四季‧悅 日本餐廳 (Manhattan Place )

营业中

休息中

雖然住同一區，但一直都唔知道原來有呢間放題餐廳，今次係因為買野收到現金劵就黎試下啦，每位減$100，減後$288 1位，餐廳環境非常寬敞👍🏻，坐得好舒服，唔會覺得逼，食物質素亦比坊間既放題更勝一籌，味道可以媲美一般散叫既日式餐廳，唯獨食物種類比坊間黎講，選擇唔算太多，但我覺得都可以接受，如果以呢個價錢黎講，絕對係抵食！最後埋單仲有日式奶茶味卷蛋送比每枱客人，真係又食又拎😋下次絕對會再黎幫襯😙

已WFH一段時間，農曆年後首次回辦公室，見到幾位親密戰友，真是恍如隔世，雖然還是二人一桌，一定要吃個好的， 和同事敘敘舊，慶祝一下。今天點了這“雜錦壽司”，全部熟料，雖沒有魚生，但98元而已，有枝豆及麵豉湯 ，尚算抵食。每一件壽司都大大件，份量足，味道不在話下，用那些生薑沾點芥辣醬油，再塗在那些鰻魚、玉子和蟹柳壽司上，真的提鮮不少。至於其他壽司，已有沙律醬或蟹子吊味，不用沾醬油已夠鮮味。不錯，下星期要再來。

難得可以同 #首領 夾到時間食飯 ，當然要比個機會佢發板帶我食好嘢啦🤤 見今日大家時間比較鬆動，我哋決定行遠少少，嚟到「四季悅日本餐廳」。餐廳外觀裝修得幾有氣派，不過斷估唔到未埋位就已經要喺門口揀定食物、仲要比埋錢💸 高貴嘅格局，food court 嘅運作，究竟搞邊料？坐底唔夠5分鐘，我哋叫嘅「鍋燒烏冬」已經嚟到我哋面前🤔 其實我嘅要求唔高，只要配料新鮮，湯底夠熱就已經心滿意足🤤奶白色湯底，配上滑嘟嘟嘅烏冬，入口都幾鮮甜，第一關pass🤟🏼 不過啲配料除咗條 #蟹柳 有啲驚喜，其他都好一般😅 #天婦羅蝦 🍤 應該一早整定，唔夠鬆化👉🏻👈🏻 #豚肉 似隔夜，味道麻麻，而 #滷水蛋 亦做得有啲過火，完全唔係我想要嘅 #溫泉蛋 口感😅 食物水準同價錢唔成比例，怪不得飯市都坐唔夠一成客人啦！

位於寫字樓大廈內，環境舒適。兩小時放題，雖然朋友遲到但我都可以先入座，開單才開始計時。食品種類足夠，質量在放題來講算唔錯，比常見大X屋好。甜品是抹茶雪米滋，好味，細細件又不會太多致肥。

九龍灣 日式燒物及串燒放題 $298/位刺身方面 有好多款選擇叫左三文魚、吞拿魚、劍魚腩、帶子等等全部都好新鮮 而且切既厚度岩岩好~壽司方面 就叫左至愛既火炙三文魚 右口魚燒物炸物竟然有煎鵝肝，而且比想像中幾好食煎得幾香 仲有塊多士最最最好食就係炸大腸 食完一串又一串佢個燒汁真係整得好野味熱食緊係要食返個飽肚少少既烏冬再加野菜 湯就不錯了但菜好似有少少未熟整體黎講 野食都不錯而且餐廳地方好大 坐得幾舒服上菜速度又快~四季‧悅 日本餐廳 (Manhattan Place ) (九龍灣)九龍灣宏泰道23號Manhattan Place 1樓101-103號舖

今日嚟到九龍灣食放題， 見到放題有鵝肝同埋銀雪魚任食覺得特別吸引。 刺身方面有好多款選擇， 有三文魚、吞拿魚、油甘魚、劍魚腩、赤貝、馬刀貝、帶子等等。 當中覺得三文魚同劍魚腩都幾好食。壽司有天婦羅蝦、火炙三文魚、象拔蚌等等，火炙三文魚幾好食😋燒物炸物有煎鵝肝 ，鵝肝幾好食煎得幾香。銀鱈魚西京燒肉質夠滑，幾好食。重有燒菠蘿、燒秋葵、燒蝦，全部都正正常常，燒得岩岩好。飲品方面重有义燒酒仼飲，岩曬酒鬼啊！👍🏻

