堤岸酒吧及餐廳

又有好康介紹給大家一套Afternoon Tea有精油擴香瓶贈品送仲可以有酒飲，大家認為要多少錢一位才叫性價比高呢？先賣個關子大家看完整篇文章就會有答案。地點是久別重逢的皇家太平洋酒店 Pierside Bar & Restaurant ！餐廳全是落地玻璃陽光透射入去環境非常舒服。這次要來品嚐是皇家太平洋酒店 x Ignite Candle呈獻的芳香果韻下午茶，下午茶份量不少會吃得非常滿足。最吸引我的肯定是下午茶可以選House Wine！喜歡輕談淺酌的朋友感覺更加著數。不嗜酒的朋友更可加錢享用清爽的氣泡茶！下午茶的客人可以用超優惠價$98/2瓶享受原價$88/瓶的氣泡茶，在這個炎炎夏日絕對是不錯的選擇。四款鹹點都非常美味而且挺為大件滿足感爆棚。巴馬火腿哈蜜瓜！清甜哈密瓜配襯鹹香風乾火腿肯定是不敗組合，第一件品嚐它必定沒揀錯。香煎帶子配辣味脆片！鮮嫩的帶子煎得非常香口，配搭微辣的脆片口感更豐盛迷人。炸雞肉棒棒配野莓醬！炸得金黃香脆一點也不油膩，沾些野莓醬一同品嚐提升味道之餘更可解膩是Perfect Match。焗芝士吞拿魚沙律牛角酥！酥香的牛角包內塗滿了細滑的吞拿魚沙律，加上卜卜脆的飛魚籽味道和口感也非常美滿。四款甜點亦色彩繽紛非常養眼，配搭英式鬆餅應該足夠能令甜迷滿意。蜜糖鬆餅可自由配搭Clotted Cream、香橙及士多啤梨果醬！吃下去就是鬆化香甜和澱粉質的滿足。芒果拿破崙！薄脆鬆化酥皮間夾著香滑的吉士忌廉，面層鋪滿香甜新鮮的芒果肉，一口吃下果香滿盈甜美可人震撼味蕾。百香果泡芙！酥脆的外皮內盡是酸香細膩的百香果餡料，味道甜中帶酸是吃罷令人會心微笑的小甜點。番石榴瑪斯卡邦芝士蛋糕！幼滑的芝士蛋糕加入了番石榴的獨特香氣變得格外清新，一件吃吧也沒有甜膩的感覺。荔枝乳酪杯！帶微酸的乳酪跟香甜荔枝碰撞誘發出精彩的香甜滋味，喜歡荔枝味道的朋友不容錯過喔。現在每兩位惠顧下午茶即可免費獲贈Ignite Candle「有機精油擴香瓶」乙份(價值港幣$280)，不過數量有限送完即止想要的朋友快快訂座喇。芳香果韻下午茶原價$268/位(+10%)由即日起至9月30日供應，於酒店官網預訂及繳付全費可享快閃7折優惠只需$187.6/位(+10%)。…查看更多

好耐無去皇家太平洋酒店嘅buffet，今次去全因朋友推薦佢有新promotion澳洲有機香薰護膚專家品牌CANVAS同佢哋crossover 左個半自助餐，幫襯就即有「CANVAS 玫瑰保濕防曬套裝」一份，套裝包括玫瑰潤澤潔面梳乎厘、玫瑰水凝面膜及天然清爽透薄防曮乳液 SPF30各10毫升一支。最緊要更送您天然香薰工作坊乙次及 CANVAS 現金折扣券，剩係咁都$360，又有得食又有得玩，都值得鐘意呢個brand嘅朋友試下，餐飯差唔多唔洗點俾。呢個海洋美饌半自助餐連2小時仲可以無限暢飲澳洲佳釀，又或者送個玫瑰氣泡蝶豆花茶，當晚幾個朋友試左，都覺得勁超值。前菜有勁多唔同嘅沙律、凍肉盤、三文魚忌廉芝士多士同蝦沙律等等，又有湯飲，甜品又係好多唔同嘅選擇，到少我覺得呢個價錢已經值回票價。主菜選了香烤寶雲酥羊架配蘑菇燒汁同香煎虎蝦配香烤薯仔及香草忌廉汁，另外朋友嘅燒海鮮同魚都唔錯。講真，唔夠膽講係點樣神級精彩不能錯過，但酒店以呢個價錢，食物唔錯又有咁多禮品送，作為女士同三五知己食飯絕對係一個好選擇。另外，佢有提供幾個唔同嘅sparkling tea ，白桃氣泡伯爵茶、柚子氣泡玄米茶都係我當晚favorite ，選擇都多，有興趣可以試下唔同嘅味。記得promotion 到月尾，有興趣快啲book啦。…查看更多

