品記鮮粉人家私房菜館

营业中

休息中

土瓜灣附近做嘢，睇見有間餐廳有羊腩煲食，所以就放工買返屋企去試下😍餐廳感覺有少少似室內嘅大排檔😆e家餐廳外賣免費送貨，自取仲有9折🥰餐廳係原煲拎走，所以返屋企用電磁爐加熱就可以👍🏻岩哂我地e d上班族🤗羊腩煲跟左一份生菜，配炸枝竹，蒜苗，花菇，馬蹄😍炸枝竹，好入味好香😋生菜同羊腩煲嘅湯底好夾😆講返主角羊腩，食落啖啖肉無骨，味道唔羶，夠哂淋🤩食完仲暖笠笠，我地仲自己加左唔少火鍋配料😋用個湯底黎打埋邊爐👍🏻

天氣開始凍，羊腩煲係秋冬必食既暖身之選! 聽朋友介紹土瓜灣呢間品記鮮粉人家既羊腩煲，話高質又好味，於是就外賣左番屋企食，外賣自取仲有9折添羊腩煲 $288外賣個煲可以直接用電磁爐加熱，非常方便！暖笠笠既羊腩煲真係好正，入面份量都幾多同足料，都有成十幾件，而且羊腩啖啖肉又無骨，老人家小朋友都可以放心食！羊腩唔羶又夠淋，真係不錯！配料有枝竹、蒜苗、花菇同馬蹄等，全部索晒醬汁好入味！想再重口味D仲可以點埋腐乳醬，另外仲會跟一份生菜！性價比好高～

天氣開始凍，想食個羊腩煲暖下身，但肥仔又懶，唔想落街買，所以試下品記嘅外賣送貨，因此有9折！🔥🔥羊腩煲羊腩煲內面好足料呀！288蚊有十幾件羊腩，全部啖啖肉無骨，完全下欄位㗎！而且煮得夠諗身，肉質唔會乾同柴，吸晒啲汁水夠juicy!!仲配有炸枝竹、蒜菌、花菇、馬蹄、同送一份生菜。配菜都好有心整，用炸枝竹，味道好香；花菇好厚身。總結，羊腩煲外賣依然好食，買返屋企食又平又唔洗同人迫，chill值之選！

秋冬開始當然要食羊腩煲啦！朋友介紹呢間外賣自取嘅羊腩煲都幾好食，喺屋企食就最嘆最舒服啦～🍴羊腩煲 $288送左一份生菜，配料有炸枝竹、蒜苗、花菇、仲有時菜，另外會跟醬料。我哋仲加多咗一份生蠔，生蠔嘅鮮味加上羊腩煲汁嘅香，非常好食！份量嚟講呢個價錢都好多，有十幾舊。唔怕佢會羶，而且肉質夠晒淋。最方便嘅係基本咩都唔使自己準備，可以連埋個煲拎走，返到屋企放上電磁爐就食啦🫕🐏 呢個冬天可以係咁喺屋企食羊腩煲啦！

9個人去打邊爐，比左張大圓枱，中間一個爐，坐得好舒服叫左好多野，放曬上枱都唔會迫到冇位食野叫左鴛鴦鍋，麻辣+皮蛋芫茜麻辣鍋花椒有D多，食耐左個湯底會麻到苦，建議可以食到一半就撈起D花椒先用QR code 落單，每碟都有相睇，好方便，都可以寫紙牛肉完全係有驚喜，手切本地肥牛同頂級雪花肥牛都好好食😋剩係睇花紋都正，份量都多，唔會每人一塊就冇曬黑牛栢片唔差響鈴卷係即炸，仲有碟泰式辣醬比你可以就咁食，但我自己鐘意浸湯底，索曬D麻辣味，超好食竹笙必點，超大條，好厚身，成隻手掌咁大條羊肉就正常蒜泥白肉就同想像中有些少出入，比較似手拍青瓜既味，唔係譚仔個種另外，幾欣賞佢野食，一渣可以倒3-4杯，但唔建議叫檸檬茶，因為一大渣得6-7片檸檬，係個渣到又好難吉，搞到冇乜味咁整體黎講係舒服，抵食，下次同一大班人食一齊會黎