除夕怕多人，抱住平常心去食放題，點知又唔差喎。唔知係咪不斷有改善，食物質素同服務都唔錯。平價之選。我哋6:30左右就到咗。基本上餐廳坐得幾舒服，而且食物種類都多。刺身、壽司、炸物、天婦羅、串燒、飯麵、熟食、甜品等等。先食刺身， 都係正常放題質素，叫咗赤貝、三文魚、八爪魚、油甘魚、帶子、榮螺等等，刺身夠凍。壽司我反而覺得有驚喜，賣相唔錯，肥美新鮮。左口魚、三文魚、蔥吞拿魚蓉軍艦都幾好。日式前菜螺肉、中華海蜇都不錯。鍾意佢嘅食物一小份，唔怕浪費，要幾多食幾多！炸物叫咗酥炸軟殼蟹、唐揚雞軟骨、蝦天婦羅🍤 炸蝦卷，基本上熱辣辣。串燒都叫咗幾款：汁燒秋葵、串燒牛柳串、燒豚肉串、岩鹽燒鳥羽、燒大蝦。有調味～幾泰式風味。我較鍾意銀鱈魚西京燒，魚質幾滑。另外蒲燒鰻魚、清酒煮蜆都ok~放題都有煎鵝肝，沖就叫嚟試下。飲品都係任飲，呢個價錢食個放題都ok呀～

新一年，做咩都要講意頭，要常滿，最好就食放題，各種食物擺到張枱常滿，要(叫)乜有乜，大食四方。今晚我哋就去咗【四季‧悅】，餐廳名都好有意頭，寓意四季都歡悅。餐廳裝潢係和式風格，以木色為主，地方寛敞，令人感覺輕鬆，自然胃口大增可以食多啲。任飲任食$388/位，食足兩小時，長者及小童有七折，啱晒一家大細gathering。坐低先點餐，刺身同壽司就填紙仔，其餘係用手機掃QR code，上菜速度好快而且無漏單，讚﹗首先嚟一round刺身，【劍魚腩】同【油甘魚】都幾肥美，【馬刀貝】同【榮螺】就好爽甜。壽司上面塊魚生都幾大塊，【左口魚】魚油豐富，【火炙三文魚】燒得稍為唔夠火喉，【象拔蚌】就鮮甜。飲品最抵係【清酒】任飲，亦有【果粒橙】，但其他種類唔算多。鍋物嘅【清酒煮蜆】係必點，蜆肉水潤鮮美。【牛肉鍋】就係肥牛+金菇+菜，食完暖笠笠。燒物【燒菠蘿】好甜好juicy，咬落去已經咇果汁出嚟，食多啲幫助消化再戰；炸物/烤物就推介【明太子雞翼】，夠多肉加少少酸辣，夠惹味。【蟹肉忌廉餅】外脆內creamy。【炸吉列蠔】、【酥炸軟殼】係回本必點。【燒三文魚扒】、【銀鱈魚西京燒】都值得一試；【煎鵝肝】，有塊小多士

每個套餐都各有特色，選料真心唔錯！這個價格超值👍環境清潔，服務員態度良好！如果係其他旺區，咁嘅食材咁嘅味道，肯定價格更高！👍👍👍而家仲有回贈優惠劵，即係下次再食，價格更平！正👍值得推介👍目測午飯時間VIP房差不多爆滿，穩陣就要先訂位😅

好少有咁舒服既環境食到放題🇯🇵🥢餐廳🍽環境夠闊落，樓底夠高🤗即使多客人，都唔會逼埋一齊🙆🏻‍♀️唔會🙅🏻‍♀️好嘈，唔會🙅🏻‍♀️有食到打緊仗個種感覺😌(𝐞𝐫......有冇人明我講緊乜🥲)~•~•~•~•~•~•~•~•~•~•~•~•~•~•~•~•~•~•~• 🔸任飲任食放題 𝟐𝐡𝐫𝐬 ($388/成人每位) 🍶🍣(供應時間💁🏻‍♀️星期一至六🌙18:00 - 21:30 ; 星期六 仲有☀️中午12:00 - 15:00)大致分左𝟏𝟎類，有超過𝟏𝟎𝟎款野食可揀🤤刺身🐟 • 壽司🍣 • 前菜 / 沙律🥗 • 軍艦卷物 • 煮物 / 湯 / 鍋物🍲 • 飯 / 麵及烏冬🍜 • 燒物🍢 • 天婦羅🍤 • 炸物 / 烤物🔥 • 野飲🥤 • 甜品🍮.野食太多🤪揀左幾樣覺得𝐂𝐏值高既講下🤭▪️刺身▪️有成𝟏𝟔款選擇🤩馬刀貝 • 吞拿魚 • 三文魚 • 油甘魚 • 北寄貝 • 玻璃蝦 • 赤貝 • 劍魚腩 • 帶子 • 藍青口......刺身唔會🙅🏻‍♀️太薄，裝住既盤🥣有用冰底保凍🧊特別推介💕油甘魚 • 玻璃蝦 • 帶子.▪️壽司 🍣▪️有幾類係刺身🐟冇既，包括💁🏻‍♀️象拔蚌 • 左口魚 • 魷魚 •