於平日吃一頓嘆足4小時酒店的半自助餐只係$304/位，仲有價值$880的禮品送贈是否太過超值。那兒有這麼優惠正是皇家太平洋酒店內的Pierside Bar & Restaurant，餐廳以半自助形式供應午及晚餐這夜就來試試看嚕。由金黃色的南瓜忌廉湯及各式餐包揭開序幕。來過也知道餐廳的Pizza非常出色！這天我們可以品嚐到素菜芝士薄餅。往前走是擺放了很多新鮮食材的自助沙律吧！另外還有Clod Cut、煙三文魚、煙鴨胸、蝦沙律、三文魚忌廉芝士沾醬多士等豐富前菜。現成沙律有四款選擇那麼多！包括有魷魚鷹嘴豆西班牙香腸沙律、紅菜頭沙律、越式札肉沙律及柚子蝦沙律，款款也很精緻而且味道還很不錯。甜品有充滿童年回憶的涼粉、麵包布丁，接下來還有綠茶慕絲及熱情果慕絲。再往前走還有這一檯甜品供大家慢慢選擇！當中包括有新鮮切件水果、朱古力布朗尼、芝士撻及紅桑子布甸等。而自助飲品則有咖啡、茶！連清涼菊花杞子蜜也有得供應非常適合燥熱的我。好杯中物的朋友更可以$98起享用兩小時暢飲！當中包括汽水、橙汁、精選啤酒、紅、白餐酒及氣泡酒。介紹完畢要開動先來一碟豐富的前菜沙律！煙三文魚夠油潤、鴨胸煙燻味濃肉質細嫩好吃喔，而現成沙律我就最喜歡紅菜頭夠晒清新又健康。吃過冷冰冰的頭盤後來碗熱騰騰的南瓜忌廉湯最好不過！口感順滑南瓜味濃郁又香甜味道不俗。薄身的Pizza吃下非常香脆，鋪滿拉絲芝士及雜菜邪惡得來帶兩分清香，令人欲罷不能這夜我吃了兩件才收口啊。鯨吞兩件Pizza後來到品主菜環節！好友選了比目魚西京燒配意大利餅及沙律，油香滿滿的比目魚配襯西京燒做法增添香甜味道很可口，墊底的意大利飯餅外脆內軟帶有濃郁的芝士香氣超好吃。而我則選了香煎虎蝦配香烤薯仔及香草忌廉汁！虎蝦隻隻都非常新鮮兼爽彈，鮮味十足加上香草忌廉汁味道就更加濃香。香烤寶雲酥羊架配蘑菇燒汁！看見內裏粉嫩的肉色已知道質素不俗，兩位嗜羊的好友表示非常欣賞這羊架的味道，喜歡吃羊肉的朋友有機會真的要試試喔。吃得非常滿足選來飯後果消化一下！有我最喜歡的香甜菠蘿已經夠我樂上半天。好友取了一碟甜品拼盤跟我開心Share太好了！麵包布甸吸滿雲呢拿汁香甜味美，熱情果慕絲口感超順滑酸度十足非常合我口味。由即日起至2025年7月31日期間有快閃優惠，於官網預訂雙人午餐及晚餐除可享8折優惠外，更會獲贈Ignite Candle手工香薰蠟燭磚連陶瓷香薰爐套裝禮品一份(價值港幣$880)，手快有手慢冇送完即止啊。海洋美饌半自助午、晚餐收費由$228/位~$378/位，連同送贈的香薰蠟燭禮品真的非常超值。…查看更多

