喫茶ちょうぼ

营业中

休息中

呢間日式喫茶店真係好有心思! 除咗招牌蛋包飯之，定期會轉Menu~ 今次推出秋季限定食品有蟹黃菜式🫶🏼🦀 黃咖喱白露蟹肉蛋包飯 : 黃咖喱同蟹肉好正 流心蛋包飯好吸引❤️ 炒飯好多材料又豐富🙌🏼 🍔 焦糖洋蔥鳥取和牛漢堡配薯條 : 和牛漢堡好juicy😊 焦糖洋蔥令口感更豐富🧅雞皮餃子: 雞皮好脆，餡料都好豐富🩷 沾上醬油蛋黃 好香滑!🍮 桂花烏龍布甸戚風蛋糕盛合 : 布甸好嫩滑😍 淡淡桂花烏龍香味😆 戚風蛋糕好輕盈!二番甜薯牛乳 $58: 紫薯加甜薯 兩種顏色好靚，紫色同黃色都好代表秋日氣息🍂焙茶麻糬沙冰 $52: 焙茶味好濃 唔覺得甜😝

喫茶ちょうぼ🦀秋季新餐目 - 「白露秋風蟹逅」🦀餐廳裝修精緻，十足日本洋食居，全店以昭和風作裝潢非常吸睛，深啡色系色調讓餐廳整體感覺舒服和諧，門前放上日本精品如餐具、擺設等，讓人有種置身於日本咖啡店的感覺。餐廳座位寬敞舒適，設有海景卡位，維港景色飽覽無遺。🦀黃咖喱白露蟹肉蛋包飯海量蟹肉，蛋包飯蛋香嫩滑，火喉剛好，黃咖喱微辣帶甜，非常惹味，整體不油不滯，難怪不少人因為蛋包飯以冒名以來！🦀酥炸軟殼蟹塔塔醬漢堡原隻軟殼蟹，炸至金黃香脆，非常脆口，內裡蟹肉肉汁豐富且爆膏，蟹膏呈現金黃色，鮮味甘甜，蟹肉鮮味，設有沙律菜和薯條伴上，大滿足🥰🍁桂花烏龍布甸戚風蛋糕盛合 擺盤精緻，充滿秋天的氣息，藝術風滿滿。布甸富有濃濃蛋香，甜度適中，布甸下層是帶濕潤的烏龍戚風蛋糕，口感豐富，戚風蛋糕拌上奶蓋，入口更順滑，沾上彷公園泥地的焦糖餅乾，口感層次更豐富，今季必試！🍵抹茶麻薯沙冰 抹茶控必點！雖說是沙冰，但抹茶味濃而回甘，甜度適中，入口順滑，配上麻薯，口感煙韌有嚼勁，大滿足餐廳屬Pet friendly cafe，下次帶埋我的小博美到訪打打卡先🐶❤️喫茶ちょうぼ (銅鑼灣)📍銅鑼灣告士打道280號世貿中心4樓8

今晚同媽咪過來位於銅鑼灣的「喫茶ちょうぼ」食晚飯，是一間以淺木色作主調的和風cafe，主打和式洋食。店面及餐廳裡面有旋轉樓梯及樹木等佈置，而窗邊座位有海景相伴，環境相當舒服寫意。黃咖喱白露蟹肉蛋包飯 $165賣相好吸引🤩蛋包飯的雞蛋用上日本廣島縣新紀元卵，將煎成半熟的橄欖形奄列放在炒飯上，蛋皮剛好熟🍳，不破皮又不過老，包著半熟而嫩滑的蛋漿，上桌時才在客人面前輕輕切開，半熟蛋汁慢慢流出，飯粒帶有蛋的濕潤，蛋味濃郁，口感幼滑🤗再配搭黃咖喱汁🍛及蟹肉一啖食落口，口感豐富。焦糖洋蔥鳥取和牛漢堡配薯條 $115麵包稍為烘過🍔，表面微脆內裡鬆軟，漢堡用料豐富，和牛漢堡入口爆汁🐮，非常juicy，肉質軟嫰，肉味濃郁帶油脂香😍加埋芝士，非常正👍🏻另外底部夾有洋蔥🧅加埋焦糖可以中和油膩。 月見雞皮餃子 (2串) $77雞皮烤得皮金黃酥脆🐔，內餡軟嫩多汁。雞皮油香十足，餡料亦都好飽滿，蘸埋月見汁，口感焦脆帶軟滑。桂花烏龍布甸戚風蛋糕盛合 $115擺碟好有秋意呢🍂🍁桂花烏龍布甸🍮的桂花香味突出，口感滑嫰，戚風蛋糕很鬆軟🍰，面頭配上的奶蓋也是桂花味，甜而不膩🥰底部有大量lotus的餅碎，夾埋一齊食，口感更豐富

