四季‧悅 日本餐廳 (Manhattan Place )

营业中

休息中

兩小時任飲任食放題 $388/位食過咁多間放題，呢間最舒服，地方又大又乾淨，座位又闊落，有空間感，裝潢好日式elegant。 🥢刺身🥢三文魚、吞拿魚、油甘魚、甜蝦、玻璃蝦、帶子、赤貝、北寄貝，都是厚切，好爽！最好食完刺身先再點野，因為佢地上菜勁快，未食完第一轉刺身就成枱都係野食。🥢燒物🥢咁多野當中串燒係最正既，喜歡串燒真係要試呢間，好似普通豬牛雞串，出面食有時真係唔係好分辨到邊個打邊個，呢到就好易知道我食緊牛定豬定雞，口感好大分別，而且調味上都唔同，最正係外表燒到脆脆地，內裡好juicy，但第一轉有少少焦，之後都無呢個問題。好多其他放題店無既野，例如秋葵、雞髀菇、豬大腸...五花八門美食中，我最喜歡呢3樣，咁啱都係燒物🥢銀鱈魚西京燒🥢好魚之人表示超好食，銀鱈魚嫩滑，有D似味噌但味道帶甜。🥢豬大腸🥢size大的就脂肪豐腴，愈嚼愈香，小既非常脆爽，仲好入味。🥢燒菠蘿🥢甜中帶點酸，清新多汁，食左咁多野，要fresh返下。其他食品都唔錯只係🥢軟殼蟹🥢有D失望，佢其他炸物都炸得好乾爽，唯獨佢好油瀝。

今日去咗同朋友慶祝生日 呢到九龍灣嘅呢間四季悅度食放題 餐廳同我哋平時食嘅放題有啲唔同 佢刺身冇得添加 不過串燒係無限供應幾特別 餐廳地方好大座位闊落坐得超舒服同朋友傾計都帶點私人空間前菜三款 日式凍豆腐 唐揚炸雞精選刺身三款 包括油甘魚 三文魚 劍魚腩 全部都非常厚切 夠曬新鮮鮮甜松葉蟹肉海鮮南瓜湯 湯底濃郁非常足料 有一絲絲嘅蟹肉味道鮮甜重頭戲嘅任食串燒 包括大大隻嘅燒虎蝦 厚切牛舌燒菠蘿 牛仔骨 扇貝等等 全部都係任食 個人最喜歡係厚切牛舌 肉質軟淋帶點牛肉嘅脂肪甘香 超正煮物 竟然係久違嘅日本關東煮 炆得非常入味 帶點日本情懷和牛炒飯甜品係雪糕糯米糍 外皮煙韌入面冰凍 味道唔錯

超超超難食😓餐廳得個名，呃左我去，以為好高級，頂佢個制，元朗又新街檔檔串燒都好食過佢😩，服務態度非常差差差，可一不可再，貼錢都唔去食，放得入口的燒波蘿，居然8:00左右話無晒，果碟炒飯那有牛，飯又淋晒，重話用高級日本食材，又多味噌，食完勁口渴，只有茶你飲，迫你比錢叫汽水，難食到講粗口

點解冇相呢？係因為難食到我一啲都唔想影。所謂放題只係包燒物，仲要特登收埋另一頁嗰啲係底，等人食到最後先見到（唔知係我唔好彩啊定係餐廳嘅營銷策略～）。其他嘢單叫貴到喊就係想逼你食嗰個餐入邊有一款野係有三樣餸，豆腐，雞同埋菜隻雞凍到好似啱啱雪櫃拎出嚟冇得頂個和牛肉飯落好多胡椒得個鹹唔好食仲要啲牛細到睇唔到然之後啲燒嘅嘢全部都係燒燶晒雞皮好難食所謂牛扒咬唔開帆立貝真係可以好細蝦又炸到冧晒間餐廳將一串同一份嘅份量完全搞亂晒係咪唔識量詞最後係得個南瓜湯幾好飲嗰啲話好食嘅唔該去試吓自己個味蕾講真一開始我都唔信會咁難食而家我同意某個負評想山長水遠體驗失望？嚟呢度啦

今日來到了一間日本串燒任食入去嘅時候店員都好好笑容環境很舒服...同朋友傾計都好舒服地面十分潔淨...佢有Set dinner 有前菜 ,有湯,有刺身前菜分開有三個小食...三個小食都好好味特別推介刺身...很新鮮串燒 任食有燒菠蘿 燒雞皮燒粟米還有很多食物所以食物即叫即燒很好味...哩個地方一家大細都啱去...同埋當日去既時候見到有人包場....價錢邊面都比Good 佢價錢又唔貴...推介三文魚漬飯好好味.

