夜首爾

营业中

休息中

行經寶勒巷見到「夜首爾」就想食韓國菜 呢間餐廳由韓國人主理 味道夠正宗 餐廳有兩層 空間夠大 坐得舒服！燉牛排骨$250（Braised Beef Short Ribs - Non Spicy）一大大嚿嘅燉牛排骨 是很輕鬆骨肉分離的口感 紮實濃郁也很有飽足感 甜甜鹹鹹的醬汁也好配飯！韓式炆豬手/原味$320（Braised Pork Feet/Original）全隻起肉上枱 大堆頭效果 份量十足 豬手成隻炆到軟林林入晒味 再切成厚度剛好既片狀 食到有入口即溶口感 醬汁味道微酸 同豬手一齊食有解膩作用！冷麵🍜$110（Cold Buckwheat Noodles）冷麵口感像蒟蒻麵和蕎麥麵的綜合體 這道沒有辣度拌開後再用剪刀剪成一小段方便入口 冷湯的湯汁清甜中帶著一絲絲鹹香 會越吃越上癮 酸甜爽口令人著迷！

餐廳有兩層，空間感好大，枱與枱之間有一定嘅距離。就算有開火燒肉，都冇乜油煙感。主打各種韓食，醬油蟹、燒肉、各種鍋物，酒類都好豐富。小菜有6碟，可以任添，泡菜好好食！跟據入座人數有限時，5個人以上已經冇限時，好啱聚餐。特選豚肉拼盤 $500拼盤有五花肉、豬頸肉、豬扒，無做過任何調味，所以只係單純嘅豬肉肉香，我覺得肉味比較淡。煎到表面焦香嘅時候可以煎香煎脆，肉質微韌但唔會太乾。拼盤冇包括生菜、包飯醬、蒜片，只有簡單嘅麻油+鹽。馬鈴薯排骨鍋 $480邊加熱邊食，冬天必叫，大推！將面頭嘅紫蘇籽粉撈入湯頭，即刻變得好韓。大大塊排骨起碼有5-6塊，骨頭上嘅肉份量唔少，燉到一夾即散、一咬即化，索汁好惹味。仲有大量大白菜、芝麻葉、大蔥，索晒湯汁。薯仔軟綿但未夠腍、唔夠入味。泡菜煎餅 $120熱辣辣上菜，煎餅外圈焦脆、中間軟腍，唔覺得油膩，大蔥、泡菜好足料又唔會好辣。水冷麵 $110湯頭清涼，加埋醋更加開胃。細麵條有韌度、有咬口、掛湯。配料有辣蘿蔔、青瓜、烚蛋，好豐富。

午餐叫了兩套醬油蟹，等左20分鐘終於來到，蟹有蟹味但冇醬油製過嘅味道，兩者好似分體咁，其中一隻蟹仲系好冰，未完全解凍！醬油淡而冇鮮味！可以唔使叫。又叫左豬手及生牛肉伴飯，味道一般，冇咩特色，價錢都唔平。

閨蜜去完旅行✈️返嚟，搵我俾手信派利是🧧，佢好醒目揀咗食韓國菜，避免中菜嘅新年期間+2收費。坐低之後，我發覺附近隔籬左右嘅枱，都係派手信派利是，充滿著新年嘅祝福哈～呢間餐廳韓國🇰🇷人主理，一坐低就上咗好多碟泡菜，全部都好美味😋。🐖厚切五花腩$180 五花腩肥瘦相間，而且均勻，放係鐵板上，唧唧喳喳聲，燒好咗嘅五花腩，沾上淮鹽，已經好甘香惹味。我哋另外重點咗一客「韓式生菜配包飯醬$60」，五花腩配以蔬菜🥬、韓式麵豉醬、蒜片簡直令燒肉升華，口感豐富。🐂特大牛肋骨$320真係好大塊😆，牛肋骨黐住一片好長嘅牛肉，燒牛肉時已經香噴噴，令人垂涎三尺🤤，我哋燒到啱啱熟，牛味濃郁，好好食😋。再飲返啖冰凍酸酸地嘅「韓國紅醋水$40」，好爽😄～🐓人蔘雞粥$120呢個我點㗎，意喻今年豐衣「粥」食，雞粥真材實料，裏面有雞肉、人蔘、紅棗等，每一口都有有雞汁嘅香醇，仲有參味嘅回甘，食完又暖心又暖胃。