銅鑼灣呢間喫茶 比大埔食開嗰間更加好坐環境寬敞 樓底高 又有卡座 仲對住海景㖭喺度食個lunch都食到唔想走.《黃咖喱白露蟹肉蛋包飯》極多蟹肉 仲要唔係一絲絲咁簡單 係一梳梳切開個蛋 裏便係瀑布流出嚟咁澎湃 又香又滑滑蛋撈飯撈蟹肉再撈埋咖喱一齊食 絕對夠晒滋味.《焦糖洋蔥鳥取和牛漢堡配薯條》鳥取和牛漢堡好鬼厚身 鮮嫩多汁 肉質細膩每一啖都有豐富肉香 焦糖洋蔥有微微焦香塊芝士直頭係mon實塊扒 夠哂邪惡伴碟既薯條亦都夠哂金黃酥脆.《月見雞皮餃子》以雞皮包住既餃子 單是外觀已經令人流晒口水金黃酥脆既雞皮 包住juicy內餡一咬開 就爆哂d雞汁鮮香出黎最緊要係點埋生雞蛋黃🥚幸福感爆燈.《桂花烏龍布甸戚風蛋糕盛合》呢個係秋季限定 整個賣相好有和風既優雅 特別係有塊好精緻既脆片扮黃葉🍂戚風蛋糕輕盈柔軟 散發桂花淡雅既香氣連埋上面既烏龍茶味布甸 同滑捋捋口感形成對比

「喫茶ちょうぼ」裝修環境吸引，門口同餐廳入面都有兩大棵樹🌳，充滿日本風情，仲有海景同充足嘅採光，感覺好舒服恬靜。我同朋友點咗壽喜燒牛肉蛋包飯🍳、軟殼蟹忌廉意粉🦀、白桃梳打🍑同夏日海洋梳打🌊壽喜燒牛肉蛋包飯🍳賣相好靚！服務員會喺客人枱前切開鮮嫩嘅奄列蛋，睇住留心嘅蛋汁流出嚟，好療癒！再加上香濃嘅醬汁，未食就已經好期待！牛肉嫩滑，蛋包香軟，配上醬汁簡直一流！軟殼蟹忌廉意粉都唔錯，軟殼蟹大大隻又香脆，加兩粒鮮嫩帶子，忌廉意粉口感 creamy，入面仲有好多秀珍菇🍄🍹飲品方面，白桃梳打🍑同夏日海洋梳打🌊都好清爽，適合夏天飲用。而且加 $38 就可以變成套餐，有兩個小食同一杯飲品，真系好抵！不過兩碟小食，其中一碟係紅蘿蔔同埋青瓜嘅薄片，感覺有啲似廚餘🤣我冇食到😂