之前聽朋友講過呢間羊腩煲好食係土瓜灣，終於等到天氣涼d可以食🤤見有得食涼拌魚皮又試一試，又幾好食好爽彈，涼拌汁夠入味👍🏻上面既炸花生都好香脆食唔停口😝羊腩煲！！大大煲一上枱已經好香正呀啖啖肉🤩🤩又唔會太騷夠晒肥美，連皮食好正再加埋靈魂既腐乳醬無得輸！！！入面既配料都有好多有炸枝竹、蒜苗、花菇、馬蹄炸枝竹真係索晒d汁好正！蒜苗、花菇、馬蹄都係好夠味最緊要係佢個味調較得好鹹味適中👍🏻仲會送一份生菜我地仲揀左本地手切牛肉見到d油花分布就知正🤤除左牛肉，仲有鮮鵝腸👍🏻正呀夠爽脆既口感！清理得都幾乾淨，抵讚！

去咗食7次，野食吾差，近一次推介朋友去試下，共12個人Book枱，想8點入場，職員只係可以食120分鐘 話要8:30入場先可以任坐 大佬 12人食得飯緊係想坐耐啲但職員

入秋趁天氣涼涼地就係打邊爐食雞煲啦😆早幾日約左朋友到土瓜灣食飯，又唔錯喎一坐低第一時間就嗌左涼拌魚皮先，因為太肚餓喇！諗住涼拌野會快啲到先😛之後等咗一陣重慶雞煲就上枱lu，熱辣辣一隻雞先$238，餐廳既秘製醬料辣得好過癮🥵雞雞份量多又幾滑食到甘上下就加湯打邊爐，我地叫左手切牛肉(食肉獸又點少得😈我就鍾意食手切嘅牛肉入口更有口感)跟住仲嗌左碟鮮鵝腸同墨魚滑(爽彈又有咬口，擁有墨魚本身的鮮甜味)，呢兩樣平時打邊爐又係一定會叫嘅！

今次去咗土瓜灣食一間火鍋見到網上評價都唔錯😆✨一於就試吓 一試就發現佢哋嘅餸菜選擇都多，食物都好食，最緊要係價錢都貼地～嗰日就試咗豬骨煲同埋手切牛肉❤️價錢唔貴，份量都多，同幾個朋友一齊食都夠食🥳牛肉仲要幾入味添～鮮鵝腸我都係第一次食咋😙但比想像中好食，佢哋處理得好乾淨同新鮮🙆🏻‍♀️食落去爽口彈牙🥳打邊爐就一定會叫魚皮，但通常都係炸魚皮😂😂😂涼拌魚皮我都係第一次食咋⋯味道開胃幾特別！凍檸茶一渣叫咁多😆就唔怕唔夠飲啦⋯有時打邊爐太重口味點都要飲返啲嘢嘅☺️

⭐️ 豬骨煲這道菜以豬骨熬煮出的湯頭為基礎，湯底濃郁鮮美，帶有濃厚的豬骨香氣。湯中的豬肉塊軟嫩多汁，入口即化。此外，湯中還加入了一些蔬菜和香料，增添了豐富的層次感。整體而言，豬骨煲是一道令人滿意的熱湯料理。🔸 手切牛肉嫩滑的牛肉為主角，肉質鮮嫩多汁。牛肉經過適當的處理，保持了肉汁和口感的完整性。配合著調味料和香料的提味，手切牛肉散發出誘人的香氣，讓人食指大動。🔸 鮮鵝腸鵝腸經過適當的處理，口感爽脆，並且保留了鵝腸的鮮甜風味。搭配一些微辣的調味料，鮮鵝腸帶來了一種獨特而美味的風味體驗。🔸 墨魚滑質地柔軟順滑，口感獨特。它散發著淡淡的海鮮香氣，搭配著一些清淡的調味料，帶來了一種清新的口味。⭐️ 凍檸茶一渣鮮檸檬的香氣和微微的酸甜味道，是一個不錯的選擇。

