大山日本料理

营业中

休息中

天氣仲係咁熱，晏晝食Lunch 食乜好，就去食壽司啦，今日出去旺角，去咗呢間大山日本料理，我記得大約一年前我都食過，佢哋啲午餐Set幾抵食，不過今日我呢樣又想食嗰樣又想食，所以冇叫到Set ，今次我覺得食物水準比上次進步，尤其是壽司飯，調味又好又夠鬆軟👍🏻🍱▪️鰻魚卷 $ 68鰻魚卷有成六大件，份量十足，鰻魚片厚肉Juicy ，小飯卷包住蟹柳，玉子，青瓜，灑上芝麻，簡單又好食
🍙▪️蔥吞拿魚腩手卷 $ 38吞拿魚蓉非常肥美，加上碎蔥，脆脆嘅紫菜包住鬆軟壽司飯，好食▪️點咗五件火炙壽司，食材份量大件，食得出是新鮮即叫即灸燒，非常唔錯，特別係左口魚和三文魚燒過之後魚油豐富，入口油脂滿瀉，好肥美
🍣鵝肝壽司 $ 40
🍣醬油七味燒左口魚邊壽司 $ 18
🍣火炙黑松露帶子壽司 $ 22
🍣火炙厚切三文魚腩壽司 $ 22
🍣醬皇燒皇帝蟹棒壽司 $ 16🦀▪️蟹肉忌廉薯餅 $38真係有隻蟹鉗造型，好鬼正，即叫即炸，外層酥脆，內裏忌廉蟹肉非常Creamy ，超正

旺角高CP值日本料理🤍-👀沒有立場資訊-🍱刺身拼盤(松) ($248)有吞拿魚、油甘魚、三文魚腩、海膽、同埋牡丹蝦🫣三文魚腩好鮮甜，充滿油香🤣至於吞拿魚同油甘魚都好新鮮，而且魚肉軟嫩，切得好厚😚牡丹蝦都幾大隻，不過如果多啲蝦膏就會更正🫡最後仲有細細板海膽，可愛得來食落幾香幾鮮甜🤔-🦪室津生蠔 ($78)見到好多人都有叫呢個生蠔，所以我哋都叫咗嚟試吓，食落唔腥幾鮮甜，肉都幾肥美，不過可以再鮮啲同蠔味再出啲😮👅鹽燒厚切牛舌串 ($38)個人覺得呢個真係必試，食落幾軟嫩多汁，而且厚薄適中，幾有牛味🫶🏻擠埋檸檬汁更加帶出個鮮味，同埋冇咁油膩，真係好食！🐔鹽燒雞軟骨串燒 ($38/2)雞軟骨夠脆，而且食落好香口，一樣完全唔油膩，調味亦都適中🙈🐔明太子雞翼 ($48)幾大隻幾足料，明太子嘅味道偏辣，咬落幾多汁😋不過個人覺得雞味同埋鮮味可以再出啲~餐廳嘅地理位置超級方便，就喺兆萬中心對面，係樓上舖頭，位置幾多同埋幾闊落🤣而且裝修幾有日本風味，食物嘅選擇都幾多，而且價錢係真係幾抵！味道 7.5/10服務 7.5/10環境 8/10回頭率 8/10總評 7.75/10☺️人均消費 $248💰-📍大山日本料

➡️食盡旺角之日式 — 大山日本料理————————————————————— 旺角就不嬲多唔同野食，有平有貴，今日就黎食下呢間價錢相宜既日式料理餐廳😁🔸 鰻魚炒飯 $98炒飯上碟熱辣辣， 鰻魚都幾多粒， 飯粒唔會過鹹， 分量適合一個人食做主食，唔錯👍🔸 明太子雞翼 $48明太子雞翼係雞翼入面係包住左d明太子🤔唔知係點樣做到既呢，不過味道幾特別，外皮都燒得幾香 😛🔸 豚肉生薑燒 $58豚肉幾juicy咬落亦都唔鞋， 一樣份量適合一人主食，有跟埋白飯，價錢幾抵食！👍🔸 油甘魚腩壽司 $20薄薄一片唔算太厚，不過勝在味道夠新鮮😀🔸 醬燒皇帝蟹棒壽司 $16大大條蟹棒， 味道正常發揮，幾抵食🤗💭Overall Comments:呢間日式料理價錢喺旺角算係平， 而且留意如果lunch去食嘅話lunch set更加抵唷！🍽食物: 7/10🌌環境: 7/10👔服務: 7/10🎖CP值: 7.5/10

