品記鮮粉人家私房菜館

营业中

休息中

一開始入秋就好想食羊朋友介紹呢間上年食過,今年決定帶埋我黎再encore! 由於朋友食過,所以佢就一早用定WhatsApp book枱, 原來話最好預早book定就最好,walk in真係驚有排等呢度羊腩煲售價288蚊呢個價錢送一份生菜配料就有埋炸枝竹,蒜苗,花菇,馬蹄份量都幾多,價錢算公道羊腩件食得出好香既南乳味,唔太多肥膏連埋羊腩皮都燜得幾入味,D配料索哂個醬汁先係重點最後點左份台山蠔,蝦滑同埋墨魚仔用黎打邊爐估唔到台山蠔size都幾大隻,同埋份量多同朋友都差啲食唔哂走果陣咁岩未夠7:30呢度原來7:30前埋單仲有88折tim,咁又真係唔錯woo!

第一次寫食評紀錄下☺️平時早食飯開，今次落下樓下食飯，搵到間早埋單88折的品記，環境大，所以點都會有位坐。天氣開始涼，就點咗個羊腩煲食，食羊腩煲怕佢太腍，呢間都算做得幾好。個煲重有炸枝竹、蒜苗、花菇、馬蹄、跟時菜，台山蠔，蝦滑，墨魚仔，生菜，呢啲咁豐富的羊腩煲啱晒我呢啲大食怪。食羊腩煲怕佢太腍，呢間都算做得幾好，同是其實佢都算多嘢，又有豬骨，同雞煲，酸菜魚...店員叫我下次WhatsApp 訂座，又幾好。

想食外賣又唔想出門可以點呢間火鍋店有全港自設嘅車隊原煲外賣全港都送貨解放咗廚房嘅媽媽如果外賣自取仲有額外九折添今日揀咗羊腩煲天氣開始進入秋天有少少涼意呢個時候食羊腩煲就最好啦羊腩嘅份量都唔少羊腩鮮嫩多汁配炸腐竹、馬蹄、花菇呢啲食材已經入味羊腩配腐乳醬更加好味腐乳醬有特別調味，搭配羊腩更加提鮮而且跟羊腩煲仲送一份生菜羊腩煲烚吓烚吓的時候落生菜生菜鮮甜爽口，中和返食羊腩時嘅重口味而且除咗羊腩煲仲有更多新鮮火鍋配料如果唔想食羊腩煲仲有其他特色火鍋可以選擇

今次去品記鮮粉人家試左烤魚。品記鮮粉人家嘅麻辣烤魚，唔止係辣，仲好好味。食落去每一口都可以感受到辣椒同香料嘅獨特風味，辣味十足，令人欲罷不能。烤魚肉質鮮嫩多汁，入口即化，同香料完美融合。麻辣味道令人口水直流，帶嚟一種舌尖上嘅快感。而烤魚外層烤得香脆，令口感更加豐富。總括而言，品記鮮粉人家嘅麻辣烤魚有豐富嘅口感，辣而唔失鮮美，絕對係辣味愛好者嘅絕佳之選。食完之後，加湯可以變打邊爐🥰品記鮮粉人家嘅手切牛肉，真係令人印象深刻。一咬落口，牛肉鮮嫩多汁，口感好出色。手切嘅技巧令每片牛肉厚度均勻，咬落去更加爽脆。牛肉嘅鮮甜味道在口中散開，帶嚟滿滿嘅肉香。無論係配合麻辣湯底定其他口味，手切牛肉都能夠為菜式增添豐富嘅口感同風味。品記鮮粉人家精心揀選優質牛肉，每一口都能夠感受到佢哋對食材質素嘅追求。如果你鍾意牛肉料理，絕對唔可以錯過佢哋嘅手切牛肉，真係好好食到爆😍

