四妹廚房

营业中

休息中

係荃灣剪完頭髮就係附近行下睇下有咩食，原來荃昌中心地下都有幾間打冷，係角落頭有間小店「四妹廚房」，裝飾感好似穿越時空去左古代😂呢點就吸引左我入去食😂紅蘿蔔粟米豬骨湯有住家湯的味道。紅蘿蔔同粟米都好甜，令到成碗湯都好清甜。重要係無添加味精，好有心機。炸墨魚餅有三塊炸墨魚餅，炸至金黃色，又唔會炸到乾身，仍保留口感彈牙，沾上泰式辣醬更加好食。欖菜肉碎四季豆好好食，欖菜既咸香味，配爽口既四季豆好夾。仲有肉碎，餸飯食一流！蜜桃炒雞柳幾特別，第一次食熱食炒餸會有蜜桃。味道酸酸甜甜，都幾開胃。不過略嫌雞柳既炸粉有點多，不過整體既味道都唔錯。冬菜蒸魚（釘公）最怕食到蒸過龍既魚，不過呢到既蒸魚又幾好食，先講蒸魚時間拿捏岩好，唔會蒸到老晒。魚肉好滑，好食。乳香脆燒乳鴿見到有乳鴿又想食，又燒得幾好，皮薄酥脆 雖然細隻，但都幾多肉，肉質細膩。手打檸檬茶老闆娘親自手打檸檬茶，手打又確實幾好飲，酸甜味平均，好解渴。

[✨荃灣四妹廚房 ]#荃灣 #四妹廚房🔸深海泥鯭 (配白飯 + 湯) $88魚肉肉質鮮甜，調味恰到好處唔會搶到魚肉嘅鮮味，好食！🔸香煎墨魚餅 $32新鮮自家製，粒粒墨魚肉好有口感🔸是日炒菜 $88炒菜清甜爽口，亦好入味，仲有好多雞肉作配料，好豐富。🔸紅燒乳鴿 (配白飯 + 湯) $58乳鴿外皮炸得好香脆，味道亦唔會死鹹，肉質又嫩滑，水準好高！🔸土魷蒸肉餅 $72粒粒土魷好有口感，肉餅真材實料啖啖肉感，用黎餸飯真係一流。🔸手打檸檬茶 $28/杯新鮮足料檸檬茶，大熱天時真係清涼首選！————————♡♡♡♡♡♡————————✨總結餐廳係荃昌中心，不過由於係地下層，平時都唔會兜過嚟，係一間比較隱世嘅小店，主打家常菜，所以唔會有咩好華麗嘅菜式，不過水準就真係好高，好有家的感覺，加上價錢親民，份量又十足，好值得一試！ 📍四妹廚房🏠荃灣西樓角路186-200號荃昌中心昌安商場地下5號舖

搬左出嚟住之後成日都好掛住住家飯嘅味道，但收工再買餸已經好夜。見上網有人講依間四妹廚房可以食到屋企嘅味道，收工就即刻去試下😍店舖位於荃灣荃昌中心，鋪頭細細但勝在裝修有溫度而且坐落幾闊落👍每一個住家餸都會跟白飯同住家靚湯🌟鱷魚肉海底椰湯每日嘅住家靚湯都會唔同，我去果日就係鱷魚肉海底椰湯，飲落妹清潤，面且材料都好足又冇味精，好似媽咪煲嘅靚湯咁🌟藤椒魚皮（$58）真係好香藤椒香味，麻麻辣辣咁都幾過癮，如果怕辣嘅朋友仔可以夾埋啲青瓜絲一齊食，味道清爽之餘又可以降辣🌟香炸鯪魚球（$88）佢呢個鯪魚球呢好大牙而且外皮炸到好脆 加埋蜆蚧醬一齊食味道更加之出，同埋鯪魚肉本身已經夠彈牙👍🌟豉汁蒸馬友（$88）依間鋪頭其中一個主打就係蒸魚，每日都會有唔同嘅魚品可以揀😍我今次就叫左豉汁蒸馬友，魚本身蒸得好清又唔多骨，啱晒我依啲懶人🌟欖菜炒肉碎（$72）餸飯必點☺️炒嘢鑊氣好夠，欖菜用量一啲都唔手軟，每一啖肉碎都包埋欖菜👍👍🌟帶子蒸水蛋（$72）水蛋蒸得好滑而且又好香蛋味😍仲加埋鮮甜嘅帶子肉👍👍好好味🍴四妹廚房 (荃灣)📍荃灣西樓角路186-200號荃昌中心昌安商場地下5號舖

