品：1.大良雙皮奶2.古法馬拉糕餐廳：大榕樹下地址：青衣城1地下G01號舖…查看更多

大榕樹下啲順德菜真係做得有水準 由主菜到甜品都好出色 價錢合理 環境舒服✧ 順德豉味碌鵝（$158） 呢道菜一上枱已經聞到陣陣醬香 鵝肉厚切但完全唔鞋口 豉汁入晒味 食落去鹹香開胃 肉質嫩滑啖啖肉好有滿足感 ✧ 鮑汁海皇豆腐（$58） 豆腐外面微微煎香 內裡滑溜 有少少似豆腐mix蒸蛋嘅感覺加埋鮑汁味道層次豐富 每一啖都食到鮮甜 豆腐吸到醬汁但唔會膩 最impressed係有喺煲下面搵火㷫住令到上面嘅餸菜保持溫度望落個presentation都高一個層次✧ 乾炒牛河（$58） 牛河鑊氣十足但唔會過油 每條河粉都掛晒豉油香 炒得好均勻 牛肉滑嫩 河粉煙韌唔會一嚿嚿 份量好夠好抵食✧ 豬油渣炒菜心（$48） 菜心新鮮爽脆 加埋豬油渣香口又惹味 每一啖都食到豬油香 唔會搶味 反而加咗層次感 令成碟菜更加吸引✧ 黃豆苦瓜燉龍骨（$38） 湯底清甜 苦瓜唔會太苦 黃豆煲到好腍 龍骨炆到軟腍 啱晒想飲返碗住家湯嘅朋友 飲完成個人都暖晒又滋潤✧ 大良炸脆奶（3條，$29） 炸脆奶外皮酥脆 咬開係仲出緊煙😛內餡軟滑 奶香好突出 一咬落去即刻有雙重口感 小朋友大人都會鍾意✧ 大良雙皮奶（$25） 有得揀凍同熱食雙皮奶食落去滑溜 奶味香濃 甜度啱啱好 ✧ 竹蔗馬蹄水（$18） 飲落去好清甜 唔係假甜嗰種夏天飲最啱又可以解膩 最驚喜係見到佢個底有啲爆爆珠以為係同平時台灣手搖嗰啲差唔多味但咬爆之後發現都係竹蔗馬蹄嘅味應該都係用同一堆食材去整呢度菜式款類真係好多估計要嚟到4-5次先試得哂😂但想提下大家呢間真係好爆揀啲non peak嘅時間嚟就唔使等咁耐…查看更多

每樣的菜價錢詳細我不太清楚, 因是同學點的菜, 我們也不用等位, 因為預早訂了位, 自從在順德聯誼總會吃過順德菜之後, 一直念念不忘, 沒想到順德菜可以這麼美味. 這次同學聚會來了這家吃順德菜的, 同學說, 大部份的菜式都是50多元所以不用看價錢, 喜歡吃什麼便吃什麼, 我就隨他們點, 平常我是不太喜歡吃鮻魚的, 但是這個鮻魚太好味了, 聽同學說, 這是要很好手勢才能做的好, 都是功夫手作活,我自己是覺得這麼多功夫才128真是值回票價另外藕餅及墨魚餅也很好吃, 不過如果真的想來吃真的要預先訂位,因為我們20:30離開時, 外面還有很多人等位,…查看更多

之前經過見大排長龍 今次我哋比較遲入座就剛剛有位晚上八點幾入座，九成嘅客人，平日嚟講算唔錯，男友話款款都好想試下我就一定要試酸菜魚Order 咗鵝腸不過沽清食咗佢個生腸又唔錯酸菜魚酸辣有致份量都足夠都係我喜歡的味道酸菜魚百幾蚊嚟講呢個價錢我都覺得ok 六嬸黃皮骨 & 炸鮮奶都好味 兩個人食細細碟嘅份量都唔錯喔！總括嚟講唔錯唔錯值得再次回訪💫P.S. 唯一個介意位就是天花滴水 把我的衣服弄濕了你都打擾咗我用膳嘅阿興咩呀三百幾蚊喎希望餐廳會改善這個情況…查看更多

揸車過嚟真係方便，泊車又就腳，所以專登入青衣城食飯～講真我都好耐冇嚟過，個商場都變咗啲樣。今次試咗朋友推介嘅「大榕樹下」，整體嚟講不過不失啦！水晶雞半隻係幾滑嘅，不過真係冇咩肉食，啖啖骨咁囉。花肉啫豆角夠晒鑊氣，但係真係油咗少少，食多兩啖要飲茶涮一涮。黃豆苦瓜燉龍骨幾清潤，苦瓜唔算太苦，可以一試。煲仔飯就正常發揮，臘味都香嘅。最好味反而係個銀魚仔蒸絲瓜，清清地又鮮甜！仲有個豬油渣炒菜心夠爽嫩，食落去香口惹味。最後嗌咗馬拉糕同雙皮奶作結，馬拉糕鬆軟唔會太甜，雙皮奶都算滑。整體嚟講係可以一餐嘅，不過未必會特登嚟食。如果喺附近行開街又唔知食咩，可以試吓！…查看更多

