品記鮮粉人家私房菜館

品记火锅， 一直都知好量， 所以我要5:30就要去攞位, 入去叫佢最出名就系𠮶个重庆鸡煲跟住之后就打边炉. 店员会好悉心介绍个鸡煲蒸18分钟后可以食， 仲有个漏斗比我地计时添。时间岩岩好， 啲鸡又香又滑， 味啱啱好. 食完我地地就转战打边炉.…查看更多

全靠朋友介绍带路先认识到呢间餐厅！系有种室内大排档嘅feel真系好啱一大班朋友过嚟聚会柴娃娃！冷气都几足够！我哋都几多人去，所以分开咗两张枱一台食鸡煲一台打边炉满足唔同人嘅需要。目测舖头好多都系熟客过去食嘢~建议都系要早啲book位~嗌咗好多嘢食啊，每样食材都几新鲜唔错，同埋个汤底都几坚~唔会食完好口渴~除咗打边炉之外，另外仲有好多炸物，质素都唔错。Menu上实在有太多选择~花多眼乱多人食嘅话其实人均价钱都几OK ~开返打啤酒 happy~…查看更多

朋友推介的网红店，位置唔算方便，一上到楼开lift入去就见到全场爆满，人气非常旺。整体感觉大排档格局，枱与枱之间好近，坐位偏逼，系无靠背𠮶啲圆椅，坐得唔太舒服。开胃小菜水准高，无论椒盐小菜定凉伴冷盘，都味道惹味，几款都真心好好食。打边炉方面，汤底系几鲜味同唔太重味精味，亦唔会死咸；配料新鲜，肉类同蔬菜都处理得干净，落锅后口感唔错；仲有战斗碗装啤酒。唔怪得咁多人帮衬，不过真系好好好嘈，讲嘢要提高音量先听到对方讲乜，播生日歌𠮶阵更加夸张，完成无法倾计。适合一班朋友热闹聚餐，但未必太适合想静静地倾下偈食下野嘅人。…查看更多

屯马线开通咗之后，嚟土瓜湾方便咗好多好多，带旺左好多旧区，而且旧区租金嘅水平都同油尖旺有唔同，所以价格都会比较相宜。今次系一大班朋友聚餐,好彩每碟份量都好多,够我地食呢间店之前疫情都帮衬过，外卖有个煲跟埋都几得意，就咁可以拎上去电磁炉攞嚟打边炉，今次OT完就提议过嚟呢度打个边炉，食物都选择多，牛肉特别深刻印象牛肉够滑，而且好有牛肉味其他配料都新鲜正常招牌鸡肉全部去哂骨,几特别！,鸡子正常发挥,清汤牛腩汤底可以另加牛坑腩,整体食物水平中上…查看更多

已经食咗几次重庆鸡煲，又试过萝卜牛腩煲，猪筒骨蚬煲同埋花胶养生鸡锅，全部都系外卖送递，原煲(好似盆菜嘅盘）送到，明火或者放喺电磁炉加热10至15分钟就食得，个盘又可以之后用，又唔使用好多个胶兜咁环保。食物味道好好，份量够大，非常足料。鸡煲仲会送麻辣酱，食完啲鸡加水或者上汤就可以打边炉，可以随便加火锅配料，都好多选择。另外，佢啲小菜同埋小食都好好食，都系几十蚊蚊有个小菜。有时仲会有饮品有特价，十几蚊就有支大支装啤酒，咁嘅价钱真系超抵食。…查看更多