夜首爾由韓國人主理，係香港都可以食到正宗嘅韓國菜🇰🇷佢哋menu乜都有，好多選擇，有燒肉燒海鮮燒內臟，鍋物，豬手，甚至係粥都有😂呢度嘅前菜好多種類，有泡菜、薯仔、菠菜、芽菜、魚糕、茄子等等，好有誠意有夠晒開胃😎 ▫️厚切五花腩五花腩肥瘦比例均勻，豬腩嘅肉質軟腍，肉味濃，食落都好鮮味。沾少少麻油同油鹽調味仲香口，唔會覺得好油膩🤫 ▫️泡菜煎餅用鐵板上嘅煎餅邊邊煎得香脆，煎餅身就比較諗身，建議一定要配埋調味醬汁一齊食，醬汁並唔會好咸，加咗整體味道會更加香濃👍🏻 ▫️泡菜辣炒豚肉送飯一流嘅炒豬腩片,有好多泡菜同蔬菜，調味偏濃味同辣，但食落好惹味😆

位於尖沙咀寶勒巷的這家韓國餐廳-夜首爾，是由韓國人親自經營，提供的是最正宗、最地道的韓國料理。從裝潢到服務，從菜品到口味，無一不透露出韓國的特色和風味。首先要推薦的是他們的營養石鍋飯定食A，這是一個二人套餐。套餐中包括了營養飯、辣炒豚肉、白灼高麗菜、烤鯖魚以及海鮮大醬湯。份量十分的足，而且每一種食物的材料都非常踏實。營養飯的米飯煮得恰到好處，口感紮實，有多種穀物，感覺非常健康。煮法非要講究，用類似真空鍋獨立碗煮，盛出來之後加入清湯軟化周邊的飯焦，一個飯2種食法。辣炒豚肉鮮嫩多汁，配上韓國特色的辣醬，辣而不燥；白灼高麗菜清爽可口，保留了菜的原汁原味；烤鯖魚外皮烤得酥脆，內裡的肉質鮮嫩；海鮮大醬湯則是湯底濃郁，海鮮新鮮，每一口都讓人回味無窮。另外，這家餐廳還提供免費的餐前開胃菜，一共有8款，包括泡菜、芽菜、菠菜、薯仔沙律等。每一款開胃菜都非常美味，而且份量十分足夠，讓人食過這些開胃菜就已經感覺非常飽滿。這家韓國餐廳的牛肉煮年糕是一道讓人難以忘懷的美味佳肴。它完美地融合了韓國的傳統烹飪技術和創新的烹飪理念，帶來了一種獨特的口感和味道。本身我們只叫了2人套餐，不知道原來份量如此巨大，而且有免費

正宗韓國餐廳呢間由韓國人開設的餐廳好正宗！好似去咗韓國旅行一樣！好大一窩的海鮮窩，有好新鮮的海鮮，有大大隻八爪魚！有蟹，有蝦，扇貝帶正，仲有鮑魚。海鮮都好新鮮，又彈牙，配合埋泡菜湯底同其他新鮮的蔬菜，好好味！呢個好推介，2個人食真係好飽好滿足呢！另一個係牛肉拌飯，拌飯好香，攪拌上利有少少飯焦，好味，伴碟小菜有成七八碟，溝埋韓式辣醬非常之好味！仲叫左個鮑魚粥，鮑魚切到細細粒，粥好綿，入口香甜，呢個同係韓國食的一樣，好正宗好好味！好推介呢間哦，真係好似番到韓國食時一樣！

尖沙咀超正宗嘅韓國餐廳😆🇰🇷次次食韓國野見到好多前菜小碟就會很興奮😗✌🏻🌟蜂蜜米酒 $140很大的一jar可以share飲，米酒打到起泡口感好綿密好rich，入口有米香同蜜糖嘅甜味，覺得好好飲😀🍶🍯🌟鮑魚粥 $130天氣凍就想食粥，睇個色澤就知好有鮑魚內臟鮮味，又足料有鮑魚肉，食落綿密暖胃，推薦要吃🤓泡菜煎餅 $120泡菜份量超多，食落泡菜>煎餅，都幾辣的説，仲有啲魷魚係入面🌶️韓國鰻魚 $450本身以為係自己燒嘅，原來店員已經幫我地燒好先送上枱。鰻魚食落油脂好豐富，新鮮即燒嘅味道同冰鮮個種是完全不同的🫡