好友約我去位於荃灣西樓角路186-200號荃昌中心昌安商場地下5號舖的《四妹廚房》食住家飯，小店型式經營，裝修雅緻。我地點左：📍住家湯（跟餐）今日係：花生眉豆涼瓜煲排骨，湯底清甜，冇味精呀，好好飲。📍菜心炒雞柳 $72菜心青綠，雞柳嫩滑好味。📍酸豆角炒肉碎 $72呢碟餸送飯最好，肉碎好入味，有少少辣，幾惹味。📍香煎墨魚餅 $32墨魚餅煎得香脆嫩滑可囗。📍陳皮蒸深海泥鯭 $98上檯時，陣陣陳皮味好香濃；深海泥鯭 size 好大條，火喉掌握得好準確，魚肉嫩滑，連魚骨都食得好乾淨。📍飲品係竹蔗茅根和花旗參雪梨茶 $24 x2自家製的飲品，清爽好飲。

四妹廚房係荃灣一間小店，雖然地方唔大，得三四張枱，但老闆同店員都好親切，服務態度真係不錯。每碟餸都係即叫即做，味道都好有家的感覺。手打檸檬茶帶有清新的香茅味，飲落去好清爽，仲可以食到檸檬果肉，真係幾好味。炸乳鴿外脆內嫩，令人食得開心。椒鹽雞翼尖有濃厚嘅蒜香味，味道都幾惹味。加州鱸魚清蒸，魚肉鮮嫩，簡單又好食。特別提一下，佢哋嘅五指毛桃粟米蘿蔔湯完全冇用味精，味道清甜，健康又好飲。餐通常都會跟一碗湯，配合得幾好。最後，涼瓜肉碎炒蛋中間加咗榨菜，味道好啱送飯。總體來講，四妹廚房係一個值得一試嘅地方，食物好味，服務又好，環境輕鬆。下次有機會再去！

作為荃灣街坊時刻留意附近有咩住家飯和湯飲，見openrice推介這間便去試吓，我和老爸叫咗唐醋排骨、煎墨魚餅和雞柳炒菜心。糖醋排骨：只有鹹味和蒜味沒有甜，而且頗鹹。煎墨魚餅：味道okay煎得亦頗香口，但$32得三塊，有點貴。菜心炒雞柳：菜心碎上，計埋可能只得3 或4條菜心，幾塊雞柳，味道亦偏鹹，$72蚊有點貴。個餐系跟飯和送例湯，例湯係野葛菜煲山斑魚，味道偏清淡，但飲得出嘢葛菜味。整體來講，性價比不高，價錢頗貴，作為街坊不會再幫襯。

今日我去咗一間風味小店，食咗好多好味嘅嘢，真係開心到不得了！🍽️✨首先，我哋叫咗香炸鯪魚球，外脆內嫩，魚香味十足，食落去真係令人回味無窮！🐟😍 接住就嚟嘅係蒸黃花魚，魚肉鮮嫩，味道清甜，搭配上特製醬汁，簡直係人間美味！🐠👌之後，金不換炒雞翼真係好特別，炒得十分可口，雞翼同金不換嘅味道配合得恰到好處，令人一口接一口！🍗✨ 再加上豆豉鯪魚油麥菜，清新又健康，豆豉味道濃郁，真係好開胃！🥬😋最後，我哋仲試咗蒜香椒鹽雞翼尖，味道香脆，蒜香味勁，食到唔想停！🧄🌶️甜品方面，我哋叫咗香蕉朱古力蛋餅，香蕉嘅香甜配合朱古力嘅濃郁，簡直係完美嘅組合！🍌🍫 每一口都係幸福感，食完真係心情好好！❤️🥳總括來講，今日嘅風味小店真係好正，期待下次再嚟試其他美食！大家一定要試下呢間店！🎉🍽️地址：四妹廚房 (荃灣)荃灣西樓角路186-200號荃昌中心昌安商場地下5號舖

首先黎碗無味精既牛鰍魚海螺煲清保涼暖暖胃😌🌟東菜薑絲蒸紅衫魚🌟🐟新鮮紅衫魚肉雪白嫩滑！東菜鹹香+薑絲祛腥，蒸得啱啱好👑#即叫即蒸 #魚鮮味爆棚🌟紅燒乳鴿🌟🕊️即叫即炸熱辣辣！皮脆到「咔滋」聲💥肉質juicy夠南乳香～附淮鹽+檸檬角超貼心🍋#招牌必點 #食過返尋味🌟客家鹽香手撕雞🌟🍗雞肉撕成絲絲好入味！麻油香+芝麻脆口，下面仲墊咗青瓜絲🥒清新解膩～ #夏日開胃🌟煎墨魚餅🌟🦑手打墨魚膠超彈牙！煎到金黃微焦脆邊，咬落仲有墨魚粒粒口感～點自家辣醬更惹味🌶️#真材實料 #必食小食🌟香蕉朱朱蛋餅🌟🍌熱辣蛋餅包住流心朱古力+香蕉片！外脆內軟淋煉奶，邪惡但幸福感滿分💯#甜品控必試 #即煎香噴噴🌟奶茶朱朱🌟☕️港式絲襪奶茶x朱古力醬！茶味濃而不澀，朱古力甜度剛好～凍飲仲有复古玻璃杯🍶#懷舊特飲 #打卡一流❤️老闆娘仲會問口味偏好，超有人情味～

