大山日本料理

营业中

休息中

之前同朋友去食飯餐廳臨時唔做生意，所以就改左去附近既【大山日本料理】食。點知發現到價廉物美、CP值超高既居酒屋。最重要本身已經抵食、仲有特價食品。三文魚加州卷：有6舊卷物、三文魚算好大片、裏面卷左玉子、青瓜同蟹柳。三文魚同蟹子都幾新鮮。現燒貨炙薄燒A5和牛壽司：薄燒A5和牛好大片、加左甜甜既燒汁好惹味。期間限定燒魷魚：魷魚非常爽脆、有咬口、但完全唔會靭。醬汁有少少辣、好香口。炸蝦天婦羅：有成五隻蝦、性價比超級高，非常新鮮、皮唔會太厚。吉列豬扒咖喱飯：咖喱汁少左D，但調味幾好、甜甜地、好重spice味。吉列豬扒好大舊、炸得好香脆。章魚燒：非常熱辣辣、外皮無敵脆、裏面仲係軟霖霖。美中不足係醬太少。免治雞肉棒：呢個價錢連埋玉子蛋黃真係好抵、肉質juicy，加上蛋黃好creamy。炸雞軟骨：分量好多、炸到卜卜脆。

今日約咗喺旺角返工嘅朋友食晚餐~一於帶佢黎旺角區我最喜愛日本菜餐廳 大山！！！性價比極高嘅高質日本料理份量大~選擇多加上員工都好nice同時推薦比大家特別推介-松刺身盛 $249三文魚腩+油甘魚+吞拿魚+赤海蝦+海膽呢盤刺身盛一上枱 我同朋友都嘩嘩聲刺身真係好厚,我諗有我食指嘅一節咁厚亦非常新鮮,勁抵食!!!-極上北海道帶子丼 $129有足足三粒原粒好厚嘅帶子同大量既三文魚籽,材料都相當豐富.-三文魚加州卷 $69一客六件嘅卷物鋪滿蟹籽同埋沙律醬,賣相靚 味道好.熱食方面 今次就點咗-明太子雞肉串-雞橫隔膜串-燒大蔥串-免治雞肉棒-雜錦天婦羅串燒一如既往咁出色,燒得好香 即燒即上枱食得出師傅有返咁上下功架.特別提一提雞橫隔膜串 有咬口有彈性,想再食多幾串!!!天婦羅新鮮熱辣咁炸起,熱辣辣食好正,由相都可以睇到佢嘅炸皮只係薄薄一層 絕對唔會膩,南瓜同蕃薯都幾甜 係唔錯嘅小食.熱食選擇仲有好多,適合一家大細一齊,下次會帶埋屋企人黎食.

今日放假想自己一個休閑地食一個日式午餐，旺角太多餐廳選擇行咗好耐終於揾到一間叫大生日本料理嘅餐廳。餐廳裏面掛滿特色日本吊燈及招牌環境整潔，餐廳食物價錢亦合適種類有壽司，刺生，飯，拉麵，海鮮丼，定食，炸物，沙津及特色飲品多項選擇。我叫咗個自家製章魚小丸子外脆內嫩，章魚的鮮味十足，搭配特製醬汁，讓人一口接一口。三文魚腩刺身肥美的三文魚腩，入口即化，搭配醬油，讓人回味無窮。牛油果軟殼蟹壽司，牛油果香甜軟殼蟹脆口組合一齊食口感豐富。海膽壽司及火焰帶子壽司各兩件，海膽鮮甜，火焰帶子外脆内軟口感豐富。最後再叫一杯流打提子冰凍可口。

位於旺角西洋菜南街樓上鋪— 大山日本料理，餐廳環境裝修別緻，食材新鮮，服務周到，是鬧市中的一個好選擇。🌸 現燒火炙簿燒A5和牛壽司 （$78）A5和牛大大塊的，配上特製醬汁，貴了點但好好味！🌸 極上北海道帶子丼 （$128） 飯面鋪上多款魚生，包括大大隻的北海道帶子、三文魚、赤蝦、三文魚子及玉子，非常豐富，推薦！🌸 角切魚生飯 （$78） 魚生份量十足，包括三文魚、吞拿魚、蟹柳、鯛魚及蟹籽等。🌸 麵豉湯 ：每碗湯也有一舊煮熟的三文魚，有誠意！

平時我都係大山fans上嚟多數叫三文魚頭鍋/燒鯖魚set今次手痕想食豚肉拉麵（跟餐有沙律同天婦羅佢城好正常嘅）點知嚟咗係雞肉拉麵仲要得一嚿我真係淆底 唔敢彈廚房鐘費事俾人加料

