唯一雲貴川風味

营业中

休息中

成日見咁多人排隊,咪買外賣返屋企食,試下係咪真係咁好食,點知真係(伏伏伏),酸辣米線味道唔酸又唔辣,最伏係叫左兩碗米線,居然有一碗係無米線响入面,變左凈餸,咁低級嘅錯誤都有,真係唔會有下次

叫咗大辣三個餸雲吞、雲吞、腐竹$52；成碗都係紅油又唔喺好辣，勁難食！！！最後要多個碗，裝茶過油，先敢食叫咗又唔食會好浪費…埋單同個收銀講大辣成碗油呀，佢回覆“喺呀，大辣喺一碗油！！！！！！”OK，下次唔會再幫襯

把握港鐵最後一日搭車半價優惠去荃灣行下先，一直都想試下呢間米線啦，因為間中見啲全港米線推介，評分都係top 3嘅，所以今日一於試下，中午12點左右到達，門口有幾個人企嚮到，又唔似排緊隊，所以就直接入去睇下咩環境，已經即刻有位啦，所以估計佢地係等外賣嘅，入到去環境好普通，大圓枱坐6個人，我覺得個餐牌比較難睇，一味兩味咁，如果一味但叫兩味嘅餸唔知得唔得呢，姐姐又好忙唔得閒，所以只好跟佢餐牌果啲去叫啦，一碗麻辣雞米線小辣，一碗豬腩米線中辣，等左大約十分鐘有得食啦麻辣雞米線除左個雞係有少少麻辣味外，個湯底係偏酸辣嘅，想要麻辣湯點知變左酸辣，雞肉都多嘅，好淋身不過唔夠滑，而豬腩米線啲腩肉都唔少，夠辣不過唔夠香，味唔夠特出，而且好多油嚮面，碗米線唔可以一試難忘，打動唔到我再幫襯，試過就好了

一講荃灣米線，大家就會諗起唯一雲貴川風味呢間米線舖，可以話老字號。以前我經過荃灣一定要去食碗米線先走人，即使每次都人山人海，排長龍，吾理要等幾耐，都要食到為此！但呢幾年，已經覺得d米線越嚟越差，最討厭就系d亞姐服務態度差到嘔，又要齊人先入得，食完就趕你走咁，收起哂d嘢～依家好多出名米線舖有好多，吾須要食到趕頭趕命，唯一只可以説價錢仲糸好低食，大大碗雖然抵食，但碗米線辣得嚟超咸，味精重，食完狂飲水。

對我黎講佢係全港頭一二間雲南米線紅磡分店執完又開番喇 味道💯😊腩肉醬爆貢丸米線 大辣($45)🌶🌶🌶🌶🌶講明先 佢個辣係真辣😛🌶🔥唔食得嘅叫小辣 或者配料係辣嘅 就嗌唔辣喇😀湯底香濃不在話下 辣油好香 夠辣 唔麻 超正😋米線有質感 唔會腍到好似譚仔咁🙈到腩肉喇 入味 足料 大大塊 配埋少少辣油無得彈腩 肉 係 必 食😆醬爆丸多油 但餡好香 次次都忍唔住嗌埋😃酸菜都係招牌 酸酸甜甜 開胃😁早去可嗌要蔥 成碗麵再香啲👍🏻好鍾意呢間 雖然食飯時間要排隊 但好值得但環境唔算特別好 但我接受到👌🏻💯💯💯💯💯💯💯💯💯💯!

今天陪媽媽到荃灣買東西，之後她跟我說想吃那間極辣米線，起初我摸不著頭腦，後來我才知道媽媽所指的極辣米線是唯一雲貴川風味，我們差不多一年沒吃。我最深刻唯一雲貴川風味是它的辣度，記得第一次吃時「不知死活」，點了中辣，結果吃到鼻涕淚水流過不停，至此來吃米線都只選小辣。對著餐牌我苦惱好一會，不知吃甚麼配菜好，我記得這裡的雲吞不好吃，故撇除我的配菜名單，恰巧有食客跟我同樣想法說雲吞難吃。我忘了甚麼是豬頭肉，媽媽答即是豬耳，且這裡的豬頭肉蠻不錯，叫我試試看。最後我選配腩肉和豬頭肉，媽媽則吃腩肉和豬腸。雖然我點的是小辣，但其橘紅的湯色也能感受到它的辣度，辣得過癮。腩肉肉質軟腍，滷得入味，豬頭肉脆彈得很，頗有嚼感，豬腸處理乾淨，不會油膩膩的，三款豬配料各有風味。

自從喺荃灣返工開始，間唔中行過心思思都想食返碗米線，唔理佢外面人龍長到死，唔知要排幾耐，唔理佢加價加到飛起，都一定會去食！不過，睇怕今次都係最後一次！不停加不停加不停加價，所有價錢用卡紙蓋上去，加完又加，不過都係願者上釣啦！米線其貌不揚，我一向都叫佢做垃圾米線！我每次都係食少辣，不過今次食完之後，堅係覺得差咗好多！唔止啲餸比以前少咗、米線冇以前咁爽滑彈囗、啲湯仲好油，所以今次食完之後就肚子痛，今次食完真係怕怕！從前最恨食呢度嘅米線，依家竟然係怕咗食，真係可惜！