皇家太平洋酒店首次同共享汽車平台GoSwap攜手合作!以蜂蜜為主題精心打造「皇」蜂蜜語甜香下午茶推出現限時快閃7折優惠 折實每人$187.6 (由5月1日至6月30日 每日下午3時至5時30分)每位食客仲有GoSwap獨家禮物包1份皇蜂蜜語甜香下午茶— SAVOURIES 鹹點 —煙三文魚玫瑰卷配蜜糖芥末醬蜜糖鴨肝慕絲配蜂蜜麵包多士脆炸雞肉棒棒配蜜糖燒烤醬蜜餞鮑魚南瓜撻鹹點有誠意!每款鹹點都好精緻. 自己最鍾意係雞肉棒棒 & 蜜餞鮑魚南瓜撻. 雞肉棒棒外層好酥脆,內裏雞肉充滿香草香氣. 原粒鮑魚撻一口size,鮮味得黎又香甜.— SWEETS 甜點 —西西里香橙蜜糖蛋糕和風柚子蜜糖意式奶凍芒果蜜糖慕絲蛋糕香梨蜜糖芝士蛋糕蜜糖鬆餅配忌廉。香橙果醬。士多啤梨果醬甜品同樣精緻而且好豐富!!尤其係香梨蜜糖芝士蛋糕. 西西里香橙蜜糖蛋糕圓轆轆好cute, 充滿橘子香氣,夏日感滿分!— Drinks 飲品 — 即磨咖啡 / 茗茶 / 檸檬洋甘菊蜜 & 精選紅酒或白酒乙杯估唔到除左咖啡/茶外仲有檸檬洋甘菊蜜!令整個下午茶完整度更高!更特別係竟然仲包紅/白餐酒一杯,太抵了!!…查看更多

身處尖沙咀，想跟朋友嘆個下午茶傾下計，腦海浮現出這個地方。依家做緊芳香果韻下午茶，顧名思義，就是充滿各式水果的蹤影，岩晒炎炎夏日。呢個下午茶另一個吸引既地方，不單跟咖啡/茶，更加會送紅或白酒，好似無乜其他酒店見過有咁樣既安排。三層架的下午茶賣相精緻，還是先吃英式鬆餅，微脆而內裡鬆軟，除左Clotted Cream，仲配埋香橙及士多啤梨果醬，多一份清新氣息。咸食四款，香煎帶子火候控制得好，配以辣味脆片，層次更加豐富；巴馬火腿配哈密瓜，是不會失敗的組合；牛角酥釀入芝士及吞拿魚沙律，仲有少少蟹籽作點綴，都幾飽肚。然而，我最欣賞的是脆炸瞳肉棒棒，香脆可口，配上野莓醬，原來都夾到。甜品自然更多水果款式，如鬆軟的百香果泡芙、鬆脆的芒果拿破崙，及清新的荔枝乳酪杯。全部都清爽又精緻。仲有Guava Mascarpone Cheesecake，味道沒想像中的濃郁，但仍好吃。凡每兩位客人惠顧下午茶，即可獲贈Ignite Candle有機精油擴香瓶一份，在家中都可以放鬆心情，延續芳香氣息。於9月30日前訂座，更可享七折優惠。…查看更多

