回味餃子豬．牛．鵝粉麵專門店

营业中

休息中

呢間小店值得介紹、平時我鍾意沙茶牛腩上海麵、牛腩好腍入味、湯底仲要係有少少胡椒味嘅雞湯、今日首試酸辣湯，都算足料、試埋新出嘅咖喱寶寶、有鮮魚片、雞、牛腩價錢相宜大眾化、店員招呼都好好、值得推薦而且餃子有八款選擇、我個人覺得洋蔥餃同埋韭菜餃都好好味、

今日試咗新款菜咖喱寶寶，同埋第一次試酸辣湯，好好味，平時我就最鍾意食佢個沙茶牛腩加洋蔥餃子，百吃不厭！牛腩炆得好腍好入味，餃子仲有八款口味。粉麵湯底係用胡椒雞湯，雖然胡椒味唔係太重，但係都好鮮甜。而且唔會落味精用心製作。其次滷水鵝都有驚喜，滷水鵝腸同鵝腎好新鮮都炆得好腍，好正，而且食落知道唔係用冰鮮食材，平時晏晝好快就賣晒。我最鍾意佢環境乾淨坐得舒服，我每次去都差不多坐滿人，因為價錢大眾化。整體上very good，個人認為95分以上🤓

之前經過已經想試試呢間粉麵，可惜上一次崩沙腩已經賣晒，唯有下次再試。剛剛又經過，見到都好多人喺入邊食緊嘢，心諗應該味道都唔錯先會多人食啦。喺門口問店員有冇崩沙腩，佢話有，咁就入去坐低試吓啦。叫咗碗崩沙腩河粉，點知一嚟到，oh no 中伏！賣相極差，而且根本不是崩沙腩，懷疑根本沒有崩沙腩所以求其俾啲牛腩。味道很一般。。。$62食咗一碗完全唔值嘅粉麵。銅鑼灣絕對有其他更有質素嘅粉麵餐廳，個人認為 呢間真係不值一試😌

嚟到依度一定要嗌招牌牛寶寶，呢碗牛腩麵真係一絕，牛腩煮得軟綿入味，撘到炆到啱啱好嘅牛筋，入口即化，滿滿膠質，好鬼正！湯底濃郁香甜，麵條彈牙。食到令人回味無窮！另外追加左個芫茜餃，作為芫茜控大愛之選！莞茜餃入面內涵味道鮮美，芫茜香氣四溢，皮薄焦脆😋令人食指大動，一隻接一隻，食到停唔到口！😋

最近我光顧了這家專門店，提供各式各樣的餃子和鵝粉麵，讓我驚喜不已！鵝寶寶米粉我首先嘗試了鵝寶寶米粉，這道菜的選材非常講究，包含了滷水鵝肉、鵝腸、鵝翼、鵝紅和鵝腎。鵝肉的口感鮮嫩，滷水的味道深厚，搭配上米粉，讓整道菜的味道更加融合。特別是鵝腸，咬下去十分脆感，絕對是鵝肉愛好者的心頭好！餃寶寶這裡的餃子種類繁多，可一次過嘗試韮菜餃、木耳椰菜餃、麻辣旺菜餃、田園洋蔥餃、芝士粟米餃、香菇甘筍餃、咖喱薯仔餃和香番芫荽餃，各一隻。每一款餃子都有其獨特的風味：韮菜餃：韮菜的清香與豬肉餡搭配，口感鮮美。木耳椰菜餃：木耳的脆感讓這道餃子更加有層次。麻辣旺菜餃：麻中帶甜。田園洋蔥餃：洋蔥的甜味與豬肉餡融合得很好，味道清新。芝士粟米餃：芝士的濃郁與粟米的甜味相得益彰。香菇甘筍餃：香菇的香氣與甘筍的清甜感覺特別健康。咖喱薯仔餃：咖喱的香味讓這款餃子非常有異國風情。香番芫荽餃：芫荽的香氣讓人食慾大開。麻辣旺菜煎餃外脆內嫩，濃郁的麻辣味讓人一口接一口停不下來。炸雲吞外酥內軟，裡面的餡料鮮美，新鮮炸出！

銅鑼灣(回味餃子豬 • 牛 • 鵝粉麵專門店)店舖雖然細細地，勝在食物水準👍👍👍，店員也招呼週到，上餐速度也快捷妥當，熱騰騰按在枱上🥰❣️招牌鵝寶寶(鵝/翼/腸/腎/紅)鵝肉鮮嫩多汁，肉質滑順。鵝翼外皮爽脆，內裡柔軟，極具口感層次。鵝肉紅色澤誘人，口感滑潤。鵝腎韌性適中，增添風味，鵝腸鹵水醇厚入味，香氣四溢，配上秘制辣椒醬更添美味❣️牛寶寶(腩/根/肚/腸/沙瓜)牛腩鮮嫩多汁，肉質軟滑，入口即化。牛根彈性十足，微微帶嚼勁且入味，牛肚爽脆，風味獨特。牛腸香氣四溢，口感滑順，沙瓜則清甜爽口，整體滋味層次分明。❣️煎餃💥芝士粟米餃子外皮酥脆，漲卜卜內餡 creamy 甜美，芝士與粟米的搭配恰到好處💥香番芫茜餃子皮薄酥脆，芫茜帶獨特清香味，混合細緻肉末，增添了豐富的口感和層次❣️炸雲吞外皮金黃酥脆，咬下去時發出清脆的聲音。內餡鮮嫩多汁，豬肉和蝦仁混合而成，美味可口。搭配一碟酸辣醬，更能提升其風味。

