多多雞大排檔

元朗有好多大排檔，但我比呢間嘅招牌燒雞吸引咗!! 一定要黎食!夏天食大排檔有風味之餘最緊要有冷氣，呢到有2層室內，都有冷氣，可以食得舒舒服服🥢炭火燒雞基本上每枱都必點! 建議一入座就叫左先，因為即叫即燒，要等30分鐘~原隻上枱，好有睇頭!! 一上枱已經聞到陣陣燒烤香味，雞皮燒到金黃色，仲有啲微微焦痕，帶少少油光，賣相超有食慾! 啲肉仲係嫩滑多汁，冇焗到乾晒。雞皮脆卜卜，咬落去先有炭香，跟住啲雞肉鮮味就爆晒出嚟，肉汁滲晒出嚟，每咬一啖都好滿足，再點啲淮鹽，味道即刻再提升🥢西蘭花炒鮮魷西蘭花炒得啱啱好，保持到爽脆同水份，咬落去有啲“咔嚓”聲。鮮魷片厚薄適中，唔會嚡口，彈牙又帶鮮味。成碟菜用咗啲蒜同清雞湯快炒，味道唔會太重，啱啱好突出晒材料本身嘅清甜同鮮味🥢啫啫魚頭煲成煲熱辣辣，香氣撲鼻，啲魚頭件件煎到金黃色，外皮微微焦香，仲滲住啲惹味醬汁，煲底鋪滿晒蒜頭、豆豉、乾蔥、辣椒粒同埋蔥段，全部炒到香氣十足，魚頭皮脆肉滑，魚肉厚實又多膠質，食落啖啖黏嘴，送白飯一流…查看更多

多多雞大排檔今次係我第二次嚟元朗食呢間大排檔叫「多多雞大排檔」，每次嚟到一定會叫佢哋招牌菜炭火靚雞，係用大瓦缸高溫碳即場燒制，大約要等半小時，輪椅人士如果要入去食嘅話，連我都無辦法，呢間大排檔門口係有兩級，好彩門口可以放枱，無論天氣幾熱都好，門口放張枱，食隻靚雞，飲飲酒，幾熱都唔記得哂，依家有新優惠就係用$48可以堂食飲38支啤酒，仲可以叫大支藍妹，只要求其叫一碟小菜就可以用呢個優惠，今日買明天就可以用，每次只可以叫2支啤酒，六人以上可以叫4支啤酒，有效期兩個月期要用，非常抵飲！1.招牌即燒炭火靚雞$198/隻（9.5/10）呢隻炭火靚雞係用大瓦缸高溫碳即場燒制，大約要燒半小時，靚雞真係靚雞，大大隻燒到好靚，外皮好薄脆，一剪開肉汁流哂出嚟，雞肉好嫩滑，好新鮮！2.沙嗲金菇牛肉啫煲$128（10/10）呢個沙嗲金菇牛肉煲個沙嗲味非常正，粉絲完全吸收哂沙爹汁，牛肉肉質非常嫩滑，大約都有10片牛肉，金菇都幾多，仲有三色椒同洋蔥等等！3.乾炒牛河$108(9.5/10)呢碟乾炒牛河唔會太油，牛河上面落咗好多芝麻粒，牛肉肉質非常嫩滑，大約都有10片牛肉，仲有芽菜同蔥等等，加埋辣椒醬更好味！4.罐裝忌廉$12（10/10）正常味道，果晚起碼35度，凍飲已經唔係凍飲！5.罐裝可樂$12（10/10）正常味道，果晚起碼35度，凍飲已經唔係凍飲！6.大支藍妹$32（10/10）正常味道，果晚起碼35度，有冰桶都好似飲緊熱啤！2人總共價錢$490個人口味總評分：9.83/10  @duoduojifoodstalls  地址：元朗又新街37-51號富祐閣地下14號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#多多雞大排檔 #元朗美食 #元朗好去處 #香港美食 #無障礙餐廳 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

同老best真心想感受一下熱熱鬧鬧嘅夜生活😂決定找間人氣大排檔食飯吹下水，開開心心過一晚。✨招牌即燒炭火靚雞✨上枱就忍唔住 「嘩！嘩！嘩！」🤩🤩🤩，聞到超香，望落金黃靚仔，打卡一流👍🏻👍🏻 一啖下去，雞皮烤得香脆，雞肉滑嫩，名副其實皮脆肉嫩😍肉質不柴且見到不少肉汁，真的令人好滿足。✨王牌多多雞小炒王✨超級多料，內裏大有乾坤，有韭菜、蝦米、腰果、花生、白飯魚、魷魚及洋蔥等。超有鑊氣之餘，炒得極其乾身且非常香口，真的十分惹味，令人胃口大開，馬上叫碗白飯一齊食🙌🏻。✨椒鹽鮮魷✨炸衣薄，完整地包裹着鮮魷，不會有食粉的感覺，零粉感。一口下去，香酥且脆卜卜，彈牙又爽口，好食到舔舔脷😋餐廳非常熱鬧，可以開心暢談，氣氛超正👍🏻想睇更多介紹，馬上Follow我啦😁。#多多雞大排檔 #big_big_foodie #big_big_foodie食勻元朗 #big_big_foodie食勻香港 …查看更多

