大山日本料理

营业中

休息中

尋日趕住去中環幫朋友求婚，唯有快速食壽司串燒填肚。除咗基本嘅三文魚，吞拿魚，油甘魚之外，呢啲specials都好食😋鹽燒七味左口魚 $18左口魚燒完之後油脂都幾豐富👍🏼 上碟已經聞到香味😌火炙黑松露帶子 $22帶子加上黑松露，火槍燒過之後有種獨特嘅香味～ 帶子本身清甜，配搭黑松露濃少少的味道都幾夾～就算唔使點豉油都夠味。串燒類都係即叫即燒，都幾正。同埋全部都會有檸檬切角 🍋就可以有得揀食得Refresh 啲。牛舌 $38　　我特別中意牛舌～ 口感QQ彈牙之餘，而且肉味濃（可能係因為海鹽？）但好味就係真嘅😋雞軟骨 $38 就已經有兩串～ 都可以一食～ 正常水準發揮燒多春魚上碟即上食，就溫度啱啱好夠保留鮮味。多春魚原條可以㚒得起，唔會散開晒一舊一舊。

唔知大家有無聽過人講，兆萬個頭既餐廳都一定係伏既理論呢？估唔到個頭都有高質既餐廳～呢間店係兆萬對面，裝修好日式居酒屋feel，座位闊落，最埋三五知己一齊gathering 😆 蟹籽海膽炒飯 $128炒飯要好食一定要炒得夠乾身，呢間餐廳啲炒飯就夠晒乾身，粒粒分明，夠晒鑊氣阿！海膽唔腥，好creamy😋 再撈埋啲咬落口會有「卜」一聲蟹籽，口感超豐富👍🏻 牛油果軟殼蟹卷 $78啲沙律醬好似唔洗錢咁吱落去😂😂蟹籽分量都好多！成個卷feel到好新鮮，因為啲軟殼蟹仲暖架🤣 鐵板牛柳 $88本身以為會好油，但食落口又唔係喎，洋蔥中和左個油膩感，同時增加左口感，正！但咸左少少🤏不過呢道菜一向都係偏重口味既，所以可以接受。 帶子刺身 $68@4粒活赤貝刺身 $48@1隻帶子刺身好大粒，食落都算新鮮，唔會有好大浸雪藏味，活赤貝好爽口，好鍾意食呢類食落「sharp sharp」聲既貝類😛

呢間係近日去既第2間既日本餐廳，藍妹覺得成個感覺都好唔同。呢間入到去即刻有位，雖然未夠7點，但都已經有人係到食緊，感覺都旺場。2個人坐哂4人卡位，好寬敞，坐得舒服。雖然環境偏暗，但頭頂有一盞燈照住，整體氣氛都唔錯。👏野食種類唔算好多，正常日本餐廳有既野佢都有，佢仲有我燒和牛同和牛鍋，不過果日比較想食其他野，如果下次再黎，會試下個和牛。野食黎得超快，係超快！基本上係10分鐘內，下面見到既所有野都已經上哂枱。😱—● 蟹籽海膽炒飯 ● 炒得幾好，唔會太油，食到海膽既味道，蟹籽增添左口感，藍妹覺得如果再乾身啲會更好。—● 三文魚明太子串 ● 呢個有啲驚喜，三文魚燒到岩岩好，唔乾，魚油夾埋有啲辛口既明太子，正好中和左油膩感，幾啖已經食哂落肚。—● 德島雞皮餃子 ●雞皮餃子好難伏，最緊要皮薄，炸得好。呢個薄皮炸到勁酥脆，食到lam lam脷。🤭略嫌裡面既肉唔夠多，不過藍妹估都係來貨，唔係自己整。🤔—● 吉列黑豚 ●呢個不得不讚！🥰上左枱一陣我地先食既，但依然好脆，佢既炸粉好好，唔係脆到硬果種，係似天婦羅咁，有啲酥脆，絕對唔杉嘴。豬扒炸到剛好，仲保留到肉汁，肉質唔鞋。🤤🤤—● 油甘魚腩壽司 / 醬油

