品記鮮粉人家私房菜館

营业中

休息中

呢晚同屋企人落咗土瓜灣食飯, 親戚揀咗呢間港式大排檔一齊打邊爐😌 冇諗到土瓜灣都有咁正嘅室內私房菜~地方闊落, 坐得夠舒適, 好有大排檔格局👍🏻~ 我哋嘅湯底嗌咗豬筒骨煲, 佢係豬筒骨配搭雞腳, 粟米同蘿蔔, 小丸子正到連豬筒骨都啜埋骨髓出黎湯底係超香嘅胡椒香味, 超香濃, 係滾野食之前都忍唔住飲咗幾碗呀😋邊爐款式都算幾多, 除咗一般丸類, 餃子類, 蔬菜外, 仲有好多精選配料~我哋特別嗌咗即開生蠔拼雞子, 生蠔好新鮮, 隻隻都有一隻手咁大隻呀! 味道夠鮮甜, 超推介~生蠔上面仲有男士中意食嘅雞子, 大大粒, Q彈又爽汁, 豬生都話正啊😍~另外肥牛嗌咗手切肥牛一碟, 大大碟, 有牛肉味重點係手切牛可以保留牛肉本身嘅筋, 食落口感超佳😚估唔到佢仲有早鳥優惠, 我哋7:30前離座有88折添真係好抵食呀✌🏻!

呢間品記鮮粉絕對係深夜食宵夜嘅好地方，尤其適合喜歡重口味同熱鬧氣氛嘅朋友😜餐廳主打食雞煲，價錢合理且份量十足，加上開到凌晨3:00，仲有足球直播，岩哂夜貓一族啦🤩重慶雞煲係餐廳招牌之一，每煲$248，入邊有成隻雞，香辣惹味，令人一試難忘🤤食完雞煲仲可以免費加湯，變身打邊爐，配搭冰凍啤酒更加過癮🍻台山桶蠔必試，每份都有八大隻，蠔新鮮又肉質飽滿🦪另外每份$128嘅滑牛，牛肉肉質新鮮，雖然唔肥但肉味濃厚，加埋雞蛋撈埋食更加嫩滑順口😋

呢間餐廳真係拉高曬我對一般餐廳質素既水準。呢間餐廳除咗可以打邊爐之外，仲有得食雞煲酸菜魚又或者羊腩煲等煲類食物🥘。 💞推薦原因：大推呢度既小食同小炒！🔥🔥🔥頭盤都做到咁出色，首推皮蛋同埋海蜇！其次推薦椒鹽九肚魚～ 呢樣真係必食‼️‼️‼️ 一定裂黎到叫呢樣！ 火鍋🍲食材： 我私心推薦竹笙，呢間餐廳嘅竹笙有手掌咁大條。一啖係食唔曬， 超吸湯， 超正🤩。其次推薦招牌手切牛肉，肉味香濃，肉質鮮嫩。因為呢一日我係同同事慶祝生日，原來呢間餐廳係會全場播生日歌， 超有氣氛！重點係隔籬枱啲朋友仔都會好熱情咁同你講生日快樂。如果係一大班人慶祝嘅話好推薦你地黎間餐廳🩷🩷

情人節晚餐雞煲確實非常好食惹味❤️值得一試手切肥牛一流❤️超嫩滑新鮮即炸油炸鬼外脆內軟😋打邊爐一流服務一流，直接在我們面前即炒雞煲竹蔗茅根足料鮮甜，下火一流🫶

今晚一家人食飯，食物一般正常，但係食飯途中講明8:30還枱，但係7:30突然間有個阿嬸侍應過嚟話有台客嚟要張大枱，我話我好快食完快啲還張枱俾你，但係呢位阿嬸都夾硬叫同事搬走我啲餸去隔籬枱。食飯中途有小朋友都夾硬搬枱，呢種餐廳服務香港聽都未聽過。好生意都唔係咁做嘅。。。