我前排去咗尖沙咀嘅皇家太平洋酒店，試咗佢哋同澳洲有機香薰品牌CANVAS聯乘嘅「海洋美饌半自助餐」，真是一個字：正！一踏入堤岸酒吧及餐廳，維港景致喺眼前，環境chill到爆，仲有陣陣海鮮香氣撲鼻，簡直係舌尖同眼球嘅雙重享受！自助頭盤同沙律吧真係不得了，選擇多到眼花！冰鎮海鮮有鱈場蟹腳、海蝦、翡翠螺，啖啖鮮甜，入口即化，特別係海蝦，彈牙得嚟仲有海洋嘅清新味。沙律吧嘅新鮮蔬果同醬料質素一流，拼一碟色彩繽紛嘅沙律，健康又開胃。是日餐湯我試咗南瓜湯，濃而不膩，暖胃順滑，完美開場！主菜我揀咗香煎大海蝦配香草白酒汁，呢個真心係全場MVP！大海蝦煎得外脆內嫩，香草白酒汁帶點微酸同草本香，入口鮮甜無比，每啖都係享受。朋友就試咗香煎三文魚帶子卷配香滑蟹子忌廉汁，三文魚同帶子卷軟嫩多汁，蟹子忌廉汁濃郁香滑，味道層次豐富，配上香脆薯條，邪惡又滿足！甜品自助區一樣無失望，款式多到揀唔落！百香果泡芙酸甜開胃，荔枝乳酪杯清新細膩，番石榴瑪斯卡邦芝士蛋糕甜而不膩，完美收尾。飲品我揀咗2小時無限暢飲嘅澳洲紅白酒、玫瑰氣泡蝶豆花茶同無糖桂花氣泡黃金烏龍茶，桂花茶清香撲鼻，烏龍茶底順滑，氣泡感好清爽，飲落解渴又養生。最驚喜係惠顧送CANVAS玫瑰保濕防曬套裝，價值$360！潔面梳乎厘、面膜同防曬乳液用落滋潤，仲有淡淡玫瑰香，食完美食仲養到塊面，賺到笑！推廣期到8月31號，喺官網早一日訂有8折，超抵！想試高質海鮮同養生體驗，呢度係不二之選！…查看更多

 “登陸”的一天，好好憩睡至中午，醒來已經肚餓，對肚皮當然要好一點。 就先由一頓下午茶開始。 位於尖沙咀的皇家太平洋酒店已有好一段日子沒來了，餐廳的自助餐早已取消，換上了半自助餐，也對，有時要順應時勢。 Pierside的位置挺好，靠窗位置可以望到海景，是日陽光普照，與近日狂風暴雨是兩碼子的事。 氣泡茶白桃氣泡伯爵茶（$88）餐前點了一枝手功氣泡茶，係5款口味中挑選了白桃味，因為有氣泡的帶動，令白桃味好突出。 而酒店方面，首次同本地手工有機香氛品牌 Ignite Candle合作，推出了Aromatic Fruit Afternoon Tea（芳香果韻下午茶）。 現凡每兩位賓客惠顧下午茶，即可免費獲贈    Ignite Candle「有機精油擴香瓶」乙份（價值港幣$280），送完即止。 推廣期由即日至9月30日，快閃優惠7折，每位港幣$187.6（須於酒店官網預訂及繳付全費）（原價每位港幣$268） SAVOURIES 鹹點Pan-fried Ocean Scallop with Hot and Crispy Chip香煎帶子配辣味脆片帶子略為煎香兩邊，以辣味脆片夾好，兩種截然不同口感又沒有違和感，加入生菜有點清爽的感覺。 Deep-fried Chicken Lollipop with Wild Berry Jam脆炸雞肉棒棒配野莓醬雞肉炸得外脆內軟，就算不蘸點野莓醬都超好味，尤其是用錫紙包裹骨位，方便拎上手食，更見細心。 Baked Mini Croissant with Cheese Tuna Salad焗芝士吞拿魚沙律牛角酥牛角酥很酥化，中間夾有原片芝士及吞拿魚，令牛角酥變得更可口。 Parma Ham Melon巴馬火腿配哈密瓜經典的傳統配搭，咸香的火腿與甜美的哈蜜瓜的組合，從來都是絕配。 SWEETS 甜點Passion Fruit Profiteroles百香果泡芙置頂的泡芙，蓋上了百香果忌廉，少許酸度，正好起了平衡的作用。 Guava Mascarpone Cheesecake番石榴瑪斯卡邦芝士蛋糕迷你小巧的圓球，每口都是番石榴及芝士的香氣，很少甜品會用上番石榴，但效果出奇地好。 Lychee Yoghurt Delights荔枝乳酪杯荔枝的甜美芳香，自古已經受歡迎，融入甜品之內，味道更加提昇，奶滑芳香，太好了。 Mango Napoleon芒果拿破崙三層酥皮層次分明，中間的吉士醬好香滑，置頂的芒果肉夠熟又甜香，有水準喎！ Honey Scone Served with Clotted Cream, Orange Jam and Strawberry Jam蜜糖鬆餅配忌廉、香橙果及士多啤梨果醬很喜歡鬆餅份量啱啱好，又可以分別塗上Clotted Cream同兩款果醬，味道有變化。 Freshly Brewed Coffee or Tea即磨咖啡或茗茶及A Glass of House Red or White Wine精選紅酒或白酒乙杯 一個下午茶，足足有四杯飲品，都係百幾蚊一位，去茶餐廳飲杯凍檸茶都要廿幾蚊啦。 話晒未食午飯，一行三人當然要加菜。 係 a la carte點了澳洲菠菜苗、蟹肉、芝士意大利燉飯（$158），份量好足，飯粒有 al dente的質感，芝士完全溶入飯粒，很濃稠的味道，囝囝就最鍾意。 另一道是港式焗豬扒飯（$148），聽侍應說是餐廳最受歡迎的菜色之一。 雖然豬扒未至於勁厚，但焗至表面焦香，內裡的蕃茄帶來的酸度，令油膩感減輕了不少，醬汁拌和飯粒一齊食，更是惹味。 開開心心的過了一個下午，能在生日當天跟家人一起是最幸福不過的事。…查看更多