晚上下班去油麻地逛街隨意找的一間樓上日式料理，因為去的時候還比較早，可以坐係卡位又可以欣賞到出面的街道風景，裝飾好溫馨好有日本feel，服務員態度都好nice。我哋兩個女仔食得唔多，不過因為價錢幾實惠都叫左五件。三文魚卷同軟殼蟹牛油果卷材料新鮮，口味都幾好，性價比非常高，但係如果三文魚卷上沙律醬再多少少就好啦～本人比較鍾意甜少少，雞軟骨上檯時還是熱的，真係好香脆，唔係好油，味道淡d，不過點一點醬油就啱啱好，明太子雞翼都係第一次嘗試，入面係有少少辣，因為都係新鮮煮起，外皮都好香，肉好嫩滑，肉質一d都唔柴。總體來講性價比高，味道比正常偏高，係好值得再去食的一間日式料理。最後仲有個迷你芝士蛋糕，清新脫口，唔太滯都唔會太甜，不過份量就少左dd…鍾意食甜又驚太肥的女士們可以試下呢個

喺旺角呢個咁方便嘅地點，同朋友經常都去，最近介紹咗一間上樓嘅日式小店，價格相宜之外，亦都充滿氣氛❤️角切魚生飯～當中有五至六款魚生，簡直滿足哂我唔同嘅願望，同時亦鋪滿蟹籽，當飯粒、魚生、蟹籽混合，唔同嘅口感於一息間湧現😋😋蟹籽海膽炒飯～飯粒非常乾爽，絕對符合炒飯應有的鑊氣，口味方面亦都很合胃口，海膽亦都不吝嗇👍🏻和風炸雞～炸雞非常香脆,而且肯定係即叫即炸，炸漿薄咬落啖啖肉兼爆汁😋期待下次再嚟

一向都好鍾意食日本野嘅我同朋友諗食咩就一定係日本野....所以今次都係食日本野刺身拼盤每樣刺身都想食嘅時候就係叫刺身拼盤，就咁睇個三文魚腩都知好厚肥身，食落肥美，吞拿魚油甘魚都係另外叫左d熟食，清酒煮蜆一大煲，上面嘅檸檬唔知做咩，可以唔落，味道清清地，每隻蜆都有肉，唔會話甩肉鐵板帶子個個爭住食帶子大粒肉厚，味香，記住趁熱食，如果唔係會韌鰻魚卷比我想像中細，不過上面塊鰻魚比出面大塊鐵板牛柳，味道重左d，有少少鹹，不過牛柳唔韌，配埋d洋蔥一流要推介嘅燒魷魚除左份量大之外，佢唔韌，好易咬，面頭嘅汁帶起左d味！另外仲叫左d壽司，都係普通冇咩特別，不過值得一提係佢d飯唔會好大，唔洗驚好快飽雜錦天婦羅炸粉唔會好厚，熱辣辣炸雞軟骨其實可以唔點沙律醬，因為就咁食個味都好重，咬落唔會好硬

以前食lunch成日都會尼食，好耐冇尼，行開旺角又諗唔到食咩，所以同朋友上左尼食三文魚加洲卷有朋友好鍾意食d乜卷乜卷，食日本野每之都要叫卷有6件，size唔算大，所以唔會食完就食唔落其他，沙律醬好似多左d照燒魷魚筒e個一定要叫，開頭驚佢會好韌，但尼到嘅時候就已經覺得好香，賣相都好好，份量又大，最重要係唔韌，好易咬開燒雞軟骨我地燒同炸嘅雞軟骨都有叫我地比較鍾意燒嘅多d，雖然燒嘅望落比較油，但佢比較香，惹味d炸雞軟骨，炸嘅反而冇燒嘅咁惹味，好似冇d炸過龍，檸檬建議唔落，雖然我地落少少，但都搶左原本雞軟骨個味雜錦天婦羅炸蝦3條，炸蝦永遠都係最多人爭住食e個天婦羅炸粉唔會太多，記住快d食，如果唔係就唔脆雜錦刺身有海膽，三文魚腩，吞拿魚，油甘魚件件都好肥美，入口半溶

每一次去日本料理餐廳，睇來睇去我都係會揀返吉列豬扒烏冬😚一嚟我好鍾意食烏冬，二來唔係每一間配烏冬嘅餸都係好食，再加上啲豬扒難食都有限😋呢一個豬骨湯底烏冬加$2就可以upgrade做黑蒜油豬骨湯底或辛辣豬骨湯底😎套餐嘅前菜可以揀加州卷或者三文魚壽司😋我最後就揀咗加州卷😋前菜有壽司🍣，然後再加一個豬骨湯底嘅讚岐烏冬🍜，而烏冬嘅配菜有一粒糖心蛋🥚木耳粟米，仲有一塊香脆嘅吉列豬扒，食完成個餐係超級超級超級飽😌不過成個set價值$60，同出面嘅日本料理差唔多價錢，喺旺角來講都算係比較實惠🫶🏻🫶🏻⭐️吉列豬扒烏冬 💰$60