呢間絕對係旺角鬧市隱世性價比高嘅🇯🇵日式居酒屋🍶平民午餐定食🍱而且質素一啲都唔差 拉麵 烏冬🍜壽司🍣刺身 串燒🍢炸物🍤都有 而且個環境都好有日本feel 🎏🎎辛辣黑豚肉烏冬套餐🍜(亦可以選擇拉麵)$62套餐句括三文魚壽司兩件 或 花之戀壽司三件🍣辛辣湯底非常濃郁🌶辣度亦都啱啱好 有啲似出前一丁辛辣豬骨湯嗰個味道 黑豚肉有三至四片半肥瘦剛剛好 仲有一隻流心蛋同埋鳴門卷 烏冬亦都係日本嘅讚岐烏冬好滑身 正👍🏻🤩另外值得特別讚賞就係佢個吉列豬扒🐷好鬆脆而且炸完個豬扒都keep住啲肉汁🤤再加埋個沙律醬 絕配😍💃朋友叫咗個壽司烏冬餐 有10件壽司🍣同埋一碗豚骨湯烏冬 再包埋嘢飲都係$78 去食迴轉壽司都唔止呢個價錢而且質素都好好😋😋

成日行過睇佢樓下個menu 就好想試，今日終於有機會食佢啦😋一上到去真係好似去咗日本咁，好想去旅行啊😭😭😭今日忙咗成日都無點食過野，所以我一個人都叫咗唔少野🙈🙈🙈首先係個海鮮沙律，因為嚟到日式料理餐廳無理由唔食刺身。刺身種類好多同埋完全無雪味👍🏻👍🏻👍🏻👍🏻即叫即炒鰻魚炒飯，個飯偏濕身，好香完全停唔到口，兩三下就俾我清咗👍🏻👍🏻👍🏻雞皮餃子推薦👍🏻👍🏻👍🏻👍🏻外皮炸到好脆，一咬爆哂汁，正！雖然係日式餐廳食芝士蛋糕有點搞笑，但最後點都要有個甜品先完美，好味😋

成個環境嘈到好似打仗咁啱啲侍應係用擲野嘅模式黎執枱同做野，每做一樣野都係要擲到發出一下巨響，兼且服務態度十分惡劣，個個都做到好晦氣，連問佢拎張紙巾都唔應你！食物方面就不過不失，熟食還可以，不過作為一間食日本菜嘅餐廳，竟然最差就係啲壽司同個刺身拼盤，衰過食放題，所謂嘅三文魚腩壽司只係一件好普通嘅三文魚，個刺身拼盤雖然$88唔算貴，但每件細到得2/3隻手指尾嘅長度，真係好伏！唔會有下次，見到都掉頭走！

喺旺角發現咗間抵食居酒屋，地方好大，都差唔多坐滿晒，好多4個一枱嘅朋友或情侶。睇過menu見到價錢唔貴，刺身拼盤最平$108起😮要有埋海膽都係$248，可算係非常抵食。本來見佢哋個特別menu有間八😍點知我遲咗一步叫賣晒😢海膽壽司（$44/2件）油甘魚腩壽司（$20/件）帶子壽司（$32/2件）室津生牡蠣（$78/2隻）冇得食間八轉咗生蠔，大隻creamy三文魚腩刺身（$68/4切）油甘魚刺身（$42/4切）兩樣都好肥美，油甘魚更多咗層甘香，大推。魚生每樣都好新鮮牛油果軟殼蟹卷（$78）大碟抵食明太子雞翼（$48）爆汁雞翼，點埋沙律醬更正。德島雞皮餃子（$58）超級正嘅雞皮餃子，外皮炸到卜卜脆，雞油標出黎，入面係肉餡加少少辣，點埋醋十級美味。和風炸雞（$58）呢碟多人一齊食好抵，成碟燒八爪魚丸咁但係件件都真材實料全雞肉，鋪上面頭嘅沙律醬同紫菜好邪惡，中意食濃味食物嘅朋友啱晒。呢到服務好好，加茶好熱心，出餐快但唔會一次過堆晒上枱，會等你食到差唔多先出，餐廳非常有心做，成餐都食得好開心。

室津生蠔$78 新鮮嘅生蠔真係冇得彈 夠曬鮮 海水味十足 夠肥美 78蚊兩大隻 個人認為好好抵食 平時去蠔吧食蠔六十幾蚊一隻個種都冇佢咁大隻刺身拼盤$248 最鍾意食刺身係厚切形式 實在又滿足嘅口感確實良好 三文魚腩好肥美 好爽口 魚之味香濃 蝦刺身成隻手板咁大 好誇張 油甘魚食落唔醒 真係有種回甘味道 板海膽夠曬新鮮 除咗用鮮甜形容我真係諗唔到啦 哈!牛肉壽喜鍋$58 最鍾意食日式鍋物 個甜豉油湯底真係會令所有食材題味道更昇華 湯底好熱好熱 本身生嘅肥牛浸一浸已經熟曬 浸熟既肥牛特別鮮嫩啲豆腐吸哂湯底嘅精華好入味角切魚生飯$78 兩個人share一碗剛剛好 份量十足 切割魚生堆到成座山咁高 啖啖都有魚生 確實係正嘅鐵板牛油帶子$78 帶子粒粒都好大粒 夠肥美 用鐵板上熱辣辣 煎到有燶邊效果零舍香口

