喫茶ちょうぼ

营业中

休息中

平時好少食西餐既我, 近日發現左依間日式西餐廳, 門口見到餐廳裝修好有日式復古感覺, 已經怖置哂聖誕裝飾, 餐牌上既食物繪圖都好有心思炸七味雞軟骨最鍾意食脆口野, 雞軟骨炸得好香脆, 大粒得黎口感實在, 外層脆面味道好惹味, 愈食愈停唔到口特大海老蛋包飯超大隻炸蝦伴左他他醬, 食落外脆內彈, 蝦肉炸得剛好, 食到爽彈口感, 蝦味好突出, 配他他醬食好夾, 蛋既底層係炒飯, 慢慢切開蛋已經睇得到半熟得黎好嫩滑, 蛋香味好濃郁, 配埋側邊既洋蔥醬汁連飯一口食好滿足!牛肉芝士漢堡麵包搽左牛油烘焗過, 所以食落帶微脆同陣陣牛油香, 中間夾左蕃茄, 芝士, 牛肉漢堡扒同生菜, 漢堡扒食落幾重牛味, 煎得剛好又唔會過份乾身, 仲帶有少少肉汁, 薯條都炸得幾香口, 食啖漢堡再食啖沙律平衡返味道同去左油膩感日式伯爵茶戚風蛋糕甜品叫左最簡單輕鬆既戚風蛋糕, 一食已經有陣陣既伯爵茶香, 質感好軟熟, 味道唔會太甜, 食完感覺舒服完全無負擔飲品焙茶麻糬沙冰同小倉紅豆牛乳, 焙茶嗰杯茶香出眾, 紅豆牛乳一飲就食到粒粒紅豆, 兩杯都唔會好甜

再訪尖沙咀K11喫茶，今次就係weekend同媽子來撐枱腳食晚飯，當然叫返份招牌的蛋包飯啦！我地既晚餐點左:.🥘特大海老蛋包飯掛住影相然後即刻食，唔記得左招牌動作就係切一刀係蛋包中間等佢左右兩邊滑下🥲 蛋真係好香滑! 原條炸蝦好大條，蝦肉爽，炸粉薄，剛剛好! 日式咖哩好香甜，最啱撈飯.🍔牛肉芝士漢堡好耐無食burger啦! 呢度burger都幾好食，首先係包體好鬆脆，然後中間既牛肉係好厚，口感豐富，成啖咬落去，好juicy爆汁! 旁伴有粗薯條同沙律菜，薯條就咁食都好香脆.🍗炸七味雞軟骨呢個有驚喜! 份量多，炸得剛剛好，好爽，調味都好夾! 唔需要點醬都好食! 旁伴有沙律醬，更添風味.🍮日式布甸呢個係傳統既日式雞蛋布甸，質感好rich，雞蛋味好香濃，加埋焦糖醬，好滋味.🧋焙茶麻糬沙冰麻麻地焙茶既我，都覺得味道都唔錯! 焙茶味濃且香，加埋麻糬增添左口感.🍹紅豆牛乳飲到牛乳味係好濃好rich，完全係來自日本既牛乳，加埋紅豆好香甜

見好似好多like，想試下。一早book左時間。叫左食物，賣相真係唔錯，有驚喜，打卡好岩，但豬扒飯同意粉口感都一般，呢個價錢唔值。蛋糕偏干d但cream係好食。成餐食得唔舒服主要因為真係服務麻麻。舉手幾次要加水都無人理，侍應一係玩緊電話，無人留意餐廳內顧客需求。一到90分鐘，即出單多一分鐘都無，個日係平日，門口都係得2個人排緊，侍應放低枱，一句唔該買單先，夠鐘，態度令人好唔舒服。90分鐘食完正餐食完甜品，俾人趕走感覺😂唔會再光顧👎