九龍灣工廠大廈都變晒做高級商業大廈，唔係朋友介紹都唔知商業大廈入邊有一間日本放題！朋友開完OT就同佢一齊嚟食!前菜凍嘅炸雞好特別！第一次食又唔錯bo!精選雜錦刺身刺身有六片，說得夠晒凍，三文魚超級肥！食完滿口油脂！遺憾係冇得再叫..因為真係幾好食！松葉🦀️蟹肉海鮮南瓜湯有蟹肉嘅南瓜湯，味道濃郁，健康好味！燒肉及串燒放題鍾意食佢個燒新鮮菠蘿🍍，酸酸地夠開胃，比目魚西京燒同埋蒜蓉燒蝦都好食😋食左好 好份！放工食下日本野係開心嘅🥰

好日唔去九龍灣食飯，想食日本野🥰於是行遠少少去咗呢度食飯～餐廳地方好大，坐得幾舒服👍🏻《日式燒物及串燒放題 $298/位》————————————————————前菜：麻醬豆腐，冷炸雞，海帶沙律雜錦刺身：三文魚腩，油甘魚，劍魚腩全部都厚切好正！松葉蟹肉南瓜湯：呢個係全餐最有驚喜，有好多蟹肉，都幾新鮮，南瓜打得好綿😋燒物：最推介汁燒帆立貝，鹽燒松阪豚肉，雞軟骨😍全部都好濃調味 不過串燒就一般般，偏un。聽講燒菠蘿好正，好後悔冇叫到🥲煮物：關東煮好香，煮得夠味，飲晒啲湯和牛炒飯：和牛就得兩粒🤫一般啦Overall黎講，上菜速度幾快，食物質素OK，種類可以更加多🤣

-四季‧悅 日本餐廳🍽-九龍灣商業大廈星期六其實都有好多抵食餐廳😂除左星期一至六有晚市放題外其實佢星期六都有做午市$298 120分鐘既串燒放題😉-🥢前菜前菜有麻醬豆腐/沙律/凍炸鷄🍗本身仲諗緊雪凍左既炸鷄又凍又唔脆有乜好食😂但原來咬落都脆同其實幾好味只係冇熱食咁香😂-🥢精選雜錦刺身(6切)每位有三款刺身就係油甘魚/鯛魚/甜蝦😉兩款魚都算新鮮肉質幾彈牙同鮮甜😌最好食都係甜蝦得2隻唔夠喉🤣-🥢松葉蟹肉海鮮南瓜湯健康南瓜湯😌南瓜本身個甜味已經好好飲加埋一梳梳蟹肉更有口感😋-🥢煮物煮物其實就係關東煮🍢湯底就正常味唔會偏咸入面有5件😂-🥢和牛炒飯其實本身個餐連埋個和牛炒飯都已經飽左一大半🤣個炒飯好香加埋和牛粒入口即溶😋-🥢燒物/串燒放題串燒款式都唔少大約都有20款🤤基本上食佢個套餐都飽左一半所以小編每款都係order左一次🤣除左個蒜蓉開邊燒蝦/燒鷄皮要encore😂燒蝦係勁香又大隻🦐小編一個人食左6隻😌燒鷄皮雖然好邪惡但係出面比較少有得食仲要燒到卜卜脆好好味😍其他串燒例如燒鷄翼/魷魚/秋葵/粟米/帆立貝都唔錯😉另外食得落既話可以試埋個比目魚煎到好滑😋燒鷄牛豬就正常如果個肚仲有位可以試😂-🌟評分

重回九龍灣工業區，同事們第一餐就帶我去食日本野，果日落住雨，貪就腳同近近地，就去左呢度食lunch。眼見打住日季悅ge旗號，咁當然期望都會高少少，點知……原來係要先排隊落單，再等店員送餐價錢方面呢，就絕對同甲級寫字樓呢個稱呼劃上等號，比百幾蚊食快餐……坐低左之後，店員零招呼，斟杯茶都係自助。等左10幾分鐘，終於送餐，同樣點左份壽司定食set，點知我果份就少左個湯，咁同事就幫我問下侍應，換來隔住口罩都feel到ge黑臉……食物一般啦，不過不失…但服務同環境就名不副實…

🐝四季‧悅 日本餐廳 (Manhattan Place )🐝…今日朋友帶左我去九龍灣嘅餐廳到食放題，每人298蚊！食左好多野，又豐富又飽~😋😋…成個放題set包左：前菜(3款)，精選雜錦刺身(6切)，松葉蟹肉海鮮南瓜湯，煮物，和牛炒飯，同燒物及串燒放題！🤩…啲野食賣相好靚，餐廳環境都好好，食物質素唔錯。刺身好新鮮，全部都係厚切，一啲都唔枯寒！🥰…個南瓜湯好好飲，幾creamy，幾甜，加埋蟹肉好正啊(´∀｀)♡…啲燒物同串燒嘅款有好多，好多肉食，剩係雞都有曬雞肉串，雞軟骨(必嗌)同炸雞皮啦！個人覺得鹽燒松板豚肉同汁燒帆立具都好好食，非常推介~~~…整體評分食物：🤍🤍🤍🤍服務：🤍🤍🤍🤍🤍環境：🤍🤍🤍🤍🤍價錢：🤍🤍🤍🤍…📍九龍灣宏泰道23號Manhattan Place 1樓101-103號舖