旺角呢間上樓嘅日式料理個位置比較難搵，喺西洋菜南街紅豆冰室隔離個細入口搭𨋢上去，但值得再嚟因為個CP 值高，本平只諗住平平地喺旺角搵間食日本野，但呢到嘅食物質素有驚喜，最令我驚嘆嘅係呢到嘅店長對工作嘅熱誠，店長非常友善仲叫我地當佢朋友一樣就ok,☺️我哋一落就落咗十樣野，但店長完全唔需要用筆記，只係好用心咁聽同應「好」，過程快到又多到連我自己都唔係好記得落咗啲咩😅店長一樣野都唔洗覆單，但最終係完全十樣嚟齊晒冇溜過單😳 講番食物先🍗明太子雞翼 $48外層燒到雞皮脆脆地，入面嘅明太子辣辣地，點埋mayo食好夾好惹味🥟 德島雞皮餃子 $58用雞皮再包住啲豬肉而成嘅餃子拎去炸完個雞皮勁香雞油味，啖啖肉之餘點包佢比嘅酸汁係重點，酸酸地完全唔會覺得雞皮好油🍣 軟殼蟹手卷 $78一碟6件，件件都好足料，軟殼蟹炸得夠脆，唔會淋晒，沙律醬同蟹子好多🦪 室津生蠔 $78/2呢個價錢真係抵過自己買番嚟仲要辛苦開，生蠔好厚肉同creamy 🍣海膽軍艦 $44/2未見過咁平嘅海膽壽司，海膽冇出水仲好鮮甜🧆和風炸雞 $58呢碟和風炸雞勁大碟，入面應該最少有8舊大雞肉，外層炸得夠乾身但keep 到個肉質濕潤，有埋燒汁

the urchin are really nice, with good quality. the miso soup was pretty nice too

好似好耐冇行mk好耐，所以今晚行街之餘，順手搵下食先，今次搵到間平價日本餐廳，間鋪頭係兆萬對面，都幾易搵！鋪頭裝修以居酒居為主題，好多燈籠，好有感覺！職員親切有禮貌，安排左我地坐卡位！個卡位係貼住大好嘅玻璃對住街景，感覺好正！我地一行二人點左大板燒、四點刺身、三文魚加州卷、壽司（赤貝、油甘魚、帶子）、清酒煮蜆及雜錦天婦羅1.大板燒外層煎得脆口，食落鬆軟唔會話太實，味道適中，加埋沙律醬同日式燒汁食，好夾！2.四點刺身入面有油甘魚、三文魚腩、吞拿魚同甜蝦，每一樣刺生都好新鮮，亦都係厚切！食落啖啖肉，好滿足😋3.三文魚加州卷及手扼壽司加州卷用料足夠，手扼壽司材料新鮮又唔腥，佢地依到d壽司飯，扼嘅力度岩岩好，令飯唔會太實又唔會太散，依點要讚一讚🤩4.清酒煮蜆依到清酒煮蜆加左蒜片同檸檬片一齊煮，檸檬味道除左可以去除貝類的雜味外，仲令蜆肉帶有檸檬清香，而且每隻蜆肉都大大隻，食落清香鮮甜，睇樣飲係新鮮蜆去煮！非常之好食😋😋5.雜錦天婦羅大入面有蝦、南瓜、矮瓜、冬菇、青椒同金菇，每樣炸嘅時間都控制得好，冇過火，食落鬆脆可口😋整體黎講，餐廳價錢親民，食物質素好同服務周到，值得再黎一食🥰

餐廳位於兆萬中心對面，喺大廈嘅2樓，用於上落嘅升降機有啲殘久，應該安全掛牛油果軟殼蟹飯卷賣相不錯，上面鋪咗滿滿的牛油果片，入邊嘅軟殼蟹仲有少少脆，夾埋一齊食，咬落去口感豐富味道亦都好好鹽燒三文魚腩即叫即燒製作需時，三文魚腩有點油膩，燒得唔係好乾身，魚香味重份量多和風炸雞炸雞上枱嘅時候熱辣辣，外表酥脆，咬入去肉汁爆發，加埋外面嘅沙律醬食，仲更加好味炸雞軟骨少有地雞軟骨咬落去仲係Juicy，一開始食咬落去，就會一粒粒咁睇唔到！推薦( ´▽｀)牛肉豆腐鍋本身想嗌晚餐優惠嘅珍寶牛肉壽喜燒，好可惜竟然賣晒唯有試吓牛肉豆腐鍋，上枱嘅時候比想像中清淡，鍋入邊有牛肉同豆腐，牛肉半熟上枱，但個鍋冇加熱嘅，要用餘溫整熟（？）