大山日本料理 🎏黑松露三文魚沙律🥗 ($48)望落好似唔太大碗，但食落就feel到好多三文魚😍一上台已經好香黑松露味，每粒三文魚都沾滿黑松露，好易入口兩者亦都好match👍🏻 配埋沙律菜同小蕃茄🍅成件事都好易入口😛鍋仔手打烏冬🍜 ($78)好多唔同料嘅烏冬鍋🤤除咗有蛋、雞肉、鳴門卷🍥、蟹柳、菇之外，竟然仲有脆卜卜嘅天婦羅🍤 湯底係豚骨湯，加埋有大蔥香，而手打烏冬份量都好多，食落滑嘟嘟，幾過癮😚和風炸雞🍗 ($58)全部都係大大舊嘅雞肉，食落脆卜卜之餘，仲keep到好juicy💦 雞肉全部沾咗兩種醬，一款係照燒醬，另一種似美滋醬，醬落得一啲都唔孤寒，但就偏鹹咗少少🤏鰻魚卷($68) 卷入面有蛋、青瓜、蟹柳，而上面就係鰻魚，食落口都幾豐富，只係個鰻魚醬偏甜，反而食落有啲太搶口🤔三文魚海膽飯($98)三文魚海膽飯嘅飯量好多，但個飯質有少少偏笠，所以口感冇咁好味🍚 三文魚偏簿，但味道係正常發揮🍣而海膽都唔錯，食落都幾香甜💕另外仲有配味噌湯🍲，超級足料！ 有三文魚、蕃茄、海帶、白紅蘿蔔、同埋豆腐，飲落因為蕃茄味好重🍅所以冇三文魚嘅腥味，反而幾香甜🤤

食日本嘢當然唔少得係刺身拼盤，我哋3個人叫咗個$248，有赤蝦、吞拿魚、三文魚腩、油甘魚、半板海膽，好新鮮，三文魚腩夠肥美，有種唔夠喉嘅感覺❣️再嚟就有牛肉壽喜燒鍋同三文魚加州卷，都係好出色☺️三四個人gathering如果想搵旺角日本嘢，都幾推薦呢間❣️又有卡位可以坐，傾計一流❣️

🟡燒牛舌燒牛舌口感相對上比較有咬口，唔係偏軟淋個type😙加埋檸檬調味上都唔錯睇餐牌上面仲有唔少燒物，下次有機會可以試埋其他款式🟡牛油果軟殼蟹卷壽司上面有厚厚嘅沙律醬，軟殼蟹新鮮炸起仲係暖暖地🥰壽司飯偏向鬆散，但勝在口感豐富，中間仲夾咗啲青瓜絲😙餡料份量都唔少😉🟡海膽三文魚丼三文魚大概有七片左右，厚薄適中，一個女仔來講作為午餐絕對足夠🙆🏻‍♀️刺身都幾新鮮，性價比高🟡壽喜燒壽喜燒湯底偏甜，裏面有齊豆腐、芋絲、牛肉同埋唔少蔬菜，以呢個價錢完全超值🤩撈飯一流，同朋友share當多一個餸菜都唔錯💕環境💁🏻‍♀️餐廳裝修偏日本風格，座位寬敞，有唔少卡位位置🥰好適合同朋友聚會餐牌💁🏻‍♀️