我嚟到銅鑼灣世貿中心，試吓呢間近期好多人講嘅日式cafe — 喫茶ちょうぼ (Choubo Kissaten)！裝修走溫馨和室風，有種返到昭和年代嘅感覺😌，打卡一流！前菜小食：月見汁雞皮餃子 🥟一上枱就聞到陣陣雞皮嘅香脆味！個餃子皮炸得金黃酥脆，咬落去卜卜脆，口感一流！蘸上用日本雞蛋所做嘅月見汁，簡直係絕配！主菜：黃咖哩白露蟹肉蛋包飯 🍛🦀呢個蛋包飯個蛋皮煎得滑溜溜💛，賣相一流！白露蟹肉嘅鮮甜味同黃咖哩嘅濃郁香氣完美融合，咖哩唔會太辣，啱晒唔食得辣嘅朋友仔。飯粒粒粒分明，濕潤度適中，整體口感豐富，絕對係必食推介！主菜：焦糖洋蔥鳥取和牛漢堡配薯條 🍔🍟牛肉漢堡扒煎得啱啱好，用咗嚟自烏取嘅和牛，肉汁豐富，唔會太老，好有水準！焦糖洋蔥嘅甜味中和咗牛肉嘅油膩感，配埋香脆嘅薯條，簡直係完美組合！甜品：桂花烏龍布甸戚風蛋糕盛合 🍰🍮桂花烏龍布甸戚風蛋糕盛合真係令人驚喜！戚風蛋糕鬆軟綿密，桂花嘅香味淡淡地滲透喺蛋糕入面，唔會搶咗烏龍茶味，而布甸滑溜香濃，兩種口感嘅配搭好夾，甜度適中，食完唔會覺得膩！飲品：草莓沙冰🍓 & 秋茗柿橘沙冰🍊最後就係飲品啦！草莓沙冰夠晒冰涼解暑，草莓味濃郁，酸酸甜甜啱晒夏天

以淺木色系的裝橫為主調，旋轉樓梯與書架牆的佈置帶來時尚優雅的氣氛，吸引不少食客甚至帶埋寵物前來朝聖打卡。食物賣相精緻，味道甚有水準。黃咖喱白露蟹肉蛋包飯 $165賣相吸引，蛋皮柔軟，配搭香濃的黃咖喱和白露蟹肉。咖喱的香氣與蟹肉鮮甜，每一口都令人陶醉。搭配的米飯也煮得恰到好處，味道層次豐富。焦糖洋蔥鳥取和牛漢堡配薯條 $115以鳥取和牛的鮮嫩肉質為主角，漢堡的麵包外酥內軟，肉味香滑，吸引食欲。薯條金黃酥脆，鹹香可口。整體口感層次分明。十月份的有獎活動：洋式芝士蕃茄香脆雞皮包住蕃茄，濃郁的芝士與新鮮的蕃茄相互交融，香氣四溢。桂花烏龍布甸戚風蛋糕盛合 $115外觀精緻，鬆軟的蛋糕帶淡淡的桂花的香氣。戚風蛋糕鬆軟輕盈搭配濃郁的烏龍茶布甸，讓人感受到茶與花的完美結合，令人心情愉悅。朱古力曲奇黑咖啡 $52朱古力曲奇外脆內軟，搭配一杯香濃的黑咖啡，既能提神又能滿足口腹之慾。二番甜薯牛乳 $58帶有淡淡的甜薯香味，口感順滑。它不僅是一杯飲品，更是一種享受。

不時不吃，秋風起，除了三蛇肥之外，吃蟹都是一個不錯的選擇，今次來到有日本🇯🇵和洋風味道極的餐廳享用蟹🦀膳，享用咗兩個時令午餐，第一個係酥炸軟殼蟹塔塔醬漢堡，上枱時都有點驚喜，隻蟹比漢堡包大，所有蟹腳都伸了出來，薯條也很美味。第二個是大勢蟹黃膏蛋包飯，上枱時跟一般蛋包飯沒有分別，只是上面加了幾粒三文魚子，但將醬汁倒了在飯上就有點驚喜，如同吃蟹粉沒有分別。但是千祈不要小看這幾粒三文魚子，完全能夠提升蟹膏的味道，CP值極高！這間餐廳Pet friendly，好多人會帶狗仔嚟食飯！環境擺設簡單，佈置格局好有和風feel，食物有西洋風，燈光又柔和，有卡位位置，亦有維港海景，讓人有舒適感覺之外，服務也不俗。本人大多數都是來這裏吃午餐，真的是一個不錯的選擇。