📍夜首爾 (尖沙咀)尖沙咀寶勒巷13-15號寶力大廈地舖近排有朋友去咗韓國，日日用嘢食洗版，搞到我都好想食，就約朋友去尖沙咀食，呢間係寶勒巷個邊，好大間，座位好舒服👉醬油蟹(一隻) 💰$250😋😋😋😋.5/5同個朋友講起話想食韓國菜個時，佢已經講定要食醬油蟹，叫咗一隻試下個味先，好多膏，好似海膽嘅味道，蟹肉好鮮甜，仲要唔係好咸，就咁食已經好好味，伴埋紫菜飯應該係不得了👉大醬湯(牛肉) 💰$120😋😋😋😋.4/5凍冰冰最啱飲個食辣辣嘅湯暖下身，唔好睇佢奶白色咁，其實係好濃，好香牛味，仲有啲好滑嘅麵，倒埋個飯落湯食，暖笠笠又好味👉韓式炆豬手(蒜蓉醬) 💰$370😋😋😋😋.5/5嘩，無諗到個份量係咁多，豬手煮得好林好入味，面層鋪滿大量甜蒜，非常惹味，配有嘅醬汁都可以唔洗點，呢隻甜蒜食完個口唔會留有濃烈味，非常好回頭：yesyesyes，佢呢到食物選擇超多，仲有韓式燒烤，下次嚟一定要試🤭🤭

平時見到韓國果啲一整鍋海鮮一直都好想試，今次比我係尖沙咀呢間韓國餐廳見到有類似嘅菜式，決定叫一個嚟試試。———————————————🌟辣雜錦海鮮鍋 $520呢個辣雜錦海鮮火鍋材料非常豐富，包括有蟹、魷魚、八爪魚、扇貝、青口、大蝦等多款海鮮，另外仲有其他蔬菜豆腐等配料，每樣材料都非常新鮮。湯底方面係傳統嘅韓國辣湯，雖然係辣湯，但係其實唔會太辣反而飲落去有種海鮮嘅鮮甜味道。服務員總會好好咁喺開火之前就幫大家先剪好晒海鮮，大家食嘅時候都可以更加方便。不過可能係因為真係太多材料，所以成個鍋要煲滾都真係要一段時間先得，如果大家怕蔬菜煮腍可以拎起等滾再放入去。🌟海鮮煎餅 $150海鮮煎餅非常值得推薦，鐵板上熱辣辣，入面都有唔少海鮮，煎餅嘅邊邊全部都好香脆。另外最出色其實係佢果個調味料，配得好香又夠味，煎餅配上醬汁真係好出色。

踏入尖沙咀韓式餐廳，首先迎接嘅係滿桌子色彩繽紛嘅小菜，真係賞心悅目。其中泡菜煎薄餅啖啖辣味，外脆內軟，薄薄一片咬落去就知係師傅手勢👌。至於醬油蟹，汁液厚重，醬香夾帶住海鮮嘅甘甜，令人毫不猶豫一啖又一啖。我嘅重頭戲係啲牛肉湯配飯，湯底濃厚得嚟唔膩，牛肉入味夠晒嫩滑，加埋粒粒白飯，簡直就係提神醒胃嘅極品。而炙燒嘅原味牛肋骨，又係一絕，燒製得啱啱好嘅肋骨紅潤多汁，輕輕撕下一塊伴上少少海鹽，滋味直達靈魂深處。飯後一碗鮑魚粥，滑溜溜嘅口感配上鮑魚嘅鮮甜，完美收尾😌。今晚就關係呢啲美味同埋朋友笑臉之中圓滿結束啦。尖沙咀嘅韓國風味，肯定令人再三返嚟！🎉🍲🎊