今天晚上，我和太太在銅鑼灣的回味餃子豬．牛．鵝粉麵專門店享用了一頓美味的晚餐。進入餐廳後，溫馨的環境讓人感到放鬆，我們迫不及待地點了幾樣菜式。首先，我們點了四酸菜和油菜，清爽的口感為這頓餐增添了不少色彩。接著，鵝宝宝吸引了我們的注意，這道菜由鵝翼和卤水食物組成，味道醇厚，令人回味無窮。而煎餃子則是餃宝宝的亮點，外皮酥脆，內餡鮮嫩，讓人一口接一口。為了搭配這些美食，我們還點了酸辣湯，湯頭酸辣適中，讓人感到暖心。飲品方面，我們選擇了檸檬茶和豆漿，清新的檸檬茶和香濃的豆漿相得益彰，為整餐增添了不同的風味。整體而言，這次用餐經歷讓我們感到十分滿足，無論是菜品的味道還是服務的態度，都讓我們樂在其中。下次一定會再來這裡，繼續探索更多美味佳餚！

今日係銅鑼灣行完街，行到好累，就係附近搵間餐廳醫肚。見到回味餃子.豬.牛.鵝粉麵專門店好似好多選擇咁。就入去坐低食嘢喇。一路等嘢食嚟嘅時候，見到有姨姨親手包餃子，真係好吸引，下次要試吓。淨獅頭鮮鵝拼盤（$198）：呢個拼盤包咗鵝翼，鵝肉，鵝腎，鵝紅，鵝腸，味菜同埋芽菜，好豐富。當中最鍾意食鵝翼，鵝腎，鵝紅。鵝紅咬落去有咬口，唔散。鵝腎爽口。鵝翼彈牙。佢嘅味菜亦都好惹味爽口，味道令人開胃。魚片頭河（$40）：河粉滑身，唔碎。魚片鹹魚味重，口感彈牙。

夜晚食個有質素嘅快餐會係點？我覺得香港人離唔開嘅係一定係面檔！真係總有一間喺你附近！平時食牛腩牛雜魚蛋河就食得多，今次係第一次食全鵝宴嘅湯麵！就係佢哋嘅鵝寶寶，有鵝腸、鵝血、鵝腎、鵝翼同埋主角鵝肉！五拼每一個口味都會少過單或者雙拼，但係因為未食過我就樣樣都想試吓！我自己最鍾意食嘅係鵝腸同埋鵝肉！除咗鵝肉其他都係第一次食，鵝腸嘅口感幾特別！脆脆地咁！湯麵嘅話可以加埋佢哋嘅辣椒油，好香好好味！另外叫咗酸辣湯，好大碗，都好濃稠！另外加咗兩款涼菜，覺得雲耳係唔錯嘅選擇！

🏠在铜锣湾闲逛的时候发现了一家宝藏店铺，饭🍚面🍜饺子🥟都有，众多主食任君挑选😍关键是还有饺子！！！谁懂一个来了🇭🇰就没再吃过饺子的北方人的心情🥺🍜点了一份鹅宝宝配河粉，除了河粉还有米线、米粉、上海面可以选～喜欢吃鹅的可有福了，一份让你吃到🪿的各个部位，鹅翅、鹅血、鹅肾、鹅肠…最喜欢鹅肠和鹅翅，鹅肠哏啾啾的完全不会有脏器味！鹅翅能吃出来生前是一只爱运动的鹅，充分锻炼了臂膀，成功增加了我的食欲，也算是不负此生🥟由于思乡情切一点了一份麻辣旺菜馅的煎饺，一份四只个头比较大，关键是辣的太爽了！！！荣登我在🇭🇰吃到的辣度榜首，喜欢辣的无脑冲！

又發現咗一間新開冇耐嘅食店 裝潢採用粉紫色座位闊落 店舖好新淨光猛 而且老闆娘好熱情下午茶時間都好多人幫襯菜式大致分為豬、牛、魚、鵝、餃類呢度嘅餃子係店家自己包嘅 可惜朋友唔食豬 咗就留返下次先食啦 韭菜餃勁吸引❣️淨牛寶寶一碗包含晒牛腩、牛筋、牛肚、牛腸、牛沙瓜每款都炆到好腍好入味 牛筋起晒膠質牛腸咬落啲油脂出晒嚟 邪惡但又好好味底下仲有啲芽菜吸收晒湯嘅精華❣️滷水獅頭鵝肉拼麻醬冷麵滷水膽好香濃 鵝肉肉質彈牙本身係跟湯粉麵嘅 最驚喜係轉麻醬冷麵竟然唔使加錢麻醬好開胃 係日式嘅麻醬 冷麵爽口彈牙 熱天食好開胃❣️腐乳通菜通菜好翠綠 食落好爽口 配埋腐乳醬食 係絕佳嘅配搭