銅鑼灣世貿中心呢間日式餐廳裝修環境超靚😍打卡一流👍👍👍星期四晚餐廳唔算多人，同朋友食飯傾計好舒服，環境好好！佢有好多秋季限定食物，今期好多蟹既菜式。有兩碟小前菜，味道都唔錯。紫薯牛乳抹茶麻糬沙冰兩杯都覺得麻麻🥺🥺紫薯牛乳非常淡，完全冇紫薯味、連少少奶味都冇，唔知飲緊咩🥲抹茶麻糬沙冰上面有粒細細嘅麻糬，抹茶同沙冰好似唔係好夾，味道都係偏淡。蟹黃膏蛋包飯$172，未切開時賣相幾靚，但唔記得影🤣蛋香滑、入面係炒飯，個蟹黃味道都係好淡，正正常常，但唔覺得好好食🫣🫣炸軟殼蟹扁意粉$98，軟殼蟹超大隻，熱辣辣脆卜卜，不錯👍仲有兩粒帶子，意粉就係普普通通嘅卡邦尼意粉。桂花烏龍布甸戚風蛋糕成合$115賣相打卡一流，超有秋天嘅感覺😍😍個布甸幾好食，戚風蛋糕就正正常常普通。整體嚟講餐廳環境很好，下次可以試下其他款式既蛋包飯可能會更好。

位於銅鑼灣世貿中心4樓的喫茶ちょうぼ(Choubo Kissaten）是一間日系昭和風餐廳，裝修以木系為主，配上旋轉樓梯，貓貓裝飾等設計，氣氛相當溫暖療癒。焦糖洋蔥鳥取 Ne和牛漢堡配薯條 $115和牛漢堡很Juicy,焦糖洋蔥汁甜味帶起了漢堡扒嘅鹹香，再配上香脆薯條，味道都唔錯。升級套餐（+$38 配飲品及前菜）秋茗柿橘沙冰 小編加了$38升級為套餐，可選擇一些特色飲品。這款秋茗柿橘沙冰帶點秋意嘅感覺，半個小小的柿橘蓋在橙色嘅沙冰上，很優雅，亦帶有微微柿橘香。不過沙冰味道較淡，若果味濃一點，相信味道會更好。明太子蛋包意粉蛋包意粉蛋味濃厚，切開蛋包嘅時候蛋香四溢，感覺特別治癒。 但蛋漿配搭意粉，吃時有點膩嘅感覺，小編覺得蛋包還是配飯會較好。士多啤梨刨冰 $62士多啤梨醬加刨冰，很簡單嘅甜品。刨冰不像棉花冰嘅幼滑，真的有一片片冰嘅感覺。不過賣相甜美，兩個人開心share打打卡，都可以一試。

🥗和風北海道松葉蟹肉沙律 $82 (7/10)冇諗過係蟹肉薯仔沙律，入邊仲有隻糖心蛋，蟹肉都幾多，食落去薯仔口感都幾秘密，加埋糖心蛋一齊食都唔錯！🍴大勢蟹黃膏蛋包飯 $172 (7.5/10)蟹黃醬比想像中少，蟹膏蟹味都唔算好濃，可能用咗新鮮嘅蟹去整？但好嫩滑，個飯係用茄汁蔬菜炒過比較濕潤，都OK的。 🍴香滑忌廉煮青口鍋配香草薯條 $172 (7.5/10)忌廉汁係有輕微嘅香味，食落去鹹鹹地，青口份量都算幾多都幾大隻唔會好腥，配咗個薯條非常之香脆，少少油膩。🍊秋茗柿橘沙冰 $68 (8/10)第一次飲柿嘅沙冰，佢仲有半隻柿放咗喺杯上面裝飾，都幾靚嘅，因為佢真係好似食緊一個真嘅刺一樣，口感比較濃稠一啲，好自然清新嘅甜味，都幾唔錯！推薦指數: 8/10星期五夜晚都幾多人，記得上網book位，嘢食唔錯，不過限時90分鐘，食完就要交枱，不過好彩我哋7:30後先入座就唔使咁急。