🌟🍴 【青衣 • 大榕樹下 】 🍴🌟 📍 大榕樹下 (青衣)青衣青敬路31-33號青衣城1地下G01號舖🍖🥟🍟🥚🍰🍲🍇 • 🥪🍓🍤🍪🍜🍡🍹 順德豉味碌鵝 🦢🌿碌鵝皮脆肉嫩，豉汁香濃惹味！😍 入口鮮香，建議配薑蔥醬，提鮮更開胃！🌟老廣臘味煲仔飯 🍚🥓臘味香氣撲鼻，飯粒焦香吸汁！😋 臘腸同臘肉鹹香，建議加蔥花，層次更豐富！🥢鹿茸菌燉竹絲雞 🍄🐔🍲竹絲雞嫩滑，鹿茸菌湯底清甜滋補！😍 養生暖胃，建議慢燉細飲，健康又滿足！🌿古法鳳梨咕嚕肉 🍍🐷咕嚕肉外脆內嫩，鳳梨酸甜開胃！😋 醬汁惹味，建議配白飯，吸汁超美味！🌟鮑汁海皇豆腐雜菇浸魚腐 🦪🥮🍄鮑汁濃郁鮮香，豆腐滑嫩，雜菇吸汁！😍 魚腐Q彈，建議加蒜蓉，鮮味更突出！🥄🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 530✨🥢🍣🍕🍜🍴🍰✨ #青衣美食 #web3青衣 #大榕樹下…查看更多

香港消費模式正在轉變之中，很多香港人喜歡北上，亦有部份香港人不喜歡北上，因此很多國內連鎖店在香港開設分店，而且價錢比香港的還要便宜少許。今晚變選擇了已順德為主打的食肆，雖然訂了枱，不過來到的時候都人山人海，幸好只是等了10數分鐘便可以入內。順德豉味碌鵝（下莊）$158，碌鵝已蠟燭在下面熱着，保持溫度，醬汁帶點微甜，令到鵝肉的鮮味充分發揮，果然是這裏的名物，差不多抬抬都點這個。乾炒牛河$58，價錢不算貴，河粉爽滑可口，只是沒有港式醬油的香味，不過以這裏的質素來說都已經不錯了。茶位$8，這裏是菊花羅漢果，清熱解渴。…查看更多

大榕樹下以順德菜主打， 剛開張見到佢都幾常排隊，都好耐冇食過順德菜，即管中午去試吓，点咗順德碌鹅可能我要下庒，不過實在太肥，可以講真係唔敢食，捞起陳村粉，係冷食不過覺得無咩味，最欣賞係魚雲煲，新鮮同埋味道都唔錯，招呼不過不失，應該对我嚟講無咩吸引力會再去幫襯哪…查看更多

週末與家人至青衣城購物，晌午時分饑腸轆轆，偶遇商場地下一角「大榕樹下」。瞬間被其獨特的空間詞彙吸引。店家以當代簡約美學重新詮釋嶺南建築精髓，燈籠以幾何造型懸吊，在暖光投射下於榕樹壁畫勾勒出虛實相間的光影畫作，營造出既有文化厚度又不顯沉重的用餐氛圍。首推「順德豉味碌鵝（上莊）」，濃油赤醬燜得鵝肉酥爛不柴，豉香層層滲入肌理，咬下時肉汁與秘製醬汁在口中交融，不愧是鎮店之寶。「六嬸黃皮骨」乍看平凡，實則酸甜可口，黃皮果的甘醇完美化解排骨油脂，開胃至極。時令蔬菜選了「上湯桑葉苗」，嫩葉在火腿老雞熬成的高湯中輕灼，清雅中見功夫。「大良炸脆奶」外皮酥如蟬翼，內裏牛奶餡燙口香滑，一冷一熱口感對比妙極。燉湯更是驚艷：「鹿茸菌燉竹絲雞」湯色清亮卻滋味渾厚，菌香與雞鮮相得益彰；「黃豆苦瓜燉龍骨」甘中帶微苦，夏日飲之頓覺燥熱全消。壓軸的「大良雙皮奶」冷熱各一盅，熱的奶皮醇厚綿密，冷的如絲綢滑過喉間，為盛宴畫上完美句點。店內以新派與傳統交織的燈籠，與水墨畫點綴。美食的濃香在極簡環境中飄散，桌距卻寬敞不受鄰桌打擾。人均約二百多港元竟能嘗到如此多手工菜，相比市區動輒四五百的順德菜館，實在物有所值。加上青衣城與港鐵無縫連接，交通之便利無須多言。此行之後方知，何必遠赴順德？青衣城榕樹底下，自有古法嶺南真味。…查看更多