大家好，星期五中午我跟同事來到這邊試試，餐廳位置比較隱蔽，需要在紅豆餐廳邊乘坐升降機到二樓，進到餐廳內人流很少，空間很多我叫了牛肉壽喜燒鍋套餐，同事叫了芥末雞肉定食，等了很久也沒上餐，結果發現原來手機忘了提交餐點，店員也沒提醒我們，明明場內人就很少餐點到了，牛肉沒什麼牛味，大概5-6塊，有大白菜、金菇跟生雞蛋，配上白飯，整體還不錯，壽喜燒甜甜的很好吃，套餐有配沙律、味噌湯跟綠茶蕨餅，就還可以；而我同事的芥末雞肉定食的雞肉看上去有7-8塊，嘗了一下味道不錯，兩款套餐都很滿足飽肚最值得一讚的是餐廳的價錢，壽喜燒跟雞肉定食才60塊，對比同類型的日本餐廳實在是便宜太多了，是一間性價比十分高的餐廳，十分適合打工一族

旺角上樓日式店～裝修好有日式風味～燈光暗暗地～坐得都算舒服有拉麵、刺身、壽司揀種類都好多～拉麵跟餐有2件三文魚壽司或者加州卷～+$2跟熱飲火炙黑豚肉拉麵～有：3片火炙叉燒片、粟米粒、木耳絲、紫菜1片、蔥花粒～豬骨湯底都算濃～配兩件三文魚壽司照燒雞扒拉麵～成隻流心蛋上冇賣相～照燒雞扒好細塊仲要超薄～雞扒唔係好貴啫唔洗咁呀～如果冇上面嘅燒汁雞扒係冇味嘅～幾十蚊一碗拉麵咁嘅質素熱奶茶正常味道冇特別日式茶都冇杯～淨得水～中午時段免收加一

今天我和舊同事相聚，選擇了位於旺角市中心的「大山居酒屋」。這間餐廳的裝修非常整潔，有日本居酒屋擺設，讓人感到舒適。進門後，服務生熱情接待，並迅速安排了我們的座位。我們點了幾道招牌菜，食物上菜的速度非常快，真的值得一讚- 自家製章魚小丸子-外脆內嫩，章魚的鮮味十足，搭配特製醬汁，讓人一口接一口。- 雜錦天婦羅-選擇多樣，有蝦、南瓜、茄子等，外層金黃酥脆，搭配清爽的蘸醬，口感極佳。- 赤蝦刺身-鮮嫩的赤蝦切片，色澤誘人，吃上一口，彈牙的口感令人驚艷。- 雞泡魚乾-這道小食香脆可口，帶有淡淡的煙燻味，十分開胃。。壽司拼盤種類繁多，魚肉新鮮，搭配醋飯，口感層次分明。- 三文魚腩刺身-肥美的三文魚腩，入口即化，搭配醬油，讓人回味無窮。- 吉列廣島蠔壽司-外酥內嫩的廣島蠔，搭配醋飯，鮮美的海味和豐富的口感讓人驚喜。整體來說，「大山居酒屋」的食物不僅新鮮，而且口感豐富，讓我們這次的聚會更加難忘。服務也非常周到，這是一個非常適合聚餐的地方，下次還會再來！

旺角樓上大山日本料理，地下有lift直達2樓，位置方便容易找。餐廳內掛滿日式燈籠、布簾作佈置，木架上擺滿日本清酒、餐廳佈置充滿日本居酒屋特色。感覺像置身於日本。很適合三五知己來聚餐。🍣三文魚壽司，肉質鮮甜，入口後留有陣陣餘韻。🍣壽司拼盤，每件大小統一，而且食得出每件食材都很新鮮。✨帶子刺身，大大粒很新鮮。✨三文魚魚腩刺身很肥美。✨吉列廣島蠔壽司伴芝士黑松露醬，新鮮生蠔炸到外脆而不乾身咬一口很juicy，伴上芝士黑松露醬即時令炸蠔提升了另一種層次。✨日式煎餃子，到日本餐廳必會點來食，餃子煎到外皮香脆，好好味！✨香草燒雞翼，看得出廚師很用心把雞翼燒到微微焦香，燒出來雞翼肉質嫩又夠入味。✨三文魚刺身，每件都肥厚很新鮮。✨燒雞泡魚乾，雞泡魚燒到薄薄一片很脆口。枝豆也很好味。