重慶雞煲真係一個好食嘅選擇！一隻只需$238，平均一個人都可以分到好多雞肉。佢唔止係好味，仲有一種麻辣嘅風味，真係令人上癮。我個人就好鍾意品記嘅重慶雞煲，佢嘅味道真係冇得輸其他餐廳。雞肉好滑好嫩，啲辣椒同香料嘅味道好搭配，食落真係夠味！我真心推薦大家試下呢個餐點！除咗食物好味之外，餐廳嘅氣氛亦非常好。好多人都嚟呢度同朋友一齊享受食物同埋閒聊。餐廳熱鬧嘅氣氛真係令人感到開心同放鬆。如果你想搵一個地方同朋友傾下計，嚟呢度絕對係一個不錯嘅選擇。總括而言，重慶雞煲係一個令人難以忘懷嘅餐點。唔止味道好，仲有熱鬧嘅餐廳氣氛，絕對可以帶俾你一個愉快嘅用餐體驗。如果你鍾意辣味同埋想試下正宗嘅重慶風味，記住一定要嚟呢度食重慶雞煲！

因為covid-19期間去左外國做嘢，番香港去番以前一直去開既雞煲，以為搬左環境好左。點知食物同服務差到呢。俾錢請我去都唔會再去。服務已經唔係以前咁咁有人情味，而家個個西口西面。雞煲都無左以前既味道，d雞好似雪藏咁。真係俾錢買難受。以後都唔會再去。I don’t expected that everything changed just several years, i would highly not recommended anyone to visit here, even the loyalty customer before, this restaurant is not value for money anymore.

住得近近地，所以每一次都係外賣個煲番屋企值得推介胡椒豬雞湯底用料充足 比我想像中仲多豬肚而且唔會俾琴過晒啲味蒜泥白肉佢係一層青瓜一層肉 辣得來又帶點清爽再加埋佢嘅醬汁係一個完美嘅組合🤣另外小食紅糖糍粑都勁正佢係另外比包紅糖 唔會淋哂麻辣湯底辣得來又香不過就真係比較辣嘅如果平時食開小辣嘅人就唔推介🤣最正嘅就係就算淨係叫湯底佢都會準備埋火鍋配料同埋豉油俾你暫時食過最失望嘅，只係炸大腸可能係同我想像中嘅炸大腸唔同同埋好硬😄

仲以為通關以後人沒有咁多，可以不限時添，嘻嘻！人流一樣咁多，都限時！地方寬敞，坐得舒服，價錢合理7:30前買單仲可以88折！食物出品種類繁多，味道ok，份量大，雞腳惹味，雞肉嫩滑，肥腸爽脆，小龍蝦🦞有點辣🥵！

爹哋朋友介紹去到土瓜灣試吓大受歡迎嘅雞煲火鍋小菜。爹哋叫咗個中辣雞煲加牛根腩，好彩我都算食到辣，如果唔係我就唔使食啦我就好鍾意食牛，加咗牛筋腩之後更加好食又啱我食。雞煲食到7788 ，加湯再打邊爐，叫多份本地手切牛，擺盤非常好睇，肉質鮮嫩夠哂牛味另外要特別提提份炸大腸，炸得又香又脆，食完一舊又一舊停唔到口大家有機會都一定要試吓，真心推介臨走爹哋仲同朋友講「今次你真係冇介紹錯，我都要介紹其他朋友嚟食吓。」

今次相約朋友收工去土瓜灣打邊爐，而家有地鐵線過嚟非常方便.出地鐵站行5分鐘左右就搵到。好彩預早book定枱，人流非常多。食物品質好，又有好多種火鍋類選擇.今次試左豬骨鍋。份量都唔細，每舊豬骨都好大件. 5人行食到好滿足。呢間一定會再嚟👍😃

屋企人想打邊爐，又唔想出街，又唔想整，就試吓土瓜灣品記外賣 送貨 🙌🏼🙌🏼😆即日訂，即晚就送到屋企樓下，非常方便👍🏻 試咗 豬骨煲 ，毛肚，黑柏葉，自家製韭菜餃，夫妻肺片，白灼豬粉腸，冰凍黑糖 冰粉，全部都好好味，用料十足，價錢合理，食物種類選擇多，下次會再試👍🏻👍🏻😋😋😋