呢一間米線長期都排好多人，同左朋友都排左一陣隊，嗌左雲吞腩肉米線，米線好彈牙，雲吞都好吸引，呢一間米線份量都算好多，腩肉都好好味，味道辣得來又唔會太過份，岩岩好係你既最可以接受程度，下次會再來試下其他餸

荃灣一向都係米線重鎮，假期想去任何一間稍有名氣既，都有一隊長長既人龍，雲貴川就係其中之一，好彩平日既時候唔使點排已經有得食，米線發展到今日，每間名店既口味都唔同又各有追隨者，好難話邊一間係最好食，我鐘意雲貴川係佢自己醃既酸菜，開胃得泥可以中和番辣味既不適，米線亦有咬口，一碗出色既米線，單係湯底同米線已經令你食曬成碗，反而餸係其次

次次經過呢間都都排晒長龍😑以為夜晚就嚟關門冇咁多人 點知去到都系要排隊 真系好多人食啊🤧.👉🏻小辣湯底 腩肉+雲吞米線($45)淨系睇呢張相都見到碗野系有幾多腩肉😂腩肉肥瘦適中都好入味🤘🏻.雲吞就😢有一刻系到諗系咪叫錯左水餃 啲皮同水餃一樣咁厚🤧而且入面啲餡加左腐乳 酸酸地有啲怪.湯底同酸辣差唔多 有好多酸菜同芽菜系碗米線入面 不過個湯太油 聽人講好似話可以走油 可以試下走左佢🥳而米線就普普通通 但真系好多 多到食唔晒😂—————————————————唯一雲貴川風味荃灣四陂坊14號地下

平時晚餐時間黎一定要排隊，仲會好多餸都無，難得今日2:30左右去食，終於唔使排，想食既都食到，非常好。每次黎一定叫炸醬同豬潤，今次豬潤有少少失望，比較多筋難咬。芽菜依然好多，會食唔曬，但米線就少左，食完好似不太夠飽。今次發現d阿姐都幾好人，有客人第一次食，唔知叫咩餸，阿姐非常詳細介紹，唔食辣有咩咩揀，唔要酸可以走酸菜等等，係一間人流甘多甘忙既鋪做，有甘既服務態度好難得！呢間米線每隔一段時間就會想去食，好似中左毒甘

有別於X仔，呢度嘅米線非常重口味，湯底好濃郁，好多料，好辣，好勁....成日都聽到介紹，話嚟到荃灣必食嘅米線鋪就必定會有呢一間唯一雲貴川風味，呢度成日都要排隊等位，可想而知有幾旺場，不過加價加得好快，上兩年嚟都仲係$47三個餸，而家已經要$52三個餸，不過唔緊要，好食就得喇！因為知道佢啲餸本身就好辣，所以湯底就叫唔辣，廢事食得咁辛苦啦，裡面揀左三個餸，有豬耳，豬頭肉同埋腩肉，勁大碗，湯好濃味，啲餸都好辣好入味

經常都見到呢間野排長龍，所以平時都冇乜機會食，今日見冇乜人排隊，就過嚟試吓，思源之後覺得冇咩特別姐.....涼拌皮蛋($28)皮蛋係糖心，蛋白比較煙韌，糖心一般.....雞翼腐竹米線($45)自家製滷水雞翼，味道帶點甜味，估計係滷水汁裏裡加咗糖，富足嘅味道都好重口味，米線彈牙，不過湯底就敗筆⋯⋯只有酸菜味，而酸菜嘅味道亦都蓋過食物本身嘅味道，自問都係一個鍾意食酸嘅人，不過我都嫌佢太酸豬頭肉腐竹豆卜小窩米線 ($59)豬頭肉即係豬嘅面頰、豬耳頭等等，先用辣醬醃製，味道幾香，不過都係輸湯底，酸到一個點好唔好食，就真係見仁見智，不過要我排隊的話，我應該唔會選擇呢間🤷🏻‍♀️

一直以來呢一間唯一米線係我最鍾意食嘅米線，好耐冇食米線，今日突然非常想食，第一時間諗起嘅米線就係佢。😆下晏晝兩點鐘去到仲係非常多人係門口排隊，入面好多人好迫，我叫咗炸醬雞翼蘿蔔小辣米線外賣，外賣都等得幾快嘅。返到屋企打開碗米線，見到外表同以前一樣咁吸引。點知一食落就知道賴嘢啦！！唔知點解會米線有浸奇怪嘅唔屬於米線既味..😩炸醬都唔入味，雞翼算正常，蘿蔔就好甜好好食！可惜d麵線湯底唔掂，而且米線又煮太耐，所以成碗感覺好差！我由超級fans變到完全唔想再食呢間嘢😪😭👋點解會咁㗎，仲要成53蚊，諗返都嬲

諗住下午菜時間黎坐坐已經3點都仲超多人位都好難搵不過員工服務好好即刻幫你砌位抵贊入去之前已經聽講好出名真係好期待啊！即刻就叫左我最鐘意既酸辣腩肉米線好吸引！一黎個腩肉隻色已經令我流曬口水啦！不過點知名大於實米線過硬 唔知係咪太多人煮唔切好失望腩肉就唔錯肥瘦得宜但酸辣要加$7實太貴而酸味不足 被辣味蓋過再次很失望但勝在份量很多腩肉同米線都夠2個女仔食！女士建議可以少米 以免浪費但整體都是比期待中差不會再去