四妹廚房真是一個家常味十足嘅好地方！今次試咗佢哋嘅菜，真心唔錯，肥仔話你知點解啦～🍽️韭菜魚肉角皮薄餡靚，韭菜同魚肉夾到正，煎到金黃香脆，食落好juicy，一啖接一啖！🍽️墨魚餅外脆內軟，墨魚味濃到爆，彈牙又香，點醬仲正！🍽️涼拌魚皮爽爽脆脆，酸酸辣辣好開胃，夏天食一流！🥣五指毛桃粟米紅蘿蔔栗子湯清甜養生，湯頭濃而不膩，栗子軟糯，飲完好舒服。🐠上湯金絲魚魚肉滑嫩，湯汁鮮到飛起，啖啖都係滿足。🍳窩蛋蒸牛肉餅蛋香同牛肉好match，入口即化，簡單但有心機。🍆麵醬雞肉炒菜心雞肉入晒味，菜心爽脆，麵醬香到不得了，真是一個好拍檔！🍦甜品香蕉煎餅甜甜軟軟，外皮焦糖香，配香蕉好夾，食完暖笠笠。總結，四妹廚房用料新鮮，煮得有心，無論前菜定甜品都好有誠意！環境舒服，服務親切，帶埋家人朋友嚟食一流。下次一定再返嚟試多啲好味嘢！

｛食盡荃灣之港式 — 四妹廚房｝————————————————呢間位於荃灣嘅隱蔽食堂，如果平時唔係逛開荃灣未必咁易搵得到， 但其實只要用心搵你就會搵到寶🤣 #四妹廚房 喺間主打家常菜 盆菜或者同埋海鮮加工嘅餐廳， 佢跟餐送嘅湯，連鹽都係另上嫁，保證冇味精🫡 🔸 香煎墨魚餅 $32 呢個墨魚餅煎得好香口，咬落去你係食到係真係手打墨魚嘅味道， 點埋啲甜酸醬食真係好快三兩下就清曬😋 🔸 紅燒乳鴿 $58 乳鴿一隻分四件大大隻， 一咬落去啲油香漏曬出嚟，佢嘅味道同茶樓比，感覺上係冇咁鹹，同埋新鮮d既感覺🤔 🔸 欖菜肉碎炒豆 呢碟嘢送飯簡直一流呀，佢嘅重點係佢啲汁， 仲有啲肉碎同豆都勁入味， 欖菜平時好少食，原來咁樣煮法咁好味😋 🔸蒸釘公 $78 叫咗個是日蒸魚套餐，佢呢度好特別有好多唔同魚可以揀，例如馬友 黃花 黃腳立 同泥鯭等等， 條魚蒸得啱啱好火喉，唔會太老， 而且仲好大條兩個人食都好足夠🤗 Overall comment: 其實呢間餐廳真係好適合平時收工唔得閒煮飯嘅打工仔， 又或者係今晚唔想煮飯嘅朋友， 佢嘅家常菜味道真係好好味， 我仲聽到啲街坊朋友係可以同老闆討論佢想點樣煮呢度菜㗎！

今日收早，同朋友去荃灣經過呢間 住家菜。首先係乳鴿，皮炸得香脆。而個湯煲真係驚喜，完全無腥味，特別啱怕食魚湯嘅人。最出色係鬼馬豆卜，入面仲有鮮蝦肉，配埋泰式辣醬，味道配搭得好好！仲有一碟 欖角肉碎炒豆角 完全是媽媽的味道 🙂整體黎講，呢度嘅菜式都係住家菜為主，冇味精 有家的感覺 ..另外，魚都蒸得恰到好處，保持住鮮味。值得一試！最後既甜品係 香蕉朱古力蛋餅,好似係個煎蛋上邊撈埋朱古力同埋香蕉咁。10分特別出邊冇呢個菜式。🍽️四妹廚房 (荃灣)📍荃灣西樓角路186-200號荃昌中心昌安商場地下5號舖