依家係香港食嘢，的確比以前便宜很多，只要肯細心發掘，大把昔日不可思議的優惠，一一呈現係大家面前。包括呢一間，皇家太平洋酒店的半自助餐。先同大家睇下食物，最後才講價錢！自助餐桌的頭盤，有齊各式沙律，除了基本的菜蔬、車厘茄及粟米以外，還包括醒胃的柚子沙律、紅頭菜沙律、扎肉沙律及大蝦沙律等等。冷盤還有我喜愛的 Cold Cut、煙三文魚，同埋煙鴨胸和魷魚，有助打開胃口。若是細食的朋友，品嚐了數款沙律後，可能已飽了一截。我嘛，再吃件薄餅，就跳去主菜環節。這裡的Pizza，屬超薄身，邊位很脆，簡簡單單的番茄醬千島醬，跟些青紅椒，已很好味。三人行，就點不同款式的主菜，大家開心些牙。我的選擇是比目魚西京燒，這款魚肉質肯定嫩滑，個人從來喜歡西京燒的做法，但更驚艷的是墊底的意大利飯餅，煎至微脆，濃郁的芝士香氣，好吸引。另一碟係香煎虎蝦，俾夠四隻你，有夠慷慨。蝦頭帶有甘香蝦羔，肉質彈牙，個香草忌廉汁都好惹味。吃過兩款主菜，感覺是比以前進步了。第三份，係香煎寶雲酥羊架，十分厚身的出品，火侯拿捏得好，肉質細嫩，帶點點應有的羶香，我也不顧儀態，用手拿起大大啖的齒下去，痛快！喝些少南瓜湯，也真飽得八八九九，係時候進入甜品階段。濃郁的布朗尼，軟熟的麵包布甸，精緻的抹茶慕思，清新的熱情果慕思，以呢個價位的半先助餐嚟講，交足功課有餘啦！很放肆地，飲完一杯咖啡，又一杯檸檬茶，滿足了。官網有快閃優惠，兩位用連加一，都只係$608蚊，仲會送埋一套價值$880既Ignite Candle手工香薰蠟燭磚連陶瓷香薰爐套裝禮品，係咪好誇張先?! 快閃優惠做到七月尾咋! (希望佢會延長啦~)記住，要揀快閃優惠，雙人半自助晚餐連香薰蠟燭禮品嗰個呀！…查看更多