我最近去咗一間土瓜灣附近打邊爐，試咗幾款特色菜式，包括湯底豬骨煲、手切牛肉、涼拌魚皮同墨魚滑。首先講返湯底豬骨煲，呢個湯底真係濃郁香濃。湯底以豬骨煮成，燉煮咗好耐嘅時間，味道濃郁鮮美。其次係手切牛肉。牛肉本身帶有豐富嘅牛肉香味，與湯底相互襯托，味道更加突出。再來講涼拌魚皮，呢個菜式非常清新開胃。魚皮薄脆，口感爽脆，搭配上特製的涼拌醬汁，味道酸甜微辣，非常開胃。魚皮本身沒有太多的腥味，而且吃起來清爽不膩口，非常適合作為火鍋的開胃菜。接著是墨魚滑，用墨魚肉和澄粉製成，搭配上湯底煮熟，吸收了湯底的味道，更加好味。

打邊爐真係打極都唔厭㗎🥘 前排就去咗土瓜灣品記試咗佢哋嘅花膠養生鍋（$198）😋 湯底雖然唔係好濃 但都好足料 夠晒地道🥰本地手切牛肉 $188 （⭐️⭐️⭐️⭐️)牛味好濃🥩 脂肪分佈得啱啱好💕墨魚滑 $68 (⭐️⭐️⭐️⭐️)份量適中 而且好彈牙🤩韭菜豬肉餃 $68 (⭐️⭐️⭐️⭐️⭐️)呢個佢地自己包㗎 皮薄餡多 韭菜好香😚炸響鈴 $38 (⭐️⭐️⭐️⭐️)同出面食嘅唔同 完全冇油膱味 可以食好多條🤓鮮鵝腸 $68 (⭐️⭐️⭐️⭐️)都唔錯 有d肥膏 好食😋魚麵 $38 (⭐️⭐️⭐️⭐️)有魚味 脹卜卜咁 幾特別😙

價錢味道性價比都好高，外賣自取仲有九折優惠，見到仲有得送貨，不過屋企住喺附近成日都過去拎，仲有個煲可以跟埋，都係加多$10，可以直接放上電磁爐加熱就食得。推介胡椒豬肚雞同埋豬骨煲，份量夠之餘，味道仲好好，啱晒食肉獸，不過提早啲落單，因為都幾多人叫，上到去即刻都有得拎唔使等 WhatsApp落定單會比較好呢度嘅自製韭菜餃子都好好食 ，有時同屋企人打邊爐都專登買多啲，平時都可以就咁整嚟食，餡料好足，而且價錢都唔貴

據聞品記係幾十年火鍋老店 供應唔少特式火鍋 配料種類繁多 靚牛、魚片、海鮮、手打丸、內臟等包羅萬有 小食有麻辣小龍蝦🦞烤大腸、鹵水、涼拌、糍粑都有！佢嘅烤魚雞煲嘅調味同辣度唔少人都比好評 今次就try try佢羊腩煲！。。。🦔最吸引係做緊外賣自取有9折❗亦自設車隊 滿$300仲可免費送貨至紅磡/黃埔/何文田/土瓜灣 滿$600就九龍區免運費 滿$1000就全港🤭。。。🦔羊腩煲 $288好方便咁原煲上 就咁加熱可以直接開始bino之旅😆材料滿足的！枝竹量好多 主角羊腩質感恰好夠肥美 配上靈魂腐乳醬👍🏿香濃湯汁配埋白飯就super good!

呢日又去咗土瓜灣同親戚食飯，帶咗我哋去食佢哋成日encore嘅餐廳～羊腩煲🐑🥩 $288最近天氣開始有啲涼快，就點咗熱辣辣🔥嘅羊腩煲溫吓胃～羊腩煲幾足料，羊肉炆得好入味又夠腍，初時見到定價覺得好似有啲貴，但原來食羊腩煲裡面有好多配料，有炸枝竹、蒜苗、花菇、馬蹄、菜，仲送咗一份生菜🥬另外仲追加咗台山蠔🦪、蝦滑🦐同墨魚仔，加埋落羊腩煲一齊煮，全部都掛滿羊腩煲醬汁，惹味得嚟又有鮮味🤭我哋岩岩好7:30pm前埋咗單，享用到88折優惠🥰，下次試吓whatsapp訂位，唔洗喺門口等～