今日去左荃昌中心果邊行街，平時行開天橋果層，落地下行果陣無意中發現左一間幾隱世嘅小店，叫做「四妹廚房」，主打一系列家常農家小菜。價錢唔算貴，夜晚七十蚊已經包飯同湯，於是決定入去試試佢。叫完野食即刻有湯飲，天天新款，食果日就係紅蘿蔔栗子雞腳粟米湯，飲得出唔係味精湯，而係用時間煲出嚟嘅老火湯，好飲過好多燉湯店！餸就要左糖醋骨，調味唔錯，好開胃，每件骨都有好多肉，食得好滿足。再叫左一份乳鴿，炸得好香口，肉質亦都好嫩滑。冷盤叫咗藤椒魚皮，爽口彈牙，唔算好辣但夠惹味。蒸魚都好有驚喜，食得出係新鮮魚蒸成，肉質好嫩滑，亦都好香。豆豉鯪魚油麥菜都好食，炒得夠香，好有家常味。飲品揀左近期好hit嘅手打檸檬茶，打得幾好飲，酸甜度適中，茶又唔澀，夠解渴！最後叫左香蕉煎餅做甜品，食得出係自己煎，甜度適中亦唔會太滯，而香蕉味都好natural，好食過好多小食檔！整體食得幾滿足，間唔中想食D住家味道嘅人可以過嚟試。

荃灣嘅四妹廚房，係藏喺荃昌中心地庫嘅一間家常菜餐廳🏠，但就好有住家飯嘅感覺💖。踏入去嗰刻，簡樸嘅裝修加上老闆娘嘅親切招呼，真係俾人一種返咗屋企嘅溫暖✨。對於我哋呢啲平時少煮飯嘅家庭，呢度係一個好理想嘅選擇。我哋今日晚餐先嚟一個砵仔雲吞菜膽雞湯🍲，湯底濃郁，啲雲吞包得紮實，菜膽清甜，飲完暖住肚又暖住心。接住嚟就係清蒸黃腳鱲🐟，魚肉細嫩鮮香，無過多調味，但蒸得啱啱好，完美呈現魚嘅天然味道。紅燒乳鴿係必試之選🕊️，皮脆肉嫩，油香滲入每一啖肉度，仲配咗自家製嘅胡椒鹽，味道平衡又突出。而蒜心炒牛肉🥩，香味撲鼻，牛肉嫩滑，蒜心清脆，令人口感豐富又滿足。甜品方面，我哋試咗朱古力煎餅🍫，薄薄嘅煎餅包住濃郁嘅朱古力漿，入口甜而不膩，為整餐畫上完美句號。總體嚟講，四妹廚房唔單止係食物好味🤤，更加喺服務同人情味上都俾人有一種歸屬感💫。價錢親民，味道樸實，真係值得推薦💕。喺繁忙嘅都市生活中，呢個地方就似一個港灣，俾人停低嚟細味「家」嘅滋味😌。

荃灣住家飯呢間餐廳係家庭式經營，好多街坊幫襯。坐左一陣老闆端黎兩碗牛大力土茯苓湯,好好飲，冇落味精。另外嗌左酥炸乳鴿，清蒸馬友同店家新出既海鮮鍋。酥炸乳鴿好脆雖然細隻但啖啖肉，點淮鹽食，好味！清蒸馬友食得出好新鮮，肉質緊緻滑嫩，唔需要太多調味已經足夠😋海鮮鍋係店家最新推出，有蟶子、鮑魚、螃蟹、貴妃蚌等，超豐富，另外窩底有粉絲，索曬海鮮汁。另外，可以+20就有一碟菜，豆苗+28，有菜有肉有湯有營養，超抵。

今天一位住荃灣的多年老友記帶我來到這間溫馨小店，我和他一進門彷如回到家中，老闆娘深知我朋友的喜好，坐下便先奉上兩碗熱騰騰的老火靚湯。朋友推介必試招牌乳鴿 🦅 皮脆肉嫩，油香四溢！外皮金黃酥脆，咬下去還會聽到「喀啦」聲，肉質鮮嫩多汁，入口即化！配上特製的胡椒鹽，絕配！💯主菜點了二款小菜套餐酸辣豆角炒肉碎 🌶️ 這是我的心頭好！豆角爽脆，肉碎鮮香，辣椒提味但不嗆喉，酸中帶辣，開胃下飯！🍚 每一口都讓人停不了筷子！冬菜蒸撻沙魚 🐟 一般餐廳酒樓極少見，簡單卻極具功夫！魚肉新鮮，加上冬菜的鹹香，蔥花和薑絲提升層次，清淡卻不失味道！湯汁拌飯一流👍另外點了蒜蓉炒時蔬 🥬 用的是新鮮菜心苗，清甜爽口，蒜蓉香氣十足，完美配菜！整體來說，四妹廚房主打家常菜，每一道都充滿「媽媽的味道」！價錢親民，份量十足，最重要是每道菜都充滿心思💝，被濃濃的人情味包圍！🥰 #香港美食 #荃灣美食 #家常菜 #溫馨小店 #必試美食 #脆皮乳鴿 #老店 #人情味 #美食分享 #吃貨 #相機食先 📸