今晚兩大兩小去九龍灣 Manhattan Place 由馳名行政總廚主理嘅「四季。悅 」食任點任食放題！泊車方便又有2小時免費。 泊好車上大堂都非常易搵。用QR Code 點餐，非常方便。 飲品食物上得快又好味😋！Service Staff 態度好，唔會嫌客麻煩。仲有好多coupon 可以下次用！小朋友同長者仲七折！地方舒適，環境寬敞又衛生！選擇多，大人小朋友都鐘意！生食熟食都好食！誠意推薦俾大家。清酒、焗蠔 、鵝肝、超正！好滿足！

睇到好多朋友介紹呢間日式餐廳，一直好想試，終於約埋知己朋友上星期去九龍灣呢間分店試吓；雖然限時，但食物質素及環境乾淨，兩小時任飲任食已很滿足！首先魚生食材新鮮，不遜於很多日式食店，甜蝦、帶子、油甘魚肥美鮮甜👍🏻烤燒煮炸物有鵝肝、牛舌、銀雪魚、炸蠔、天婦羅煮理得相當唔錯！芝麻雞翼脆香可口。雖然好飽，但好食的食物真的帶動了我胃口，最後仲試埋燒飯團👍🏻👍🏻拉麵同烏冬，飽到極點。其實仲有好多壽司🍣串燒物無試，下次一定要再去品嘗無點過的食物😅喜歡清酒🍶的朋友，任飲香醇，手機點菜很快已上菜，真係值得一試！

第二次黎食放題，保持到高水準，任飲任食，款式夠多，小朋友都好多嘢啱食，有刺身、壽司、軍艦、前菜、沙律、烏冬、飯、天婦羅、熱湯、鍋物、飲品、甜品......飲品方面仲有清酒，都係任飲。因為食物種類太多，今次都係試唔曬所有食物😆刺身特別新鮮，超讚👍三文魚籽軍鑑嘅三文魚籽好鮮甜，燒菠蘿好食😋麵豉湯、鍋物上枱熱辣辣、蟹肉忌廉餅外脆內軟，甜品方面今次試咗蕨餅，超正，小朋友叫左3次，仲有糯米糍同雪條，可惜真係太飽食唔到😆好多食物無影到，因為一上枱已經放晒入口🤣🤣真係超值嘅放題👍👍👍

好一段時間冇食過放題，今日去九龍灣嗰邊搵個朋友，佢就介紹咗呢間放題一齊食餐廳嘅環境幾舒服，燈光柔和，座位舒適放題首先梗係要食刺身先啦，佢哋嘅刺身選擇好齊全，而且都厚切新鮮壽司嘅種類都好多，我自己就鍾意火炙左口魚， 因為佢嘅魚油味真係好香最好嘅地方係佢哋嘅壽司都唔會話好大嚿飯， 比例啱啱好餐廳仲會有好多唔同種類嘅熟食，當中我哋叫得最多嘅梗係鵝肝多士因為真係第一次食放題有得任食我剛多士而且仲幾好味幾肥美真係好容易食到停唔到口燒蠔味道都唔錯，個醬汁加埋個蠔肉又係Encore之選甜品佢地有雪米糍同埋蕨餅，整體黎講都唔錯

去開Megabox行街，難得放假想食餐好。全日惠顧都會送一張$100現金卷，但現金卷只適用於放題，原價$388，用左coupon後實收$327/位，長者同小童有7折，都幾抵食，話晒四季悅都算有質保證，同旺中啲放題質素始終唔同。放題只係平日夜晚同星期六全日供應，任飲任食，仲要咁既價錢就有清酒任飲，選擇都幾多，每個分類起碼都有6款以上選擇，分類包括: 刺身、壽司、前菜/沙律、軍艦/卷物、煮物/湯及鍋物、飯/麵及烏冬、燒物、天婦羅、炸物/烤物、飲品、甜品。當日想每款都試晒，但發現係冇可能><所以就highlight下咩係必試!!! 總結係熟食/熱食比凍食既出色，性價比高!1. 壽司左口魚壽司 !推薦!第一次見咁厚切既左口魚，比平時見既厚一倍，表面輕輕燒過，入口充滿油脂，又帶炙燒既香味，好滿足。壽司飯唔會過於鬆散，岩岩好一口size!2. 軍艦、卷物蔥吞拿魚蓉軍艦一上枱，被佢既顏色嚇親，偏啡色，不太推薦。3. 刺身選擇多，比較推薦帶子、蝦類同貝類(例如:馬刀貝、赤貝)，甜蝦連頭上，都幾大隻，入口帶膠質既黏性，都幾新鮮；雖然玻璃蝦比出面見既細少，相反，大路既吞拿魚同三文魚比較遜色