和朋友聚舊，選了這家日式西餐廳，並預先致電訂座。它位於商場內，位置方便。裝修以深色木材為主，有懷舊的和風色彩。我們二人獲安排卡座，環境舒適。 食物主要有蛋包飯、意粉、小食和甜品，在現時11月底已有聖誕主題食物，開始營造節日氣氛。 我們點了以下美食: 日式紅酒燉牛面肉蛋包飯 ($160) 有四大件厚切的牛面肉，煎蛋呈橢圓形，慢慢把它切開，蛋漿緩緩流出來，既有儀式感亦感覺迷人。蛋汁濃郁而煎蛋滑溜，米飯軟熟可口。牛面肉質感軟腍，肉味香濃，配紅酒汁，令味道更有層次。 聖誕庭園大蝦菠菜扁意粉 ($98) 這是聖誕主題的食物，嫰綠色的菠菜汁，配了鋪成環狀的扁意粉，再加了鮮紅色的車厘茄，感覺像聖誕樹佈置。可見它設計有心思，而且賣相佳，擺盤精緻，顏色鮮艷奪目，引起我們食慾。扁意粉軟滑彈牙，大蝦約有5至6隻，新鮮爽口，還夾雜了磨菇片。 雪人布丁與牛奶大福盛 ($68) 聖誕特色的甜品，上層是牛奶大福，並畫了笑臉圖案，令人會心微笑，大福煙韌但不至於太黏身，奶味濃郁。下層是日式布丁，帶點焦糖味，亦甜美動人。 服務員效率高，斯文有禮，態度親切。整體食物及服務質素良好。

香港越嚟越有唔同特色嘅食物，呢間位於K11 art mall係地鐵站上去一樓就見到喫茶就非常有特色。餐廳裝修呈開放式，俾咗食客一種空間感，而且佢用咗好多木製嘅裝修，好有自然派同咖啡店既感覺。望佢個名見到有日文字，就知佢係一間日本餐廳，不過屬於咖啡形式。佢餐牌已經換上咗聖誕節嘅氣氛，裏面嘅食物都係感覺日本料理作為藍本，但係加咗好多唔同特色上去。我哋叫咗其中一個主係牛肉芝士漢堡，外貌非常cute，個漢堡包疊到好高，因為佢塊漢堡非常之厚，重點係識落非常多肉汁，無比嘅出色。另一個主菜係大蝦蛋包飯，我自己最鍾意食日本料理嘅其中一道就係蛋包飯，個蛋煮到滑捋捋，將佢切開嘅時候啲橙汁慢慢流落嚟好有治療嘅感覺。

🍳漢堡扒蛋包飯💰$（小女子忘記咗）🦀炸軟殼蟹扁意粉💰$98🍓草莓沙冰💰$48.⚡️行經K11試咗呢間喫茶，呢間日式cafe裝修偏復古，勁有feel，同閨蜜嚟打卡嘆下午茶就至啱.⚡️🍳漢堡扒蛋包飯肉扒超厚身+juicy，炒飯有唔同顏色嘅蔬菜，食落超有食慾；🦀炸軟殼蟹扁意粉有好香濃芝士味🧀醬汁酸甜得宜，軟殼蟹大大隻，好滿足～.⚡️🍓草莓沙冰好呃like🤣不過要快啲飲晒，唔係冰融晒就冇乜士多啤梨味

見到門面好日系，裝修唔錯，就吸引左入去試吓，不過試完先知原來有伏🥹沒有套餐，只是單點，所以叫咗個飯和飲品👇🏽極·厚切吉列豬扒飯💲138吉列豬扒外層個炸漿不是脆口，豬扒食落去好腍，但就似煲湯肉口感，個人不是太喜歡🙃飯和蛋無乜特別焙茶牛乳（熱）💲45焙茶味濃，同豆乳幾夾，但唔知點解熱飲一飲落口是室溫，沒有熱度🥺食物質素和味度不似預期，服務態度麻麻，有冇戴口罩，都可以無乜表情和反應😑落單叫飲品時，無問清楚客人要凍定熱，就幫你決定咗；揮咗手一段時間都冇人嚟，有種扮睇唔到嘅感覺😌點會有下次。