同朋友一齊去呢間試下一入去有一種寧靜的感覺環境確實不錯👍很適合坐低傾下嘢但係有時限 最多90分鐘時間到職員會過來埋單趕客（印象中嗰時無客戶排緊隊 感覺少少差 ☹️有好多種類蛋包飯我嘅friend叫了咖喱牛腩賣相好好😙我自己最後叫了漢堡包 味道都唔錯😋跟餐+38蚊有前菜同嘢飲嘢飲可以揀牛奶、茶、咖啡、蘇打、冰沙我地叫左兩杯冰沙一個草莓一個橘子上菜時好有驚喜🤩 賣相靓 味道都好好👍但係前菜就遜色 只係一小碟嘅酸菜😅講真餐廳乜都好唯獨服務人員服務態度好差無論時點餐或者埋單態度都好差點餐叫了3-4次每次都係「等陣啦」 但係等勁耐 職員都無返來上小菜的時候兩碟不一樣問佢有無話邊碟跟邊個餐佢竟然翻白眼🙄好趕客Anyway 有個心理準備的話齋去坐下食嘢都okay嘅

環境靚，食物外觀同質素都幾好唯獨敗於店員服務⋯⋯星期六幫襯都知好忙，但廚房負責拎野出黎個個女仔，放低碗碟似茶記阿叔，勁大聲⋯⋯黑口黑面咁⋯呢一下已經扣哂分，你會覺得自己俾過百蚊坐呢到，究竟食緊日式餐廳？定普通茶記？！？同一個伙記，再拎飲品出黎，再一次好大聲放上枱！連隔離枱嘅食客都留意到⋯嚇親⋯⋯忍唔住笑⋯。我估佢都唔敢相信呢個咁靚環境，但有咁嘅伙記係到⋯⋯！個位伙記，戴color con，金髪，有紋身，女仔黎如果店主見到呢個post ，請你叫呢個員工注意一下服務態度⋯⋯⋯破壞哂成間餐廳形象！

我想講呢個係一個非常適合打卡嘅蛋包飯個waitress會直接喺你面前劏開佢你哋影相好食得嚟有健康佢入邊係炒飯同埋都有啲蔬菜唔會吃白飯咁寡個軟殼蟹burger超級大個又脆又好食我覺得最出色都係佢嘅甜品烏龍茶布甸同埋戚方蛋糕係絕配再加埋啲nuts同埋餅碎成件事非常之有口感再食埋個山梨桃刨冰真係好清新同超級飽我個蜜桃soda同個柑橘冰沙都唔錯同埋餐廳入邊嘅設計都好靚好啱喺入邊打吓卡同埋坐低睇吓書成個下晝

同閨蜜相聚入咗依間高質好味又打卡able仲係Pet friendly 嘅昭和風餐廳🥰坐得舒服又傾得開心仲食得滿足😌入秋又係食蟹嘅季節要來了嘅感覺，所以我哋嗌咗🥢大勢蟹黃膏蛋包飯 🍳酥炸軟殼蟹塔塔醬漢堡 🦀秋夕山梨桃刨冰 🍧桂花烏龍布甸戚風蛋糕盛合 🧁🍰大勢蟹黃膏蛋包飯 ，勁大兜蟹肉同膏🥰🥰🥰店員落枱仲問我哋係咪要影相先😂😂果然好清楚相機食先依個習慣，佢等我哋影好相之後就幫我哋𠝹開個蛋包飯🤤🤤一𠝹 滑溜溜嘅蛋就湧出嚟 再淋上蟹肉蟹膏醬～滑溜蛋香配上鮮味蟹黃膏仲有少少三文魚子點綴多左一種口感，每啖都充滿蛋香同蟹肉蟹膏嘅鮮配搭埋有味底嘅炒飯相當美味🤤而且份量都唔細。酥炸軟殼蟹塔塔醬漢堡 🍔真係成隻蟹咁上😚蟹外層酥脆夠薄一啖咬落去鮮味同蟹汁夾埋充滿牛油香嘅包皮配搭他他醬啱啱好香口得嚟唔會覺得好膩，漢堡仲配有薯條🥰秋夕山梨桃刨冰 ，冰感幼細入口即化，冰面有Cream仲淋咗淡淡的粉紅色桃汁清香甜口仲有好多片爽口香甜嘅山梨桃🤤解渴一流。桂花烏龍布甸戚風蛋糕盛合😍擺盤好精緻～我哋都大愛依個甜品😂 佢個桂花烏龍味好出色，除咗陣陣桂花香味又有濃郁嘅烏龍茶味依個配搭真係絕配嚟。戚風蛋糕軟綿細滑，布甸有3重味