係室內港式大排檔打邊爐😍😍麻辣火鍋好惹味，味道好夠又唔會蓋過食材味道🫶🏻用勝利碗飲啤酒是必須的🍺🍺 (香港人的浪漫)滑牛配蛋黃🥚🥚🥚有蛋黃既加持令鮮牛肉更加嫩滑蛋黃外層鎖住牛肉肉汁🥩🥩脆鯛魚片🐟🐟入口好爽脆，完全無骨，啖啖肉魚肉好鮮甜，好新鮮去骨文昌雞🐔🐔🐔連雞腎都有埋，肉質彈牙，完全唔柴必點，認真，平時唔鐘意打邊爐雞肉既都一定會愛上❤️即炸響鈴卷🥢🥢🥢即叫即炸超級熱可以直接點泰式辣醬當小食 or 浸湯食一樣咁正👍🏻👍🏻自家製韮菜餃🥟🥟皮薄餡靚，豬肉同韭菜比例岩岩好，好足料

天氣凍最中意就係打邊爐，2個人就唔想麻煩，我同男朋友就會揀係出面食啦，而呢間我地都成日去食。🐒重慶麻辣雞煲(半隻)💰$188🐒手切本地肥牛💰$188呢到啲雞都好嫩，唔會話煮得耐就好鞋，食完啲雞開左個胃就可以打邊爐la，仲有啲小食都好豐富😂手切牛質素都好好，有油花又唔會膩肥瘦相間，都幾重牛味。🐒炸手打芝心牛丸💰$88🐒秘製檸檬豬手💰$68🐒黃金皮蛋配酸薑💰$38 首先我地中意呢到既原因係佢有好多小食揀，好似芝心牛丸咁，重牛味之外仲要係流心，每次都必嗌而豬手同皮蛋都好開胃🤤就算係同fd黎都可以有好多唔同選擇大家share，緊有一款岩大家

今日就同朋友去左係土瓜灣既品記鮮粉人家私房菜館, 餐廳座位闊落, 除左火鍋, 都有唔少特色小菜選擇原條香辣烤魚可以選擇不同的辣度，面頭鋪滿辣椒同香料,用上原條嘅海鱸魚，魚肉新鮮嫩滑，啖啖肉, 魚皮好香口爽脆，旁邊既配菜吸收晒d 麻辣汁，香辣惹味, 食到咁上下仲可以加清湯打邊爐炸蝦卷用新鮮蝦滑製成，蝦肉新鮮, 咬落彈牙，外層用腐皮包住，炸到好香脆, 點埋酸酸甜甜既醬汁, 幾開胃少爺骨有陣陣嘅燒烤香味，肉質有嚼勁，少少辣好惹味

宵夜好選擇，可以去土瓜灣既品記。開到凌晨3:00am，仲有足球直播，可以一齊睇波，氣氛熱鬧到爆，一班人吹水打邊爐個feel好正。多款煲底選擇，五指毛桃文昌雞煲$228，飲落就知真材實料，湯底用五指毛桃和海底椰熬成，好清甜。文昌雞雞肉嫩滑，煮幾十秒就食得，全部去晒骨，食落超方便😂懶人必點跟住叫咗即開嘅湛江特大生蠔$158半打，生蠔新鮮無得輸，手掌咁大，味道清甜！坐得舒服又有氣氛，食物更加係物超所值。

位於土瓜灣的品記鮮粉人家真係一個唔錯嘅選擇！餐廳環境大，價錢方面相當親民，性價比高！豬筒骨煲$198大大煲，湯底香濃，骨髓啖啖味，就咁當湯飲已經好香好正！兩個人食多半隻無骨文昌雞$128，雞肉鮮嫩冇腥味，去晒骨食超爽。海鱸魚片都係起晒骨，新鮮滑嫩。最愛嘅係靚肥牛$108，牛肉味十足，見到雪花均衡，好抵食！仲叫埋新鮮雞腸，食落甘香。早鳥優惠7:30pm前離座仲有八八折，個人認為真係好抵食，一大班朋友去食最岩！