餐廳環境好有復古日系感，佈置精緻優雅，枱凳同傢具係深木色，仲有有格調既吊燈，打卡不錯。食物質素都好唔錯，可以同fd來chill下。 七味雞軟骨 $69雞軟骨炸到脆卜卜，炸粉唔多，加少少香辣七味粉調味，再點埋沙律醬帶點清新，更加好味。 特大海老蛋包飯 $122來呢度必點蛋包飯，賣相好靚，好豐盛。兩大隻炸蝦外脆內軟，而且彈牙。打完卡，店員幫你切開半熟蛋。半熟流心蛋好嫩滑，撈埋珍珠米飯好正。 芝士牛肉漢堡包 連薯條同沙律菜 $105典型日式漢堡包，個包烘到好香脆，夠挺身。牛肉有厚度，入面有半溶芝士、蕃茄、生菜，好味道。薯條香脆，放耐左都唔會淋，味道正正常常。 南瓜芝士提拉米蘇 $49香甜南瓜蓉，帶有淡淡嘅芝士味，口感軟滑綿密，甜度適中，另外配上香滑嘅忌廉同埋士多啤梨，味道豐富。 小倉紅豆牛乳 $38軟綿綿紅豆，香甜而不膩，牛乳味道濃郁，入口順滑，攪勻紅豆味道更濃厚，凍熱都好飲。 焙茶麻糬冰沙 $52焙茶味香濃，麻糬軟糯煙韌，帶一點冰感。 

◐大埔日式馳名蛋包飯開到尖沙咀啦｜特色甜品布甸K11開左間日式蛋包飯，格調好復古，好似置身日本。大埔主店已經好出名，太遠一直無機會去，原來係港島都有開。必試蛋包飯，飲品焙茶沙冰推薦！𓇟特大海老蛋包飯$122 🎖️好大隻炸蝦，炸粉唔算太薄，沙律醬好特別，有d似m記魚柳包醬汁😁，好有誠意加左好多青瓜洋蔥等增加texture！飯可以撈咖喱汁就好和味，可以再炒香d比較好。蛋包飯蛋最基本應該做得好，雖然無一切就流開，但keep到個半流質狀態𓇟牛肉芝士漢堡$105牛肉唔會太乾，係真材實料牛肉爽口。當然算係中規中矩𓇟炸七味雞軟肾$69雞軟骨好脆口，同樣都係配特製沙律醬，炸粉算薄𓇟焙茶麻糬沙冰$52🎖️沙冰好推薦，焙茶味濃郁！𓇟紅豆牛乳$38牛乳打晒泡唔會過甜，紅豆十分慷慨𓇟南瓜芝士蛋糕$49日本南瓜圍住芝士蛋糕，唔係平時食既芝士，更似moose 質地，唔會膩

近來去尖沙咀的次數較多，也找了不少好吃的餐廳。炸七味雞軟骨即叫即炸，吃下去香脆無比，而醬汁酸酸甜甜，增味的同時又減少油膩感。特大海老蛋包飯的炸蝦又大又鮮，並非雪蝦帶膠的口感，配合咖喱汁，味道十分突出。最令人驚喜是蛋的部分，蛋汁十分滑溜，讓人食指大動！牛肉芝士漢堡中間的漢堡非常厚身，煎香後肉汁豐腴，配上外脆內鬆軟的麵包，味道不錯。南瓜芝士蛋糕選用南瓜配合芝士，味道意外地搭配。南瓜厚實的質感，配合芝士的柔軟，毫無違和感。焙茶味道製作的沙冰與焙茶雪糕很不同，雖說是焙茶沙冰，但感覺並不是那麼水，反而滿滿茶香。麻糬的口感與焙茶很搭配，煙煙韌韌的，配合焙茶沙冰，很香甜。小倉紅豆牛乳一來到就香氣十足，紅豆與牛奶味融為一體，淺嘗一口再吃軟糯起沙的紅豆，感覺暖入心。

