國金軒

营业中

休息中

連放四日假，都要飲吓茶。坐低睇餐牌，價錢酒店級，點心選擇唔多，所以都係叫番食開嘅。雪山叉燒包有水準，蝦腸皮唔夠滑，蝦餃燒賣每樣得三粒，味道可以。牛肉球味道唔錯但祗有有四小粒，春卷正常。食完後加黑糖馬拉糕，唔太甜但得三小粒。結脹時發現有85折，但仍然覺得CP值低。

位置有少少難搵，但係一嚟呢度就俾佢既氣派震懾。入內被安排坐喺對住摩天倫同半海景位置，舒服得很。今日食既係點心，都有頗多的選擇。必點燒腩仔，外皮夠晒香，脆卜卜，好惹味！配上高級黃芥末，將整份味道徹底昇華。而且入口即化，一試難忘，完全返唔到轉頭！原來響鈴都可以整成腸粉！好出色！一般響鈴放一陣就會謝晒皮，但呢份腸粉放好耐都仲係好味道！實在難得！海皇西施泡飯又係另一必點菜單，配上脆米食又係另一種體驗同口感！超乎想像中的好味！脆米份量都好足夠，夠晒食成窩飯。最後呢份子母蝦餃又係一流，好感動的一餐！高質服務，優質食材，幽美環境，寧靜氛圍。

good service 開原年來吃飯，景觀還好，服務也不錯， 但價錢就當然偏貴，點心與小菜味道就一般至中上吧。 (值得讚的就是灌湯餃 。)不過 最大的優點就是勝在不用等位 ，be more precise, 其實還是有很多空位的。 這時世，疫情流行，人量少反而較為安全。

週日中午同埋屋企人過來飲茶，面對海景飲茶心情極佳，黑糖蒸馬拉糕既馬拉糕非常鬆軟而且味道夾雜住黑糖的甜味，三色鹹水角唔大一口可食完，味道上無咩特別，中規中矩咁，蝦餃皮薄餡多，味道鮮甜。海王西施泡飯都幾好食，加上一個好出名的燒肉，肉質嫩滑多汁，非常好食。

聽人講話好，見到米芝蓮有好似有所保證！見中秋就幫襯買盒月餅試下，應節開開心心！買左兩盒四藝月餅，兩盒其中既金沙奶皇都有發霉！但都發售有問題月餅，大家食用前請更加留意同小心！

媽媽生日，當然想主角食得開心又滿足揀左響Two IFC嘅國金軒諗住佢響2012，2013年攞過米芝蓮應該唔會好伏😵ummm只能說我太天真😭🔶黑毛豬叉燒($390)EXTREMELY OVERPRICED!每一舊叉燒都好細舊!!!!!!本身係一隻靚豬，用料係ok,但係佢d個價錢完全唔值得nearly$400八件🙄響其他米芝蓮食府嘅叉燒都唔需要d個價錢💸💸💸💸真心唔推介👎🏻🔶黑松露蘿蔔絲酥佢將蘿蔔絲同黑松露撈埋一齊好香好好食酥皮都整得好薄好脆其他野食都係普普通通，冇咩特別不過食物價錢真心overprice叫左個竹笙(冇相) 得三件細細舊要百幾蚊😵🤵🏻Service方面係冇服務可言😂 可能星期日多人飲茶，好understaff落單,refill茶水都有d耐🤫不過店員態度都ok👌🏻

適逢端午假期，波王長輩從美返港，並於中環「國金軒」設宴一席，以國金名菜款待肥肥家族。步入中菜廳必先經過羅曼蒂克嘅香檳走廊。主人家早已安排派對於廂房內進行，房內有個獨立洗手間，私人空間足，有靚景睇，仲有專人服務，設備十分完善。餐店面積寬廣，樓底極高，裝潢雅致，連水晶吊燈及藝術擺設都有氣派過人，確真富麗堂皇。桌上有齊備嘅餐具、濕毛巾、餐巾，整潔企理，而且衛生非常。菜單雖早已定好，但八掛嘅XO仔見到旁邊有本厚厚嘅彩圖餐牌，結果都係忍唔住影咗幾頁同大家分享。首頁先道出店子嘅廚藝背景。尾頁則清楚列出各項消費，包括茶芥、開瓶費、切餅費等等。水晶大蝦球（$380/位）：為晚宴作序嘅水晶蝦球同小肥個拳頭差不多大，一上枱已令全場嘩聲四起，外型絕對震撼！據悉，超大隻嘅水晶蝦乃來自沙巴嘅老虎蝦，蝦身雪白晶瑩，且極富光澤，師傅喺蝦背𠝹咗刀即造成起雙飛嘅效果。水晶蝦球爽脆鬆潤，喺口中慢慢咀嚼可細嚐到蝦隻如何爽甜彈牙，爆！乳豬：當紅乳豬上場時已片好皮。燒至金紅嘅乳豬皮不單又香又脆，最重要係鬆而化口，大廚果然有料到！手撕二度肉質香軟幼嫩，毫不油膩，可謂皮脆肉香。陳皮炒東星斑球：紅皮白肉嘅東星斑球以翠綠嘅毛豆粒粒墊底