📍大榕樹下 (青衣)青衣青敬路31-33號青衣城1地下G01號舖👉順德撈雞 - 半隻😋😋😋😋.8/5呢隻順德撈雞真係令人回味無窮！雞肉嫩滑，皮脆口感剛好，每一口都感受到濃厚的順德風味，食完讓人忍不住想再來一份。👉老廣臘味煲仔飯😋😋😋😋.8/5老廣臘味煲仔飯真係懷舊又美味！底層米飯煮得剛好，香氣撲鼻，臘腸同臘肉的鹹香味滲入米飯，上面多汁的臘味，每一口都咬出滿滿的幸福感，絕對係飯友不可錯過的選擇！👉雙菇爆鵝腸😋😋😋😋.8/5呢道雙菇爆鵝腸既鮮又香，菇類的香味同鵝腸的彈牙口感完美融合。炒至金黃的雙菇，味道更加濃郁，配上清爽的調味，唔會覺得膩，真係好味到爆！👉上湯桑葉苗😋😋😋😋.8/5上湯桑葉苗清新又健康，湯底鮮甜，讓人一飲就愛上。桑葉苗脆口，吸滿了湯汁，清爽無比，鮮味十足！👉 雜菇浸魚腐😋😋😋😋.8/5雜菇浸魚腐色香味俱全，魚腐滑口，菇類鮮香，湯底清甜。每一口都充滿了菇的香氣，搭配魚腐的柔軟，特別健康!👉蒜蓉炒菜心😋😋😋😋.8/5蒜蓉炒菜心簡單卻好味，菜心鮮嫩，蒜香四溢。炒至剛剛好，保留了菜心的原汁原味，讓人食得津津有味。回頭:yes yes yes!!!!佢啲食物真係好有風味，唔怪之得大排長龍！不過都好快有位！而且價錢又唔貴份量又多！正呀🩷…查看更多

餐廳裝潢設計翠綠典雅，內進便迎面一幅巨大牆畫，有一棵大榕樹，枝葉茂盛，樹冠下的地方一大片綠蔭。餐廳主打順德菜，提供的茶飲為菊花茶，茶色淡黃，芬香淡雅。順德豉味碌鵝鵝肉選用清遠黑棕鵝，上淋有豉汁，味道甘甜同時有餘韻。鵝肉嫩滑香，鵝皮油香味撲鼻。碟下有燃燒既蠟燭，令鵝肉可以保持其溫度。撈起陳村粉陳村粉以涼食上碟，口感煙韌，厚實寛粉，相當容易掛汁，上面有薄荷及香菜等，特別香口開胃。雜菇浸魚腐菇類種類多樣，有冬菇、金針菇、雲朵菇等，魚腐味道好鮮甜濃厚，仲有芹菜、雲耳、節瓜等配料。上湯桑葉苗湯汁清甜濃郁，有淡淡既胡椒粉香味，湯水奶白，桑葉苗口感鮮嫩，色澤翠綠，有清熱效果。黃豆苦瓜燉龍骨苦瓜燉得相當軟熟，完全沒有苦澀味，即日原盅鮮燉，燉足4小時。大良雙皮奶雙皮奶入口香濃奶味，質地細滑，可以選擇熱食或者凍食，食完奶香味齒頰留香。…查看更多

難得來到青衣，打算試下順德菜，排隊也成20分鐘，入到坐下，怎麼桌上沒有餐盤那麼準確，只有水！叫個服務員也是沒有人看到，都在收銀處那兒都有3個人了，不知忙什麼！菜式是不錯，可惜人手不足！…查看更多

🌿環境好闊落好乾淨整潔，坐得舒服🍽️今次第三次去食，菜式保持到水準！尤其推介豆腐，豆腐好滑！煲仔飯好香配料亦都算多，仲有就係鲜人參水品雞，有蔘味雞都好滑，魚頭煲不過不失！🛎️服務員有禮，招呼都周到💰性價比高，我哋都叫咗好多嘢食買單都係$500左右…查看更多

🌳 榕樹下的家鄉味內地超火紅的順德菜連鎖「大榕樹下」終於登陸青衣城！2000呎空間重現嶺南庭院風情，連廚師團隊都特地從順德運過嚟，一開幕就大排長龍～ 🍲 必食推薦▫️ 順德撈雞（半隻$118）200日清遠走地雞▫️ 均安墨魚餅（$58）咬到粒粒墨魚肉▫️ 豉味碌鵝（$158）黑棕鵝吸飽秘製豉油，連骨都入味！ ✨ 驚喜彩蛋石橄欖燉湯（$35）喝得出山澗水的清甜 炸鮮奶（$29）外脆內流心，熱辣辣爆漿⚠️ 竹蔗馬蹄水爆珠口感似食緊液體版「爆炸糖」 📌 實測筆記→ 桑葉苗降三高超健康 → 煲仔飯開蓋瞬間香到隔離枱轉頭 → 魚皮加檸檬葉好醒胃 …查看更多