🍊 餐廳名稱：喫茶ちょうぼ 🐝 味道：8.5/10環境：9/10整體分數：9/10💰人均：$100~200———————————————————日式喫茶店真係開完一間又一間，而今次就去到K11 Art Mall呢個充滿着濃厚既昭和復古風格既「喫茶ちょうぼ」。炸七味雞軟骨 💰78新鮮炸出黎既雞軟骨，味道正常但大大粒，最特別係佢附送既醬，應該有溝埋熟蛋黃入去既沙律醬，點少少黎食個口感同味道都變得更特別。牛肉芝士漢堡 💰120首先講吓個牛肉先，口感上係紮實的，但係係好食的，非常大舊！加分位係塊漢堡包係有搽牛油再焗一焗脆表面，入面軟熟，而且仲有薯條&沙律伴碟。特大海老蛋包飯 💰137呢個飯絕對對得起呢個價錢！蛋包飯塊蛋係靈魂之一，佢地整得好完整，切開仲會有少少蛋漿流出黎。兩隻炸蝦都好酥脆，另外就係個汁，係龍蝦汁來的，撈埋一齊食真係一流！南瓜芝士蛋糕 💰64用左原材料南瓜包主芝士蛋糕，好新穎既做法！旁邊仲有餅乾碎& Cream一齊食！味道唔會太甜！焙茶麻糬沙冰 💰52唔鍾意飲甜野既人，可以試吓！保留左焙茶既味道整成左沙冰，頂再有個麻糬同CreamCheese，味道口感上都好正！紅豆牛乳 💰38呢

今天跟老公第二次來這裏吃飯🥰就是喜歡這裏環境不錯，而且食物的性價比也高，是在尖沙咀用餐的一個好選擇😎今天是週末/六午飯時間，所以餐廳排隊的人還蠻多的🫢餐廳內以深色木及綠色/橙色植物為主，有些秋天的感覺🍁配有些日式擺設及爵士純音樂，非常復古❗️所以也有日式昭和風的感覺❣️餐牌上的手繪菜式看起來也非常可愛❤️而且菜式選擇也挺多的～特大海老蛋包飯 $137來到這裏是肯定要吃蛋包飯的😌兩大條熱騰騰的大蝦俯臥在鮮黃色的流質半熟蛋包飯上🤩看起來挺不錯的☺️大蝦下面我以為是咖喱汁，原來是類似龍蝦湯的海鮮汁🫢想不到跟大蝦味道也挺配的😋蛋包飯上的軟滑雞蛋呈半生熟狀態，入口香滑蛋味香🥰跟裏面的炒飯很配❗️牛肉芝士漢堡 $120漢堡包雖然只有正常的數款漢堡包配料，漢堡扒、芝士、蕃茄及生菜，但漢堡扒非常豐厚🤩漢堡包的麵包皮也烘得香脆鬆軟👍🏻其他配料的份量也配搭得宜，所以整體感覺也不錯😌入口Juicy，層次感豐富❣️還配有新鮮芝麻醬沙律及香脆薯條😎炸七味雞軟骨 $78即炸的雞軟骨既香口又爽脆🤩價錢雖然偏貴了一點，但份量挺多的，兩個人分享一下也吃不完呢🙈🥢焙茶麻糬沙冰 $52表面一旁是麻糬，而另一旁則是忌廉+雪糕❗️沙冰滿滿濃

平時經過見到都需要排隊，星期三晚餐時間竟然見到唔洗排！立即決定一試！餐廳內佈置以日式復古為主調，除咗影起相更好睇，整個氣氛都好柔和舒適，而且用餐時間唔會有好趕嘅感覺，適合同三兩好友嚟食飯傾計。食物方面選擇頗多，小食、主菜、甜品同飲料都有好多配搭，仲有素食選擇。個人諗為蛋包飯算係餐廳招牌必點，蛋奄列烹調時間掌握得好好，口感嫩滑又唔會太生；炒飯加上蔬菜粒口感好豐富。今次選擇炸海老做配菜，蝦嘅size好有睇頭，而且唔係用炸粉充撐場面，蝦肉彈牙飽滿；餐廳選擇用龍蝦汁作配，同蛋包飯味道好夾，鮮甜又唔會太濃味，食到尾都唔覺得膩。另一主食選擇 – 牛肉芝士漢堡，相比美式濃味大件，呢度風格應該算係日式小巧精緻，不過睇落份量唔大但食起好豐富，盡力食都係淨咗少少薯條好可惜。牛肉漢堡扒非常厚身，鎖到肉汁。香口小食炸雞軟骨，發現呢度嘅炸物都好出色，香脆唔油膩。南瓜芝士蛋糕好有趣，真係原件南瓜上，芝士蛋糕部分口感似奶皇同吉士，芝士味較淡，但同南瓜一齊食口感同味道都出奇地配合，鍾意甜品不妨一試～熱紅豆牛乳牛乳夾紅豆味道相信大家都好熟識，暖笠笠之選，呢度係基本味道之上加咗玫瑰花瓣，有股花香好舒服。焙茶麻糬沙冰清新解