我地五條女真係有排傾🤭哩間係尖沙咀「皇家太平洋酒店」內既pierside 餐廳就岩晒我地。 由6點傾住食到10點， 環境舒服， 唔算多人， 仲有少少海景。main course 平均都係$300+ 一個， 連埋沙律吧任食， 沙律吧既食物都唔馬虎， 有少少驚喜，因為款式同味道都唔錯。反而主菜既牛扒就一般，唔夠牛味。反而羊架就唔錯。海鮮果個不論賣相同味道都唔得。反而中式既蜜餞排骨最好食👍🏻酒類方面就另加$98/位任飲， 但我地酒量淺，都係一杯一杯叫比較好， 一杯都係半價約$48/杯，都算抵飲既👍🏻⭐️⭐️⭐️（5星為滿） 堤岸酒吧及餐廳 (尖沙咀)尖沙咀廣東道33號皇家太平洋酒店海景翼大堂高座*食評純粹個人口味意見堤岸酒吧及餐廳 (尖沙咀)尖沙咀廣東道33號皇家太平洋酒店海景翼大堂高座#飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #香港打卡餐廳 #打卡 #懷舊餐廳 #香港特色餐廳推介 #吃貨 #尖沙咀美食 #打卡餐廳 #好物分享 #介紹好野 #yummy #hongkong #抵食 #香港酒店餐廳…查看更多

睇維港海景嘅隱藏打卡點 唔洗逼仲有𝒉𝒊𝒈𝒉 𝒕𝒆𝒂嘆( ˘▽˘)っ呢間喺尖沙咀中港城嘅4星酒店原來𝘾𝙋值咁高 下午茶人均2百幾食到！最近有蜂蜜做主題嘅𝒉𝒊𝒈𝒉 𝒕𝒆𝒂 𝒔𝒆𝒕 仲有禮物包送≧∀≦.✿ 皇蜂蜜語甜香下午茶 $228 𝓹𝓹送GoSwap禮物包 （香薰片、毛毯、租車優惠券)聽到蜜糖本身都驚好甜 但食哂成𝒔𝒆𝒕都唔覺好甜膩每道鹹甜點都好食 每人仲包一杯茶啡+酒～抵！特別推介叫返杯𝑪𝒐𝒄𝒌𝒕𝒂𝒊𝒍或者𝑺𝒑𝒂𝒓𝒌𝒍𝒊𝒏𝒈 𝑻𝒆𝒂打卡啊…查看更多

最近我地一家人去咗PIERSIDE享受佢哋嘅半自助晚餐，真係一個唔錯嘅選擇！一入到餐廳，環境好舒服，俯瞰海景，氣氛絕對適合一家大細或者朋友聚餐。首先，頭盤同沙律吧真係令人驚喜。各式各樣嘅沙律、新鮮海鮮同埋自製醬汁，都好有選擇。尤其是每日嘅湯，今次我試咗南瓜湯，味道濃郁，仲有一啖啖嘅香味，非常合心意。主菜方面，選擇都幾多樣。我試咗蜜餞欖角骨，肉質軟嫩，蜜糖同黑橄欖嘅味道非常搭，甜中帶咸，口感好正！另外，海鮮意粉亦唔錯，蒜香味十足，海鮮鮮嫩，食落去非常滿足。最吸引我嘅係燒海鮮，尤其係盲鰽魚同魷魚，配上刁草忌廉汁，味道絕對出色。羊扒都係一個好選擇，孜然味濃，搭配薄荷青瓜乳酪汁，味道清新，唔會太油膩。甜品方面，自助甜品選擇多，蛋糕、布甸、雪糕任你選。我特別鍾意佢哋嘅巧克力蛋糕，濃郁嘅巧克力味，食完令人心情愉快！最後，仲有即磨咖啡或者茗茶，完美結束一餐。整體嚟講，PIERSIDE嘅半自助晚餐真係物超所值，價錢適中，對於咁多選擇同埋優質嘅食物，絕對值得一試。如果你想搵個地方同家人朋友享受美食，PIERSIDE一定唔會失望！…查看更多