難得假期，再去旺角搵好西食，其實我係口痕痕，想食刺身，所以走咗去食日本野，今次食呢間叫大山日本料理。餐廳裝修都好有日本嘅格調，環境唔錯，座位多數係卡位，近窗口位置嘅卡位有少少私隱。基本上日本嘅野食佢都有，選擇都有好多，刺身我一定會叫，叫咗我最愛甜蝦同帶子，仲叫咗燒雞泡魚干，同埋原條鰻魚壽司，天婦羅炸蝦壽司，甜蝦壽司，醬皇燒皇帝蟹棒壽司食物上枱，刺身都大份，每份都有4件，甜蝦新鮮彈牙鮮甜，帶子厚身大隻，新鮮肥美甜蝦壽司，同刺身一樣，食落鮮甜，加埋壽司飯，prefect match 天婦羅炸蝦壽司，即炸天婦羅蝦，熱辣辣，好味道，醬皇燒皇帝蟹棒壽司，蟹棒大大條，配上沙律醬同燒汁原條鰻魚壽司，嘩一聲，條鰻魚大條到呢…..鰻魚燒到剛剛好，好juicy，唔乾身燒雞泡魚干，新鮮熱辣辣，甜甜嘅，魚干唔un，配埋沙律醬，好好味，食到停唔到口，好快比我KO咗

兩口子剛行完家樂坊，望到對面大廈二樓有間食日本嘢嘅舖頭，就上去撐抬腳。餐廳內部裝飾及佈置，好有地道居酒屋風味，無論卡位或散枱的座位都闊落，令人坐得舒適。我倆今日都唔食生冷嘢，叫咗三款熟食。 牛油果軟殼蟹卷物， 其中牛油果好幼滑，軟殼蟹炸得鬆化，加上珍珠米飯鬆軟，一軟一硬，口感豐富，頗為開胃。牛肉壽喜燒係由簡單材料牛肉、鮮冬菇、豆腐、金菇、蔬菜組成，配合甜味十足的湯底襯托下，牛肉顯得格外鮮嫩香滑，味美香甜，牛肉控必點。燒魷魚筒係熱門推介，本身魷魚夠新鮮，調味好正，燒完後更香，入口爆發鮮甜，幼嫩冇渣，直接滑入你的食道。豉油味醬汁非常夾配，上面灑少少芝麻更突顯香味，令人再三回味。不得不提，侍應聲線甜美，招呼周到，令人留下好印象。

係旺角區做完野放飯諗緊食咩之制, 發現自己好耐好一段日子冇食過日本菜🇯🇵, 咁岩比我見到呢間樓上餐廳, 睇睇餐牌價錢都幾經濟所以就入去試下喇, 有驚喜!!😳首先講講職員態度十分之好, 笑容十足但又唔會令你尷尬, 經常會走黎斟水等等👍🏾👍🏾而且環境都幾寬落舒適1/ 壽司🍣- 帶子壽司 $32- 三文魚壽司 $20- 海膽軍艦 $44- 三文魚子軍艦 $46整體黎講都新鮮, 我最中意既係佢地既三文魚子, 粒粒外彈內張口, 滿足我既味蕾🤤2/ 室律生蠔🦪 $78兩大隻日本生蠔滑溜, 但日本蠔既海水味唔會好似法國蠔等咁強烈, 岩哂初嘗試既朋友😄3/ 鍋仔手打烏冬🍜 (豬骨湯) $78手打烏冬每條都彈牙, 而最緊要係佢湯底帶領下, 入味極致😋另外佢會有個麻薯小甜品同天婦羅, 伴隨黎食好滿足😄

屋企人推薦呢間餐廳，話平民價錢可以食到高質素嘅日本料理，放工就去試吓餐廳嘅裝修充滿日本風格，掛上好多日式海報，感覺好似返咗鄉下咁職員嘅招呼好好，安排卡位俾我哋坐，自成一角坐得好舒服，要讚一讚佢哋都笑容滿面，有禮貌叫咗個刺身拼盤（松），二百幾蚊嘅價錢但已經食到好極尚嘅刺身，裏面有赤蝦、海膽、油甘魚、三文魚同吞拿魚，我最鍾意就係赤蝦，味道鮮甜，入口即溶，食完一隻想再食每件刺身都好厚身，餐廳落足本，油甘魚好新鮮，三文魚同吞拿魚油脂豐富海膽配上紫菜食亦唔錯，味道濃郁，食完呢個刺身拼盤感覺好滿足，賣相相當吸引另外叫咗個雜錦天婦羅，平時好怕其他餐廳會炸到好油膩，但今次嘅天婦羅好乾身，食得出唔係用千年油去炸，粉漿比例剛剛好，炸蝦肉質結實，茄子都唔錯，最特別係有一個造型似扇嘅炸麵條，脆卜卜餐廳仲有好多壽司、燒物、烏冬等等嘅選擇，下次一定要再嚟幫襯，支持一下高質素嘅小店