Choubo Kissaten設立「素の樂」套餐🥗利用全素餐單響應今次嘅活動🫶🏻而且每售出一份套餐,餐廳亦會捐出半數之金額給予「NPV非牟利獸醫服務協會」,盡一點點綿力去支持協會嘅營運💪🏻絕對好值得支持👏🏻🌟喫茶ちょうぼ x非牟利獸醫協會嘅素の樂套餐🍅和風醬熊本番茄精選日本熊本縣番茄🍅甜度達4.5-5.5度之間,搭配自家調配嘅和風醬,更能突顯出其清甜特性☺️同和風醬一齊食,酸酸甜甜嘅味道,係開胃餐前小食😛🍛野菜咖喱蛋包飯賣相色彩繽紛😍新鮮嘅野菜同微妙嘅辛香咖哩汁相互融合,帶嚟一種令人上癮嘅滋味😛職員會幫忙切開雞蛋🥚然後金黄色嘅蛋液會流入咖哩,啖啖滋味☺️🍝松露蘑菇汁意粉香氣四溢、口感creamy,每一口都係松露嘅味道😛松露同蘑菇完美融合,仲有好多蘑菇添🍄意粉彈牙🍝🎃南瓜芝士蛋糕蛋糕嘅顏色同南瓜一模一樣🧡質地結實,濃郁南瓜味🎃鍾意南瓜嘅朋友一定會好鍾意😛🫘小倉紅豆牛乳口感綿密嘅小倉紅豆牛乳🫘🥛香甜紅豆味,加上滑溜溜嘅牛乳😛🍓草莓沙冰先將草莓切片,再將糖、冰、牛奶、水等材料混合攪拌成碎冰🧊沙冰帶有細膩綿滑,加上草莓本身嘅微酸,開胃清新又解渴🍓

家人在大埔的分店吃過，說味道不錯，剛巧今日響尖沙咀做運動，順便到這裏吃晚餐，環境日式懷舊Cafe，環境OK嘅。下晝5:00鐘左右去到好多吉枱，早食飯就係唔想等枱😂首先落單嗰個先生無厘頭，當時佢門口有成五至六個工作人員圍往響度傾偈，叫咗個男生過嚟佢問我係唔係落單我話係，跟住唔知噏乜嘢就走咗佢冇理我哋，搞到我哋頭岳岳，之後等咗2分鐘先至返嚟落單😂點左兩個咖喱牛肋肉蛋包飯、牛舌，紫薯牛奶、青森蘋果梳打。食物嚟到啦，首先杯梳打攪勻咗之後，梳打冇晒氣泡，飲唔到有蘋果嘅味道，只係面頭浮往幾粒蘋果肉，飲唔到啲咩味，飲咗兩啖就冇再飲，我朋友杯熱紫薯牛奶只係微微暖，我知牛奶係唔可大滾或者叫到煮得太熱，都不至於可以入口冇熱嘅感覺，燒牛舌味道幾好嘅肉夠厚身仲幾嫩，😊好啦，再嚟就係蛋包飯啦，我嗰個雞蛋有啲老，我朋友嗰個就好啲，都算啦，不過個炒飯底只係微微暖，質感仲係好似炒定一大鑊響度等有客人要就𢳂比你咁，炒飯味道唔好，我真係情願佢俾個熱啲嘅白飯底我仲好，再嚟攪笑嘅係日式咖喱飯嘅咖喱汁竟然冇乜咖喱味，呢個先好笑，食咗幾廿年日式咖喱真係未食過咁難食嘅日式咖喱蛋包飯😂呢間餐廳嘅味道只可以話應該唔會再幫襯囉😂