元朗大排檔總是能讓人感受到地道的風味與熱情🥳這次的重點無疑是即燒炭火靚雞😍雞肉外皮金黃酥脆肉質鮮嫩多汁散發著炭火的香氣每一口都充滿了濃郁的風味不僅展現了廚師精湛的烹調技術更令人感受到食材本身的鮮美😙無論是單吃還是配上白飯都讓人感到滿足除了炭火靚雞師傅秘製的豬頸肉也值得一試😊豬頸肉的油花分布恰到好處肉質鮮嫩每一片都充滿了肉香搭配一些香料和調味讓這道菜更添風味😋西蘭花炒帶子亦很推介帶子的鮮甜與西蘭花的爽脆相得益彰這道菜不僅色澤誘人更為整體餐點增添了健康的元素👍🏻食物質素高價錢相宜值得encore❤️…查看更多

元朗嘅大排檔一向臥虎藏龍，今次就嚟試吓呢間人氣多多雞。晚飯時間座無虛席，好彩早到一步，唔使等位。首先講吓佢哋嘅招牌燒雞，一上枱已經聞到好香嘅燒烤味。雞皮燒到金黃色，脆卜卜，咬落去卜卜脆，雞肉仲好juicy，唔會太乾，加上秘製嘅醬汁，真係好好味！跟住到大腸啫啫煲，呢個夠晒鑊氣！打開蓋嗰陣，啲煙同香味一齊湧出嚟，真係引死人。大腸處理得好乾淨，唔會有腥味，而且炆得好入味，夠晒軟腍，加上啲洋蔥同辣椒一齊炒，惹味到不得了！不過如果可以再多啲汁撈飯就更加正。最後係西蘭花炒鮮魷。西蘭花炒得夠爽脆，鮮魷份量都好夠，夠厚肉，非常新鮮，口感好正！！總括而言，多多雞嘅燒雞同大腸啫啫煲都值得一試，夠晒鑊氣同惹味，價錢又合理，難怪咁受歡迎。而且難得有室內冷氣位坐，唔一定要坐室外。下次有機會都會再嚟試吓佢哋嘅其他菜式。…查看更多

每次行經元朗又新街大排檔， 都見到勁多人，今日決定入去試吓。🥢炭火靚雞原只靚雞， 師傅啱啱燒起， 放喺枱面俾我哋影相。淨係望到外表都夠晒吸引。影完相後會幫我哋斬件， 外皮好脆，肉質鮮嫩甘香。果然系招牌菜。🥢茄子魚腩啫啫煲放低仲出緊煙。 茄子同魚腩都好夠鑊氣。 而且份量非常足夠。 我哋兩個人食幾乎食唔曬。🥢椒鹽豆腐豆腐皮脆脆地， 咬落豆腐好嫩滑。同樣份量足夠。整體嚟講，非常有大排檔風味， 鑊氣十足。值得一試。📍多多雞大排檔📪又新街37-51號富祐閣地下14號舖…查看更多

[✨元朗多多雞大排檔 ]#多多雞大排檔 #元朗 🥢柴脆皮秘製燒雞 $198招牌必點！即叫即燒炭原隻雞，皮脆肉嫩，仲要勁多肉汁，帶淡淡煙燻香，一隻雞輕鬆夠2-3人食，好正！🥢咕噜肉 $128外脆內嫩嘅豬里肌裹上甜酸醬汁，酸甜平衡不膩口，經典家常味，份量實在，撈飯一流！🥢西蘭花帶子 $148新鮮帶子彈牙鮮甜，西蘭花脆綠爽口，簡簡單單健康又開胃。🥢白飯 $15/位 ————————♡♡♡♡♡♡———————— ✨總結大牌檔主打原隻燒雞同小炒，環境氣氛熱鬧地道，適合街坊聚會或宵夜。服務親切，食材新鮮鑊氣十足，性價比高，想食大排檔嘅呢度係區內唔錯嘅選擇！📍 多多雞大排檔 (元朗)🏠元朗又新街37-51號富祐閣地下14號舖…查看更多