同朋友約咗係旺角附近行街，夜晚想食日本菜，就試一試呢一間日本餐廳。餐廳位於二樓，上到樓就覺得裝潢設計好有日本氣氛，有好多好靚嘅燈籠。店員安排我哋坐卡位，呢個位置可以睇到旺角西洋菜街嘅景色，好有feel🩷~餐牌有好多唔同選擇，以日本菜嚟講，餐廳嘅價位算得上親民👍🏻鰻魚炒飯呢碟炒飯賣相真係好靚🩷見到即刻好想食。炒飯粒粒分名，鰻魚味道鮮甜，值得一試✨雜菜鍋除咗雜菜鍋，仲有壽喜燒鍋，牛肉鍋，價錢都好親民。不過我哋口味偏淡，就選擇咗雜菜鍋。入面有豆腐，娃娃菜，菇類，食完幾飽🤣北海道海鮮丼魚生丼真係好吸引，佢嘅刺身好厚好大隻。例如眼前嘅蝦，就好大隻好肥美其他刺身，例如三文魚、帆立貝都好鮮甜美味，必嗌

今日就來試下朋友介紹既日本料理居酒屋，位於旺角西洋菜街，地理位置方便，環境舒適 好適合三五知己一齊飲下酒傾下計聚會！餐牌精美，圖文並茂 , 有沙律、串燒、炸物、壽司、刺身、手卷、卷物、魚生丼、多款和食料理 飲品、酒類等等，多不勝數。撞啱今日清酒買一送一😍😍有超多款唔同種類清酒梅酒 仲有生啤！啱哂放工同同事食嘢吹水飲番兩杯好鬼chill今次就點咗d串燒同壽司刺身，幾推介呢度d串燒 種類好多 燒得好香！特別係厚切牛舌串（夠厚身 外脆內軟）、三文魚明太子串（調味幾好 好啱我口味）、蒲燒鰻魚串（啖啖肉 又唔腥）壽司刺身就正常發揮 算大份同幾抵食。

旺角有好多好嘢食，今日想食日本嘢嗌咗個刺身沙律，蟹籽魷魚刺身，鵝肝壽司，同埋一啲燒物，有雞軟骨，有牛舌，有明太子醬三文魚刺身沙律，沙律醬係另外一個碗裝住。雖然聽落有啲好似好奇怪咁，但係我發覺用豉油嚟撈，好好食！！！因為平時食刺身都係點豉油，個豉油撈埋啲沙律菜都好食。 同埋刺身嘅種類都唔少。因為我都好鍾意食魷魚，所以嗌咗個魷魚刺身，好軟糯，冇腥味，連埋啲蟹籽卜卜脆咁好食食咗幾樣嘢，係時候食返啲熱嘢鵝肝壽司個size 要兩啖先至食得晒，鵝肝煎得外焦內嫩，配埋少少黑醋冇咁油膩燒雞軟骨，有少少鹹，但係好爽口，燒得好香，牛舌就好彈牙，呢個調味做得好好。明太子醬三文魚就正常發揮。

而家食肆好多都有唔同優惠，呢一間就有每日唔同優惠，我同朋友星期四去食，所以嗰日嘅優惠係$78買兩隻生蠔😍😍生蠔係我哋至愛😚仲要好新鮮好鮮甜～玉子壽司🍣玉子壽司嘅價錢唔貴～嘅味道帶點甜味，我鍾意嘅味道


花之戀壽司🍣
花之戀用幾塊三文魚包成一朵花～沙律醬上面仲有滿滿嘅蟹籽，食落非常滿足😚😚😚

鹽燒三文魚頭
三文魚頭有好多肉，佢燒得熟咗少少，不過加咗檸檬汁入去食都味道唔錯～

極上北海道帶子丼飯上面嘅刺身都唔少！！蝦好大隻！！帶子都好肥美😚😚佢仲送咗麵豉湯～

2024年1月開始，一個星期總會食1-2次午餐，都覺得好味。最近大約7月開始，覺得食物味道唔同左，以為係單一個餐問題，之後再去試多幾次之前食既野，都好唔同，鰻魚飯的鰻魚不再肥美，仲有腥味，滑蛋吉列豬扒d粉厚左好多，炸雞又好似番炸咁硬，牛扒又無咁香，d汁每次唔同，有次仲係好似雪櫃拎出來咁，「瓊」曬。唔知係咪因為舊店長走左，廚房師傅又唔同左，食物差左咁多，今日食完個饅魚飯，個幾鐘都仲有d腥味係個口腔咁。總結來講，食物差左，無意欲再番去食。

經過旺角, 見到依間樓上日本料理 裝修得幾雅致 日式風格。餐牌都好多食物種類 。——————————角切魚生飯和鰻魚飯都好大碗 。鰻魚分量很大 , 很厚身 鰻魚汁亦不會太鹹太甜濃淡剛剛好。魚生飯主要以三文魚，吞拿魚為主，加上青瓜粒 玉子和蟹籽 好豐富亦好新鮮 。講番壽司先，order咗個壽司拼盤(戀火)呢度壽司幾抵食，件件壽司都好靚，魚生新鮮之外 醋飯嘅調味都較得幾好。最後追加10切三文魚刺身 都幾厚身肥美！……………………………..