寒港襲港，午餐想食啲熱呼呼嘅食物，打邊爐又好似誇張左，經過寶勒巷見到一間韓食店，諗起韓國嘅石鍋湯，烤肉，毫不猶豫就入去啦！坐低望下間舖原來叫夜首爾，夜晚嘅韓國街頭充滿咗好多特色嘅小食又勾返起我喺韓國時候嘅回憶。一坐低職員就會送上六碟小吃，泡菜、餃子、芽菜、茄子、翠玉瓜、薯仔,唔夠食仲可以refill。牛尾湯配白飯$95好奶白色嘅湯汁，有埋紅枣，湯入面仲有大大舊嘅牛尾，入口香甜，咁凍嘅天氣飲一啖成身都暖曬。調味牛肋骨韓式長切法$360個人極力推薦食呢一個牛肋骨，佢已經有基本嘅調味，而且切好晒，只需要放喺爐度煎幾秒，已經食得。肉味濃，肉質嫩。海鮮薄餅$150一入口已經好香脆，而且有好濃郁嘅海鮮味，食到係真材實料。煎餃子$120佢嘅餃子嘅size畀我哋香港嘅餃子大，且肉餡入面有賣韓國粉絲，啖啖肉好滿足。呢間店性價比好高，下次約多啲人一齊再嚟食。

想念韓國食物了！今天來夜首爾吃午餐～烤鰻魚石鍋拌飯以新鮮的鰻魚和蔬菜為主要材料，在石鍋中慢慢烤煮而成，使鰻魚保持了它的鮮嫩和多汁的口感，同時融合了蔬菜的香氣。將烤鰻魚放入熱騰騰的白飯中拌勻後，每一口都散發著濃郁的鰻魚風味。薯仔排骨湯以豬排骨和薯仔為主要成分，讓湯的風味非常濃郁。薯仔煮到粉粉糯糯的，而且非常入味。排骨也煮到肉很軟～韓式炸醬麵吃到一半才想起來要拍🥺炸醬是由肉末、蔬菜和豆瓣醬炒製而成，手工麵條富有彈性，加上青瓜令面非常清爽。

今日久遺地去左行山～行完緊係要食餐好嘅補充體力啦🤣所以就去左尖沙咀呢間韓國菜試下😋我見到好幾枱真韓國人都黎食，睇嚟質素都有保證啦😍😍＊＊＊＊＊🥔🥘馬鈴薯排骨鍋 $420佢有燒肉同火鍋食，我地就揀左個火鍋😋呢個鍋有大大舊嘅排骨同薯仔🥔，啲排骨都煮得好淋好入味👍🏻🦐🐙海鮮豆腐鍋$130呢個鍋超足料好多海鮮😋有蝦、魷魚、蜆等等～仲有又滑又香嘅豆腐添😍🔥🐟煎黃花魚 $150煎黃花魚好健康，煎得外皮金黃香脆，魚肉又保持鮮嫩🥳🍼🍸慢活村米酒 $90＊＊＊＊＊

夜首爾😘😘😘滋味韓首選尖沙咀寶勒巷、港人喜愛搵嘢食集中區、以韓式傳統理念木系裝飾😋😋⋯⋯帶傳統韓國風味、韓國人主理、純正地道韓風❤️開胃前菜小吃泡菜、醃漬茄子、涼拌芽菜、涼拌菠菜、薯仔、韓式翠玉瓜、涼粉、涼拌野菜👏🏻👏🏻傳統韓國地道文化、餐前必吃前菜、除了提升口感、注重食物多元、食材有不同營養元素！原味牛肋骨「韓式長切法）$360⋯原條裝牛骨、黐住一片長長的牛肉、切粒後伴原條骨上碟、自行按熟度燒烤、吃時蘸點海鹽、簡單品嘗原味道、牛肋肉肉身粉嫩、烤香濃濃牛香味撲鼻、一啖一啖、溶化囗中、鮮嫩多汁、夠juicy🐂🐂醬油蟹$250/1pc*韓國延坪島直送⋯五大韓國名菜之一、正宗韓國航運、延坪島全部為母蟹、晶瑩透徹、蟹膏滿瀉、鮮甜美味、令人難以抗拒、只要將白飯放進蟹蓋內、與蟹黃一起拌吃、惹味極點、淡淡醬油香味、滋味無窮😍石鍋拌飯（牛肉）$130⋯著名的韓國菜之一、高溫加熱石鍋、放上材料有飯、胡蘿蔔絲、冬菇絲、豆芽菜、菠菜、牛肉、雞蛋等等、分類鋪🈵️石鍋面、顏色艷麗、賣相吸眼、加入韓式辣椒醬、攪拌均勻後品嚐、白飯微焦後出現的「鍋巴」很香、可以熱騰騰、美味地品嚐！夜首爾尖沙咀寶勒巷13-15號寶力大廈地