香港有不少粉麵店，鄰近銅鑼灣地鐵站的這店，不但有魚旦、牛腩等粉麵，更有鵝肉、豬肚等選擇。而且這店的餃子是自家製的，每款食物各具吸引力，老少咸宜。食物價錢合理，也可跟餐加配其他小食、飲品。沙爆豬皮上海麵（$42）豬皮在烹調中吸收各種調味的香味，柔軟且富有彈性，含膠原蛋白，美味與健康兼得。崩沙牛腩河（$62）這崩沙腩有很香濃的牛肉味，半肥瘦的腩，吃下去不會太膩，又不失嫩滑的口感。淨湯餃子（$48）木耳椰菜餃、香薰芫茜餃這兩款是平日的食店較少見的。薄滑的外皮配以豐滿的菜蔬為饀料，十分新鮮、美味。還有多多的紫菜，叫這湯底更加美味。炸魚皮（$20）魚皮十分薄脆，咬下去發出清脆的聲音。通菜（$12）新鮮翠綠，份量適中。涼菜（跟餐$12）麻辣青瓜、陳醋雲耳，醒胃可口。珍珠奶茶（$14）爆珠檸檬茶（$14）

續上星期在波斯富街篤魚蛋時見到對面回味餃子、豬、牛、鵝粉麪專門店心唸間舖名咁長嘅，反正激起我好奇心想試吓。突登衝下午茶時段過佢，價位變成超抵，重點係食到超飽飽。老闆娘好nice ，見我哋研究左餐牌咁耐心大心細咁，佢主動過嚟介紹佢哋皇牌。其中就係老闆娘推介「牛寶寶」套餐$66陳醋雲耳、甜酸蘿蔔$12兩款小食都好開胃，好吃！除咗基本粉麵，還有上海麵、麻醬撈麵我地揀左一般粉麵店較少有嘅麻醬撈麵麻醬撈麵和牛寶寶分開碟上撈麵好大碟，麪質都幾彈牙，十分掛汁，麻醬夠香，迅間將麪條送入肚仔。牛寶寶共五種牛的部位腩、根、肚、腸、沙瓜每部牛部位都有兩件，炆得入味，吾靭，牛粉必試！田園油菜加腩汁$12雙併靚湯餃$48好有誠意，加左紫菜，我鍾意！木耳椰菜餃子麻辣旺菜餃子想特別少少梗係要試麻辣味道嘅餃子，麻同辣啱啱好，再喝一口爆珠檸茶$10 爽！大大杯豆漿都只係 $8抵食又飽肚的下午茶當晚餐食。

係波斯富街見到新開一間粉麵店，門面係傳統中式粉麵格局，推門入去內有乾坤，用左粉紫色彩，多左份少女的感覺☺️餐廳menu 貼滿牆壁，招牌寶寶有好多選擇，有牛，豬，魚，餃子同鵝，另外仲有幾款小食同特色飲品。🍜崩沙牛腩拚牛筋配麻醬冷麵呢個崩沙腩真的好好食！筋膜連少少肉，軟腍味香，肥瘦剛好！牛筋都處理得好好，好腍好入味。麻醬冷麵幾清新，麻麻香香👍🏻🥟煎韭菜餃餃子炸卜卜，煎到金黃色。一咬下去個仲爆汁！皮薄餡多，韭菜量多，超香。🥟淨湯餃可以選兩種口味，選了木耳椰菜和麻辣旺菜。湯餃是另外一番滋味，味道更鮮更出。同樣的是皮薄餃靚，麻辣旺菜好麻好過癮😆餐廳有自家制櫻花蝦勁辣油，餃子沾上後更惹味👍🏻🥢陳醋雲耳比平時吃的偏甜一些，雲耳好爽脆🌶️酸辣湯超大盤足料，湯裏有大量的木耳絲，紅蘿蔔絲，豬紅，冬菇，酸酸辣辣，好喝😋🥬菜心挺經濟的，$12有一小碟新鮮菜心🥤爆珠檸檬茶好特別可加配料，爆珠清甜有咬口，挺過癮的，另外還可以選椰果或珍珠。🌟餐廳環境和食物用料都很好，特別喜歡崩沙腩和餃子系列，下次要再來試試八款口味餃子🤤

吸引我的是豬寶寶 果名好可愛 就係想食乜野係寶寶 成日行過睇住裝修 但好似開張在成個月 今日終於行入去坐低 叫了一個豬寶寶 有豬手 豬腸 ，味道偏淡 但檯面有樽辣辣醬 據說係自家製 落了一匙 又唔錯播 似家庭式營業 日，八隻唔同餃子 最好味係芝士 原來係拉絲 老闆娘話係隔日送來芝士 特別訂貨 但紫洋蔥餃子我都係第一次食 味道因洋蔥問題會帶甜 所以又加啲辣辣醬 調味下 ，最後都幫襯買在2樽辣辣醬 ，其實呢啲家庭小店 要支持下