呢間位於元朗嘅「多多雞大排檔」真係好有街坊風味！主打炭燒燒雞，食落皮脆肉嫩，仲有淡淡炭香味，唔洗點醬都好入味，係成晚嘅焦點✨！🍗 我哋叫咗： ✔️ 炭燒燒雞（推介！） ✔️ 豬潤啫啫煲（超惹味，熱辣辣送飯一流） ✔️ 豉油皇炒麵（夠鑊氣、配料足） ✔️ 椒絲腐乳 炒通菜（清爽唔油膩）燒雞首先會成隻拎上枱， 可以打曬卡之後畀師傅剪或者原隻食個價錢四百幾蚊，抵食又夠飽，仲有得慢慢坐住傾偈～成個感覺好似返咗去童年街坊大牌檔嗰種熱鬧感覺🧡…查看更多

今晚收工同班friend搵食，行過元朗又新街，俾呢間「多多雞大排檔」嘅香味同熱鬧氣氛吸引住。坐低望望四周，典型大排檔格局，枱與枱之間唔會太逼，傾計飲啤酒夠晒自在。最正係開放式廚房傳嚟嗰陣「嚓嚓」聲，未食已經聞到鑊氣香，今次真係揀啱地方！炭火靚雞一上枱就聞到炭燒香，雞皮燒得金黃脆身，咬落「咔」一聲，入面嘅雞肉依然保持嫩滑多汁。最驚喜係連雞胸部位都唔會鞋口，炭火香味滲透每絲肉紋，食完手指尾都舔埋！蜜椒薯仔牛肉粒絕對係白飯殺手，牛肉粒切得大細適中，外層微微焦香，入口鬆化得嚟唔會韌。薯仔煮得啱啱好，外皮香脆內裡粉糯，蜜椒汁甜中帶微辣，仲有少少黑椒嘅辛香，味道層次豐富到不得了～鹹魚蓉火腩炒飯簡直係整晚高潮！炒飯粒粒分明，乾身唔油膩，火腩嘅油香同鹹魚蓉嘅鹹香完美融合。每啖都食到脆脆嘅火腩粒同鹹魚茸，仲有啲蔥花同蛋絲增添口感，鑊氣十足，食完成個人都滿足晒！食到尾聲已經同朋友傾緊下次要試咩餸，呢度嘅小炒真心高質，環境又夠地道。如果想同朋友輕鬆食飯飲番杯，呢度絕對係元朗區嘅隱藏寶藏！…查看更多

6點未夠都見到有幾枱客係入面，仲要有隻雞「企」喺枱面😂吸引到我眼球，佢d 服務超好，又有禮貌(大排檔我冇預期過咁好嘅服務 ) 🐔即燒炭火靚雞- 原隻燒好拎黎比我地影相📸😆超大隻！長過一支筷子🫢跟住幫我分好曬，勁方便！個皮好脆，係放左一排都仲好脆，仲要連雞胸都好好食！唔柴皮唔乾🤤平時我唔食雞皮都忍唔住食埋皮，夠曬入味！得兩個人，所以唔敢就叫太多驚食唔曬🫕 花甲蒸蛋- 蒸蛋好似好易整，但係最考功力😌果然有料到，佢個蛋漿冇落味精，所以唔會好鹹好濃味，冇遮到蜆嘅鮮味🙆🏻‍♀️蜆冇沙，數量又多☺️🥬通菜啫啫煲- 想食香口炒菜，因為屋企炒唔到咁有鑊氣😗成間舖都勁香，份量係接近平時嘅兩倍，而且佢仲有大量肉碎去炒，係送飯都一流😋每個餸嘅份量絕對唔可以低估！好適合一大班人傾計飲啤酒🍻，啤酒性價比好高，見到每枱都有嗌，仲可以記啤酒帳🗒️😂多幾個人黎食飯飲啤酒一定超開心🤟🏻…查看更多

元朗算是少有還保留到很多大排檔的地方，晚上都非常熱鬧，而且是愈夜愈多人吃飯的。今天吃的這間更是特別用上炭火是燒雞燒叉燒排骨的，更是比較少見的。即燒炭火靚雞（１９８元）真的是即叫即燒，來到熱辣辣的，還聽到雞皮還在加熱的聲音，上桌可以叫店員幫忙斬或是自己剪，我們就選了自己剪加手撕的方法，這樣較能保留雞的肉汁！雞吃起來帶點沙薑和鹽焗的香味，不會醃得太濃味，保留了雞本身的雞味，皮脆肉嫩的，雞胸也不會太老，有肉香。ＰＳ雞腿真的好好吃！揀手梅頭靚叉燒（１２８元）叉燒的份量比想像中的要大，切完以後滿滿的一大盤，而且真的燒到帶點燶邊的，吃起來脆脆的，又能吃到柔軟多汁半肥瘦的叉燒， 而且真的能吃到炭火的香味。芋頭蒸扣肉（１４８元）這個份量真的挺足的，滿滿都是芋頭和扣肉，芋頭又香又滑，吸飽湯汁，醬香十足。扣肉燉煮得非常軟爛，入口即化的口感，滿滿肉香和油香。r…查看更多