好耐冇見朋友，就約咗喺地點勁方便嘅呢間日式料理，兆萬對面嘅樓上位置，地點方便最啱約朋友。上到去環境裝修亦都好有日本feel，咁啱有得坐卡位，坐得舒服之餘，仲可以望吓出面街景，環境亦都好適合同朋友傾吓計。-🔍 鍋仔手打烏冬 $78一個鐵鍋上，熱辣辣嘅烏冬，咬到彈牙，而且仲配咗個天婦羅蝦🍤-🔍 網燒美國穀飼牛 $128要讚下呢個牛，食落有驚喜，肥瘦均勻，而且咬落唔會太多跟-🔍 蔥吞拿魚腩軍艦 $40🔍 火炙厚切三文魚腩壽司 $22🔍 醬油七味燒左口魚邊壽司 $18🔍 三文魚加州卷 $68火炙壽司系列，食落入口即溶嘅感覺👍🏻 加州卷份量十足😋-🔍 磯煮鮑魚 $78賣相已經好吸引，放喺冰上上盆，冰鎮嘅鮑魚，食落亦好彈牙-🔍 鐵板薄切牛舌 $88連鐵板上嘅牛舌賣相吸引，不過食嘅時候要小心熱😛，蒜香味重，特別連埋啲炸蒜片一齊食超正！

唔搵唔知原來兆萬對面有間樓上居酒屋仲幾高汁，同朋友傾計一流🏮熟食我哋叫咗個鍋仔手打烏冬豚骨湯底，手打烏冬好彈牙有口感，個湯有埋蔬菜蟹柳冬菇，比較鮮甜味好好飲，網燒美國榖飼牛七成熟，燒肉汁好惹味，本身好怕會太韌咬唔開，點知完全唔洗擔心因為肉質非常嫩滑，鍾意食燒肉嘅再推介薄切牛脷，廚師刀工好，每片牛脷薄到好似肥牛咁，蒜燒就更加好食，牛味十分濃郁，讚👍壽司同刺身都好高質，葱吞拿魚腩軍艦、火炙厚切三文魚腩壽司、醬油七味燒左口魚邊壽司，火炙入口即溶無得頂呀！好滑溜，吞拿魚蓉新鮮，加洲卷有埋青瓜就爽口啲，我哋另外仲有叫磯煮鮑魚，甜甜的，師傅好好仲每隻切片，令客人更易入口，鮑魚超級爽口彈牙，好想一食再食，居酒屋黎講性價比幾高，坐卡位仲可以望街景，私隱度高，正😄

大山日本料理，喺兆萬中心對面嘅樓上鋪，有去過旺角嘅人都知道兆萬有名叫劣食塔，食十次屙八次，不過兆萬放題嘅食評下次先寫，今次要寫嘅係同事介紹嘅居酒屋。餐廳用彷木裝修，掛咗好多燈籠同埋日本畫，環境幾舒適不過個人覺得over咗啲，有種過分強調自己係日本餐廳嘅感覺。我哋入到去好好彩，職員安排咗我哋坐窗口位，望到街景，感覺幾舒服。我哋兩個人一共叫咗六款食物，四個小食、一個刺身拼盤同埋個炒飯。小食分別有牛舌串燒、炸雞、燒鯖魚同煎餃子。牛舌好夠味，肉質如果可以再彈牙啲會仲正。煎餃子有啲失色，味道係ok嘅，只不過啲冰花一啲都唔脆，有少少失望。燒鯖魚燒得幾香，肉質都滑而且冇腥味。最低食一定係碟炸雞，本來諗住得四塊，上碟竟然有七塊咁多，仲要炸得好香脆，味道偏咸不過就好啱我呢啲食重口味嘅人。刺身拼盤我哋冇叫最貴嗰隻，要咗$248嘅(松)拼盤，海膽唔腥，三款魚嘅刺身都切得好厚身，而且味道鮮甜。主菜鰻魚炒飯，鰻魚冇腥味，醬汁都幾重手，個炒飯幾咸不要我就係鍾意咁重口味嘅嘢。總括而言，六碟餸有五碟我會encore，價錢亦唔算貴，可以返食。