好耐無去過皇家太平洋酒店，原來呢到嘅餐廳唔同左好多，朋友帶我呢度食半自助晚餐，記得上次嚟食全自助餐已經係COVID嘅事，冇諗過改咗形式之後，感覺都唔錯。自助頭盤及沙律吧，基本上唔食主菜都可以食得飽，特別鐘意佢哋嘅pizza，當晚出咗兩個Pizza，一個海鮮，一個係蘑菇為主角，兩個都幾好食。是日餐湯同沙律都算多款式，特別係沙律類，冇咗平日自助餐提供嘅海鮮，反而更集中食前菜。主菜有好多個可以選擇，朋友選了什錦燒海鮮配刁草忌廉汁，海鮮有盲鰽魚、魷魚、海蝦及青口等等，份量十足。聽講香烤孜然羊扒配薄荷青瓜乳酪汁係好多人嘅選擇，試左一口羊扒，烤得非常好。另一食肉獸選擇，香烤西冷牛扒配地中海風味麵包糠薄脆及燒汁，唯一唔好係牛扒要加錢，不過佢嘅質素都相應提高。我個人太愛澱粉，點左香蒜欖油辣椒炒海鮮意粉，相對簡單，無牛扒同海鮮呢幾個選擇咁出色。我最impressed 係香焗比目魚配香草番茄麵包糠薄脆，比目魚個魚皮煎到好脆，而且調味全部都剛剛好，又係另一highlight。甜品就係中式嘅糖水，聽講成日都唔同，當日係合桃糊，另外其實都有好多西式甜品，不過唔敢食太多，因為前菜主菜都食到超級飽。價錢唔貴，冇自助餐咁大負擔，而且地方闊落，食得幾開心同朋友敘舊係一個幾好選擇。…查看更多

環境幾好，服務員都好友善😆下次會再嚟🥰🥰嗌咗兩份牛扒一份魚同埋一份羊架😙個牛扒幾好食😍😍但係個羊扒太少🥹🥹🥹🥹得2啖（建議可以試其他🤣🤣）甜品都好好食😋😋😋總括來講 非常唔錯😚😚…查看更多