今晚同朋友嚟到元朗多多雞大排檔歎鑊氣小菜，筆者最鍾意食燒雞，睇住經典港產片食大排檔，特別有風味！1. 馬介休魚香茄子煲 這道菜融合了魚肉（馬介休）與茄子，搭配傳統的魚香醬汁，味道香濃微辣，茄子吸收了醬汁的鮮味，煲煮後口感軟嫩，十分下飯。2. 西蘭花炒帶子 清淡又營養豐富，將鮮嫩的帶子與翠綠的西蘭花快炒，保持食材的鮮甜與脆嫩，簡單健康，清清淡淡為健康之選。3. 即燒炭火靚雞 傳統的炭火燒雞，經過高溫炭火燒烤，雞肉外皮酥脆，內裡多汁，而且10分滑嫩，香氣四溢，風味獨特，色香味俱全。筆者最愛食燒雞。必食之選！！！📍 多多雞大排檔 (元朗)📕元朗又新街37-51號富祐閣地下14號舖…查看更多

最近見到元朗這間餐廳每晚都要排隊，竟然咁多人冇人講。咁熱嘅天氣門口都坐滿晒人就知道佢有幾好食如果鍾意飲啤酒嘅話其實都不能錯過，見到佢做緊推介$48/30支啤酒，每六位每台就可以攞兩支，同朋友嚟食燒雞飲返兩啖啤酒，其實都幾透心涼直燒炭火靚雞佢最出名就係佢隻燒雞用炭火烤，真係有陣陣柴香嘅味道香氣撲鼻，皮脆但係肉質好軟滑，影完相之後就會幫我哋拎去斬，外皮咬落口好似薯片咁樣，一啖咬落去雞肉仲係好Juicy西蘭花炒鮮魷成日去到大排檔我都會食炒西蘭花，因為好鍾意佢哋嗰啲鑊氣，魷魚炒得乾爽得來唔會韌雞腎啫啫煲我平時最鍾意食啫啫煲，醬香濃郁，雞腎爽口彈牙飽滿，啖啖都都融入醬汁…查看更多

吃肉肉的快樂，來大排檔吃盡不同的鮮肉😍。🍗招牌燒哆哆雞招牌果然名不虛傳。焦糖般的色澤的外皮令人唾延三尺，皮脆肉嫩。雞肉燒得剛熟，微微紅色，而且醃得鹹香。打卡後，燒雞可以選擇自行手撕或請廚房師傅斬件靚仔。🍖碳燒排骨本以為是普通細排骨，沒想到是一整塊豬助排，超超超大舊啊😱足足有10支助骨，認真抵食！配著啤酒，與三五好友見骨拆骨，一定好滋味。肋排微甜，有蜜汁叉燒的味道，炭燒至流油燶香。🦪酥炸生蠔雖然一碟只有6隻，但但但！每隻都是極之巨型😍每隻生蠔有一碗白飯那麼大😱建議趁熱食最爆脆❤️以免放涼後回潮。脆漿下是 Juicy軟滑的蠔肉，大大口海鮮味，不沾酸竦醬味道也一絕啊！…查看更多

之前喺YouTube見到有人介紹呢間大排檔，見到佢嘅炭火燒雞同其他小菜都勁吸引！咁鍾意食中菜嘅我今晚就捉左屋企人黎試下😌❤️炭火燒雞招牌必點！👍雞皮燒得好香脆，夠薄唔肥膩就算係雞胸位都好彈牙唔鞋口😲調味適中😋早幾日食咗深水埗另一間出名嘅中菜半隻雞都要$168，呢度全隻先$198好抵！👏🏻❤️咕嚕斑腩我又不敵甜酸嘅引誘叫做咕嚕菜式😆醬汁包裹得好均勻，炸粉夠薄，咬落去仲係脆，斑腩肉厚冇骨啱晒我食！份量仲非常足👍❤️雞油炒芥蘭豬油炒就見得多，雞油炒真係比較少見所以試試佢！食落有鑊氣，我覺得冇豬油咁油，而且仲多咗雞嘅雞油香，唔錯👍炒得啱啱好保持住芥蘭嘅爽脆整體非常高質😋如果有朋友黎元朗探我都可以帶佢哋黎食😁…查看更多