［土瓜灣外賣盆菜🥘・品記鮮粉人家私房菜館］😳話咁快又到年尾, 臨近冬至❄️品記的外賣盆菜抵食、好味又足料,好啱我口味~🚗設自家車隊, 送到嚟仲係熱的😍🆓購物滿$1000包免費送貨4人＄688｜8人＄1188｜12人＄1388🔸盆菜8人份🥘 $1188🧑🏻‍🍳食材豐富, 份量足☑️南非鮑魚, 海虎蝦, 花菇, 燒鴨同腩肉等食材新鮮，送到嚟樓下都仲係熱辣辣，唔係嗰啲冰封盆菜!!🤍最中意食白蘿蔔, 無渣好入味😋花菇亦都好厚肉，腩肉新鮮

今日去開土瓜灣，就約個frd食下飯打邊爐，佢就帶咗我嚟品記！枱與枱之間都幾闊落，就算人好多都唔會好迫，都坐得幾舒服五指毛桃文昌雞煲$228同朋友叫咗個雞煲，嚟到個湯底好清好香，問店員原來湯底係用五指毛桃海底椰同雞骨煲嘅，湯底清甜香濃，令人未食都想飲返幾啖先，呢個湯底會包埋半隻起骨嘅文昌雞追加半隻文昌雞$128由於我同朋友都係雞控，所以再另外追加咗半隻雞，都係起晒骨，仲有啲芹菜同蔥粒增加口感，好香口。餐廳仲有一個沙薑青檸嘅醬汁配埋，口感清新，出奇哋夾仲另外叫咗碟滑牛，新鮮嘅牛肉，雖然油花唔豐富，但係好有牛肉味，加上雞蛋口感嫩滑，唔錯唔錯下次會再嚟叫下其他菜品

喺社交平台睇到廣告 幾新穎嘅食法，將雞骨同雞肉分開，用雞骨去熬湯，加埋五指毛桃海底椰，出嚟有嘅椰子香，湯頭嘅味道唔錯，不過第一啖飲落去有啲淡，啲雞骨都係要熬一陣間之後好好多，而且湯嘅份量都OK，四個人分都夠，之後可以加返湯打邊爐。起咗骨嘅雞肉，煮1分鐘到就食得，雞皮爽，雞肉都算滑，去咗骨大人細佬都啱食，而且仲有個青檸嘅醬汁，好開胃‼️仲試咗啲其他嘅小菜，炸蝦卷不過不失，涼拌皮蛋配酸薑最出色嘅都係炸大腸夠脆又夠香

由祟潔街開鋪至今一直有光顧呢間食店，但係越食越失望😮‍💨價錢貴左合理嘅，始終香港地租金人工乜都加，明白佢哋生意越做越大，但工作態度亦都越黎越市井，以前親民嘅態度已不復再。除左時間限制外，接待處的服務員態度非常不耐煩：（有時出街食飯，除咗享受舊食物，其實都係想唔洗煮輕輕鬆鬆食一餐，如果食到趕頭趕命，俾人反白眼嘅話，我做咩要受罪。食物質素是可以的，不過呢區要搵嘢食，有質素嘅，其實都有好多選擇，經過今次經驗，都冇咩理由再去了。

土瓜灣最高質嘅邊爐就算外賣返屋企個味道都係keep住好食大桶骨煲有四大嚿骨，入面有好多骨髓，可以啜晒啲精華，而且入面仲有啲蔬菜配菜，粟米超甜好好食，睇得出呢個煲非常用心，佢嘅湯好好飲，我都飲咗好多碗，再用呢個湯去打邊爐真係正到爆！！！呢個湯底煮乜都好食，大推！文昌雞無骨-呢個雞又係好好食，好有咬口，好有雞味，最重要要起晒骨，好方便黑毛豬呢個豬一食就知係高質豬，豬味好濃同好香，成碟我食晒，非常推薦。