參觀完「中港城車尾箱聖誕市集」後，便和友人到附近的堤岸酒吧及餐廳共進晚餐。一如以往，這個半自助晚餐最為吸引；套餐包自助頭盤、沙律吧、是日餐湯、主菜、自助甜品、即磨咖啡或茗茶，價錢星期一至五 HK$338,星期六、日及公眾假期 HK$378，另加一服務費。坐下首先要決定主菜要吃什麼，而今晚主菜有六款選擇，包括：黑醋咕嚕雞球 / 香烤豬扒配蘋果醬 / 牛肉芝士漢堡配煙肉及野菌 / 寶雲酥焗羊架配芥末燒汁 或 黑椒汁 / 香煎太平洋比目魚柳配辣蕃茄汁 / 燒牛扒配田園蔬菜及燒汁 或 青胡椒汁（另加港幣$60），我選擇了當中的羊架，朋友也各有不同選擇。點好主菜，就先看看有什麼沙律吧、頭盤 及 是日餐湯， 自助沙律吧有四款沙律菜、配菜有車厘茄、青瓜、紅蘿蔔絲、粟米、紅腰豆、雜錦火腿、煙三文魚 及 煙鴨胸，每樣拿少少，不知不覺原來已經拿了一大碟。而前菜有美式芥末籽薯仔沙律、燒雜菜沙律蕃茄水牛芝士沙律、藜麥沙律、西瓜芝士沙律 及 味付螺肉。今日例湯是酸甜又惹味嘅蕃茄湯，非常開胃，配上牛油麵包，也是很不錯；旁邊還放有香脆的素菜芝士薄餅 及 之後再出的夏威夷薄餅，滿足。吃完沙律菜、餐湯及前菜後，也到主菜上場的時候，我選擇了五成熟的「寶雲酥焗羊架配芥末燒汁」，羊肉生熟度控制得幾好，外層微脆，切開中間還保留適當肉汁，肉質鮮嫩帶有少許羶味，好吃。甜品有滋潤又清甜的桃膠雪耳糖水、南瓜撻、朱古力軟蛋糕、椰子蛋糕、胡桃批 及 麵包布甸配雲呢拿汁，每樣取一件也不是很過分吧，最喜歡當中的朱古力軟蛋糕，朱古力味香濃，蛋糕鬆軟又滋味。生果有西瓜、哈密瓜 及 菠蘿，當然最喜歡還是酸酸甜甜的菠蘿，好吃。最後加多杯紅茶解解腍，非常滿足的半自助餐。#堤岸酒吧及餐廳地址: 尖沙咀廣東道33號皇家太平洋酒店海景翼大堂高座電話: 27382398…查看更多

大家有沒有去中港城的聖誕車尾箱市集玩啊！未去就趁還有六天的開放時間去感受歡樂氣氛，玩完後可以像我去吃頓豐富的半自助晚餐來大滿足。位於皇家太平洋酒店內的Pierside Bar & Restaurant就最方便，玩罷聖誕車尾箱市集行過隔鄰便是餐廳的所在地。餐廳內已經擺放了很多聖誕裝飾超級好氣氛。半自助餐包括了是日餐湯、自助頭盤及沙律吧、自選主菜一份及自助甜品及飲品，是日餐湯我們可以品嚐到番茄忌廉湯。自助美食選擇不少當中沒有素菜芝士薄餅，新鮮沙律菜、煙三文魚及凍肉、西瓜芝士沙律、味付螺肉、番茄水牛芝士沙律、藜麥沙律、美式芥末籽薯仔沙律及燒雜菜沙律。甜品區打頭陣是自助餐必備的麵包布甸，接力還有胡桃批、椰子蛋糕、桃膠雪耳糖水、新鮮水果、朱古力軟蛋糕及南瓜撻。飲品自助區有咖啡、茶及水可以隨便享用。喜歡微醺的朋友更可加$98無限暢飲2小時，選擇包括有特選紅、白餐酒、果汁及汽水。先來品嚐第一輪的自助美食！番茄忌廉湯非常濃郁，酸酸的口味十分醒胃好喝。繼而取來一碟心水的頭盤！當中的西瓜沙律非常清爽，但我最愛的仍然是味付螺肉，可以無限任食真的非常幸福。當然少不了嘆多碟新鮮沙律菜爽一爽口。此刻我們點選的主菜亦已經陸續上檯！雖然我吃不了羊但看見好友的寶雲酥焗羊架太吸引忍不住跟大家，聽聞味道都相當不錯羊肉迷記得要試喔。而我則選了香烤豬扒配蘋果醬！大量的烤雜菜增添上健康的味道，豬扒烹得恰到好處口感非常軟嫩，而且肉味也香濃好味道喔。最後當然要嘆埋甜品先叫滿足！新鮮的切件水果中有我至愛的菠蘿，所以這晚我吃了超多來大大滿足了菠蘿癮。麵包布甸做得好濕潤及香口而且不會過甜味道真的不俗。最後這碗雪耳桃膠糖水內裏非常足料，爽滑滋潤有胃納真要多吃幾碗。自助晚餐星期一至五收費為$338/位、星期六丶日及公眾假期$378/位， 於酒店網站訂座可享9折優惠。…查看更多