朋友比了2張$100 coupon 我享用，咁就試下啦。打咗幾日電話都冇人聽，連電話錄音都滿晒，咁我諗唔通好多人book啩。終於提前一星期book到平日有位。7:40pm 來到大約坐了4-5成。原來呢餐係咁：一半固定set Dinner , 另外可以在任點餐紙的串燒。一坐低唔使30秒就已經嚟咗set 的部份，南瓜蟹肉湯（冇乜特別，唔夠熱），和牛飯一碗（非常差，凍飯，不知什麼牛肉粒），前菜三小樣麻醬凍豆腐（正常）.炸雞件（又硬又凍) . 海帶沙律（有浸味，食咗一條即刻放低）。關東煮（浸到脹晒又唔熱）30秒後再來魚生拼盤（睇様麻麻，唔可以講新鮮）。 以為串燒會好啲啦，原來都唔多得👎👎，請見相片；其實都唔算串燒，首先嚟一碟雜錦燒物（其實唔知自己食緊乜），再來雞軟骨，連其本的雞翼都唔對版，…….已冇乜心機再寫啦。最好食（我自來講)已經係燒菠蘿同埋秋葵, 可以再點多兩次當食飽咗。甜品是雪糕糯米糍，冇乜誠意。服務員的是有禮的，環境都可以。 但食物質素就👎👎👎總括應該冇下次了👎👎

Shiki Etsu Japanese Restaurant was a Japanese restaurant located at Manhattan Place, beside MegaBox at Kowloon Bay. The restaurant was very huge in size and spacious, allow customers to sit comfortably. They offered lunch buffet, priced at $298 per person. It consisted of appetizers, sashimi, soup, free flow of BBQ skewer, braised dish, rice and dessert. Appetizers consisted of fried chicken, cold tofu and salad. Fried chicken was crispy and chewy, and cold tofu and salad were appetizing in tast

朋友拎左$200 coupon一齊去食，坐低就有三道前菜，雞 沙律 豆腐 ， 三樣嘢我最鍾意係個沙律😍 之後就有刺身 有我最鍾意嘅劍魚腩😋😋 然後就有關東煮， 再嚟過南瓜蟹肉湯 個湯好飲又唔會太鹹 好重南瓜味😋 串燒放題，個雞皮又脆又香，比目魚煎得好味😍我地仲叫左幾支啤酒😋平時放題夠鐘會比張單你，呢度完全冇，我地埋單走仲送支梅酒比你帶走😍又食又拎埋單每人200幾，抵食👍👍

第一次去食無限刺身供應、第二次諗住再光顧、點知變咗串燒放題、中晒伏、每人得六片刺身、全消又冇乜選擇、我唔知佢究竟有啲乜嘢值得俾$298、酥皮龍蝦湯竟然同我講冇酥皮最離譜係食日式放題竟然冇嘢飲包埋、嘢飲要另外計。。。希望佢做返第一次個放題！！！

朋友送咗2張現金卷, 所以就去試下。本來9月份收到張現金卷, 到期日係9月尾, 但打去訂位時, 話9月份已經全滿, 但現金卷延至10月16日, 所以就BOOK咗10月。而當日都有打電話黎提示, 態度幾好。我地直接泊車係嗰到, 唔洗行咁遠。一去到大門口, 其實感覺上都唔錯, 入到去都坐咗2/3位置, 都唔算好嘈, 而侍應都好好禮貌。本身呢個係半放題形式, 只有部份野至任食, 其他方面都係SET死咗。因為之前都有朋友去食過, 原來指定食物係會定期轉既, 所以大家傾時食既野都有唔同。先講指定食物, 上咗個三式前菜, 有麻醬豆腐, 炸雞, 海蜇。豆腐及海蜇正正常常, 但炸雞我就覺得麻麻, 因為係凍既, 但我老公就話OK喎, 佢話冷盤就緊係凍。刺身普通啦! 關東煮就好一般, 餐湯還可以, 和牛炒飯, 都炒得唔錯夠乾身, 不過和牛得一兩粒仔。有2張紙仔點下D任食, 唔算太多野揀, 樣樣叫下試下。講下覺得比較不錯, 三文魚飯糰,  燒得幾香口, 加埋個醬剛剛好。而牛舌都好淋。粟米燒得剛剛好, 又好甜。燒蝦個汁其實係幾好食, 只係唔夠入味。其他就麻麻地啦不過有一樣就真係唔太好, 就係比目魚西京燒, 一