中午來到這裏飲茶， 今次㸃心叫來了它們；芥末子母蝦餃，一籠一粒蝦餃， 咬落肉彈而內帶著湯汁的，上面的一小粒餃便是包著芥末， 一起吃就如蝦餃点了芥末醬嘅味感。瑤柱灌湯餃， 湯底香濃， 湯𥚃附帶一整粒瑤柱， 湯餃內的用料是蝦碎肉及冬瓜蓉。百里香黑豚肉餐包， 濃郁叉燒豚肉碎肉饀， 細细個， 大口的人可一口進食或分兩口呢。三色咸水角，只是外皮顏色不同內容一致， 也是细細件可一口吃的份量， 味及口感如一般的咸水角。沙薑雞腳，附上沙薑汁另上， 石盤內的雞腳也同時帶汁上， 肉質爽脆不是一般的炆/蒸雞腳有如那些泰式雞腳肉哋， 調味入味其實不太需要另点那沙薑汁， 而点后就額外提升濃度呢。金瓜蟹肉餃，餃皮有些少厚但內裡豐富如蝦餃配合了南瓜粒，清清的。黑糖蒸馬拉糕，算是鬆軟的糕件接著黑糖味。這裡坐位寛闊舒舒， 服務員態度專業。

好友牛一的慶祝，自然不能隨便，所以選擇在國金二期的著名食市：國金軒。地點的確是方便在中環工作朋友，由地鐡香港站上更是快捷。由於下著毛毛細雨，景觀大打折扣，只是看到大大紅色的摩天輪，內部環境尚算寬敞和舒服，餐牌上的古書法寫有關烹飪的文字亦顯得獨特和文雅。首先叫兩個前菜，海蜇和著名的燒肉，可惜說沒有焼肉，只好叫了甜醋豬腳仔，一般貨色，海蜇頭就更驚人，目測只有8cm x 8 cm ，份量非常袖珍，我們四個人，每人只可有一小匙。但是價格是差不多200元。主菜訂了烤鴨，總算是有水準之作，皮脆肉嫩又不肥膩，薄餅軟而薄。跟著的虎掌菌豆腐煲和乾炒牛河的水準普普通通。這裏的地點和環境的確一流，食物質素普通，以這頓2000元左右的晚餐，雖然用某信用卡有折扣，性價比真是低。

是日要招待外地客戶食午飯，由於客戶想要試下廣東點心且地點又要方便就腳的關係，便特別預訂了IFC的國金軒的窗口位置。環境無可挑剔，落地玻璃對正中環摩天輪，但服務和食物卻叫人有些失望，也許這貴價多半是付出在這靚景上了。傳統點心的賣相和味道，只能說是普通酒樓的水準，但價錢卻至少是一倍以上。也有一些花巧的點心如子母蝦餃等，但也只是造型特別，味道卻沒有驚喜。侍應的笑容亦欠奉，也許在這金貴的地段，湊慣了達官貴人，對我們這些普通客仔已無甚心思了。

首先声明我不是游客，在香港居住已经十三年了，这里食物极其普通，不明白为什么价格却这么昂贵，菜谱上任何一道小菜都过一百元，几百元一道的菜在这里稀疏平常，就连点心最便宜也是60元一份，汤泡饭好吃也用不了380元吧！也不是米其林星级餐厅，实在搞不懂。烧鹅不像当天做的，口味还不如街边，流沙包更是卖相不佳，小猪脸都瘪下去了，花了1400元四个女人和孩子愣是没吃饱，服务也不热情，总之很不好的感觉，永远不会再来，中午饭时间一半桌都没坐满

中環國金軒係出名嘅食肆，環境一流，今日在窗邊枱用膳，無敵景色，一覽無遺。食物同樣出色，尤其燒味，黑毛豬义燒肉質嫩滑，肉汁豐富。脆皮燒腩仔肥瘦分明，皮脆肉滑。炸子鷄肉滑鲜味，皮脆甘香，超好味!

今日係年初二同老婆 同屋企人一齊去國金軒飲茶因為之前都有去開個金軒食晚飯都覺得唔錯所以想試下去飲茶本身今日一早已經book咗枱 去到嘅時候都唔需要點樣等就可以即刻可以入座啦入到去嘅時候個環境都係好好可以望到摩天輪今日一家人嗌咗好多嘢食好多點心服務質素就好好 大家都好有禮貌但真心咁講啲嘢食食物質素真係一般般最好食就係嗰個xo醬炒蘿蔔糕。。。反而係佢啲小菜比較係好食好多我嗌咗一個泡飯 真係好好味好特別其他啲嘢都係普普通通 如果同其他同級數嘅飲茶地方 對比 我覺得龍王仲好食

國金軒 ifc打卡同嘢食都一流嘅餐廳 大家book嘅時候記住book窗口位啊 尼到系可以影到個大摩天輪 烏金流沙包 佢外表靚就不再講 佢裡面系超級流心 重點系吾會好似出面啲奶黃飽啲奶黃有啲一粒粒嘢咁 佢流心真系流心仲要都幾滑鮮雪耳松露餃其實出面茶樓都好少見尼一款餃所以我覺得都幾特別 佢用左雪耳所以咬落都幾爽口 因為素餃都吾會好重味又時仲會有啲淡 但尼個加左松露所以令到佢成個餃都好香叉燒酥勁好食 佢上嘅時候系超熱 我最欣賞就系佢外面個個酥 佢吾單至吾厚仲每層分明 十分有水準荔枝奶凍佢都幾足糖料 裡面都吾少荔枝肉 以茶樓整甜品嘅標準佢都有10分 佢主要都系好夠荔枝味 而且夠滑 順便一帶系好食過startbucks布甸

I was invited for 開年飯 at Cuisine Cuisine during lunch time on a week day. The interior decoration was really pretty with a great view overlooking the observation wheel and the Victoria Harbour. We managed to get a table next to the big windows.Each of us ordered a soup for ourselves. I ordered this 魚翅酸辣羹 at $280+20%.There wasn't much shark fin in the soup. But the taste of the soup was really great as it had the perfect degree of sourness and spiciness. It was very thick with a lot of other ingr