最近去咗土瓜灣嘅品記鮮粉人家試咗佢哋嘅豬骨湯火鍋湯底，加咗手切牛肉、毛肚、台山蠔同埋白灼三鮮。餐廳有7:30前埋單88折優惠，可以食到好嘢，又唔使咁貴。環境都乾淨企理，坐得幾舒服😁至於食物，豬骨湯底好鮮甜，一飲就覺得舒服。手切牛肉同埋毛肚切得幾薄，入口即化，好滑好嫩。台山蠔同白灼三鮮都好新鮮，留下左好印象。😍總括而言，品記鮮粉人家嘅豬骨湯火鍋鮮甜入味，配料新鮮、好味，價錢亦都好合理。優惠同埋訂座服務都好方便，真係可以考慮去試下呢間餐廳啊。👍🏻

同朋友一起食飯，最啱一邊傾下計，一邊打邊爐！個fd一早用whatsapp訂左位，所以唔駛等就入得！湯底：胡椒豬肚雞火鍋最緊要靚湯底！今次叫左胡椒豬肚雞煲，夠曬特色！😉 胡椒味濃，又足料，正！豬肚爽，雞肉嫩！淨係湯底已經好飽喇！火鍋料：台山蠔、手切牛🐂本身係蠔既Fans!隻隻蠔都肥嘟嘟白雪雪，必點！打邊爐一定要食牛！佢既手切牛好新鮮，油花平均入口即溶！味覺既享受！小食：黃金皮蛋、泡椒鳳爪、絕味雞腳、桂花冰粉選擇困難症😂 泡椒鳳爪辣得過癮，絕味雞腳咁哂濃味，各有優點！ 黃金皮蛋比普通皮蛋蛋味更重！食完濃味野，食番個清甜桂花冰粉，完美結束！整體而言，坐得舒服啱哂同三五知己一起黎！7：30前埋單仲有88折，下次可以放假再黎食！😋

呢幾日更氣又凍返少少 雞煲癮又開始發作🫢餐廳係朋友屋企附近 佢食過話幾好食跟手就比左個電話號碼我whatsapp訂位🥘重慶雞煲啲雞入哂味😋😋香味撲鼻👃🏻👃🏻仲要有大量 我最愛的紫洋蔥💜🧅🥘台山蠔每隻都好肥美😋😋雞煲襯托出蠔嘅鮮味 鮮甜爽脆🥘手切牛肉牛味重 花紋均勻 🥰師傅刀工🔪🔪了得 每片切到厚薄適中 牛肉配上雞煲個湯底 正👍🏻因為雞煲已經好夠味 牛肉唔洗再點任何醬汁🥘黃金皮蛋呢批皮蛋好靚😋😋蛋白位置好Q彈 蛋黃位置又夠軟心 😋食幾啖雞煲 就想食舊皮蛋 大家都係重口味🤤🤤正正子🤘🏿初頭爭啲比隔離檯 盤酸菜魚吸走左🫣好彩無忘初心 最後都係揀返雞煲😎原來19:30前埋單 有88折🤑🤑岩哂我呢啲 可以早食飯嘅廢青😆

今日去土瓜灣搵一個好耐冇見嘅朋友食飯，朋友話book左呢間火鍋店，帶我食好嘢喎～入到去地方好闊落，平日日子都幾多顧客，感覺質素應該不錯！幸好朋友話一早訂好位，直接用whatsapp訂位，好方便！！！朋友話想食豬骨煲，份量都幾多下，豬骨大大筒，好多肉多汁，湯底好清甜。叫多碟手切牛打邊爐，牛肉肉質爽滑。另外，小食點左一碟絕味雞腳同泡椒鳳爪，飲番杯清涼啤酒，確係爽！我哋係7:30前埋單，原來仲有88折添，都幾抵食！！！